Tag:

rahul gandhi

Oppositions slammed PM: मोदी सरकारने ताठ कण्याने अमेरिकेला विरोध करावा

by प्रतिनिधी April 3, 2025

written by प्रतिनिधी

नवी दिल्ली : अमेरिकेने भारतावर २७ टक्के परस्पर कर लादला आहे. याबद्दल काँग्रेस आणि इतर विरोधी पक्षांनी गुरुवारी पंतप्रधान नरेंद्र मोदींवर जोरदार टीकास्र सोडले. मोदी सरकारने ताठ कण्याने अमेरिकेला विरोध करावा आणि राष्ट्रीय हितांचे रक्षण करावे, असे आवाहनही विरोधी पक्षाच्या नेत्यांनी केले.(Oppositions slammed PM)

लोकसभेतील विरोधी पक्षनेते खासदार राहुल गांधी यांनी अमेरिकेने लादलेल्या या करांमुळे भारतीय अर्थव्यवस्था पूर्णपणे उद्ध्वस्त होईल. विशेषतः ऑटोमोबाईल्स, औषधनिर्माण आणि शेतीसारख्या उद्योगांवर गंभीर परिणाम होतील, असा इशारा दिला.

शून्य प्रहरात लोकसभेत बोलताना, गांधी यांनी अमेरिकेने लादलेल्या करांबद्दल केंद्र सरकारची काय भूमिका आहे, ते जाहीर करावे असे आवाहन केले. (Oppositions slammed PM)

‘‘कोणीतरी एकदा इंदिरा गांधींना विचारले होते – ‘परराष्ट्र धोरणाच्या बाबतीत तुम्ही डावीकडे झुकता की उजवीकडे झुकता,’ त्यावर इंदिरा गांधींनी उत्तर दिले, ‘मी डावीकडे किंवा उजवीकडे झुकत नाही, मी ताठ उभी आहे. मी भारतीय आहे आणि मी ताठ उभी आहे’,” अशी आठवणही राहुल गांधी यांनी सांगितली.

काँग्रेस अध्यक्ष आणि राज्यसभेतील विरोधी पक्षनेते मल्लिकार्जुन खरगे यांनीही पंतप्रधान मोदींवर टीका करताना म्हटले आहे की, ‘आमचा ग्राहक’ अडचणीत आहे. अमेरिकन नेतृत्व कसे व्यावसायिक म्हणून काम करते हे दिसून येते, असे ते म्हणाले. (Oppositions slammed PM)

‘‘आलिंगन देण्याने, हास्यविनोद करण्याने किंवा, ‘फिर एक बार ट्रम्प सरकार,’ अशा घोषणांनी काहीही साध्य होत नाही. अमेरिका एक व्यावसायिक आहे आणि आमच्या ग्राहकांचे शोषण होणार आहे, ’’ असे खरगे म्हणाले. पंतप्रधान मोदींनी अमेरिकेचे अध्यक्ष डोनाल्ड ट्रम्प यांच्याविषयी भूतकाळातील कौतुकाचा संदर्भ देत खरगे यांनी ही टीका केली.

काँग्रेस लवकरच या मुद्द्यावर सविस्तर निवेदन प्रसिद्ध करेल, असे ते म्हणाले.

काँग्रेस खासदार मनीष तिवारी यांनी अतिरिक्त कर हा केंद्र सरकारचे अपयश असल्याचे म्हटले आहे.

‘‘अमेरिकेने पुढे जाऊन जे करायचे होते ते केले आहे. त्याबरोबरच, भारतीय विद्यार्थ्यांचे व्हिसा मोठ्या प्रमाणात रद्द केले जात आहेत भारत सरकार मात्र त्यावर आवाज उठवत नाही,’’ असा आरोप त्यांनी केला. (oppositions slammed PM)

टीएमसीच्या राज्यसभेच्या खासदार सागरिका घोष यांनीही मोदी सरकारवर टीका केली. या करामुळे कापड, अभियांत्रिकी आणि रत्ने आणि दागिने यांसारख्या प्रमुख भारतीय उद्योगांवर नकारात्मक परिणाम होईल आणि लाखो कामगारांच्या रोजीरोटीवर परिणाम होईल, अशी भीती व्यक्त केली.

हेही वाचा :
मोदी मित्र, तरीही भारतावर २६ टक्के कर
भारतातील टेक्स्टाईल, जेम्स ॲण्ड ज्वेलरी उद्योगांना फटका
पेंग्विननाही द्यावा लागणार ट्रम्प कर!

April 3, 2025 0 comments

आंदोलन देश-विदेश महत्त्वाच्या नोंदी राजकारण

Rahul met Manipur Leaders: हिसाचारग्रस्त मणिपूरच्या नेत्यांशी राहुल यांचा संवाद

by प्रतिनिधी March 29, 2025

written by प्रतिनिधी

इम्फाळ : काँग्रेसचे खासदार आणि लोकसभेतील विरोधी पक्षनेते राहुल गांधी यांनी हिंसाचारग्रस्त मणिपूरमधील विविध समुदायांच्या नेत्यांची भेट घेतली. त्यांच्याशी संवाद साधला. पंतप्रधान नरेंद्र मोदी यांनी आजपर्यंत ईशान्येकडील या हिंसाचारग्रस्त राज्याला भेट दिली नाही, याबद्दल त्यांनी टीका केली. (Rahul met Manipur Leaders)

राहुल गांधी यांनी यासंदर्भात एक्सवर पोस्ट केली आहे. त्यात ते म्हणतात, ‘काल मी संसदेत मणिपूरमधील विविध समुदायांच्या काँग्रेस नेत्यांशी भेटलो. जवळजवळ दोन वर्षांच्या हिंसाचारानंतर आणि आता राष्ट्रपती राजवट लागू झाल्यानंतरही पंतप्रधान मोदींनी अद्याप या राज्याला भेट दिली नाही हे अत्यंत चिंताजनक आहे. मणिपूरमधील लोकांना शांतता आणि स्थैर्य हवे आहे. या संकटावर कायमस्वरूपी तोडगा काढण्यासाठी प्रत्येक भारतीय नागरिक कटिबद्ध आहे. येथील संघर्षाचे निराकरण करणे ही आपली राष्ट्रीय प्राथमिकता असली पाहिजे.’ (Rahul met Manipur Leaders)

गृह मंत्रालयाने जाहीर केल्यानुसार, मुख्यमंत्री एन. बिरेन सिंह यांनी राजीनामा दिल्यानंतर फेब्रुवारीपासून मणिपूरमध्ये राष्ट्रपती राजवट लागू करण्यात आली आहे.

