Tag:

Vivekananda Educational Institute

Wedding of Kaustubh Gawade and Mayuri Patil

कौस्तुभ गावडे व मयुरी पाटील यांचा विवाह संपन्न

by प्रतिनिधी February 5, 2026

written by प्रतिनिधी

कोल्हापूर : येथील श्री स्वामी विवेकानंद शिक्षण संस्थेचे संस्थापक शिक्षणमहर्षी डॉ. बापूजी साळुंखे यांचे पणतु व संस्थेचे कार्याध्यक्ष प्राचार्य अभयकुमार साळुंखे यांचे नातू कौस्तुभ मुरलीधर गावडे यांचा विवाह लहू कृष्णा पाटील यांची कन्या मयुरी यांच्याशी मोठया थाटामाटात संपन्न झाला. मंगळवार ३ फेब्रुवारी रोजी महासैनिक दरबार हॉल येथे झालेल्या विवाह समारंभास मान्यवरांनी वधुवरांना आशीर्वाद दिले. (Wedding of Kaustubh Gawade and Mayuri Patil)

यावेळी वधुवरांना खासदार श्रीमंत छत्रपती शाहू महाराज, युवराज संभाजीराजे, छत्रपती मालोजीराजे, संस्थेचे अध्यक्ष उच्च व तंत्रशिक्षण मंत्री चंद्रकांत पाटील, खासदार धनंजय महाडिक, खासदार धैर्यशिल माने, आमदार अमल महाडिक, जिल्हाधिकारी मा.अमोल येडगे, महानगरपालिकेच्या आयुक्त के.मंजुलक्ष्मी, जिल्हा परिषदेचे मुख्य कार्यकारी अधिकारी कार्तिकेयन, अतिरिक्त जिल्हाधिकारी सुशांत खांडेकर, पोलिस अधीक्षक योगेशकुमार गुप्ता माजी खासदार निवेदिता माने, खासदार संजय मंडलिक, माजी आमदार प्रकाश आवाडे, महादेवराव महाडिक, संजयबाबा घाटगे, ऋतुराज पाटील, जयश्री जाधव, डी.वा.पाटील विद्यापीठाचे संजय डी.पाटील, समरजितसिंह घाटगे, शिवाजी विद्यापीठाच्या प्र.कुलगुरु डॉ.ज्योती जाधव, माजी कुलगुरु माणिकराव साळुंखे, डॉ.डी.टी.शिर्के, पुणे विभागाचे शिक्षण संचालक शैलेश देवळाणकर, कोल्हापूर विभागाचे शिक्षण सहसंचालक डॉ.प्रकाश बच्छाव, शिवाजी विद्यापीठाचे कुलसचिव डॉ.व्ही.एन.शिंदे, प्राचार्य क्रांतीकुमार पाटील, मंजिरी देसाई, माजी महापौर महादेवराव आडगुळे, आर.के.पोवार, सागर चव्हाण, सई खराडे, दादा लाड, सुभाष नागेशकर, माजी नगरसेवक सत्यजित कदम , प्रा.जयंत पाटील, नंदकुमार मोरे, नगरसेविका.रुपाराणी निकम, यांनी शुभेच्छा दिल्या. (Wedding of Kaustubh Gawade and Mayuri Patil)

याप्रसंगी संस्थेच्या सेक्रेटरी शुभांगी गावडे, एल.आय.सी. चे माजी अधिकारी मुरलीधर गावडे, कोल्हापूर जिल्हा विभागप्रमुख श्रीराम साळुंखे, संस्थेचे सहसचिव (प्रशासन) प्राचार्य एस.एम.गवळी, संस्थेचे सहसचिव (अर्थ) प्राचार्य डॉ. मिलिंद हुजरे, श्री स्वामी विवेकानंद शिक्षण संस्थेच्या सेवकांच्या सहकारी पतसंस्थेचे चेअरमन हितेंद्र साळुंखे, श्री स्वामी विवेकानंद शिक्षण संस्थेचे आजी माजी आजीव सेवक, पदाधिकारी, प्राचार्य, प्राध्यापक, प्रशासकीय कर्मचारी तसेच विविध शिक्षण संस्थांचे संस्थापक, पदाधिकारी, प्राचार्य, प्राध्यापक उपस्थित होते. (Wedding of Kaustubh Gawade and Mayuri Patil)

