Friday, November 6, 2026
Home » Narendra Modi » Page 4
Tag:

Narendra Modi

MODI-SHAH MEETS PRESIDENT
देश-विदेशराजकारण

MODI-SHAH MEETS PRESIDENT : मोदी, शहांनी घेतली राष्ट्रपतींची भेट

by प्रतिनिधी
written by प्रतिनिधी

नवी दिल्ली : पंतप्रधान नरेंद्र मोदी यांनी राष्ट्रपती भवनात राष्ट्रपती द्रौपदी मुर्मू यांची भेट घेतली. बैठकीची कोणतीही अधिकृत माहिती उघड करण्यात आली नाही. (MODI-SHAH MEETS PRESIDENT)
राष्ट्रपती भवनाने ‘एक्स’वरील एका पोस्टमध्ये म्हटले आहे की, “पंतप्रधान नरेंद्र मोदी यांनी राष्ट्रपती द्रौपदी मुर्मू यांची राष्ट्रपती भवनात भेट घेतली.” तसेच बैठकीचे फोटो देखील दिले आहेत.
त्यानंतर, केंद्रीय गृहमंत्री अमित शहा यांनीही राष्ट्रपती भवनात राष्ट्रपतींची भेट घेतली.(MODI-SHAH MEETS PRESIDENT)
राष्ट्रपती भवनातून सोशल मीडियावर एक पोस्ट करण्यात आली असून, “केंद्रीय गृह आणि सहकार मंत्री श्री अमित शाह यांनी राष्ट्रपती द्रौपदी मुर्मू यांची राष्ट्रपती भवनात भेट घेतली,” असे त्यात म्हटले आहे.
संसदेच्या दोन्ही सभागृहांमध्ये पावसाळी अधिवेशनाच्या सुरुवातीच्या काळात जोरदार वादंग आणि अनेकवेळा तहकूब झाल्यानंतर काही दिवसांतच या बैठका झाल्या. मुख्यत्वे बिहारमधील वादग्रस्त विशेष सखोल सुधारणा (SIR) मोहिमेमुळे मोठ्या प्रमाणात वाद सुरू झाला आहे.(MODI-SHAH MEETS PRESIDENT)
विरोधी इंडिया आघाडी एसआयआरला तीव्र विरोध करत आहे. या मोहिमेतून मतदार मोठ्या प्रमाणात वगळण्याचा डाव असल्याचा आरोप इंडिया आघाडीने केला आहे. तथापि, निवडणूक आयोगाने या मोहिमेचा बचाव केला आहे. या मोहिमेचे उद्दिष्ट अचूक आणि अद्ययावत मतदार याद्या सुनिश्चित करणे आहे, असे आयोगाने म्हटले आहे.
याशिवाय अमेरिकेचे माजी राष्ट्राध्यक्ष डोनाल्ड ट्रम्प यांनी भारतीय आयातीवर २५ टक्के कर लागू करण्याची घोषणा केली आहे. या पार्श्वभूमीवर पंतप्रधान मोदींची राष्ट्रपती मुर्मू यांच्याशी भेट झाली. ट्रम्प यांनी त्यांनी भारताची अर्थव्यवस्था “मृत” असल्याचे म्हटले आहे.
गेल्या आठवड्यात ट्रम्प यांनी ट्रुथ सोशलवर १ ऑगस्टपासून सुरू होणाऱ्या कर लागू करण्याबद्दल पोस्ट केली होती, ज्यामध्ये त्यांनी रशियासोबतचा भारताचा व्यापार हा एक महत्त्वाचा घटक असल्याचे नमूद केले होते. त्यांनी भारताच्या रशियन ऊर्जेच्या खरेदीशी संबंधित अतिरिक्त दंडांची धमकीही दिली होती.

0 comments
0 FacebookTwitterPinterestEmail
Modi in Varanasi
देश-विदेशराजकारण

Modi in Varanasi: भगवान शिवाच्या आशीर्वादाने पहलगाम हल्ल्याचा बदला घेतला : मोदी

by प्रतिनिधी
written by प्रतिनिधी

वाराणसी : पंतप्रधान नरेंद्र मोदी यांनी शनिवारी (२ ऑगस्ट) दहशतवादाविरुद्ध भारताच्या कठोर कारवाईचे वर्णन करताना भगवान शिवाच्या ‘रुद्र रूपा’ चा दाखला दिला. ऑपरेशन सिंदूरने जगासमोर देशाची ताकद दाखवली. भारतावर हल्ला करण्याचे धाडस करणाऱ्या कोणालाही सोडले जाणार नाही, अगदी ‘पाताल लोक’मध्ये गेले तरी सोडणार नाही, असा स्पष्ट संदेश दिला, असे मोदी म्हणाले. (Modi in Varanasi)

‘‘पहलगाम दहशतवादी हल्ल्यात प्राण गमावलेल्या २६ जणांबद्दल माझे हृदय दुःखाने भरून आले आहे,’’ असे पंतप्रधान मोदी यांनी त्यांच्या वाराणसी मतदारसंघात आयोजित जाहीर सभेला संबोधित करताना म्हटले.