२०२३ पासून मणिपूर जातीय हिंसाचाराने ग्रासलेले आहे. मैतेई समुदाय आणि कुकी-झो जमातींमधील संघर्षात २५० हून अधिक लोक मृत्युमुखी पडले आहेत. मोठ्या प्रमाणात लोक विस्थापित झाले आहेत. बिरेन सिंह यांच्या कार्यकाळात राज्यात अशांतता माजली होती. राज्यात शांतता प्रस्थापित करण्यात त्यांच्या सरकारला अपयश आले. त्यामुळे सिंह यांच्या नेतृत्वावर प्रश्नचिन्ह निर्माण झाले होते. (Rahul met Manipur Leaders)

सत्ताधारी भाजपमधील नेत्यांमधून बिरेन सिंह यांच्याविरोधातील नाराजीचा स्वर तीव्र होऊ लागला. याची दखल केंद्रीय नेतृत्वाला घ्यावी लागली. अखेर बिरेन सिंह यांना मुख्यमंत्रिपदावरून पायउतार व्हावे लागले. आता या राज्यात राष्ट्रपती राजवट लागू करण्यात आली आहे.

राज्यात हिंसाचाराचा आगडोंब सुरू होता. त्यानंतर दोन वर्षांनी म्हणजे डिसेंबर २०२४ मध्ये, सिंह यांनी हिंसाचाराबद्दल जाहीरपणे माफी मागितली. सलोख्याचे आवाहन केले, समुदायांना क्षमा करण्याचे आणि शांतता पुनस्थापित करण्याचे आवाहन केले.

तथापि, काँग्रेसने त्यांच्यावर राज्यात फूट पाडण्याचा आरोप केला. राष्ट्रपती राजवट लागू केल्यानंतर तेथील राज्यपालांनी मैतेई आणि कुकी समाजातील बंडखोरांना शांततेचे आवाहन केले. शस्त्रे सरकारजमा करण्याचे आवाहन केले. त्या आवाहनाला काही प्रमाणात प्रतिसादही मिळाला, तथापि, अधूनमधून तेथे लोक रस्त्यावर येऊन निदर्शने आणि हिंसाचार घडवत असल्याच्या घटना घडत आहेत.

Yesterday, I met with Congress leaders from different communities of Manipur in Parliament. It's deeply concerning that after nearly two years of violence and now President's rule, PM Modi has still not visited the state.

The people of Manipur deserve peace and stability. Every… pic.twitter.com/CaZgww5qjI
— Rahul Gandhi (@RahulGandhi) March 29, 2025

हेही वाचा :
म्यानमारमधील मृतांचा आकडा हजारावर
भारताकडून म्यानमारला १५ टन मदत साहित्य

March 29, 2025 0 comments

देश-विदेश महत्त्वाच्या नोंदी राजकारण

Rahul alleges Birla: सभागृहात मला बोलूच दिले जात नाही…

by प्रतिनिधी March 26, 2025

written by प्रतिनिधी

नवी दिल्ली : संसदेत मला बोलूच दिले जात नाही. सभागृहात हा काय प्रकार सुरू आहे ते समज नाही, असा संताप लोकसभेचे विरोधी पक्षनेते राहुल गांधी यांनी बुधवारी (२६ मार्च) केला. तसेच खा. राहुल गांधी यांनी अध्यक्ष ओम बिर्ला संसदेत बोलण्याची संधी नाकारत असल्याचा गंभीर आरोप केला.(Rahul alleges Birla)

लोकसभेचे कामकाज लोकशाही प्रणालीच्या विरूद्ध चालवले जात आहे. सभागृहात महत्त्वाचे मुद्दे उपस्थित करण्याची विनंती वारंवार करूनही अध्यक्ष त्यांकडे दुर्लक्ष करतात, याकडे राहुल गांधी यांनी लक्ष वेधले.

‘मला माहित नाही काय चाललंय… मी त्यांना (सभापतींना) बोलू देण्याची विनंती केली, पण ते पळून गेले. मला बोलू दिले नाही. सभागृह चालवण्याचा हा मार्ग नव्हे,’ असे गांधी संसदेबाहेर पत्रकारांशी बोलताना म्हणाले. (Rahul alleges Birla)

आगामी महाकुंभमेळा आणि बेरोजगारीच्या वाढत्या मुद्द्यावर बोलण्याचा मी प्रयत्न करत होतो, पण मला वारंवार रोखण्यात आले. जेव्हा जेव्हा मी उभा राहतो तेव्हा मला बोलण्यापासून रोखले जाते. येथे लोकशाहीला स्थान नाही.

