Tag:

Rajasthan Royals

Vaibhav Suryavanshi missed out on a century

वैभव सूर्यवंशीचे शतक हुकल्याने क्रिकेटशौकीन हळहळले

by प्रतिनिधी May 27, 2026

written by प्रतिनिधी

नवी दिल्ली : आयपीएलच्या एलिमेटरमध्ये सनरायझर्स हैद्राबादविरुद्ध कमी चेंडूत शतक ठोकण्याचा विक्रम नावावर करण्याच्या समीप असताना धडाकेबाज फलंदाज वैभव सूर्यवंशी ९७ धावांवर बाद झाल्यावर मैदानासह जगभर आयपीएल सामना पाहणारे क्रिकेट शौकिन हळहळले. (Vaibhav Suryavanshi missed out on a century)

वैभव सूयवंशीने २९ चेंडूत ९७ धावा ठोकून शतक ठोकण्याच्या तयारीत होता. प्रफुल हिंगेच्या गोलंदाजीवर हल्ला करण्याच्या प्रयत्नात तो बाद झाला. प्रफुल्ल हिंगेने एक आखूड टप्प्याचा चेंडू टाकला. वैभवने थर्ड मॅनवरुन कट मारण्याचा प्रयत्न केला पण चेंडू सीमापार गेलाच नाही. स्मरण रविचंद्रनने पुढे धावत येत त्याचा उत्कृष्ट झेल टिपला. पाच चौकार आण् १२ षटकार त्याने ठोकला. त्याने आयपीएलमध्ये सर्वाधीक षटकार ठोकण्याचा ख्रिस गेलचा विक्रम मोडला. पण कमी धावात शतक ठोकण्याचा प्रयत्न त्याचा हुकला. बाद झाल्यानंतर मैदान सोडताना तो खूप निराश झाला होता. (Vaibhav Suryavanshi missed out on a century)

May 27, 2026 0 comments

KKR Win : कोलकात्याचा चित्तथरारक विजय

by प्रतिनिधी May 4, 2025

written by प्रतिनिधी

कोलकाता : अखेरच्या चेंडूपर्यंत चुरशीच्या झालेल्या आयपीएल सामन्यात कोलकाता नाइट रायडर्सने राजस्थान रॉयल्सवर एका धावेने निसटता विजय मिळवला. या विजयासह कोलकात्याने प्ले-ऑफमध्ये प्रवेश करण्याच्या आशा अद्याप जिवंत ठेवल्या आहेत. (KKR Win)

इडन गार्डन्सवर रंगलेल्या या सामन्यात कोलकात्याने नाणेफेक जिंकून प्रथम फलंदाजी करताना ४ बाद २०६ धावांचे आव्हान उभारले. सुरुवातीला संथ खेळणाऱ्या कोलकात्याने डावाच्या अखेरीस धावगती वाढवली. अखेरच्या पाच षटकांत कोलकात्याने तब्बल ८६ धावा वसूल केल्या. कोलकात्याकडून आंद्रे रसेलने २५ चेंडूंमध्ये ४ चौकार व ६ षटकारांसह सर्वाधिक ५७ धावा केल्या. आंग्क्रिश सूर्यवंशीने ३१ चेंडूंमध्ये ५ चौकारांच्या मदतीने ४४ धावा केल्या. या दोघांनी चौथ्या विकेटसाठी ६१ धावांची भागीदारी केली. रघुवंशी बाद झाल्यानंतर रसेल आणि रिंकू सिंह यांनी संघाचे द्विशतक पूर्ण केले. रिंकूने अवघ्या ६ चेंडूंमध्ये १९ धावा फटकावल्या. (KKR Win)

कोलकात्याच्या आव्हानाचा पाठलाग करताना राजस्थानची सुरुवात अडखळत झाली. पहिल्याच षटकात सलामीवीर वैभव सूर्यवंशी ४ धावांवर बाद झाला. कुणाल सिंह राठोड, ध्रुव जुरेल आणि वनिंदू हसरंगा या राजस्थानच्या फलंदाजांना खातेही उघडता आले नाही. यशस्वी जैस्वालने एक बाजू लावून धरत ३४ धावांची खेळी केली. आठव्या षटकात राजस्थानचा निम्मा संघ ७१ धावांत गारद झाला होता. तथापि, कर्णधार रियान पराग आणि शिम्रॉन हेटमाएर यांनी राजस्थानचा डाव सावरला. या दोघांनी सहाव्या विकेटसाठी ९२ धावांची भागीदारी रचली. राजस्थानकडून सहाव्या विकेटसाठीची ही आजवरची सर्वोच्च भागीदारी आहे. (KKR Win)

