Tag:

Navid Mushrif

Chetan Narke : ‘गोकुळ’ कडून डॉ. चेतन नरके यांचा सत्कार

by प्रतिनिधी October 29, 2025

written by प्रतिनिधी

कोल्हापूर : कोल्‍हापूर जिल्‍हा सहकारी दूध उत्‍पादक संघ (गोकुळ) संघाचे संचालक डॉ.चेतन अरुण नरके यांची महाराष्ट्र राज्याचा नवीन सहकार धोरण समितीवर नियुक्ती झाल्याबद्दल त्‍यांचा सत्कार गोकुळ परिवारच्यावतीने संघाचे चेअरमन नविद मुश्रीफ यांचे हस्‍ते सत्कार करण्यात आला. गोकुळ शिरगाव येथील कार्यालयात झालेल्या या कार्यक्रमाच्यावेळी संचालक अधिकारी उपस्थित होते. (Chetan Narke)

गोकुळचे अध्यक्ष नविद मुश्रीफ म्हणाले, राष्ट्रीय सहकार धोरण २०२३ मधील शिफारसीचा अभ्यास करून राज्याच्या दृष्टीने सहकार धोरण ठरवणेसाठीच्या महाराष्ट्र राज्याच्या समितीवर डॉ. चेतन नरके यांची नियुक्ती होणे संघाच्या दृष्टीने अभिमानास्पद आहे. डॉ. नरके यांना त्यांच्या भावी वाटचालीस हार्दिक शुभेच्छा दिल्या.

सत्काराला प्रतिसाद देताना डॉ. चेतन नरके यांनी सांगितले की, “गोकुळ परिवाराकडून मिळालेल्या सत्काराबद्दल मनःपूर्वक आभार. हा सन्मान मला फक्त वैयक्तिक नाही तर आपल्या संपूर्ण सहकार क्षेत्रासाठी मिळालेला आहे असे वाटते. महाराष्ट्र राज्याच्या नवीन सहकार धोरण समितीवर मला नियुक्त करून मला सहकार क्षेत्रातील कार्य अधिक परिणामकारकपणे पुढे नेण्याची संधी दिली गेली आहे. यासाठी मला माझ्या सहकाऱ्यांचे आणि गोकुळचे योगदान नेहमीच मार्गदर्शन करणारे राहिले आहे. भविष्यातही मी सहकार क्षेत्रातील प्रत्येक सदस्यांसाठी कार्य करण्यास कटिबद्ध आहे.” (Chetan Narke)

यावेळी माजी अध्यक्ष विश्वास पाटील, अरुण डोंगळे, संचालक बाबासाहेब चौगले, अजित नरके, शशिकांत पाटील–चुयेकर, किसन चौगले, रणजितसिंह पाटील, नंदकुमार ढेंगे, कर्णसिंह गायकवाड, संभाजी पाटील, प्रकाश पाटील, अमरसिंह पाटील, बयाजी शेळके, बाळासो खाडे, युवराज पाटील, राजेंद्र मोरे, मुरलीधर जाधव, संचालिका श्रीमती अंजना रेडेकर, सौ. शौमिका महाडिक, कार्यकारी संचालक डॉ.योगेश गोडबोले, संघाचे अधिकारी व कर्मचारी उपस्थित होते. (Chetan Narke)

October 29, 2025 0 comments

शेती

Gokul’s Diwali gift : गोकुळकडून दूध उत्पादकांना दिवाळी भेट; १३६ कोटी जमा होणार

by प्रतिनिधी September 30, 2025

written by प्रतिनिधी

कोल्हापूर : प्रतिनिधी : कोल्हापूर जिल्हा सहकारी दूध उत्पादक गोकुळने दिवाळी भेट दिले आहे. यंदाही म्हैस व गायीच्या अंतिम दूध दर फरकापोटी तब्बल १३६ कोटी ०३ लाख रुपये एक ऑक्टोबर रोजी थेट प्राथमिक दूध संस्थाच्या बँक खात्यावर जमा केली जाणार आहे. गोकुळ कडून लाखो दूध उत्पादकांना मिळालेली स्नेहपूर्ण दिपावली भेट ठरणार असल्याचे माहिती गोकुळचे चेअरमन नविद मुश्रीफ यांनी दिली. (Gokul’s Diwali gift)

या आर्थिक वर्षात एक एप्रिल २०२४ ते ३१ मार्च २०२५ या कालावधीत गोकुळला पुरवठा केलेल्या म्हैस दूधास (दूध उत्पादकास) सरासरी प्रतिलिटर दोन रुपये ४५ पैसे व गाय दूधास (दूध उत्पादकास) सरासरी प्रतिलिटर एक रुपये ४५ पैसे याप्रमाणे दूध संस्थांना अंतिम दूध दर फरक देण्यात येणार आहे. दूध संस्थासाठी प्रतिलिटर सरासरी एक रुपये २५ पैसे प्रमाणे प्राथमिक दूध संस्थांच्या नावावर डिबेंचर्स पोटी गोकुळकडे जमा करण्यात येणार आहेत. दूध उत्पादकांना हीरक महोत्सवी जादा दर फरक म्हैस दुधास प्रतिलिटर २० पैसे व गाय दुधास प्रतिलिटर २० पैसे देण्यात आला आहे व तो वरील दर फरकामध्ये समाविष्ठ आहे. (Gokul’s Diwali gift)