खा. राहुल गांधी, लोकसभेतील विरोधी पक्ष नेते

सभागृहाची प्रतिष्ठा राखा : बिर्ला

लोकसभेचे अध्यक्ष ओम बिर्ला यांनी सदस्यांनी सभागृहाची प्रतिष्ठा राखणे अपेक्षित आहे. सदस्यांनी कार्यपद्धतीच्या नियमांचे पालन केले पाहिजे, असे त्यांना सांगितले. त्यावर सभापतींनी असे निरीक्षण का नोंदवले, ते स्पष्ट झालेले नाही. सदस्यांनी सभागृहाचा उच्च दर्जा आणि प्रतिष्ठा कायम राहील, अशा पद्धतीने वागावे अशी अपेक्षा आहे, असे बिर्ला म्हणाले. (Rahul alleges Birla)

“माझ्या निदर्शनास अशी अनेक उदाहरणे आली आहेत जिथे सदस्यांचे वर्तन सभागृहाच्या उच्च दर्जाला अनुरूप नाही,” असे सभापती म्हणाले.

“या सभागृहात वडील आणि मुलगी, आई आणि मुलगी, पती आणि पत्नी सदस्य राहिले आहेत. या संदर्भात, विरोधी पक्षनेत्याने नियम ३४९ नुसार वागावे अशी माझी अपेक्षा आहे, विशेषतः, विरोधी पक्षनेत्याने नियमांनुसार वागणे अपेक्षित आहे,” असे सभापती म्हणाले.

राहुल गांधी म्हणाले की, सभापतींनी त्यांच्यावर टीका केली आणि नंतर त्यांना बोलण्याची संधी न देता सभागृह तहकूब केले. त्यांनी सांगितले की, गेल्या आठवड्यातही त्यांना बोलण्याची परवानगी देण्यात आली नव्हती.

काँग्रेस नेत्यांची अध्यक्षांशी चर्चा

दरम्यान, लोकसभेचे उपनेते गौरव गोगोई, काँग्रेसचे सरचिटणीस के. सी. वेणुगोपाल आणि लोकसभेतील पक्षाचे व्हीप माणिकम टागोर यांच्यासह सुमारे ७० काँग्रेस खासदारांनी लोकसभा अध्यक्षांची भेट घेतली. यावेळी त्यांनी खासदार राहुल गांधी यांना सभागृहात बोलण्याची संधी नाकारल्याचा मुद्दा उपस्थित केला, असे पक्षाच्या सूत्रांनी सांगितले.

हेही वाचा :

असंवेदनशील, अमानवी

उच्च न्यायालयातील ७७ टक्के न्यायाधीश उच्च जातीचे

March 26, 2025 0 comments

देश-विदेश महत्त्वाच्या नोंदी राजकारण

Congress alleges EC: एकाच क्रमांकाची अनेक डुप्लिकेट मतदार ओळखपत्रे

by प्रतिनिधी March 3, 2025

written by प्रतिनिधी

नवी दिल्ली : मतदारयाद्यांमध्ये फेरफार करण्यात निवडणूक आयोगही सहभागी असल्याचा गंभीर आरोप काँग्रेसने सोमवारी (३ मार्च) केला. सत्ताधारी भारतीय जनता पक्षाला राजकीय फायदा मिळवून देण्यासाठी डुप्लिकेट मतदार ओळखपत्र क्रमांकांचा वापर करण्यात आल्याचा आरोपही पक्षाने केला. पक्षाच्या एम्पॉवर्ड अॅक्शन ग्रुप ऑफ लीडर्स अँड एक्सपर्ट्स (ईगल) ने हे आरोप केले आहेत. यानिमित्ताने देशाच्या लोकशाहीसमोर गंभीर धोके निर्माण झाल्याचा आरोप पुन्हा एकदा करण्यात आला आहे.(Congress alleges EC)

‘आता या प्रकरणाचा पर्दाफाश झाला आहे. सत्ताधारी भाजप निवडणूक आयोगाशी संगनमत करून मतदार यादीत फेरफार करून निवडणुका जिंकतो किंवा जिंकण्याचा प्रयत्न करतो. म्हणूनच निवडणूक आयुक्तांच्या नियुक्तीची प्रक्रिया नरेंद्र मोदी सरकारसाठी महत्त्वाची वाटते. त्यामुळे त्यांनी निवडणूक आयुक्तांची नियुक्ती करण्यासाठी संतुलित समिती स्थापन करण्याच्या सर्वोच्च न्यायालयाचा निर्णयही उलथवून टाकला,’ असे काँग्रेसने ‘एक्स ’वरील पोस्टमध्ये म्हटले आहे. (Congress alleges EC)

देशातील निवडणूक प्रक्रियेवर लक्ष ठेवणे आणि निवडणूक आयोग मुक्त आणि निष्पक्ष वातावरणात निवडणुका पार पाडतोय की नाही, यावर लक्ष ठेवण्यासाठी काँग्रेसने गेल्या महिन्यात आठ सदस्यांची ‘ईगल’ टीम स्थापन केली होती. या पॅनेलमध्ये काँग्रेस नेते अजय माकन, दिग्विजय सिंह, अभिषेक मनु सिंघवी, प्रवीण चक्रवर्ती, पवन खेरा, गुरदीप सिंह सप्पल, नितीन राऊत आणि चल्ला वंशी चंद रेड्डी यांचा समावेश आहे. (Congress alleges EC)

ईगलच्या निवेदनानुसार, एकाच मतदारसंघात आणि वेगवेगळ्या राज्यांमध्ये एकाच मतदार ओळखपत्र क्रमांकाखाली अनेक मतदार नोंदणीकृत असल्याचे आढळून आले. म्हणजे एकाच क्रमांकाखाली अनेक वाहनांची नोंदणी करण्याचा हा प्रकार आहे. हे निवडणूक अखंडतेचे अभूतपूर्व उल्लंघन असल्याचे पक्षाने म्हटले आहे.