‘‘आमच्या मुलींच्या ‘सिंदूर’चा बदला घेण्याचे माझे वचन महादेवाच्या आशीर्वादाने पूर्ण झाले,’’ असे ते म्हणाले. ‘‘ऑपरेशन सिंदूरचे यश मी महादेवाच्या चरणी समर्पित करतो. १४० कोटी देशवासीयांची एकता ही ऑपरेशन सिंदूरचे बलस्थान बनली, असेही ते म्हणाले. (Modi in Varanasi)

‘‘शिव म्हणजे कल्याण पण जेव्हा दहशतवाद कुरूप डोके वर काढतो तेव्हा महादेव त्याचे ‘रुद्र रूप’ घेतात. ऑपरेशन सिंदूर दरम्यान, जगाने भारताचे हे रूप पाहिले,’’ असे पंतप्रधान म्हणाले. (Modi in Varanasi)

विरोधकांवर टीका करताना पंतप्रधान मोदींनी आरोप केला की, देश ऑपरेशन सिंदूरच्या यशाचा उत्सव साजरा करत असताना, ‘‘आपल्याच देशातील काही लोक यामुळे त्रासले होते. भारताने पाकिस्तानमधील दहशतवाद्यांचे अड्डे उद्ध्वस्त केले हे काँग्रेस आणि त्यांच्या मित्रपक्षांना पचवता येत नाही,’’ असे ते म्हणाले.

‘‘ऑपरेशन सिंदूरचा तुम्हाला अभिमान नाही का? भारताने (पाकिस्तानमधील) दहशतवाद्यांचे अड्डे उद्ध्वस्त केले याचा तुम्हाला अभिमान नाही का?’’ असा प्रश्न पंतप्रधानांनी उपस्थितांना विचारला.

ते पुढे म्हणाले, ‘‘आपल्या ड्रोन आणि क्षेपणास्त्रांनी दहशतवादी मुख्यालयांवर अचूक हल्ला करून त्यांचा नाश कसा केला याचे दृश्य तुम्ही सर्वांनी पाहिले असतील.’’ ‘‘पाकिस्तानमधील अनेक हवाई तळ अजूनही आयसीयूमध्ये आहेत. पाकिस्तानची वेदना समजण्यासारखी असली तरी धक्कादायक गोष्ट म्हणजे काँग्रेस आणि समाजवादी पक्षाच्या नेत्यांना हे सहन होत नाही, याचे आश्चर्य वाटते,’’ असे मोदी म्हणाले.

0 comments
0 FacebookTwitterPinterestEmail
Modi replies in Loksabha
देश-विदेशराजकारण

Modi replies in Loksabha : दहशतवादाच्या सूत्रधारांची झोप उडाली : मोदी

by प्रतिनिधी
written by प्रतिनिधी

नवी दिल्ली : पहलगामनंतर भारताने असा धडा शिकवला की दहशतवादामागच्या सूत्रधारांना अजून झोप लागत नाही, असे पंतप्रधान नरेंद्र मोदी यांनी मंगळवारी (२९ जुलै) सांगितले. (Modi replies in Loksabha)

लोकसभेत पहलगाम आणि ऑपरेशन सिंदूरवरील दोन दिवसांच्या चर्चेला उत्तर देताना पंतप्रधान बोलत होते. ते म्हणाले की, हा हल्ला भारतात दंगली भडकवण्याच्या उद्देशाने होता. पण देशातील जनतेने एकजुतेने हा प्रयत्न हाणून पाडला आहे.

भारतीय सशस्त्र दलांनी पहलगाम हल्ल्यामागील लोकांना असा धडा शिकवला की ‘दहशतवादाचे सूत्रधार’ अजूनही नीट झोपत नाहीत, असे मोदी म्हणाले. (Modi replies in Loksabha)

“मी येथे भारताची बाजू मांडण्यासाठी आणि ज्यांना हे समजत नाही त्यांना आरसा दाखवण्यासाठी उभा आहे. मी म्हटले होते की आम्ही दहशतवाद्यांना आणि त्यांच्या सूत्रधारांना योग्य धडा शिकवू जो त्यांच्या कल्पनेपलीकडे असेल. आम्हाला आमच्या सशस्त्र दलांच्या क्षमतेवर पूर्ण विश्वास आहे आणि त्यांना प्रत्युत्तर देण्याची पूर्ण मोकळीक देण्यात आली आहे. सशस्त्र दलांनी त्यांना असा धडा शिकवला की दहशतवादाच्या सूत्रधारांची अजूनही झोप उडाली आहे,” असे ते म्हणाले.

मोदी म्हणाले की पाकिस्तानला भारताच्या कृतीची थोडीशी कल्पना होती. त्यांनी अणुहल्ल्याची धमकी द्यायला सुरुवात केली होती, परंतु दहशतवादी लक्ष्यांवर हल्ला झाल्यावर ते काहीच करू शकले नाहीत. (Modi replies in Loksabha)

‘‘हा (पहलगाम हल्ला) भारतात दंगली भडकवण्याचा कट होता आणि एकजुटीने तो प्रयत्न हाणून पाडला. जेव्हा मी या संसदेच्या अधिवेशनाबद्दल, विजयोत्सवाबद्दल बोलतो तेव्हा ते दहशतवादाचे मुख्यालय उद्ध्वस्त करण्याचा विजयोत्सव आहे,’’ असे ते म्हणाले.

