Tag:

Kamal Haasan

K’taka HC nudges Kamal Haasan: दिलगिरी व्यक्त करा; कोर्टाची कमल हासन यांना सूचना

by प्रतिनिधी June 3, 2025

written by प्रतिनिधी

बेंगळुरू : भाषेवरून लोकभावना दुखावल्या गेल्या असतील तर दिलगिरी व्यक्त करा, अशी सूचना कर्नाटक उच्च न्यायालयाने अभिनेते कमल हासन यांना केली. तसेच तुम्हीच निर्माण केलेल्या परिस्थितीमुळे तुम्ही पुन्हा संरक्षण मागताय, असेही फटकारले. (K’taka HC nudges Kamal Haasan)

त्यांचा ‘ठग लाईफ’ हा चित्रपट ५ जून रोजी प्रदर्शित होत आहे. या चित्रपटाच्या ऑडिओ रिलीज दरम्यान कन्नड भाषेच्या उत्पत्तीबद्दल त्यांनी केलेल्या वक्तव्यामुळे वाद निर्माण झाला आहे. या पार्श्वभूमीवर कमल हासन यांच्या ‘राजकमल फिल्म व्हेंचर्स’ने याचिका दाखल केली आहे. चित्रपटाच्या प्रदर्शनासाठी पोलिस संरक्षण मिळावे, अशी मागणी यात करण्यात आली आहे.

त्यावर सुनावणी करताना कर्नाटक उच्च न्यायालयाच्या एकल न्यायाधीशांच्या खंडपीठाने कमल हासन यांना दिलगिरी व्यक्त करण्याची सूचना केली. कन्नड कार्यकर्ते आणि संस्कृती मंत्री शिवराज तंगडागी यांनी कमल हासन यांनी माफी मागावी, अशी मागणी करणारी याचिकाही दाखल केली आहे. (K’taka HC nudges Kamal Haasan)

उच्च न्यायालयाचा सल्ला अभिनेता-निर्मात्यासमोर ठेवण्यासाठी निर्मिती संस्थेच्या वकिलांनी वेळ मागितला. त्यानंतर याचिकेची सुनावणी दुपारच्या सत्रात करण्यात आली.

कमल हासनचे वकील म्हणाले…

याचिकाकर्त्याचे प्रतिनिधित्व करणारे वरिष्ठ वकील चिनप्पा यांनी हासन यांच्या विधानाबाबत आणि ते माफी मागेल का याबद्दल खंडपीठाने अनेक प्रश्न उपस्थित केले. चिनप्पा म्हणाले, “स्पष्टपणे सांगायचे तर चित्रपटाचे प्रदर्शन थांबवता येत नाही… केएफसीसी किंवा कर्नाटक सरकारही ते थांबवू शकत नाही. कमल हासन यांचा कन्नडविरुद्ध काहीतरी बोलण्याचा हेतू नव्हता. कन्नड चित्रपटसृष्टीतील सुपरस्टार श्री शिव राजकुमार प्रेक्षकांमध्ये उपस्थित होते. त्यांनी त्यांच्या (कमल हासन) विधानाचे स्वागत केले आहे.” याकडे त्यांनी लक्ष वेधले. (K’taka HC nudges Kamal Haasan)
कमल हासन यांनी नंतर दिलेले उत्तर (न्यायालयात सादर केलेले) हे माफीनामा नव्हते हे लक्षात घेऊन खंडपीठाने निरीक्षण नोंदवले की, ‘‘कोणत्याही नागरिकाला जनतेच्या भावना दुखावण्याचा अधिकार नाही. लोक तीन गोष्टींबद्दल खूप भावनिक आहेत – पाणी, जमीन आणि भाषा… भाषिक आधारावर राज्यांची निर्मिती झाली आहे. सार्वजनिक क्षेत्रातील एखाद्या व्यक्तीने असे विधान केले तर त्यामुळे काय घडले? तर अशांतता आणि असंतोष. कर्नाटकच्या लोकांनी काय मागितले होते- तर माफी. ती तुम्ही मागा, दिलगिरी व्यक्त करा. तुम्हीच निर्माण केलेल्या परिस्थितीमुळे उलट तुम्हीच पोलिस संरक्षण मागण्यासाठी या न्यायालयासमोर आला आहात.’’