२०२४ मध्ये झालेल्या महाराष्ट्र विधानसभा निवडणुकीत, निवडणूक आयोगाने अवघ्या पाच महिन्यांत आश्चर्यकारकपणे ४० लाख नवीन मतदारांची नोंदणी केली आहे. जी मागील पाच वर्षांच्या (२०१९-२०२४) काळात झालेल्या ३२ लाख नवीन मतदार नोंदणींपेक्षा खूपच जास्त आहे, असा दावा काँग्रेस सातत्याने करत आला आहे. (Congress alleges EC)

या नवीन मतदारांनी संशयास्पदरित्या महाराष्ट्रात भाजपच्या नेतृत्वाखालील आघाडीला मोठ्या प्रमाणात मतदान केल्याचे दिसून येते. त्यामुळे निवडणूक निकालांवर त्यांच्या बाजूने मोठा परिणाम झाला. सत्ताधारी भाजपने निवडणूक आयोगाच्या सहकार्याने निवडणूक प्रक्रियेत फेरफार करून विजय मिळवला आहे, असा आरोप काँग्रेसने केला.

हेही वाचा :

‘महाराष्ट्र मे दो गुंडे, कोकाटे और मुंडे …!

March 3, 2025 0 comments

देश-विदेश राजकारण

Rahul slams modi : मित्राचा खिसा भरणे हीच मोदींसाठी ‘राष्ट्रनिर्मिती’!

by प्रतिनिधी February 14, 2025

written by प्रतिनिधी

नवी दिल्ली : पंतप्रधान नरेंद्र मोदी यांनी अमेरिका दौऱ्यात गौतम अदानी अभियोग प्रकरणावरील प्रश्न फेटाळून लावला. त्यावर लोकसभेतील विरोधी पक्षनेते राहुल गांधी यांनी जोरदार टीकास्र सोडले. अमेरिकेतही मोदीजींनी अदानींना भ्रष्टाचाराच्या आरोपांपासून वाचवले! “मोदीजींसाठी, मित्राचा खिसा भरणे ही ‘राष्ट्रनिर्मिती’ आहे, तर लाचखोरी आणि राष्ट्रीय संपत्तीची लूट ही सोयीस्करपणे ‘वैयक्तिक बाब’ बनते, असे राहुल गांधी यांनी ‘एक्स’वर पोस्टमध्ये म्हटले आहे. (Rahul slams modi)

पंतप्रधान मोदी त्यांच्या ‘मित्राला’ ‘वैयक्तिक बाब’ म्हणत ‘संरक्षण’ देत आहेत. घरातील प्रश्नांवर मौन, परदेशात मात्र ती त्यांच्यासाठी ‘वैयक्तिक बाब’! ठरते, अशी टीकाही राहुल गांधी यांनी टीका केली.

अमेरिकेच्या दौऱ्यावर असलेल्या पीएम मोदींना राष्ट्राध्यक्ष डोनाल्ड ट्रम्प यांच्याशी गौतम अदानी आरोपाच्या मुद्द्यावर चर्चा केली आहे का, असा प्रश्न विचारण्यात आला. मात्र तो मोदी यांनी फेटाळून लावला. (Rahul slams modi)

‘भारत ही लोकशाही आहे आणि आमची संस्कृती ‘वसुधैव कुटुंबकम’ आहे. आम्ही संपूर्ण जग एक कुटुंब मानतो. माझा विश्वास आहे की प्रत्येक भारतीय माझा आहे. दोन देशांचे दोन प्रमुख नेते अशा वैयक्तिक विषयांवर कधीही चर्चा करत नाहीत,’ असे मोदी म्हणाले. त्यांच्या या युक्तिवादाचा समाचारा राहुल गांधी यांनी घेतला आहे.

अमेरिकन अधिकाऱ्यांनी, गेल्या वर्षी नोव्हेंबरमध्ये, अदानी, त्याचा पुतण्या सागर अदानी आणि अदानी समूहातील अनेक अधिकाऱ्यांवर गंभीर आरोप केले आहेत. भारतातील सौर ऊर्जा प्रकल्पाच्या कराराशी संबंधित अडीचशे दशलक्ष डॉलर्सच्या लाचखोरीच्या प्रकरणात त्यांचा सहभाग असल्याचा आरोप केला. यूएस डिपार्टमेंट ऑफ जस्टिसने सिक्युरिटीज आणि वायर फ्रॉडचा आरोप लावला. ‘अदानी’ने अमेरिकेतील गुंतवणूकदारांची दिशाभूल केली, असे म्हटले आहे. अदानी समूहाने हे आरोप बिनबुडाचे म्हणत फेटाळले. (Rahul slams modi)

गेल्या वर्षी संसदेच्या हिवाळी अधिवेशनात हा मुद्दा उपस्थित करून विरोधकांनी भाजप सरकारवर जोरदार हल्ला चढवला. इंडिया आघाडीने सभागृहात निषेध नोंदवत सभात्याग केला होता.

देश में सवाल पूछो तो चुप्पी,
विदेश में पूछो तो निजी मामला!

अमेरिका में भी मोदी जी ने अडानी जी के भ्रष्टाचार पर पर्दा डाल दिया!

जब मित्र का जेब भरना मोदी जी के लिए “राष्ट्र निर्माण” है, तब रिश्वतखोरी और देश की संपत्ति को लूटना “व्यक्तिगत मामला” बन जाता है।

— Rahul Gandhi (@RahulGandhi) February 14, 2025

हेही वाचा :

भारत-अमेरिका ‘मेगा पार्टनरशिप’!