पहलगामच्या गुन्हेगारांना ठार मारले

ऑपरेशन महादेवने ऑपरेशन पहलगामच्या गुन्हेगारांना ठार मारले, काँग्रेस प्रश्न विचारत आहे की हे काल का घडले? आपल्या हवाई संरक्षण प्रणालींनी पाकिस्तानचे ड्रोन आणि क्षेपणास्त्रे उधळली, असे पंतप्रधान नरेंद्र मोदी म्हणाले. पाकिस्तानने हजारो क्षेपणास्त्रे डागली, परंतु आम्ही ती हवेतच नष्ट केली, असे ते म्हणाले.

इतकी वर्षे राज्य करणाऱ्यांना देशाच्या संस्थेवर विश्वास नाही. आता काँग्रेसचा विश्वास पाकिस्तानच्या रिमोट कंट्रोलने निर्माण होतो आणि बदलला जातो, असा गंभीर आरोप मोदी यांनी केला. काल, आपल्या सशस्त्र दलांनी ऑपरेशन महादेवमध्ये पहलगामच्या हल्लेखोरांना ठार मारले, परंतु मला दुःख आहे की हे कालच का घडले असे हसून विचारले जात होते, असे श्री मोदी म्हणाले. आम्ही त्यासाठी शुभ दिवस शोधला होता का, असा सवाल करून या लोकांना काय झाले आहे, इतकी निराशा आणि निराशा का आली आहे, असा प्रश्न त्यांनी केला.

हेही वाचा :
सगळे सांगता, पण पहलगाम घडले कसे ते का सांगत नाही? : प्रियंकांचा सवाल
काँग्रेसलाही नसेल तेवढी तुम्हाला नेहरूंची आठवण येते : कनिमोळी यांचा शहांवर हल्ला

0 comments
0 FacebookTwitterPinterestEmail
Rahul jabs on Modi
देश-विदेशराजकारण

Rahul jabs on Modi: निव्वळ दिखावा; राहुल यांची मोदींवर टीका

by प्रतिनिधी
written by प्रतिनिधी

नवी दिल्ली : लोकसभेतील विरोधी पक्षनेते राहुल गांधी यांनी पंतप्रधान नरेंद्र मोदी यांची खिल्ली उडवली. त्यांची प्रतिमा निव्वळ मीडियाने मोठी केली आहे, प्रत्यक्षात निव्वळ दिखावा आहे, अशी टीका त्यांनी केली. (Rahul jabs on Modi)

शुक्रवारी (२५ जुलै) नवी दिल्लीतील तालकटोरा स्टेडियममध्ये ओबीसींच्या ‘भागीदारी न्याय संमेलना’त ते बोलत होते.

राहुल गांधी यांनी पंतप्रधान मोदींना त्यांच्या सार्वजनिक प्रतिमेवरून लक्ष्य करण्याची ही पहिलीच वेळ नाही. गेल्या महिन्यात, ‘मेक इन इंडिया’सह अनेक योजनांच्या अपयशांवर प्रकाश टाकताना त्यांनी, पंतप्रधान मोदी आर्थिक आव्हानांवर खऱ्या उपाययोजना करण्यापेक्षा निव्वळ ‘आकर्षक घोषणाबाजी’ करतात, असे म्हटले होते.(Rahul jabs on Modi)

श्री. गांधी पुढे म्हणाले की, मी २१ वर्षांच्या राजकीय कारकिर्दीत एक महत्त्वाची चूक केली आहे. ती म्हणजे इतर मागासवर्गीय (ओबीसी) वर्गाच्या हिताचे रक्षण करता आले नाही. तेलंगणातील जातीय जनगणना हा एक राजकीय भूकंप आहे जो देशात भविष्यात मोठा टर्निंग पॉईंट ठरणार आहे.(Rahul jabs on Modi)

भूसंपादन विधेयक, मनरेगा, अन्न सुरक्षा विधेयक, आदिवासींसाठी लढा, या चांगल्या गोष्टी माझ्या हातून झाल्या, असे ते म्हणाले. ‘‘दलित, आदिवासी आणि अल्पसंख्याक, महिलांच्या विकासाच्या मुद्द्यांवर मला वाटते मी चांगले काम केले. पण जेव्हा मी मागे वळून पाहतो तेव्हा मला स्पष्टपणे दिसून येते की माझ्यात एका गोष्टीची कमतरता होती, ती एक चूक केली. ती म्हणजे ओबीसी वर्गाचे जसे रक्षण करायला हवे होते तसे केले नाही. पण यापुढे मी या प्रश्नावर लक्ष केंद्रीत करणार आहे, असे राहुल गांधी म्हणाले.