हेटमाएर २९ धावा करून बाद झाला. शतकानजीक पोहोचलेला परागही १८ व्या षटकात हर्षित राणाला मोठा फटका मारण्याच्या प्रयत्नात परतला. परागने ४५ चेंडूंमध्ये ६ चौकार व ८ षटकार लगावत ९५ धावा केल्या. आयपीएलमधील त्याची ही सर्वोच्च खेळी ठरली. अखेरच्या षटकात विजयासाठी १९ धावांची आवश्यकता असताना शुभम दुबे व जोफ्रा आर्चर या जोडीने पहिल्या ५ चेंडूंमध्ये १६ धावा काढल्या. अखेरच्या चेंडूवर राजस्थानला सामना टाय करण्यासाठी २, तर जिंकण्यासाठी ३ धावा हव्या होत्या. परंतु, वैभव अरोराच्या अखेरच्या चेंडूवर दुबे एक धाव घेऊन दुसरी धाव पूर्ण करण्याच्या प्रयत्नात धावबाद झाला. त्यामुळे कोलकात्याने २ धावांनी विजय मिळवला. कोलकात्याचा संघ आता गुणतक्त्यात ११ गुणांसह सहाव्या स्थानी पोहोचला आहे. (KKR Win)

संक्षिप्त धावफलक : कोलकाता नाइट रायडर्स – २० षटकांत ४ बाद २०६ (आंद्रे रसेल नाबाद ५७, रहमतुल्ला गुरबाझ ३५, आंग्क्रिश रघुवंशी ४४, जोफ्रा आर्चर १-३०, रियान पराग १-२१) विजयी विरुद्ध राजस्थान रॉयल्स २० षटकांत ८ बाद २०५ (रियान पराग ९५, यशस्वी जैस्वाल ३४, शिम्रॉन हेटमायर २९, वरुण चक्रवर्ती २-३२, हर्षित राणा २-४१).

May 4, 2025 0 comments

ताज्या बातम्या महत्त्वाच्या नोंदी

Vaibhav Suryavanshi : वैभवची विक्रमांना गवसणी

by प्रतिनिधी April 29, 2025

written by प्रतिनिधी

जयपूर : अवघ्या चौदा वर्षांच्या वैभव सूर्यवंशीने झळकावलेल्या झंझावाती शतकाच्या जोरावर राजस्थान रॉयल्सने आयपीएलमध्ये गुजरात टायटन्सचा ८ विकेटनी पराभव केला. वेभवने ३८ चेंडूंमध्ये ७ चौकार व ११ षटकारांसह १०१ धावा फटकावताना काही विक्रमांनाही गवसणी घातली. त्याच्या व राजस्थानच्या काही विक्रमांवर टाकलेली ही नजर. (Vaibhav Suryavanshi)

१४ वर्षे ३२ दिवस : वैभव सूर्यवंशीने १४ वर्षे ३२ दिवस इतके वय असताना टी-२० क्रिकेटमध्ये शतक झळकावले. याबरोबरच टी-२० क्रिकेटमध्ये शतक झळकावणारा तो भारताचा सर्वांत कमी वयाचा खेळाडू ठरला. हा विक्रम याअगोदर विजय झोलच्या नावावर होता. त्याने २०१३ मध्ये महाराष्ट्राकडून खेळताना मुंबईविरुद्ध १०९ धावांची खेळी केली होती. त्यावेळी त्याचे वय १४ वर्षे ३२ दिवस इतके होते.

३५ : वैभव सूर्यवंशीने ३५ चेंडूंमध्ये झळकावलेले शतक हे आयपीएलमधील दुसऱ्या क्रमांकाचे वेगवान शतक ठरले. आयपीएलमध्ये सर्वांत वेगवान शतकाचा विक्रम ख्रिस गेलच्या नावावर असून त्याने बेंगळुरू रॉयल चॅलेंजर्सतर्फे ३० चेंडूंत शतक झळकावले होते. त्याचबरोबर वैभव हा आयपीएलमधील सर्वांत वेगवान भारतीय शतकवीर ठरला. त्याने ३७ चेंडूंमध्ये शतक झळकावणाऱ्या युसूफ पठाणला मागे टाकले. पठाणने २०१० च्या मोसमात राजस्थान रॉयल्सतर्फे खेळताना मुंबई इंडियन्सविरुद्ध ३७ चेंडूंमध्ये शतक ठोकले होते.(Vaibhav Suryavanshi)

१ : जागतिक स्तरावर वयाची पंधरा वर्षे पूर्ण होण्यापूर्वी टी-२० क्रिकेटमध्ये ५० धावांचा टप्पा ओलांडणारा वैभव हा पहिलाच फलंदाज आहे. यापूर्वी, अफगाणिस्तानच्या हसन एसाखिलने १५ वर्षे ३६० दिवस इतके वय असताना २०२२ साली अर्धशतक झळकावले होते.