बेकायदेशीर स्थलांतरित स्वर्गातून जमिनीवर

February 14, 2025 0 comments

देश-विदेश राजकारण

Rahul criticise ECI : महाराष्ट्राच्या लोकसंख्येपेक्षा मतदार संख्या अधिक

by प्रतिनिधी February 7, 2025

written by प्रतिनिधी

नवी दिल्ली : महाराष्ट्राची लोकसंख्या नऊ कोटी ५४ लाख इतकी असताना महाराष्ट्रात लोकसंख्येपेक्षा जास्त मतदार कसे झाले? असा प्रश्न लोकसभेतील विरोधी पक्ष नेते राहुल गांधी यांनी केला आहे. लोकसभा निवडणुकीनंतर विधानसभा निवडणुकीपर्यंत पाच महिन्यात महाराष्ट्रात ३२ लाख मतदार वाढले. हिमाचल प्रदेशाएवढे मतदार अवघ्या पाच महिन्यात वाढले आहेत, याकडेही राहुल गांधी यांनी लक्ष वेधले. (Rahul criticise ECI)

नवी दिल्लीत महाराष्ट्रातील विधानसभा निवडणुकीत झालेल्या घोळाबद्दल राहुल गांधी, राष्ट्रवादी शरद पवार पक्षाच्या नेत्या, खासदार सुप्रिया सुळे आणि शिवसेनेचे राज्यसभेतील खासदार संजय राऊत यांनी संयुक्त पत्रकार परिषद घेतली. यावेळी त्यांनी महाराष्ट्र विधानसभा निवडणुकीत मतदारांच्या संख्येत घोटाळा झाल्याचा आरोप केला. या संदर्भात निवडणूक आयोगाकडे उत्तर मागितले असल्याचा पुनरुच्चाही त्यांनी केला.(Rahul criticise ECI)

राहुल गांधी म्हणाले, २०१९ पासून २०२४च्या लोकसभा निवडणुकीपर्यंत पाच वर्षांत महाराष्ट्रात ३२ लाख नवीन मतदारांची नोंद झाली, पण २०२४ लोकसभा निवडणुकीपासून २०२४ च्या विधानसभा निवडणुकीपर्यंत म्हणजे अवघ्या पाच महिन्यात मतदारसंख्या ३९ लाखाने वाढली. वाढ झालेल्या मतदारांची संख्या ही हिमाचल प्रदेशातील मतदारांइतकी आहे. निवडणूक आयोगाने आमच्या प्रश्नांची उत्तरे लिखित स्वरुपात दिली पाहिजेत. संपूर्ण देशात निवडणूक आयोगाकडून समान प्रक्रिया राबवली जाते असे सांगितले आहे.

लोकसभा आणि विधानसभा निवडणुकीची एकत्रित मतदार यादी आम्हाला निवडणूक आयोगाकडून मिळत नसल्याचे राहुल गांधी यांनी पुन्हा एकदा सांगितले. ते म्हणाले, महाराष्ट्राची लोकसंख्या ९.५४ कोटी आहे. महाराष्ट्राची मतदारांची संख्या एकूण लोकसंख्येपेक्षा जास्त झाली आहे. मतदार यादीमध्ये उणिवा आहेत. आम्हाला लोकसभा आणि विधानसभा निवडणुकीच्या वेगवेगळ्या मतदार यादा फोटो वोटर लिस्टसह हव्या आहेत. दलित आणि अल्पसंख्याकांची नावे मतदार यादीतून हटवल्याचा आरोपही त्यांनी केला. आमच्या मागणीला निवडणूक आयोग प्रतिसाद देत नाही असे सांगून महाराष्ट्रातील काँग्रेस, राष्ट्रवादी आणि शिवसेना हे तीनही विरोधी पक्ष निवडणूक आयोगाकडून पारदर्शी कामाची अपेक्षा करत आहे.(Rahul criticise ECI)

वाढीव मतदारांचा फटका महाविकास आघाडीला बसला असल्याचे राहुल गांधी यांनी सांगितले. लोकसभा निवडणुकीत जितके मतदान महाविकास आघाडीला पडले तितके मतदान विधानसभेत पडले आहे. फक्त भाजपच्या उमेदवाराला लोकसभेपेक्षा विधानसभेच्या निवडणुकीला जास्त मतदान पडले आहे. अशी आकडेवारी अनेक विधानसभा मतदारसंघात पहायला मिळते याकडेही राहुल गांधी यांनी लक्ष वेधले.

दिल्ली, बिहारमध्येही हाच पॅटर्न

संजय राऊत म्हणाले, निवडणुकीत नवीन पॅटर्न सुरू झाला आहे. महाराष्ट्रात मतदान वाढले. तसाच पॅटर्न दिल्ली विधानसभा निवडणुकीत राबवण्याची शक्यता आहे. हे वाढवलेले मतदार कुठून आले. बिहार विधानसभा निवडणुकीतही वाढीव मतदार पॅटर्न राबवला जाईल असे मतही खासदार राऊत यांनी व्यक्त केले.(Rahul criticise ECI)

राष्ट्रवादीच्या ११ उमेदवारांना फटका

निवडणुकीतील मतदानाच्या आकड्यांवरून अनेक शंका उपस्थित केल्या जात आहेत. माळशिरसचे आमदार उत्तम जानकरांनीही विधानसभा निवडणुकीत त्यांच्या मारकटवाडी येथील मतदानांवरुन शंका घेतली आहे. महाराष्ट्र नवनिर्माण सेनेचे अध्यक्ष राज ठाकरे यांनीही त्यांचे माजी आमदार राजू पाटील यांच्या गावात त्यांना शून्य मते मिळाली आहेत असा आरोप केल्याकडे यावेळी खासदार सुप्रिया सुळे यांनी सांगितले.(Rahul criticise ECI)

राष्ट्रवादी काँग्रेस पक्षाने तुतारी वाजवणारा मनुष्य आणि तुतारी या चिन्हाबाबत निवडणूक आयोगाकडे तक्रार करुनही त्यांनी तुतारी चिन्ह वगळले नाही. त्याचा फटका आमच्या ११ उमेदवारांना बसला असल्याचे सांगितले. निवडणूक आयोगाने आम्ही केलेल्या तक्रारीनंतर तुतारी ऐवजी फक्त ट्रॅम्पेट असे नाव केले. तुतारी (ट्रॅम्पेट) या चिन्हामुळे सातारा लोकसभा मतदारसंघातील आमचा उमेदवार निवडून आला, असे महाराष्ट्र सरकारमधील एक मंत्री असलेल्या नेत्याने जाहीर वक्तव्य केले होते याकडेही सुळे यांनी लक्ष वेधले.