0 comments
0 FacebookTwitterPinterestEmail
Kharge slams Modi Govt
देश-विदेशराजकारण

Kharge slams Modi Govt: मोदी सरकारच्या काळात अघोषित आणीबाणीच : खरगे

by प्रतिनिधी
written by प्रतिनिधी

नवी दिल्ली : भाजपच्या नेतृत्वाखालील मोदी सरकारच्या काळात सध्या देशात अघोषित आणीबाणीच सुरू आहे. मोदी सरकारचे प्रशासनातील अपयश लपविण्यासाठीच आणीबाणीचा मुद्दा सातत्याने पुढे आणला जातो. संविधान हत्येचे ‘नाटक’ रंगवण्यात येते, असा आरोप काँग्रेसचे अध्यक्ष मल्लिकार्जुन खरगे यांनी बुधवारी (२५ जून) केला. (Kharge slams Modi Govt)

आणीबाणीच्या ५० व्या वर्धापन दिनानिमित्त पंतप्रधान नरेंद्र मोदी यांनी केलेल्या टीकेला खरगे यांनी तितकेच तडाखेबंद प्रत्युत्तर दिले. ते म्हणाले की, ज्या सरकारला सहिष्णुता नाही आणि जे बंधुता आणि स्वातंत्र्य वृद्धिंगत होऊ देत नाही, त्यांना इतरांना व्याख्यान देण्याचा अधिकार नाही. (Kharge slams Modi Govt)

काँग्रेसच्या इंदिरा भवन येथे पत्रकार परिषदेत बोलताना खरगे यांनी भाजप-आरएसएसवर टीका केली. ते म्हणाले की, ज्यांनी ‘‘देशाच्या स्वातंत्र्यात, संविधान तयार करण्यात कोणतीही भूमिका बजावली नाही आणि बाबासाहेब आंबेडकरांचे संविधान नाकारले’’ ते आणीबाणी लागू झाल्यानंतर ५० वर्षांनीही आणीबाणीच लादत आहेत. सध्या अघोषित आणीबाणीच आहे. तेच लोक आता संविधान वाचवण्याची भाषा करत आहेत, असेही ते म्हणाले.

पंतप्रधान मोदींवर टीका करताना श्री. खरगे म्हणाले की, त्यांच्याच कारभारामुळे संविधान धोक्यात आहे. मोदी सरकारच्या काळात अभिव्यक्ती आणि मुक्त विहाराचे स्वातंत्र्य राहिलेले नाही. (Kharge slams Modi Govt)

‘‘आणीबाणीचा काळ लोक विसरून गेले आहेत. आता त्यावर बोलण्याला अर्थ नाही. जे (भाजप-आरएसएस) संविधान बचाओबद्दल बोलत आहेत ते आता ५० वर्षांनंतर आणीबाणीबद्दल बोलत आहेत,’’ असे ते म्हणाले.

श्री. खरगे म्हणाले की, भाजप-आरएसएसने संविधान नाकारले होते आणि म्हटले होते की त्यात मनुस्मृतीत सांगितल्याप्रमाणे आपले सांस्कृतिक पैलू नाहीत. आता याच लोकांना (भाजप-आरएसएस) अचानक उपरती झाली आहे.

काँग्रेसच्या संविधान बचाव यात्रेने भाजप अस्वस्थ झाला आहे. म्हणूनच ५० वर्षांपूर्वीच्या आणीबाणीचा मुद्दा उपस्थित करत आहे. सरकार आणीबाणीच्या वर्धापन दिनाला संविधान हत्या दिवस किंवा संविधान हत्या दिन म्हणून साजरे करत आहे, असे खरगे म्हणाले.

‘‘मोदी सरकार प्रशासनात अपयशी ठरले आहे. आणि त्यांचे अपयश इतके आहे की लोक महागाईबद्दल चिंतेत आहेत, सरकारकडे बेरोजगारी, भ्रष्टाचार आणि आर्थिक अपयशावर कोणतेही उत्तर नाही. त्यांचा हा खोटेपणा आणि अपयश लपवण्यासाठी त्यांनी हे नाटक केले आहे,’’ असा आरोपही खरगे यांनी केला.

ते म्हणाले की आर्थिक असमानता इतकी वाढली आहे की ती भरून काढता येत नाही. ‘‘तुम्ही अघोषित आणीबाणी आणली आहे,’’  या सरकारला मणिपूरमधील परिस्थितीही हाताळता आलेली नाही, अशी टीकाही खरगे यांनी केली.

हेही वाचा :
आणीबाणी हा सर्वांत काळा अध्याय : मोदी
मुख्यमंत्र्यांच्या मतदारसंघात मतदारवाढ ही मतचोरीच : काँग्रेस

0 comments
0 FacebookTwitterPinterestEmail
Modi On Emergency
आंदोलनदेश-विदेशराजकारण

Modi On Emergency: आणीबाणी हा सर्वांत काळा अध्याय : मोदी

by प्रतिनिधी
written by प्रतिनिधी

नवी दिल्ली : पन्नास वर्षांपूर्वी याच दिवशी संविधानाशी प्रतारणा करण्यात आली. संसदेचा आवाज दाबण्यात आला. ही घटना कोणताही भारतीय कधीही विसरणार नाही. आणीबाणी हा भारताच्या लोकशाही इतिहासातील सर्वांत काळ्या अध्यायांपैकी एक होता, असे मत पंतप्रधान नरेंद्र मोदी यांनी बुधवारी (२५ जून) व्यक्त केले. (Modi On Emergency)

आणीबाणीच्या ५० व्या वर्धापन दिनानिमित्त ‘एक्स’वर मोदी यांनी पोस्ट केल्या आहेत.