February 5, 2026 0 comments

Shriram Salunkhe : कौस्तुभ गावडे यांच्या विजयासाठी जीवाचे रान करू : श्रीराम साळुंखे

by प्रतिनिधी November 3, 2025

written by प्रतिनिधी

कोल्हापूर : प्रतिनिधी : महाराष्ट्राच्या शिक्षण क्षेत्रात आमुलाग्र बदल घडविण्यामध्ये शिक्षणमहर्षी डॉ. बापूजी साळुंखे यांचे योगदान महत्त्वपूर्ण आहे. बापूजींच्या विचारांचा वसा आणि वारसा लाभलेल्या कौस्तुभ गावडे यांना विधान परिषदेत शिक्षक आमदार म्हणून विजयी करण्यासाठी आम्ही जीवाचे रान करू, असा निर्धार विवेकानंद शिक्षण संस्थेचे कोल्हापूर विभागप्रमुख श्रीराम साळुंखे यांनी केला. ते पुणे विभाग शिक्षक मतदार नोंदणीसाठी शिक्षणमहर्षी डॉ. बापूजी साळुंखे स्मृतिभवन येथे आयोजित केलेल्या शिक्षकांच्या सहविचार सभेत बोलत होते. सभेच्या अध्यक्षस्थानी श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे हे होते.

श्रीराम साळुंखे म्हणाले, विकसित समाजनिर्मितीमध्ये शिक्षकांची महत्वाची भूमिका असते. त्यामुळे शिक्षकांच्या सर्वांगीण प्रश्नांची जाण असणारा आपला हक्काचा माणूस विधानपरिषदेवर पाठविण्याची हीच योग्य वेळ आहे. त्यासाठी प्रत्येक गुरुदेव कार्यकर्त्याने, शिक्षकाने प्रामाणिक प्रयत्न करणे गरजेचे आहे. (Shriram Salunkhe)

अध्यक्षीय मनोगतात प्राचार्य अभयकुमार साळुंखे यांनी, श्री स्वामी विवेकानंद शिक्षण संस्थेने आतापर्यंत तीनवेळा शिक्षक आमदार निवडून दिले आहेत. आजच्या बदलत्या शिक्षणप्रवाहात शिक्षकांच्या प्रश्नांची जाण असणारा शिक्षक आमदार विधान परिषदेत पाठविणे गरजेचे आहे. शिक्षणमहर्षी डॉ. बापूजी साळुंखे यांच्या विचारांचा अंगीकार करून कौस्तुभ गावडे यांची जडणघडण सुरू आहे. त्यामुळे सहा नोव्हेंबर पर्यंत शिक्षक मतदार नोंदणी सुरू असून या काळात जास्तीत जास्त शिक्षक मतदार नोंदणी करावी आणि कौस्तुभ गावडे यांच्या विजयावर शिक्कामोर्तब करावे, असे आवाहन केले. (Shriram Salunkhe)

या सहविचार सभेमध्ये पुणे विभाग शिक्षक मतदार नोंदणीचे कोल्हापूर जिल्हाप्रमुख भूपाल कुंभार यांनी कोल्हापूर जिल्ह्यात झालेल्या एकूण शिक्षक मतदार नोंदणीचा आढावा घेऊन मार्गदर्शन केले. पुणे विभाग शिक्षक मतदार संघाचे अधिकृत उमेदवार कौस्तुभ गावडे यांनी जुनी पेन्शन योजना, संचमान्यता, टप्पा अनुदान, पवित्र प्रणाली, शिक्षक पात्रता परीक्षा (टीईटी) सक्ती आणि वेतनेत्तर अनुदान यासारख्या विषयावर शिक्षकांना न्याय मिळवून देण्यासाठी आपण कटिबद्ध आहोत, असे आश्वासन दिले. (Shriram Salunkhe)

या सहविचार सभेस कोल्हापूर जिल्ह्यातील श्री स्वामी विवेकानंद शिक्षण संस्थेचे आजी-माजी पदाधिकारी, आजीव सेवक, हितचिंतक, प्राचार्य, मुख्याध्यापक, शिक्षक मतदार नोंदणी जिल्हाप्रमुख, तालुकाप्रमुख, बुथप्रमुख, शिक्षक मोठ्या संख्येने उपस्थित होते.