हेही वाचा :

महाराष्ट्रातील काँग्रेसचे संघटन अत्यंत खराब

भारतीयांची अमेरिकेतून हद्दपारी आणि नेतृत्वहीन जग

February 7, 2025 0 comments

महाराष्ट्र राजकारण

Husain dalwai : महाराष्ट्रातील काँग्रेसचे संघटन अत्यंत खराब

by प्रतिनिधी February 6, 2025

written by प्रतिनिधी

मुंबई : प्रतिनिधी : दिल्ली विधानसभा निवडणुकीतील एक्झिट पोलमध्ये भाजपला बहुमत मिळणार असल्याच अंदाज व्यक्त झाल्यानंतर महाराष्ट्र काँग्रेसचे ज्येष्ठ नेते, माजी खासदार हुसेन दलवाई पक्षातील संघटनेतील समस्येवर बोट ठेवले आहे. राहुल गांधी यांनी काँग्रेसमध्ये संघटनेवर लक्ष देण्याची गरज व्यक्त केली आहे. महाराष्ट्रात काँग्रेसचे संघटन अत्यंत खराब असल्याची टीका करत त्यांनी काँग्रेसला घरचा आहेर दिला आहे. (Husain dalwai)

अर्थसंकल्पीय अधिवेशनात राहुल गांधी यांनी केलेले भाषण जनतेला आवडले. जनता राहुल गांधी यांच्या समवेत आहे, असेही ते म्हणाले. हुसेन दलवाई यांनी, महाराष्ट्रात काँग्रेसचे संघटन आहे की नाही याची माहिती नाही. पण एक काळ असा होता महाराष्ट्रात काँग्रेसचे मजबूत संघटन होते. आज महाराष्ट्रात काँग्रेसची अवस्था अत्यंत वाईट आहे. वरिष्ठ नेतृत्वाने त्यावर लक्ष देण्याची गरज आहे. नेतृत्वाचे म्हणणे जे लोक ऐकत नाहीत त्यांना बाजूला करण्याची गरजही त्यांनी व्यक्त केली. (Husain dalwai)

तिरुपती मंदिरात १६ गैर हिंदू कर्मचाऱ्यांवर कारवाई करण्याचा निर्णय अत्यंत चुकीचा असल्याचे मतही हुसेन दलवाई यांनी व्यक्त केले. इतके दिवस गैर हिंदू कर्मचारी काम करत होते तेव्हा काहीच अडचण निर्माण झाली नाही. आता ज्या पद्धतीने त्यांच्या बदल्या केल्या तो प्रकार चुकीचा आहे. (Husain dalwai)

सरसंघचालक मोहन भागवत यांच्या हिंदू समाजातील एकजुटतेच्या वक्तव्यावर हुसेन दलवाई म्हणाले, भागवत नेहमी हिंदू, हिंदू, हिंदू म्हणतात. ते आज एक बोलतात आणि काल वेगळेच बोलले असते. मी त्यांना एक महत्त्वाची गोष्ट सांगू इच्छितो की त्यांनी हिंदू समाजातील एकजुटतेबाबत सर्वप्रथम ब्राह्मणांना सांगितले पाहिजे. कारण ब्राह्मण समाज दुसऱ्या समाजांना सोबत घेऊन जाण्यास तयार नाही. समाजवादी नेते खासदार अखिलेश यादव हे काँग्रेसला सल्ला देण्याचा प्रयत्न करत आहेत. पहिल्यांदा त्यांनी समाजवादींना शिकवण दिली पाहिजे आणि मग काँग्रेसला दिली पाहिजे, असा टोलाही त्यांनी मारला.

हेही वाचा :

…मग गुजरातचे लोक अमेरिकेत कसे?

शेख मुजीबुर रहमान यांचे निवासस्थान पेटवले

February 6, 2025 0 comments

देश-विदेश राजकारण

Modi’s reply : आम्ही ओबीसींना घटनात्मक दर्जा दिला

by प्रतिनिधी February 4, 2025

written by प्रतिनिधी

नवी दिल्ली : ‘जातीबद्दल बोलण्याची काही लोकांची फॅशन झाली आहे. गेल्या ३० वर्षांपासून ओबीसी खासदार ओबीसी आयोगाला घटनात्मक दर्जा देण्याची मागणी करत आहेत. ज्यांना आज जातीवादाचा फायदा दिसतो, त्यांनी ओबीसी समाजाचा विचार केला नाही. आम्ही ओबीसी आयोगाला संवैधानिक दर्जा दिला आहे,’ याकडे लक्ष वेधत पंतप्रधान नरेंद्र मोदी यांनी विरोधी पक्षनेते खासदार राहुल गांधी यांना टोला लगावला.(Modi’s reply)

राष्ट्रपतींच्या अभिभाषणावरील आभार प्रस्तावावर झालेल्या भाषणांना मोदी उत्तर देत होते.

या सभागृहाच्या माध्यमातून मला देशातील नागरिकांना महत्त्वाचा प्रश्न विचारायचा आहे की, अनुसूचित जातीतील एकाच कुटुंबातील एकाच वेळी ३ खासदार झाले आहेत का, अनुसूचित जमातील एकाच कुटुंबातील ३ खासदार एकाच वेळी होते का? त्यांच्या बोलण्यात आणि वागण्यात खूप फरक आहे, अशी टीकाही त्यांनी काँग्रेसवर केली. (Modi’s reply)

राहुल गांधी यांच्या वक्तव्यावर हल्ला करताना, मोदी म्हणाले, ‘आमच्या सरकारने अनुसूचित जाती, जमाती आणि ओबीसींना प्रत्येक क्षेत्रात जास्तीत जास्त संधी मिळतील हे सुनिश्चित करण्यासाठी काम केले आहे. काही लोकांच्या बोलण्यात आणि कृतीत फार मोठा फरक आहे. हा फरक जमीन-आकाशाएवढा आहे. त्यामुळे त्यांनी या समाजाबद्दलचा फुकटचा कळवळा दाखवू नये.’