हेही वाचा :
गिरीश महाजन दलाल : राऊतांची टीका

June 3, 2025 0 comments

देश-विदेश महत्त्वाच्या नोंदी राजकारण समाज

Kamal Haasan: कन्नडवरील प्रेमातूनच बोललो, माफी नाही : कमल हासन

by प्रतिनिधी May 28, 2025

written by प्रतिनिधी

तिरुवंतपुरम : कन्नडविषयी मी केलेले विधान कन्नड भाषेवरील प्रेमातूनच केले आहे. त्यामुळे ‘‘प्रेम कधीही माफी मागत नाही,’’ असे अभिनेता-राजकारणी कमल हासन यांनी बुधवारी (२८ मे) स्पष्ट केले. (Kamal Haasan)

तुम्ही उत्तरेकडील दृष्टिकोनातून पाहिले तर त्यांच्या मते ते बरोबर आहे, जर तुम्ही ते थेंकुमारी (दक्षिण) वरून पाहिले तर मी जे म्हणतो ते बरोबर आहे, असेही ते म्हणाले.

‘‘तमिळने कन्नडला जन्म दिला,’’ असे विधान कमल हासन यांनी नुकतेच केले. त्यांच्या या विधानावर कर्नाटकातील कन्नड समर्थक संघटनांनी जोरदार आक्षेप घेतला आहे. तसेच त्यांनी माफी न मागितल्यास त्यांच्या ‘ठग लाईफ’ या आगामी चित्रपटाचे प्रदर्शन रोखण्याचा इशाराही दिला आहे. या पार्श्वभूमीवर हासन यांनी हे उत्तर दिले. (Kamal Haasan)

‘‘माझ्या विधानांवरून ज्यांनी वाद निर्माण केला ते माझा मुद्द्याबद्दल गोंधळ निर्माण करीत आहेत. मला वाटतं मी जे बोललो ते खूप प्रेमाने बोललो. इतिहासकारांनी मला भाषेचा इतिहास शिकवला आहे. याव्यतिरिक्त मला वेगळे काही म्हणायचे नव्हते,’’ असे ते म्हणाले.

ते म्हणाले की तामिळनाडू हे एक असे दुर्मिळ राज्य आहे जे सर्वांसाठी खुले आहे.

‘‘मी तुम्हाला सांगतो की, तामिळनाडू हे एक खुले राज्य आहे. मी असे म्हणत नाही की असे दुसरे कोणतेही राज्य नाही. पण एक अतिशय दुर्मिळ राज्य जिथे मेनन (एमजी रामचंद्रन) आपले मुख्यमंत्री राहिले आहेत. एक रेड्डी (ओमंडूर रामास्वामी रेड्डियार) आपले मुख्यमंत्री आहेत, एक तमिळ (एम. करुणानिधी) आपले मुख्यमंत्री आहेत आणि नंतर मंड्या येथून कन्नडिगा अय्यंगार आपले मुख्यमंत्री आहेत,’’ याकडे त्यांनी लक्ष वेधले. (Kamal Haasan)

दिवंगत जयललिता यांना उद्देशून त्यांनी कन्नडिगा अय्यंगार उल्लेख होता. ‘‘जेव्हा (मूळच्या) कर्नाटकातील मुख्यमंत्र्यांकडून (जयललिता) काही समस्या निर्माण झाली तेव्हा कर्नाटकनेच मला पाठिंबा दिला. त्यावेळी इथे या असे कन्नडिगा म्हणाले, आम्ही तुम्हाला घर देऊ, कुठेही जाऊ नका. त्यामुळे लोक ठग लाईफची काळजी घेतील, कमल हासनची काळजी घेतील,’’ असे ते म्हणाले.
राजकारण्यांना भाषेतील काही समजत नाही. त्यामुळे हा मुद्दा इतिहास संशोधक, भाषा तज्ज्ञ आणि पुरातत्त्ववेत्त्यांवर सोडून देऊ, असे ते म्हणाले.