“भारताच्या लोकशाही इतिहासातील सर्वांत काळ्या अध्यायांपैकी एक असलेल्या आणीबाणीला आज पन्नास वर्षे पूर्ण होत आहेत. भारतातील लोक हा दिवस संविधानाच्या हत्येचा दिवस म्हणून पाहतात. या दिवशी भारतीय संविधानातील मूल्ये पायदळी तुडवण्यात आली, मूलभूत अधिकारांची पायमल्ली करण्यात आली, अभिव्यक्ती स्वातंत्र्य संपवण्यात आले आणि अनेक राजकीय नेते, सामाजिक कार्यकर्ते, विद्यार्थी आणि सामान्य नागरिकांना तुरुंगात टाकण्यात आले. त्या वेळी सत्तेत असलेल्या काँग्रेस सरकारने जणू काही लोकशाहीच बंदीस्त करून टाकली होती!’’ अशी टीकाही मोदी यांनी केली. (Modi On Emergency)

संविधानात व्यापक बदल करणारी आणि जनता पक्षाच्या सरकारने ती उलटवून टाकणारी ४२ वी घटनादुरुस्ती ही आणीबाणी लादणाऱ्या काँग्रेस सरकारच्या धूर्त कारस्थानांचे एक उत्तम उदाहरण आहे, असे ते म्हणाले.

पंतप्रधान मोदी यांनी म्हटले की, या काळात विशेषत: गरीब, उपेक्षित आणि दलितांना लक्ष्य करण्यात आले, त्यांच्या प्रतिष्ठेचा अपमान करण्यात आला. आम्ही आपल्या संविधानातील तत्त्वांना बळकटी देण्याच्या आणि विकसित भारताचे आमचे स्वप्न साकार करण्यासाठी एकत्र काम करण्याच्या आमच्या वचनबद्धतेचा पुनरुच्चार करतो. आपण प्रगतीची नवीन उंची गाठूया आणि गरीब आणि दलितांची स्वप्ने पूर्ण करूया, असा निर्धारही मोदी यांनी व्यक्त केला. (Modi On Emergency)

आणीबाणीविरुद्ध लढणाऱ्या प्रत्येक व्यक्तीला सलाम करण्याचे आवाहनही त्यांनी केले. ‘‘सर्व स्तरातील आणि विविध विचारसरणीच्या लोकांनी लोकशाहीचे रक्षण करण्यासाठी काम केले,’’ असे ते म्हणाले.

जेव्हा आणीबाणी लागू करण्यात आली तेव्हा मी संघाचा एक तरुण प्रचारक होतो. आणीबाणीविरोधातील चळवळीतने खूप काही शिकवले, मोठा अनुभव दिला, असे ते म्हणाले.

हेही वाचा :
ॲक्सिओम-४ मधून कॅप्टन शुभांशू शुक्लाची अवकाशात झेप
चांदीच्या ताटात जेवण, थाळीचा दर ४५०० रुपये
निवडणुका कायद्यानुसार : राहुल गांधी यांना उत्तर

0 comments
0 FacebookTwitterPinterestEmail
Rahul takes jab at Modi
देश-विदेशराजकारणविज्ञान-तंत्रज्ञान

Rahul takes jab at Modi : निव्वळ घोषणा; कर्तृत्व कुठाय?: मोदींवर टीका

by प्रतिनिधी
written by प्रतिनिधी

नवी दिल्ली :  पंतप्रधान नरेंद्र मोदी निव्वळ घोषणाबाजी करतात, उत्पादन वाढविण्यासंबंधातील कर्तृत्व त्यांच्याकडे नाही, अशी टीका लोकसभेतील विरोधी पक्ष नेते राहुल गांधी यांनी शनिवारी (२१ जून) केली. (Rahul takes jab at Modi)

भारतातील उत्पादन कमी होत आहे, याकडे लक्ष वेधत पंतप्रधान नरेंद्र मोदी ज्या योजनेचा उल्लेख वारंवार करतात ती ‘मेक इन इंडिया’सारखी योजना असतानाही आपण उत्पादन वाढवू शकलेलो नाही, असे राहुल गांधी म्हणाले.

मदरबोर्ड असो किंवा सुटे लहान लहान भाग असोत, ते तयार करण्यासाठी तुम्हाला विशिष्ट टाइपचे मशीनिंग, विशिष्ट पातळीची गुणवत्ता, लहान घटकांसह काम करण्याची एक सहनशीलता असावी लागते, असे ते म्हणाले. (Rahul takes jab at Modi)

काँग्रेस नेते राहुल गांधी यांनी शनिवारी म्हटले की, पंतप्रधान नरेंद्र मोदी यांनी ‘घोषणा देण्याची कला’ आत्मसात केली आहे परंतु ते कोणतेही उपाय देत नाहीत. ‘मेक इन इंडिया’ सारखा उपक्रम असूनही भारताचे उत्पादन विक्रमी नीचांकी पातळीवर आहे, असा दावाही राहुल गांधी यांनी केला.