परराष्ट्र धोरणावर बोलल्याशिवाय आपण पोक्त झालो नाही, असा काहींचा गैरसमज आहे. ज्यांना खरोखरच परराष्ट्र धोरणात मनापासून रस आहे त्यांना मी JFK’s Forgotten Crisis हे पुस्तक वाचण्याचा सल्ला देईन. तत्कालीन पंतप्रधान नेहरू आणि अमेरिकेचे अध्यक्ष जॉन एफ केनेडी यांच्यातील चर्चेचा हा महत्त्वाचा तपशील आहे. आव्हानात्मक काळात परराष्ट्र धोरण कसे हाताळले पाहिजे, याचे ते दिग्दर्शन करते, असे सांगत मोदी यांनी राहुल गांधी यांच्याकडे निर्देश केला. (Modi’s reply)

महिला राष्ट्रपतींचा अपमान : सोनियांना प्रत्युत्तर

मी राजकीय नैराश्य समजू शकतो, पण राष्ट्रपतींचा अपमान करण्याचे कारण काय, असा सवाल करून मोदी यांनी सोनिया गांधी यांच्यावरही टीकास्र सोडले. आज भारत अशी विकृत मानसिकता झुगारून देत पुढे जात आहे. महिलांच्या नेतृत्वाखाली विकासाचा मंत्र घेऊन आम्ही पुढे जात आहोत. निम्म्या लोकसंख्येला पूर्ण संधी मिळाली, तर भारत दुप्पट वेगाने पुढे जाऊ शकतो. माझा हा विश्वास अनेक वर्षे या क्षेत्रात काम केल्यानंतर अधिक दृढ झाला आहे, असे मोदी म्हणाले. (Modi’s reply)

‘India has had a big increase in the number of medical colleges that it went from 387 to 780 after 2014’: PM #NarendraModi

Track LIVE updates 🔗 https://t.co/bFkFrmoX2T #Parliament #BudgetSession #MotionOfThanks pic.twitter.com/j26q2YEFuq

— The Times Of India (@timesofindia) February 4, 2025

हेही वाचा :

महाराष्ट्रात अख्ख्या हिमाचलएवढे मतदार वाढले कसे?

‘मोदी-योगी राजीनामा द्या’

राहुल गांधी यांनी महाराष्ट्राची माफी मागावी

February 4, 2025 0 comments

देश-विदेश राजकारण

Fadnavis slams Rahul : राहुल गांधी यांनी महाराष्ट्राची माफी मागावी

by प्रतिनिधी February 4, 2025

written by प्रतिनिधी

मुंबई : प्रतिनिधी : लोकसभेचे विरोधी पक्षनेते खासदार राहुल गांधी यांनी महाराष्ट्राच्या जनतेचा अपमान केला आहे. त्यासाठी त्यांनी महाराष्ट्राची माफी मागितली पाहिजे, अशी मागणी महाराष्ट्राचे मुख्यमंत्री देवेंद्र फडणवीस यांनी सोमवारी केली. त्याचवेळी त्यांनी राहुल गांधी यांच्या वक्तव्याचा जोरदार समाचार घेतला.(Fadnavis slams Rahul)

२०२४ च्या महाराष्ट्र विधानसभा निवडणुकीत अनियमितता झाल्याचा आरोप राहुल गांधी यांनी लोकसभेत राष्ट्रपतींच्या अभिभाषणाच्या आभाराच्या प्रस्तावादरम्यान केला होता. तसेच त्यांनी महाराष्ट्र विधानसभेच्या निवडणुकांआधी मोठ्या संख्येने वाढलेल्या मतदारांचा मुद्दा उपस्थित करत निवडणूक आयोगाच्या कार्यपद्धतीबद्दल चिंता व्यक्त केली होती.

त्यांच्या या आरोपांना फडणवीस यांनी ‘एक्स’वर उत्तर दिले. “महाराष्ट्राचा अपमान करण्याऐवजी आत्मपरीक्षण करा! छत्रपती शिवाजी महाराज, भारतरत्न डॉ.बाबासाहेब आंबेडकर, महात्मा फुले, वीर सावरकर यांच्या भूमीचा तुम्ही अपमान केला आहे. तुमचा पक्ष पराभूत झाल्याने तुम्ही महाराष्ट्रातील जनतेने एनडीएला दिलेल्या लोकशाही जनादेशावर प्रश्नचिन्ह उभे केले आहे,” असे फडणवीस यांनी या पोस्टमध्ये म्हटले आहे. (Fadnavis slams Rahul)

ते म्हणाले की, काँग्रेस पक्षाच्या पराभवाचे चिंतन करण्याऐवजी, राहुल गांधी ‘निंदा’ करत आहेत. यासाठी महाराष्ट्रातील जनता तुम्हाला माफ करणार नाही. राहुल गांधी यांनी माफी मागितली पाहिजे.