हेही वाचा :
खोट्या एन्काउंटरची चौकशी करा : सर्वोच्च न्यायालय
होय, मी पाकिस्तानला गेलो होतो : गोगोई

May 28, 2025 0 comments

साहित्य-संस्कृती

Thug Life : ‘ठग लाईफ’चा ऑडिओ लाँच लांबणीवर

by प्रतिनिधी May 9, 2025

written by प्रतिनिधी

मुंबई : भारत आणि पाकिस्तानमधील वाढत्या तणावाच्या पार्श्वभूमीवर कमल हासन यांच्या आगामी ‘ठग लाईफ’ या चित्रपटाचा ऑडिओ लाँच पुढे ढकलण्यात आला आहे, असे त्यांनी शुक्रवारी सांगितले. (Thug Life)

कमल हसन यांनी, ‘‘भारत प्रथम, कला वाट पाहू शकते.’’ या शीर्षकाखाली निवेदन जारी केले आहे. यात त्यांनी या काळात संयम आणि चिंतन करण्याचे आवाहन केले आहे.

‘‘आपल्या देशाच्या सीमेवरील घडामोडी आणि सध्याच्या वाढत्या सतर्कतेची स्थिती लक्षात घेता, आम्ही ‘ठग लाईफ’ या चित्रपटाच्या ऑडिओ लाँचचे वेळापत्रक बदलण्याचा निर्णय घेतला आहे,’’ असे कमल यांनी निवेदनात म्हटले आहे. १६ मे रोजी नियोजित ऑडिओ लाँच करण्यात येणार होता. (Thug Life)

‘‘आपल्या मातृभूमीच्या रक्षणासाठी आपले सैनिक अढळ धैर्याने आघाडीवर उभे आहेत. हा उत्सव साजरा करण्याचा नाही तर शांततेचा आणि एकतेचा काळ आहे असे मला वाटते. ऑडिओ लाँचची योग्य वेळी नवीन तारीख जाहीर केली जाईल. यावेळी, आपल्या देशाचे रक्षण करण्यासाठी जागरूक असलेल्या आपल्या सशस्त्र दलातील शूर पुरुष आणि महिलांबद्दल आम्ही कृतज्ञता व्यक्त करतो. नागरिक म्हणून, संयम आणि एकतेने प्रतिसाद देणे हे आपले कर्तव्य आहे,’’ असे निवेदनात पुढे म्हटले आहे.

२२ एप्रिल रोजी जम्मू आणि काश्मीरमधील पहेलगाम येथे झालेल्या दहशतवादी हल्ल्यात २६ जणांचा मृत्यू झाला. दोन्ही देशांमध्ये राजनैतिक संकट निर्माण झाले. भारत आणि पाकिस्तानमधील या तणावाच्या पार्श्वभूमीवर ही घोषणा करण्यात आली आहे. (Thug Life)

‘ठग लाईफ’ हा तमिळ चित्रपटांपैकी एक महत्त्वाकांक्षी चित्रपट आहे. ३८ वर्षांनंतर कमल हासन आणि चित्रपट निर्माते मणिरत्नम यांच्या सहकार्याने हा चित्रपट प्रदर्शित होत आहे. या चित्रपटात त्रिशा, सिलंबरसन, जोजू जॉर्ज, अशोक सेल्वन, नासेर आणि अभिरामी यांच्याही भूमिका आहेत. ऑस्कर विजेते संगीतकार ए.आर. रहमान यांनी चित्रपटाचे संगीत दिले आहे. ठग लाईफची निर्मिती राज कमल फिल्म्स इंटरनॅशनल, मद्रास टॉकीज आणि रेड जायंट मुव्हीज यांनी संयुक्तपणे केली आहे.

हेही वाचा :
बुद्धांच्या अठराशे ‘रत्न अवशेषां’चा लिलाव रोखला
सोन्यापेक्षा ही धूळ आहे मौल्यवान

May 9, 2025 0 comments