गोकुळ संघामार्फत प्रतिवर्षी दिवाळीस अंतिम दूध दर फरक दिला जातो. त्यानुसार यावर्षी संघाने म्हैस दूधाकरीता ६६ कोटी ३७ लाख ७० हजार रुपये तर गाय दूधाकरीता ४५ कोटी १४ लाख ८ हजार रूपये इतका दूध दर फरक व दर फरकावर सहा टक्क्याप्रमाणे प्रमाणे होणारे व्याज पाच कोटी ५२ लाख ८९ हजार व डिंबेचर व्याज ७.८०% प्रमाणे १० कोटी ६७ लाख ३५ हजार रूपये व शेअर्स भांडवलावरती ११% प्रमाणे डिव्हिडंड ८ कोटी ३८ लाख ६९ हजार रूपये असे एकूण १३६ कोटी ०३ लाख रूपये इतकी रक्कम स्वतंत्र दूध बिलातून दूध संस्थाच्या खात्यावर बँकेत जमा केली जाणार आहे. (Gokul’s Diwali gift)

या दर फरकाचा लाभ कोल्हापूर जिल्ह्यातील तसेच सीमा भागातील गोकुळ संलग्न आठ हजार १२ दूध संस्थांच्या सुमारे पाच लाख दूध उत्पादक सभासदांना होणार आहे. दूध उत्पादकांना देण्यात येणाऱ्या एकूण १३६ कोटी ०३ लाख रुपये अंतिम दूध दर फरका व्यतिरिक्त गोकुळने या आर्थिक वर्षामध्ये जवळजवळ ४२ कोटी रुपये पशुवैद्यकीय उपचार, कृत्रिम रेतन, वैरण विकास, मायक्रोट्रेनिंग, दूध संस्था इमारत बांधकाम अनुदान, मिल्को टेस्टर खरेदी, कॉम्प्युटर खरेदी, शैक्षणिक सहल, दूध उत्पादकांना किसान विमा पॅलिसी, भविष्य कल्याण निधी, जातिवंत म्हैस खरेदी अनुदान व वासरू संगोपनवरती अनुदान व सेवा-सुविधा वरती खर्च केले आहेत. (Gokul’s Diwali gift)

गोकुळने प्रतिदिनी दूध संकलनाचा १८ लाख ५९ हजार लिटरचा टप्पा ओलाडला असून दूध विक्रीचे मागील सर्व उच्चांक मोडीत काढून एका दिवसात सणानिमित्त २३ लाख ६३ हजार लिटरची दूध विक्री केली आहे. तसेच सन २०२४-२५ या आर्थिक वर्षामध्ये दूध पुरवठा करणाऱ्या म्हैस दूध उत्पादकास ६० रुपये ४८ पैसे तर गाय दूध उत्पादकास ३६ रुपये ८४ पैसे इतका उच्चांकी दूध दर अंतिम दरफरकासह मिळाला आहे.

यावेळी संघाचे चेअरमन नविद मुश्रीफ, माजी चेअरमन व ज्येष्‍ठ संचालक विश्वास पाटील, अरुण डोंगळे, संचालक बाबासाहेब चौगले, शशिकांत पाटील–चुयेकर, किसन चौगले, रणजितसिंह पाटील, संभाजी पाटील, प्रकाश पाटील, सुजित मिणचेकर, बाळासो खाडे, मुरलीधर जाधव, कार्यकारी संचालक डॉ.योगेश गोडबोले, संघाचे अधिकारी उपस्थित होते. (Gokul’s Diwali gift)

September 30, 2025 0 comments

महाराष्ट्र राजकारण शेती

Gokul General Body : ‘गोकुळ’ च्या सभेत गोंधळ, संचालक संख्या वाढीचा ठराव मंजूर

by प्रतिनिधी September 9, 2025

written by प्रतिनिधी

कोल्हापूर : प्रतिनिधी : कोल्हापूर जिल्हा सहकारी दूध उत्पादक संघ गोकुळच्या ६३ व्या सर्वसाधारण सभेत गोंधळ उडाला. अध्यक्ष नाविद मुश्रीफ यांनी अहवाल वाचन केल्यानंतर प्रश्नोत्तराच्या तासाच्यावेळी संचालिका शौमिका महाडिक यांनी संचालकाच्या संख्येत २१ वरुन २५ पर्यंत वाढ करण्याच्या ठरावावर प्रश्न विचारला असता जोरदार घोषणाबाजी झाल्याने गोंधळ उडाला. शौमिका महाडिकांनी सत्ताधाऱ्यांवर पळपुटेपणाचा आरोप केला. त्यामुळे गेल्या वर्षी काही वर्षात सुरू असलेली गोंधळाची परंपरा कायम राहिली. या गोंधळात संचालक संख्या वाढीचा महत्वाचा ठराव मंजूर झाला. (Gokul General Body)