राहुल गांधी यांनी राष्ट्रपतींच्या अभिभाषणाच्या आभाराच्या प्रस्तावादरम्यान नोव्हेंबर २०२४ मध्ये झालेल्या महाराष्ट्र विधानसभा निवडणुकांबद्दल चिंता व्यक्त केली. तसेच लोकसभा निवडणुकीत इंडिया आघाडीने जोरदार कामगिरी केली. मात्र महाराष्ट्र विधानसभा निवडणुकांदरम्यान राज्याच्या मतदार यादीत लक्षणीय वाढ नोंदवली गेली. ही वाढ हिमाचलच्या लोकसंख्येइतकी आहे. या डेटाची माहिती निवडणूक आयोगाकडे मागितली. मात्र ती दिली नाही, असे त्यांनी सभागृहाच्या निदर्शनास आणून दिले. (Fadnavis slams Rahul)

राहुल यांनी जूनच्या सार्वत्रिक निवडणुका आणि नोव्हेंबरच्या विधानसभा निवडणुकांदरम्यान जवळपास ७० लाख नवीन मतदार अचानक वाढले. त्यामुळे निवडणूक प्रक्रियेच्या पारदर्शकतेवर प्रश्न उपस्थित झाले, याकडे लक्ष वेधले. (Fadnavis slams Rahul)

आपल्या भाषणात राहुल गांधी यांनी मुख्य निवडणूक आयुक्त (CEC) आणि निवडणूक आयुक्तांच्या निवड समितीच्या पुनर्रचनेवरही मोदी सरकारवर प्रश्नचिन्ह उपस्थित केले. हा प्रकार लोकशाही संस्था कमकुवत करण्याचा आहे, असा आरोपही केला होता.

तसेच पंतप्रधान मोदी यांना डोनाल्ड ट्रमप यांच्या शपथविधीसाठी आमंत्रित करण्यात यावे यासाठी परराष्ट्रमंत्र्यांना अमेरिकेला पाठवण्यात आल्याचा गंभीर आरोप करत त्यांनी केंद्राच्या परराष्ट्र धोरणाच्या हाताळणीवर जोरदार टीका केली. चिनी घुसखोरीबाबत भारतीय लष्करप्रमुखांचे विधान पंतप्रधान मोदींच्या भूमिकेच्या विरोधात असल्याचा दावा करत त्यांनी सीमा सुरक्षेचा प्रश्नही उपस्थित केला होता.

हेही वाचा :

महाराष्ट्रात अख्ख्या हिमाचलएवढे मतदार वाढले कसे?

भाजपकडून पोलिसांचा गैरवापर होण्याची शक्यता

February 4, 2025 0 comments

देश-विदेश राजकारण

Rahul slams EC : महाराष्ट्रात अख्ख्या हिमाचलएवढे मतदार वाढले कसे?

by प्रतिनिधी February 3, 2025

written by प्रतिनिधी

नवी दिल्ली : महाराष्ट्र विधानसभेच्या निवडणुकीच्या काही दिवस आधीच ७० लाख मतदार वाढले कसे, याचे उत्तर अद्याप आम्हाला मिळालेले नाही. महाविकास आघाडीने निवडणूक आयोगाकडे ही माहिती मागवली. तथापि, अद्याप ती दिलेली नाही. ७० लाख मतदार म्हणजे अख्खा हिमाचल प्रदेश! मतदार यादीत एवढी मोठी तफावत कशी काय, याचे उत्तर मिळाले पाहिजे, याचा पुनरुच्चार लोकसभेचे विरोधी पक्षनेते खासदार राहुल गांधी यांनी सोमवारी केला. (Rahul slams EC)

राष्ट्रपतींच्या अभिभाषणावरील आभारप्रदर्शनावरील चर्चेत भाग घेताना ते बोलत होते. लोकसभा निवडणुका झाल्यानंतर अवघ्या पाच महिन्यांनंतर झालेल्या महाराष्ट्र विधानसभा निवडणुकीवेळी मोठ्या प्रमाणात मतदारांची नावे घुसडल्याचा आरोप खासदार गांधी यांनी यावेळी केला.

निवडणूक आयोगाने पारदर्शीपणे मतदार यादीचा डेटा महाविकास आघाडीतील मित्रपक्षांना उपलब्ध करून दिला पाहिजे. काँग्रेस, शिवसेना (उद्धव बाळासाहेब ठाकरे) आणि राष्ट्रवादी काँग्रेस पक्ष (शरदचंद्र पवार) या आघाडीतील पक्षांचा उल्लेख राहुल गांधी यांनी यावेळी केला. (Rahul slams EC)

दरम्यान, खासदार गांधी यांनी लोकसभेत केलेल्या टिपण्णीवर निवडणूक आयोगाकडून तत्काळ कोणतीही प्रतिक्रिया देण्यात आली नाही, परंतु राज्याच्या यादीत मतदारांची अनियंत्रित भर घातली किंवा काही हटवण्यात आल्याची शक्यता नाकारण्यात आली.

शिवसेनेचे खासदार श्रीकांत शिंदे यांनी गांधी यांचे वक्तव्य निराधार असल्याचे म्हटले आहे. राहुल गांधी यांचे वक्तव्य पूर्णपणे खोटे आणि निराधार आहे. प्रत्येक यादी निवडणूक आयोगाने त्यांच्या वेबसाइटवर अपलोड केली होती, असे त्यांनी पत्रकारांना सांगितले. (Rahul slams EC)

नोव्हेंबरमध्ये झालेल्या महाराष्ट्र विधानसभा निवडणुकीत, मविआने ने २८८ विधानसभा जागांपैकी फक्त ५० जागा मिळवल्या. शिवसेनेने (ठाकरे गट) 20, काँग्रेसला १६, आणि राष्ट्रवादीने (शरद पवार) १० जागा जिंकल्या. उर्वरित दोन जागा अपक्ष आणि एक एआयएमआयएमच्या वाट्याला गेली. भारतीय जनता पक्ष (भाजप), शिवसेना आणि राष्ट्रवादी काँग्रेस यांचा समावेश असलेल्या महायुतीने २३५ जागा जिंकल्या. त्यांपैकी भाजपने १३२, शिवसेनेला ५७, राष्ट्रवादीला ४१ आणि इतरांना पाच जागा मिळाल्या.

हेही वाचा :

‘मोदी-योगी राजीनामा द्या’

February 3, 2025 0 comments

Newer Posts

Older Posts