‘‘‘मेक इन इंडिया’ने कारखान्यांमधील भरभराटीचे आश्वासन दिले होते. मग उत्पादन विक्रमी नीचांकी पातळीवर का आहे, तरुणांची बेरोजगारी विक्रमी उच्चांकावर का आहे आणि चीनमधून होणारी आयात दुप्पट का झाली आहे?’’ ‘‘मोदीजींनी उपाय नव्हे तर घोषणा देण्याच्या कलेवर प्रभुत्व मिळवले आहे. २०१४ पासून आपल्या अर्थव्यवस्थेच्या १४ टक्क्यांपर्यंत उत्पादन घसरले आहे,’’ याकडे गांधी यांनी ‘एक्स’ वरील एका पोस्टमध्ये लक्ष वेधले आहे. (Rahul takes jab at Modi)

गांधी म्हणाले की, मोदींकडे “कोणतेही नवीन विचार नाहीत” आणि त्यांनी “सपशेल शरणागती पत्करली” आहे.

 “बहुचर्चित पीएलआय योजना देखील आता गुपचूपपणे मागे घेतली जात आहे,” असा आरोपही त्यांनी केला.

गांधी म्हणाले की, भारताला एका मूलभूत बदलाची आवश्यकता आहे, जो प्रामाणिक सुधारणा आणि आर्थिक पाठिंब्याद्वारे लाखो उत्पादकांना सक्षम बनवेल.

ते म्हणाले, “आपण इतरांसाठी बाजारपेठ होणे थांबवले पाहिजे. जर आपण आताच सावध होऊन उत्पादनव्यवस्था मजबूत केली नाही तर आपल्याला दुसऱ्या देशांकडून खरेदी करण्याशिवाय पर्याय नाही. आपल्यादृष्टीने ही धोक्याची घंटा आहे.” राहुल गांधी यांनी दिल्लीतील नेहरू प्लेस येथे मोबाईल दुरुस्ती करणाऱ्या दुकानदारांचीही भेट घेतली. त्यांच्याशी संवाद साधला. हा व्हिडिओही त्यांनी पोस्ट केला आहे.

हेही वाचा :
राऊत यांच्याकडून ‘बोलबच्चन’ वक्तव्याचा समाचार
…म्हणून ट्रम्प यांचे निमंत्रण नाकारले : मोदी

0 comments
0 FacebookTwitterPinterestEmail
Modi reveals
देश-विदेशराजकारण

Modi reveals : …म्हणून ट्रम्प यांचे निमंत्रण नाकारले : मोदी

by प्रतिनिधी
written by प्रतिनिधी

भुवनेश्वर : ‘‘दोन दिवसांपूर्वीच मी G7 शिखर परिषदेसाठी कॅनडामध्ये होतो. अमेरिकेचे अध्यक्ष ट्रम्प यांनी मला फोन केला. ते म्हणाले, तुम्ही कॅनडाला आला आहात तर वॉशिंग्टन मार्गे जा. एकत्र जेवण करू, चर्चा करू, पण त्यांचे अमेरिका भेटीचे निमंत्रण नाकारले कारण मला भगवान जगन्नाथाच्या भूमीला यायचे होते.’’ (Modi reveals)

पंतप्रधान नरेंद्र मोदी यांनी अमेरिकेचे राष्ट्राध्यक्ष डोनाल्ड ट्रम्प यांचे निमंत्रण नाकारले. त्यामागचे कारण उघड केले.

ते म्हणाले, ‘‘ट्रम्प यांनी मोठ्या आग्रहाने आमंत्रण दिले. मी त्यांना सांगितले, निमंत्रण दिल्याबद्दल धन्यवाद. महाप्रभूंच्या भूमीवर जाणे माझ्यासाठी खूप महत्वाचे आहे. म्हणूनच मी त्यांचे आमंत्रण नम्रपणे नाकारले आणि महाप्रभूंवरील तुमचे प्रेम आणि भक्ती मला या भूमीवर घेऊन आली.’’ (Modi reveals)

ओडिशातील भाजप सरकार स्थापनेच्या वर्षपूर्तीनिमित्त भुवनेश्वर येथे झालेल्या सभेत मोदी बोलत होते. ते म्हणाले की, राज्य सरकारने ‘‘पुरी जगन्नाथ मंदिराचे चार दरवाजे, त्याचे ‘रत्न भंडार’ उघडण्याची लोकांची मागणी होती. त्या मागण्या पूर्ण केल्या. ओडिशातील पहिल्या भाजप सरकारने सुशासन आणि सार्वजनिक सेवा पुरवून एक वर्ष यशस्वीरित्या पूर्ण केले.

काँग्रेसच्या राजवटीत भारतात सुशासनाचा अभाव होता, असा आरोपही मोदी यांनी यावेळी केला.

यजमान देशाच्या निमंत्रणावरून पंतप्रधान मोदी कॅनडामध्ये असताना, त्यांनी ट्रम्प यांच्याशी ३५ मिनिटांची फोनवरून चर्चा केली. ऑपरेशन सिंदूरनंतर ही पहिलीच चर्चा होती. अमेरिकेचे अध्यक्ष शिखर परिषदेतून लवकर निघून गेल्यानंतर, ही पहिलीच चर्चा होती.