११ : वैभवने आपल्या खेळीदरम्यान ११ षटकार खेचले. त्याने आयपीएल खेळीदरम्यान सर्वाधिक षटकारांच्या मुरली विजयच्या विक्रमाशी बरोबरी केली. विजयने २०१० मध्ये चेन्नई सुपरकिंग्जतर्फे राजस्थान रॉयल्सविरुद्ध १२७ धावांची खेळी करताना ११ षटकार मारले होते.

१६६ : वैभव आणि यशस्वी जैस्वाल यांनी केलेली १६६ धावांची भागीदारी ही राजस्थान रॉयल्सची आजवरची कोणत्याही विकेटसाठीची सर्वोच्च भागीदारी आहे. यापूर्वी, २०२२च्या मोसमात जोस बटलर आणि देवदत्त पडिक्कल यांनी राजस्थानकडून दिल्ली कॅपिटल्सविरुद्ध १५५ धावांची भागीदारी रचली होती.(Vaibhav Suryavanshi)

२१० : राजस्थानने गुजरात टायटन्सचे २१० धावांचे विजयी लक्ष्य १५.५ षटकांत पूर्ण केले. याबरोबरच, टी-२० क्रिकेटमध्ये १६ षटकांच्या आत २०० पेक्षा अधिक धावांचे आव्हान पूर्ण करणारा राजस्थान हा पहिलाच संघ ठरला.

हेही वाचा :
बुमराह म्हणतो, मलिंगाच सरस!
कर्णधारपदासाठी श्रेयसलाच पसंती

April 29, 2025 0 comments

ताज्या बातम्या महत्त्वाच्या नोंदी

Royal Challengers : बेंगळुरू पुन्हा विजयपथावर

by प्रतिनिधी April 13, 2025

written by प्रतिनिधी

जयपूर : रॉयल चॅलेंजर्स बेंगळुरूने आयपीएलच्या अठराव्या मोसमात राजस्थान रॉयल्स संघाचा रविवारी ९ विकेटनी पराभव केला. फिल सॉल्ट आणि विराट कोहली यांच्या दमदार अर्धशतकांमुळे बेंगळुरूने राजस्थानचे १७४ धावांचे आव्हान १७.३ षटकांत पार केले. या विजयानंतर बेंगळुरूचा संघ गुणतक्त्यात ८ गुणांसह तिसऱ्या स्थानी पोहोचला आहे. (Royal Challengers)

जयपूरच्या सवाई मानसिंग स्टेडियमवर झालेल्या या सामन्यात बेंगळुरूने नाणेफेक जिंकून प्रथम क्षेत्ररक्षण स्वीकारले. बेंगळुरूच्या गोलंदाजांनी शिस्तबद्ध गोलंदाजी करत सुरुवातीपासूनच राजस्थानच्या धावसंख्येला लगाम लावला. राजस्थानकडून केवळ सलामीवीर यशस्वी जैस्वालला मोठी खेळी करता आली. यशस्वीने ४७ चेंडूंमध्ये १० चौकार व २ षटकारांसह ७५ धावा केल्या. अखेरच्या षटकांत ध्रुव जुरेलच्या फटकेबाजीमुळे राजस्थानला १७३ धावांपर्यंत मजल मारता आली. जुरेलने २३ चेंडूंमध्ये प्रत्येकी दोन चौकार, षटकारांसह नाबाद ३५ धावा केल्या. (Royal Challengers)

राजस्थानच्या आव्हानाला प्रत्युत्तर देताना सॉल्ट-विराट जोडीने सुरुवातीपासूनच आक्रमक खेळ केला. विशेषत: सॉल्टने राजस्थानच्या गोलंदाजांवर हल्ला चढवल्यामुळे बेंगळुरूला पॉवर-प्लेमध्ये ६५ धावा वसूल करता आल्या. या दोघांनी पहिल्या विकेटसाठी ९२ धावांची भागीदारी रचली. अखेर कार्तिकेयने सॉल्टला बाद करून ही जोडी फोडली. सॉल्टने ३३ चेंडूंमध्ये ५ चौकार व ६ षटकारांसह ६५ धावांची खेळी केली. सॉल्ट बाद झाल्यानंतर विराट व देवदत्त पडिक्कल यांनी दुसऱ्या विकेटसाठी नाबाद ८३ धावा जोडत बेंगळुरूचा विजय साकारला. विराटने ४५ चेंडूंमध्ये ४ चौकार, २ षटकारांसह नाबाद ६२, तर देवदत्तने २८ चेंडूंमध्ये ५ चौकार, एका षटकारासह नाबाद ४० धावा केल्या. (Royal Challengers)

संक्षिप्त धावफलक : राजस्थान रॉयल्स – २० षटकांत ४ बाद १७३ (यशस्वी जैस्वाल ७५, रियान पराग ३०, ध्रुव जुरेल नाबाद ३५, जोश हेझलवूड १-२६, कृणाल पंड्या १-२९) पराभूत विरुद्ध रॉयल चॅलेंजर्स बेंगळुरू – १७.३ षटकांत १ बाद १७५ (फिल सॉल्ट ६५, विराट कोहली नाबाद ६२, देवदत्त पडिक्कल नाबाद ४०, कुमार कार्तिकेय १-२५).