November 3, 2025 0 comments

महाराष्ट्र महिला

Sushila Salunkhe : “विद्यार्थ्यांनी संस्थामाता सुशीलादेवी साळुंखे यांच्या समर्पणाचा अंगिकार करावा” : जयसिंगराव सावंत

by प्रतिनिधी September 4, 2025

written by प्रतिनिधी

कोल्हापूर : प्रतिनिधी : संस्थामाता सुशीलादेवी साळुंखे हया शिक्षणमहर्षी डॉ. बापूजी साळुंखे यांच्या मागे खंबीरपणे उभ्या राहिल्या, त्यांना श्री स्वामी विवेकानद शिक्षण संस्था उभारणीच्या कामात बहुमोल मदत केली. त्यामुळे आपल्या संस्थेचा वटवृक्ष झालेला आहे. महाराष्ट्रभर शाखाविस्तार झाला. त्यामुळे संस्थेच्या विकासात त्यांचे योगदान अत्यंत महत्वाचे आहे. आजच्या विद्यार्थिनींनी संस्थामाता सुशीलादेवी साळुंखे यांचा आदर्श घेऊन आयुष्य घडवावे. असे प्रतिपादन प्रसिध्द वक्ते जयसिंगराव सावंत यांनी केले. येथील विवेकानंद कॉलेजमधील संस्थामाता सुशीलादेवी साळुंखे स्त्री अभ्यासकेंद्र, महिला सबलीकरण कक्ष आणि अंतर्गत गुणवत्ता हमी कक्ष यांच्या संयुक्त्‍ विद्यमाने आयोजित संस्थामाता सुशीलादेवी साळुंखे यांच्या ९८ व्या जयंती निमित ‘संस्थामाता सुशीलादेवी साळुंखे : प्रेरणादायी जीवनप्रवास’ या विषयावर बोलत होते. कार्यक्रमाच्या अध्यक्षस्थानी संस्थेचे मुख्य कार्यकारी अधिकारी कौस्तुभ गावडे हे होते. (Sushila Salunkhe)

अध्यक्षीय मनोगतात मा.कौस्तुभ गावडे यांनी, संस्थामाता ही गुरुदेव कार्यकर्त्यांनी दिलेली पदवी आहे. शिक्षणमहर्षी डॉ. बापूजी साळुंखे यांच्याप्रमाणे संस्थामातांनी त्यागमय जीवन व्यतीत केले. संस्थामाता सुशीलादेवी साळुंखे हया शिस्तप्रिय होत्या. संस्थामाता हया संस्थेत शिकणाऱ्या मुलांवर स्वत:च्या मुलांपेक्षा जास्त प्रेम, माया करत असत. गुरुदेव कार्यकर्त्यांच्या पाठीशी त्या खंबीरपणे उभ्या राहत असत. स्त्रीवाद समजून घ्यायचा असेल तर संस्थामातांना समजून घेणे गरजेचे आहे. असे मनोगत मांडले. यावेळी विवेकानंद कॉलेजचे प्राचार्य डॉ.आर.आर. कुंभार यांनीही मनोगत मांडले. (Sushila Salunkhe)

संस्थामातांच्या जयंती समारंभा निमित्त् भारती विद्यापीठाचे कॉलेज ऑफ आयुर्वेद ॲण्ड हॉस्पीटल,कोल्हापूर यांच्यावतीने महाविद्यालयातील विद्यार्थी, प्राध्यापक व प्रशासकीय कर्मचारी यांच्यासाठी मोफत आरोग्य तपासणी व उपचार शिबीराचे आयोजन करण्यात आले होते.

कार्यक्रमाची सुरुवात प्रतिमापूजन, रोपास पाणी घालून व शिक्षणमहर्षी डॉ.बापूजी साळुंखे रचित संस्था प्रार्थनेने झाली. स्वागत व प्रास्ताविक प्रा. शिल्पा भोसले यांनी केले. पाहुण्यांची ओळख डॉ.संपदा टिपकुर्ले यांनी करुन दिली. आभार प्रा.गीतांजली साळुंखे यांनी मानले. तर सूत्रसंचालन डॉ. सुप्रिया पाटील यांनी केले.

या कार्यक्रमास आय.क्यु.ए.सी. समन्वयक डॉ.श्रुती जोशी, डॉ.कविता तिवडे, प्रा.पल्लवी देसाई, , कॉलेजचे रजिस्ट्रार श्री. एस के धनवडे, ज्युनिअर व सिनिअर कॉलेजचे स्टाफ सेक्रेटरी, प्राध्यापक, प्राध्यापिका व प्रशासकीय कर्मचारी मोठया संख्येने उपस्थित होते. (Sushila Salunkhe)

September 4, 2025 0 comments