परराष्ट्र सचिव विक्रम मिस्री यांनी या संभाषणाची माहिती दिली. “राष्ट्राध्यक्ष ट्रम्प यांनी कॅनडाहून परतताना पंतप्रधान मोदी अमेरिकेत थांबू शकतात का अशी विचारणा केली. पूर्वनियोजित कार्यक्रमामुळे पंतप्रधान मोदी यांनी तसे करण्यास असमर्थता दर्शविली. दोन्ही नेत्यांनी नजीकच्या भविष्यात भेटण्यासाठी प्रयत्न करण्याचे मान्य केले.” (Modi reveals)

त्या संभाषणादरम्यान, मोदींनी अमेरिकन राष्ट्राध्यक्षांना असेही सांगितले की भारत आणि पाकिस्तानमधील शत्रुत्व संपवण्याचा निर्णय द्विपक्षीय चर्चेनंतर घेण्यात आला आहे. भारत-अमेरिका व्यापार करार किंवा दोन्ही देशांमध्ये अमेरिकेच्या मध्यस्थीच्या कोणत्याही प्रस्तावावर कोणत्याही स्तरावर चर्चा झालेली नाही.

हेही वाचा :
‘बुलडोझर जस्टिस’ विरुद्धच्या निकालाने हक्कांची पाठराखण : सरन्यायाधीश
 क्लायंटला सल्ला दिला म्हणून ईडीची वकिलाला नोटीस

0 comments
0 FacebookTwitterPinterestEmail
Congress appeals Modi
देश-विदेशराजकारण

Congress appeals Modi: ट्रम्प यांच्यासोबतच्या चर्चेचा तपशील द्यावा : काँग्रेस

by प्रतिनिधी
written by प्रतिनिधी

नवी दिल्ली : पंतप्रधान नरेंद्र मोदी सध्या तीन देशांच्या दौऱ्यावर आहेत. त्यांनी या देशांचा दौरा करून परतल्यानंतर तातडीने सर्वपक्षीय बैठक बोलवावी आणि त्यांनी त्यांची अमेरिकेचे राष्ट्राध्यक्ष डोनाल्ड ट्रम्प यांच्याशी फोनवरून काय चर्चा झाली त्याची माहिती द्यावी आणि देशाला विश्वासात घ्यावे, अशी मागणी काँग्रेसने बुधवारी (१८ जून) केली. (Congress appeals Modi)

पाकिस्तानचे लष्करप्रमुख जनरल असीम मुनीर श्री ट्रम्प यांच्यासोबत भोजन करणार असल्याच्या वृत्तांवर काँग्रेसने हा ‘मोठा धक्का’ असल्याचे म्हटले आहे. तसेच मोदी यांनी त्यांच्या दूरध्वनी संभाषणादरम्यान अमेरिकेचे राष्ट्राध्यक्ष ट्रम्प यांना भारताची नाराजी कळवायला हवी होती असे म्हटले आहे. (Congress appeals Modi)

काँग्रेसचे जनरल सेक्रेटरी आणि माध्यम समन्वयक जयराम रमेश यांनी कारगिल युद्धाच्या तीन दिवसांनंतर विद्यमान परराष्ट्र मंत्री एस. जयशंकर यांचे वडील के. सुब्रह्मण्यम यांच्या अध्यक्षतेखाली कारगिल पुनरावलोकन समिती स्थापन केली होती याची आठवण सरकारला करून दिली. त्याच धर्तीवर पहलगाम पुनरावलोकन समिती स्थापन करण्याची विनंतीही केली.

‘पीटीआय’शी बोलताना श्री. रमेश म्हणाले की, भारत आणि पाकिस्तान यांच्यात युद्धबंदीसाठी व्यापार कराराची भीती घालून मध्यस्थी केल्याचा ट्रम्प यांनी दावा केला आहे. त्यांनी सातत्याने तशी विधाने केली आहे. या दाव्याचे पंतप्रधान मोदी यांनी संसदेत खंडन केले पाहिजे, अशी मागणीही रमेश यांनी केली. (Congress appeals Modi)

अमेरिकेची मध्यस्थी किंवा व्यापार कराराच्या ऑफरमुळे नव्हे तर पाकिस्तानच्या विनंतीवरून पाकिस्तानवरील ‘ऑपरेशन सिंदूर’ दरम्यानचे हल्ले थांबवले होते, असे मोदी यांनी राष्ट्राध्यक्ष ट्रम्प यांच्याशी बोलताना सांगितल्याचे वृत्त आल्यानंतर रमेश यांनी ही मागणी केली आहे.