हेही वाचा :

‘ऑरेंज आर्मी, हे तुमच्यासाठी!’

भारताला तिरंदाजीत सुवर्ण

April 13, 2025 0 comments

ताज्या बातम्या महत्त्वाच्या नोंदी

Sanju Samson : सॅमसनच्या नेतृत्वाचा मार्ग मोकळा

by प्रतिनिधी April 2, 2025

written by प्रतिनिधी

मुंबई : आयपीएलमधील राजस्थान रॉयल्स संघाचा नियमित कर्णधार संजू सॅमसनचा संघाचे नेतृत्व करण्याचा मार्ग मोकळा झाला आहे. भारतीय क्रिकेट नियामक मंडळाच्या (बीसीसीआय) सेंटर फॉर एक्सलन्सने संजूला यष्टिरक्षण करण्यासाठी फिट ठरवले आहे. त्यामुळे पुढील सामन्यापासून संजू हा राजस्थान संघाचा यष्टिरक्षक व कर्णधार अशा दुहेरी भूमिकेत दिसेल. (Sanju Samson)

या वर्षी फेब्रुवारीमध्ये इंग्लंडविरुद्धच्या टी-२० क्रिकेट मालिकेदरम्यान सॅमसनच्या उजव्या हाताची तर्जनी फ्रॅक्चर झाली होती. या दुखापतीतून सावरण्यासाठी त्याला पाच आठवडे विश्रांतीचा सल्ला देण्यात आला होता. दुखापतीतून सावरल्यानंतर बेंगळुरूमधील राष्ट्रीय क्रिकेट अकादमीमध्ये त्याने सराव सुरू केला. तथापि, त्याच्या फिटनेस चाचणीनंतर आयपीएलमधील सुरुवातीच्या तीन सामन्यांमध्ये त्याला केवळ फलंदाज म्हणून सहभागी होण्यास परवानगी देण्यात आली होती. परिणामी, राजस्थानने बदली कर्णधार म्हणून रियान परागकडे धुरा सोपवली, तर ध्रुव जुरेलने या सामन्यांत यष्टिरक्षणाची जबाबदारी पार पाडली. (Sanju Samson)

रविवारी, गुवाहाटी येथे चेन्नई सुपर किंग्जविरुद्धचा सामना खेळल्यानंतर संजू पुन्हा एनसीएमध्ये दाखल झाला. तिथे त्याची फिटनेस चाचणी करून त्याला यष्टिरक्षण करण्यास हिरवा कंदिल दाखवण्यात आला. त्यामुळे, ५ एप्रिल रोजी राजस्थानच्या पंजाब किंग्जविरुद्धच्या सामन्यात संजू यष्टिरक्षक व कर्णधार असेल. राजस्थानला यंदाच्या आयपीएलमध्ये आतापर्यंत तीन सामन्यांमध्ये केवळ एक विजय मिळवता आला असून गुणतक्त्यात राजस्थानचा संघ नवव्या स्थानी आहे. (Sanju Samson)

आकाशदीप मुंबईविरुद्ध खेळण्याची शक्यता लखनौ सुपर जायंट्सचा वेगवान गोलंदाज आकाश दीप हा पाठीच्या दुखापतीतून सावरला असून तो मुंबई इंडियन्सविरुद्धच्या सामन्यात खेळण्याची शक्यता आहे. मागील वर्षी डिसेंबरमध्ये, बॉर्डर-गावसकर कसोटी मालिकेमध्ये भारताकडून खेळकताना आकाशदीपच्या पाठीची दुखापत बळावली होती. तेव्हापासून आकाशदीप कोणत्याही स्पर्धात्मक क्रिकेटमध्ये खेळलेला नाही. मागील वर्षी रॉयल चॅलेंजर्स बेंगळुरूकडून खेळलेल्या आकाशदीपला लिलावामध्ये लखनौने ८ कोटी रुपयांना करारबद्ध केले होते. आता तो शुक्रवारी मुंबईविरुद्ध लखनौकडून पदार्पण करण्याची शक्यता आहे. लखनौचा प्रमुख वेगवान गोलंदाज मयंक यादव हा अगोदरच दुखापतीमुळे संघाबाहेर असल्याच्या पार्श्वभूमीवर आकाशच्या परतण्याने लखनौला मोठा दिलासा मिळणार आहे.