गोकुळची निवडणूक पुढील २०२६ मध्ये होणार असल्याने पंचवार्षिक वर्षातील शेवटच्या वर्षातील या सर्वसाधार सभेकडे सभासदांचे डोळे लागले होते. गेले चार वर्षे सर्वसाधारण सभेला सतेज पाटील आणि महादेवराव महाडिक गटातील वादाची किनार दिसायची. यंदा गोकुळच्या अध्यक्षपदी महायुतीचे संचालक मंत्री हसन मुश्रीफ यांचे चिरंजीव नाविद मुश्रीफ असल्याने गोकुळच्य सभेत काय होणार याकडे लक्ष लागले होते. गेल्या चार वर्षात विरोधी गटातील संचालिक शौमिका महाडिक सत्ताधाऱ्यांना प्रश्न विचारत असल्याने सभेत गोंधळ उडत असे. यंदा महायुतीचा अध्यक्ष असल्याने शौमिका महाडिक स्टेजवर बसणार असा अंदाज व्यक्त केला जात होता. पण तो फोल ठरला. त्यांच्यासाठी स्टेजवर खूर्ची लावण्यात आली होती. मात्र महाडिकांनी सभासदांमध्ये बसणे पसंत केले होते. त्यामुळे गोकुळच्या सभेत यावर्षी गोंधळ होण्याची शक्यता स्पष्ट दिसत होती. (Gokul General Body)

गोकुळच्या सभेत अध्यक्षासह संचालक मंडळासह मंत्री हसन मुश्रीफ आणि आमदार सतेज पाटील, माजी आमदार के.पी.पाटील सभासदांमध्ये उपस्थित होते. अध्यक्ष नाविद मुश्रीफ यांनी अहवाल वाचन केल्यानंतर ठरावाचे वाचन सुरू झाले. विषय क्रमांक नऊ वर गोकुळ संचालकांची संख्या २१ वरुन २५ वर नेण्याच्या ठरावावर त्यांनी संचालकांची संख्या का वाढवली. हे गोकुळच्या सभासदांना माहित असणे अपेक्षित आहे, अशी मागणी केली. संचालकामध्ये वाढ ही राजकीय सोय आहे, असा आरोपही त्यांनी केला. तसेच प्रश्न विचारल्यामुळे माईक बंद केल्याची तक्रारही त्यांनी केली. पण संचालकांकडून उत्तर आले नाही. त्यातच महाडिक गटाकडून घोषणाबाजी सुरू झाली. त्याला प्रत्युत्तरादाखल सत्ताधारी गटाकडूनही घोषणाबाजी सुरू झाली. त्यावेळी स्टेजवरुन तुमच्या लोकांना गोंधळ बंद करायला सांगा असे सांगण्यात आले. त्यावर शौमिका महाडिक यांनी कोणीही धक्काबुक्की केलेली नाही. घोषणाबाजी केलेली नाही. असे म्हणत त्यांनी प्रश्नांची उत्तर देण्याची मागणी केली. सत्ताधाऱ्याकडून उत्तर मिळत नसल्यानी त्यांनी त्यांच्यावर पळपटुपणाचा आरोप केला. महाडिक यांनी संचालक संख्या वाढवण्याचा प्रश्न विचारल्यानंतर गोकुळ संचालकांची संख्या २१ वरुन २५ संचालक वाढीचा ठराव मंजूर करण्यात आला.

गोकुळकडून होणार आईस्क्रीम, चीज ची निर्मिती

एकीकडे सभेत गोंधळ सुरू असतानाच गोकुळचे अध्यक्ष नाविद मुश्रीफ यांनी भविष्यात आईस्क्रीम आणि चीजची निर्मिती करणार असल्याची घोषणा केली. तसेच नवी मुंबई शाखा वाशीसाठी मदर डेअरीची जागा खरेदी करण्यार असल्याची घोषणा केली. गोकुळ सिताफळ, अंजीर आणि गुलकंद बासुंदी बाजारात आणणार आहेत. गोकुळकडून सीएनजी पंप आणि इलेक्ट्रिक चार्जिंग स्टेशन देखील उभारण्यात येणार आहे. वासरु केंद्रामार्फत ५०० वासरे तयार करण्यात येणार आहेत.

गोकुळची उलाढाल ३ हजार ६७० कोटींच्या घरात गेली असून संस्थेला वार्षिक ११ कोटी ९७ लाख ७४ हजारांचा निव्वळ नफा झाला आहे. दैनंदिन वीस हजार लाख लिटर दूध संकलनाचा टप्पा पार केला असून २५ लाख लिटर दूध संकलनाचा अजेंडा ठेवण्यात आला. (Gokul General Body)

September 9, 2025 0 comments