मंगळवारी (१७ जून) ट्रम्प यांच्याशी झालेल्या ३५ मिनिटांच्या फोन कॉलमध्ये, मोदी यांनी त्यांना पाकिस्तानमधील दहशतवादी ठिकाणांविरुद्ध भारताने सुरू केलेल्या ऑपरेशन सिंदूरची माहिती दिली आणि स्पष्ट केले की त्यांनी कधीही कोणत्याही तिसऱ्या पक्षाची मध्यस्थी स्वीकारली नाही आणि भविष्यातही ती कधीही स्वीकारणार नाही, असे सांगितल्याचे परराष्ट्र सचिव विक्रम मिस्री यांनी सांगितले. (Congress appeals Modi)

भारतासाठी तिहेरी धक्का

ट्रम्प जनरल मुनीर यांच्यासोबत भोजन करणार असल्याच्या वृत्तावर रमेश म्हणाले, ‘‘भारतीय राजनैतिकतेसाठी हा तिहेरी धक्का आहे. सरकारचे प्रमुख नसलेल्या लष्करी माणसाला राष्ट्राध्यक्ष ट्रम्प यांच्यासोबत एका खास वैयक्तिक जेवणासाठी आमंत्रित केले जात आहे. हा एक मोठा धक्का आहे. दुसरा मोठा धक्का तेव्हा आला जेव्हा अमेरिकेचे सेंट्रल कमांड चीफ जनरल मायकेल कुरिल्ला यांनी पाकिस्तानला दहशतवादविरोधी कारवायांमध्ये ‘असामान्य भागीदार’ घोषित केले होते. याच पाकिस्तानने २ मे २०११ रोजी अबोटाबादमध्ये मारल्या गेलेल्या ओसामा बिन लादेनला आश्रय दिला होता. हा पाकिस्तान एक असाधारण भागीदार कसा बनतो? पाकिस्तान एक असाधारण गुन्हेगार आहे. गुन्हेगाराला भागीदार म्हणणे भारतीय राजनैतिकतेसाठी एक धक्का आहे,’ असे रमेश यांनी पीटीआयला सांगितले. ते म्हणाले की, आणखी एका धक्का म्हणजे राष्ट्राध्यक्ष ट्रम्प यांनी ऑपरेशन सिंदूर थांबवण्याचे आणि भारत आणि पाकिस्तानमध्ये युद्धबंदी करण्याचे श्रेय १४ वेळा घेतले.

हेही वाचा :
ट्रम्प यांच्या ‘मध्यस्ती’चे दावे मोदींनी फेटाळले
केवळ तीन हजारांत वार्षिक फास्टॅग पास

0 comments
0 FacebookTwitterPinterestEmail
Rahul Gandhi
देश-विदेशमहत्त्वाच्या नोंदी

MP Rahul Gandhi : ‘ट्रम्प यांच्या फोननंतर, नरेंदर, सरेंडर!’

by प्रतिनिधी
written by प्रतिनिधी

भोपाळ : प्रतिनिधी :  ‘ऑपरेशन सिंदूर’ मोहिमेत भारतीय सैनिक पाकिस्तानची लढत असताना अमेरिकेचे राष्ट्राध्यक्ष डोनाल्ड ट्रम्प यांनी पंतप्रधान नरेंद्र मोदी यांनी फोन करताच ‘नरेंदर, सरेंडर झाले’ अशा शब्दात लोकसभेतील विरोधी पक्ष नेते काँग्रेसचे खासदार राहुल गांधी यांनी खिल्ली उडवली. (MP Rahul Gandhi)

राहूल गांधी मध्य प्रदेशाच्या दौऱ्यावर असून त्यांनी भोपाळ येथे काँग्रेस कार्यकर्त्यांना मार्गदर्शन केले. ऑपरेशन सिंदूर मोहिमेदरम्यान भारताने अचानक केलेल्या शस्त्रसंधीच्या घोषणेवरुन राहूल गांधी यांनी मोदी सरकारवर जोरदार टीका केली. राहूल गांधी म्हणाले, तिकडून ट्रम्पनी एक फोन केला आणि म्हणाले मोदीजी काय करताय? त्यावर ‘जी हुजुर’ करत नरेंदर सरेंडर झाले आणि ट्रम्प यांच्या इशाऱ्याचे पालन केले. (MP Rahul Gandhi)

राहूल गांधी यांनी काँग्रेस महासत्तांशी लढते असा दावा करुन त्यांनी आरएसएसवरही निशाना साधला. ते म्हणाले, इंदिरा गांधी यांनी १९७१ च्या युदधाच्यावेळी अमेरिकेच्या धमक्यांना न जुमानता पाकिस्तानचे दोन तुकडे केले होते. काँग्रेसचे लोक हे सरेंडर होणारे नाहीत, तर महासत्तांशी लढणारे आहेत. महात्मा गांधी, जवाहरलाल नेहरू, सरदार पटेल हे महासत्ताशी लढणारे होते, असे राहूल गांधी म्हणाले. (MP Rahul Gandhi)

भाजप आणि आरएसएसविरुद्ध टीका करताना राहूल गांधी यांनी भाजप आणि आरएसएसवर पळपुटे असल्याची टीका केली. ते म्हणाले, भाजप, आरएसएसच्या लोकांना मी चांगलाच ओळखतो. त्यांच्यावर थोडासा जरी दबाव टाका, थोडासा धक्का मारा, ते घाबरुन पळून जातात. सरेंडर होणे हा त्यांचा इतिहास आहे. भारताच्या स्वातंत्र्यलढाच्या वेळीदेखील त्यांनी असाच पळ काढला, असा टोला राहूल गांधी यांनी लगावला.

हेही वाचा :
सूर्यकुमार ठरला ‘मौल्यवान’ खेळाडू

0 comments
0 FacebookTwitterPinterestEmail
Newer Posts
Older Posts
error: Content is protected !!