हेही वाचा :
न्यूझीलंडची विजयी आघाडी
सूर्यकुमारच्या आठ हजार धावा पूर्ण

April 2, 2025 0 comments

ताज्या बातम्या

Rajasthan Royals : राजस्थानने खाते उघडले

by प्रतिनिधी March 31, 2025

written by प्रतिनिधी

गुवाहाटी : राजस्थान रॉयल्सने रविवारी इंडियन प्रीमियर लीगमध्ये चेन्नई सुपर किंग्जचा ६ धावांनी पराभव करून यंदाच्या मोसमातील पहिला विजय नोंदवला. या विजयासह राजस्थानने दोन गुण मिळवत गुणतक्त्यातही खाते उघडले आहे. (Rajasthan Royals)

गुवाहाटीच्या बारसपारा स्टेडियमवर रंगलेल्या या सामन्यामध्ये चेन्नईने नाणेफेक जिंकून प्रथम क्षेत्ररक्षण स्वीकारले. नितीश राणाच्या ८१ धावांच्या खेळीमुळे राजस्थानने २० षटकांत ९ बाद १८२ धावांपर्यंत मजल मारली. नितीशने ३६ चेंडूंमध्ये १० चौकार व ५ षटकारांसह ८१ धावांची खेळी केली. कर्णधार रियान परागने २८ चेंडूंमध्ये प्रत्येकी २ चौकार, षटकारांसह ३७ धावा केल्या. ( Rajasthan Royals)

राजस्थानच्या आव्हानाचा पाठलाग करताना चेन्नईची सुरुवात वाईट झाली. पहिल्याच षटकात सलामीवीर रचिन रवींद्र शून्यावर बाद झाला. त्यानंतर, कर्णधार ऋतुराज गायकवाडने एक बाजू सांभाळली असताना दुसऱ्या बाजूला ठरावीक अंतराने चेन्नईच्या विकेट पडत राहिल्या. ऋतुराजने ४४ चेंडूंमध्ये ७ चौकार व एका षटकारासह ६३ धावा केल्या. ऋतुराज बाद झाल्यावर रवींद्र जडेजा आणि महेंद्रसिंह धोनी यांनी २० चेंडूंमध्ये ३५ धावांची भागीदारी रचून विजयासाठी प्रयत्न केले. परंतु, अखेरच्या षटकातील दुसऱ्या चेंडूवर धोनी बाद झाल्यानंतर चेन्नईच्या उरल्यासुरल्या आशाही संपुष्टात आल्या. राजस्थानकडून वनिंदू हसरंगाने ३५ धावांत ४ विकेट घेत विजयात मोलाचा वाटा उचलला. चेन्नईचा हा यंदाच्या मोसमातील सलग दुसरा पराभव ठरला. ( Rajasthan Royals)

संक्षिप्त धावफलक : राजस्थान रॉयल्स – २० षटकांत ९ बाद १८२ (नितीश राणा ८१, रियान पराग ३७, संजू सॅमसन २०, मथिशा पथिरना २-२८, नूर अहमद २-२८) विजयी विरुद्ध चेन्नई सुपर किंग्ज – २० षटकांत ६ बाद १७६ (ऋतुराज गायकवाड ६३, रवींद्र जडेजा नाबाद ३२, राहुल त्रिपाठी २३, वनिंदू हसरंगा ४-३५, जोफ्रा आर्चर १-१३).

हेही वाचा :

सोलापूरचा वेताळ शेळके महाराष्ट्र केसरी

March 31, 2025 0 comments

ताज्या बातम्या महत्त्वाच्या नोंदी

Hyderabad : हैदराबादचा झंझावाती विजय

by प्रतिनिधी March 23, 2025

written by प्रतिनिधी

हैदराबाद : झंझावाती फलंदाजीचे प्रदर्शन करत सनरायझर्स हैदराबादने इंडियन प्रीमियर लीग टी-२० स्पर्धेमध्ये रविवारी राजस्थान रॉयल्सचा ४४ धावांनी पराभव केला. हैदराबादने ६ बाद २८६ धावा केल्यानंतर राजस्थानला ६ बाद २४२ धावांवर रोखले. दोन्ही संघांनी एकूण ५२८ धावा फटकावल्याने हा आयपीएलच्या इतिहासातील सर्वोच्च धावसंख्येचा सामना ठरला. (Hyderabad)

राजस्थानने नाणेफेक जिंकून प्रथम क्षेत्ररक्षण स्वीकारण्याची चूक केली. अभिषेक शर्मा आणि ट्रॅव्हिस हेड या सलामीवीरांनी सुरुवातीच्या तीन षटकांमध्येच ४५ धावा फटकावल्या. अभिषेक बाद झाल्यानंतर हेड आणि इशान किशन यांनी दुसऱ्या विकेटसाठी ८५ धावांची भागीदारी रचली. हेडने ३१ चेंडूंमध्ये ९ चौकार व ३ षटकारांसह ६७ धावा काढल्या. त्यानंतर, इशानने नितीशकुमार रेड्डी आणि हेन्रिक क्लासेन यांच्यासोबतही अर्धशतकी भागीदाऱ्या रचल्या. इशानने अखेरपर्यंत नाबाद राहत शतक साजरे केले. त्याने ४७ चेंडूंमध्ये ११ चौकार व ६ षटकांच्या साहाय्याने ठोकलेल्या १०६ धावांमुळे हैदराबादला पावणेतीनशे धावांचा टप्पा ओलांडता आला. (Hyderabad)

हैदराबादच्या आव्हानाचा पाठलाग करताना राजस्थानची सुरुवात खराब झाली. सलामीवीर यशस्वी जैस्वाल आणि कर्णधार रियान पराग हे सुरुवातीच्या दोन षटकांमध्येच बाद झाले. पाचव्या षटकांत नितीश राणा बाद झाला, तेव्हा हैदराबादच्या ३ बाद ५० धावा झाल्या होत्या. त्यानंतर, ध्रुव जुरेल आणि संजू सॅमसन यांनी चौथ्या विकेटसाठी १११ धावा जोडत संघाचा डाव सावरला. संजूने ३७ चेंडूमध्ये ७ चौकार, ४ षटकारांह ६६, तर ध्रुवने ३५ चेंडूंत ५ चौकार, ६ षटकारांसह ७० धावा केल्या. हे दोघे लागोपाठच्या षटकांमध्ये बाद झाल्यामुळे पुन्हा राजस्थानच्या धावगतीस ब्रेक लागला. शिम्रॉन हेटमायर व शुभम दुबे यांनी अखेरच्या षटकापर्यंत फटकेबाजी करत चांगली लढत दिली. परंतु, अखेर त्यांचे प्रयत्न अपुरे ठरले. (Hyderabad)

संक्षिप्त धावफलक : सनरायझर्स हैदराबाद – २० षटकांत ६ बाद २८६ (इशान किशन नाबाद १०६, ट्रॅव्हिस हेड ६७, हेन्रिक क्लासेन ३४, तुषार देशपांडे ३-४४, महेश तिक्षणा २-५२) विजयी विरुद्ध राजस्थान रॉयल्स – २० षटकांत ६ बाद २४२ (ध्रुव जुरेल ७०, संजू सॅमसन ६६, शिम्रॉन हेटमायर ४२, शुभम दुबे नाबाद ३४, हर्षल पटेल २-३४, सिमरजित सिंग २-४६).

हेही वाचा :

न्यूझीलंडची विजयी आघाडी

सनरायझर्सची विक्रमांना गवसणी

March 23, 2025 0 comments

ताज्या बातम्या महत्त्वाच्या नोंदी

Sunrisers : सनरायझर्सची विक्रमांना गवसणी

by प्रतिनिधी March 23, 2025

written by प्रतिनिधी

हैदराबाद : सनरायझर्स हैदराबाद संघाने रविवारी इंडियन प्रीमियर लीग टी-२० क्रिकेट स्पर्धेमध्ये राजस्थान रॉयल्सविरुद्ध ६ बाद २८६ धावा फटकावल्या. या धावा करताना सनरायझर्सने काही नवे विक्रम रचले, तर काही जुन्या विक्रमांशी बरोबरी केली. (Sunrisers)

२८६ – सनरायझर्स हैदराबादची ही आयपीएलमधील दुसऱ्या क्रमांकाची सर्वोच्च धावसंख्या ठरली. सर्वोच्च धावसंख्येचा विक्रमही हैदराबादच्याच नावावर असून मागील मोसमात त्यांनी रॉयल चॅलेंजर्स बेंगळुरूविरुद्ध ३ बाद २८७ धावा केल्या होत्या. रविवारी या विक्रमाशी बरोबरी करण्यासाठी त्यांना केवळ एक धाव कमी पडली. (Sunrisers)

४ – हैदराबादने आयपीएलमध्ये चौथ्यांदा अडीचेशे धावांचा टप्पा ओलांडला. टी-२० क्रिकेटमध्ये चारवेळा डावात अडीचशेहून अधिक धावा करणारा हैदराबाद हा एकमेव संघ आहे. त्याखालोखाल भारत आणि इंग्लंडमधील सरे या संघांनी प्रत्येकी तीनवेळा अडीचशेहून अधिक धावा केल्या आहेत. (Sunrisers)

३४ – या डावामध्ये हैदराबादकडून सर्व फलंदाजांनी मिळून एकूण ३४ चौकार मारले. टी-२० क्रिकेटमध्ये हा सर्वाधिक चौकारांचा विक्रम ठरला. यापूर्वी हा विक्रम मिडल्सएक्स संघाच्या नावावर होता. त्यांनी २०२३ मध्ये सरेविरुद्ध ३३ चौकार लगावले होते. आयपीएलमध्ये हैदराबादखालोखाल दिल्ली डेअरडेव्हिल्सने २०१७ मध्ये गुजरात लायन्सविरुद्ध डावात ३१ चौकार मारले होते.

१४.१ – हैदराबादने १४.१ षटकांत २०० धावा पूर्ण करताना आयपीएलमध्ये सर्वांत वेगवान सांघिक द्विशतकाच्या विक्रमाशी बरोबरी केली. यापूर्वी, २०१६ च्या आयपीएल मोसमात बेंगळुरूने किंग्ज इलेव्हन पंजाबविरुद्ध १४.१ षटकांत द्विशतक झळकावले होते. (Sunrisers)

७६ – हैदराबादने राजस्थानचा गोलंदाज जोफ्रा आर्चरच्या ४ षटकांमध्ये ७६ धावा वसूल केल्या. याबरोबरच आर्चर हा आयपीएलमधील आजवरचा सर्वांत महागडा गोलंदाज ठरला. त्याने मोहित शर्माला मागे टाकले. मोहितने २०२४ च्या मोसमात गुजरात टायटन्सतर्फे खेळताना दिल्ली कॅपिटल्सविरुद्ध ७३ धावा दिल्या होत्या. (Sunrisers)

हेही वाचा :

न्यूझीलंडची विजयी आघाडी

March 23, 2025 0 comments

ताज्या बातम्या महत्त्वाच्या नोंदी

Rajasthan Royals : तीन सामन्यांसाठी रियान परागकडे नेतृत्व

by प्रतिनिधी March 20, 2025

written by प्रतिनिधी

जयपूर : इंडियन प्रीमियर लीग स्पर्धेच्या नव्या मोसमामध्ये राजस्थान रॉयल्सच्या पहिल्या तीन सामन्यांकरिता रियान परागकडे नेतृत्व सोपवण्यात आले आहे. राजस्थानचा नियमित कर्णधार संजू सॅमसन हा बोटाच्या दुखापतीतून सावरत असून तो सुरुवातीच्या तीन सामन्यांमध्ये केवळ फलंदाज म्हणून खेळेल. (Rajasthan Royals)

या दुखापतीवर उपचार घेतल्यानंततर सॅमसनने बीसीसीआयच्या सेंटर फॉर एक्सलन्समध्ये सराव सुरू केला. त्यानंतर, तो राजस्थान संघामध्ये दाखल झाला आहे. अद्याप तो यष्टिरक्षण करण्यासाठी पुरेसा फिट नसल्याने केवळ फलंदाज म्हणून खेळणार आहे. या सामन्यांमध्ये ध्रुव जुरेल ‘इम्पॅक्ट सब’ खेळाडू म्हणून यष्टिरक्षण करेल. फेब्रुवारी महिन्यात इंग्लंडविरुद्धच्या टी-२० मालिकेतील अखेरच्या सामन्यावेळी सॅमसनच्या बोटास दुखापत झाली होती. त्या सामन्यातही जुरेलने बदली खेळाडू म्हणून यष्टिरक्षण केले होते. दरम्यान, रियान प्रथमच राजस्थान संघाचे कर्णधारपद भूषवेल. या मोसमासाठी लिलाव होण्यापूर्वी राजस्थानने १४ कोटी रुपये मोजून रियानला संघात कायम ठेवले होते. आयपीएल-२०२५ मध्ये राजस्थानचा सलामीचा सामना २३ मार्च रोजी सनरायझर्स हैदराबादशी गुवाहाटी येथे होणार आहे. (Rajasthan Royals)

चेंडूवर लाळेचा वापर करण्यास परवानगी

आयपीएलच्या नव्या मोसमामध्ये चेंडूवर लाळेचा वापर करण्यास गोलंदाजांना परवानगी देण्यात आली आहे. मोसमाला सुरुवात होण्यापूर्वी मुंबईमध्ये झालेल्या आयपीएल कर्णधारांच्या बैठकीदरम्यान लाळेचा वापर करण्याच्या बाजूने मत मांडण्यात आले. त्यानुसार ही परवानगी देण्यात आली. क्रिकेटमध्ये चेंडू जुना झाल्यानंतर त्याच्या एका बाजूला चकाकी आणण्यासाठी गोलंदाजांकडून लाळेचा वापर करण्यात येतो. विशेषत: वेगवान गोलंदाजांना चेंडू रिव्हर्स स्विंग करण्यासाठी याचा उपयोग होतो.(Rajasthan Royals)
कोव्हिड-१९ नंतर क्रिकेटला सुरुवात करताना आंतरराष्ट्रीय क्रिकेट परिषदेने आरोग्यविषयक सुरक्षिततेच्या दृष्टीने लाळेच्या वापरावर तात्पुरती बंदी घातली होती. सप्टेंबर, २०२२ मध्ये ही बंदी कायमस्वरूपी करण्यात आली. त्यामुळे, गोलंदाजांना चेंडूला चकाकी आणण्यासाठी केवळ घामाचा वापर करण्याचा पर्याय उरला होता. जसप्रीत बुमराह, महंमद शमी यांसारख्या भारतीय गोलंदाजांनी वेळोवेळी लाळेच्या वापरावरील बंदी उठवण्याच्या बाजूने मत व्यक्त केले होते. व्हेरनॉन फिलँडर, टीम साउदी यांसारख्या माजी गोलंदाजांनीही या मागणीला दुजोरा दिला होता. त्याचप्रमाणे, आयपीएलच्या रात्रीच्या सामन्यांच्या दुसऱ्या डावात चेंडूवर होणारा दवाचा परिणाम लक्षात घेता दहा षटकांनंतर नवा चेंडू वापरण्याचाही निर्णय घेण्यात आला.

https://twitter.com/rajasthanroyals/status/1902593579559874669?ref_src=twsrc%5Egoogle%7Ctwcamp%5Eserp%7Ctwgr%5Etweet

हेही वाचा :

भारतीय संघाला ५८ कोटींचे बक्षीस

March 20, 2025 0 comments

ताज्या बातम्या महत्त्वाच्या नोंदी

Rahul Dravid : ‘कर्तव्यमूर्ती’ द्रविड कुबड्यांसह मैदानात!

by प्रतिनिधी March 13, 2025

written by प्रतिनिधी

जयपूर : भारताचे माजी क्रिकेटपटू आणि विश्वविजेत्या भारतीय संघाचे प्रशिक्षक राहुल द्रविड यांच्या समर्पणभावाचे बरेच दाखले दिले जातात. गुरुवारी इंडियन प्रीमियर लीगमधील राजस्थान रॉयल्स संघाच्या सराव शिबिरामध्येही त्याचा प्रत्यय आला. डाव्या पायाला दुखापत झाल्यामुळे तो मेडिकल बुटमध्ये असतानाही द्रविडसर कुबड्यांच्या साहाय्याने मैदानावर आले आणि त्यांनी राजस्थानच्या खेळाडूंना मार्गदर्शन केले. (Rahul Dravid)

मागील आठवड्यामध्ये बेंगळुरू येथे एका क्लब सामन्यादरम्यान द्रविड यांच्या डाव्या पायास दुखापत झाली होती. या दुखापतीमुळे द्रविड यांचा पाय सध्या मेडिकल बुटमध्ये आहे. मात्र, राजस्थानचे मुख्य प्रशिक्षक असणारे द्रविड गुरुवारी या मेडिकल बुटसहीत जयपूर येथील सराव शिबिरामध्ये दाखल झाले. यावेळी त्यांना चालण्यासाठी कुबड्यांचा आधार घ्यावा लागत होता. द्रविड यांनी रियान पराग, यशस्वी जैस्वाल या खेळाडूंसोबत संवादही साधला. द्रविड यांच्या या कर्तव्यनिष्ठतेचा व्हिडिओ रायस्थान रॉयल्स संघातर्फे एक्सवर (ट्विटर) पोस्ट करण्यात आला असून त्यावर कमेंट्सचा पाऊस पडत आहे. (Rahul Dravid)

जयपूरपूर्वी राजस्थान रॉयल्सचे सराव शिबीर गुवाहाटीमध्ये पार पडले होते व त्यावेळी नुकतीच दुखापत झाली असल्यामुळे द्रविड उपस्थित राहिले होते. आयपीएलमध्ये राजस्थानचा संघ यष्टिरक्षक संजू सॅमसनच्या नेतृत्वाखाली खेळत असून यंदाच्या मोसमातील त्यांचा सलामीचा सामना सनरायझर्सशी २३ मार्चला होणार आहे. (Rahul Dravid)

https://twitter.com/rajasthanroyals/status/1900035019609117001?ref_src=twsrc%5Etfw%7Ctwcamp%5Etweetembed%7Ctwterm%5E1900047943107064286%7Ctwgr%5E1d8fbb5013e0183d86fc70ae4a9b655ffe22ec27%7Ctwcon%5Es2_&ref_url=https%3A%2F%2Fsports.ndtv.com%2Fipl-2025%2Finjured-rahul-dravid-arrives-for-rajasthan-royals-ipl-2025-camp-on-crutches-internet-says-never-seen-7913721
हेही वाचा :
मार्शला खेळण्यास परवानगी, पण…

March 13, 2025 0 comments