Wednesday, September 2, 2026
Home » कव्हर स्टोरी » Page 101
Tag:

कव्हर स्टोरी

Shreyas Iyer
ताज्या बातम्या

Shreyas Iyer : श्रेयस अय्यर बनला पंजाबचा ‘किंग’!

by प्रतिनिधी
written by प्रतिनिधी

नवी दिल्ली : भारताचा फलंदाज श्रेयस अय्यरची इंडियन प्रीमियर लीगच्या आगामी मोसमासाठी पंजाब किंग्ज संघाच्या कर्णधारपदी निवड झाली आहे. याबरोबरच आयपीएल टी-२० क्रिकेट स्पर्धेच्या इतिहासात तीन संघांचे कर्णधारपद भूषवणारा श्रेयस हा पहिलाच भारतीय क्रिकेटपटू ठरला आहे. (Shreyas Iyer)

श्रेयसने २०२४ च्या आयपीएल स्पर्धेचे विजेतेपद पटकावणाऱ्या कोलकाता नाइट रायडर्स संघाचे नेतृत्व केले होते. त्याचप्रमाणे, त्याच्या नेतृत्वाखाली दिल्ली कॅपिटल्स संघाने २०२० च्या आयपीएलमध्ये अंतिम फेरीपर्यंत मजल मारली होती. दोन भिन्न संघांचे आयपीएलच्या अंतिम सामन्यात नेतृत्व करणाराही तो आजवरचा एकमेव खेळाडू आहे.मागील वर्षी नोव्हेंबरमध्ये झालेल्या आयपीएल लिलावामध्ये पंजाब संघाने तब्बल २६.७५ कोटी मोजून श्रेयसला करारबद्ध केले होते. या लिलावातील तो रिषभ पंतखालोखाल दुसरा सर्वांत महागडा खेळाडू ठरला होता. श्रेयसच्या नेतृत्वाखाली मुंबई संघाने मागील महिन्यात देशांतर्गत सईद मुश्ताक अली टी-२० क्रिकेट स्पर्धेचे विजेतेपद पटकावले. (Shreyas Iyer)

“संघाने माझ्यावर दाखवलेल्या विश्वासाबद्दल मी ऋणी आहे. पंजाबचे प्रशिक्षक रिकी पाँटिंग यांच्यासोबत काम करण्यास मी उत्सुक आहे. यावर्षी पंजाबचा संघ बलाढ्य दिसत असून संघामध्ये गुणवान आणि अनुभवी खेळाडूंचा योग्य ताळमेळ आहे. माझ्यावर दाखवलेला विश्वास सार्थ ठरवून पंजाबसाठी पहिलेवहिले आयपीएल विजेतेपद जिंकण्याची मला आशा आहे,” अशी प्रतिक्रिया श्रेयसने कर्णधारपदी निवड झाल्यावर दिली. ३० वर्षीय श्रेयसने २०१५ मध्ये दिल्ली संघातर्फे आयपीएल पदार्पण केले होते. त्याने आयपीएलमध्ये आतापर्यंत ११६ सामन्यांत ३२.२३ च्या सरासरीने ३१२७ धावा केल्या असून त्यामध्ये २१ अर्धशतकांचा समावेश आहे. (Shreyas Iyer)

यापूर्वी, श्रीलंकेच्या माहेला जयवर्धनेने आणि ऑस्ट्रेलियाच्या स्टीव्ह स्मिथने आयपीएलमध्ये तीन वेगवेगळ्या संघांचे नेतृत्व केले होते. जयवर्धने प्रथम तो किंग्ज इलेव्हन पंजाब संघाचा कर्णधार होता, त्यानंतर त्याने कोची टस्कर्स आणि दिल्ली कॅपिटल्स या संघांचे कर्णधारपद भूषवले. स्मिथ हा पुणे वॉरियर्स इंडिया, रायझिंग पुणे सुपरजायंट्स आणि राजस्थान रॉयल्स या संघांचा कर्णधार राहिला आहे. (Shreyas Iyer)

हेही वाचा :

कपिलला गोळी घालणार होतो!

मुंबईच्या इराची विक्रमी खेळी

0 comments
0 FacebookTwitterPinterestEmail
animals mourn
देश-विदेशपर्यावरण

animals mourn : मृत पिलासोबत १७ दिवस शोक…

by प्रतिनिधी
written by प्रतिनिधी

वॉशिंग्टन : जवळचे आप्त, नातेवाईक गेल्यानंतर माणूस बराच काळ धक्क्यातून सावरत नाही. शोकमग्न अवस्थेत तो बरेच दिवस असतो. त्याच्या आठवणींनी नेहमी दु:खीकष्टी होतो. त्याच्याशी असलेले भावबंध त्याला सतत आठवत राहतात. मात्र केवळ माणूसच नाही; तर प्राणीही शोक व्यक्त करतात, त्यांच्या आठवणींनी व्याकुळ होतात, असे सिद्ध झाले आहे. अनेक प्राण्यांची भावावस्था माणसासारखेच असते, असे दिसून आले आहे. (animals mourn)

अलीकडेच वॉशिंग्टनजवळच्या एका किनारपट्टीवर एक मादी किलर व्हेल तिच्या मृत पिलाचा मृतदेह ढकलत असताना दिसली. ओर्का, ज्याला तहलेक्वा म्हणून ओळखले जाते, तिचेही वर्तन असेच होते. तिच्या पिलाचाही मृत्यू झाला. मात्र ते पिलू ती जवळपास १७ दिवस ढकलत किनाऱ्यावर आणत होती, ते बुडू देत नव्हती. त्याच्यासोबत होती.

पिलाच्या मृतदेहांवर शोक व्यक्त करणारी केवळ व्हेल हीच एकमेव प्रजाती नाही. इतर अनेक प्राण्यांचे वर्तनही अनेकदा असेच दिसून आले आहे. २०२१ ची घटना. एडिनबर्ग प्राणीसंग्रहालयात लियान या मादी चिंपांझीचे पिलू जन्मत:च मृत झाले. मात्र ती त्या पिलाला बरेच दिवस पोटाशी धरून बसली होती. प्राणिसंग्रहालयात ती कुणालाही जवळ येऊ देत नव्हती. डॉल्फिन आणि माकडे अशा इतर प्राण्यांचे वर्तनही असेच दिसून आले.(animals mourn)

‘जवळचा नातेवाईक गमावला तर माणूस दु:खातिरेकाने व्याकूळ होतो. अगदी तसेच या प्राण्यांचे वर्तनही असते. म्हणून ते आपल्या मृत पिलासोबत असतात,’ असे मत कार्डिफ विद्यापीठातील संशोधक बेकी मिलर व्यक्त करतात. प्रिय व्यक्तीशी असलेले बंध टिकवून ठेवण्याचे ते सहज प्रकटीकरण असते, असे ते सांगतात. प्राणी अनेकदा त्यांच्या साथीदारांच्या मृत्यूनंतर त्यांचा शोध घेतात. माणूसही आपल्या प्रिय व्यक्तीच्या आठवणी बराच काळ काढत असतो, याकडे मिलर लक्ष वेधतात. प्राण्यांच्या बाबतीत अशी अनेक निरीक्षणे प्रसिद्ध आहेत. (animals mourn)

१४ वर्षे मालकाच्या कबरीजवळ

जपानमधील ग्रेफिअसे बॉबी हा कुत्रा हे त्याचे प्रसिद्ध उदाहरण. एडिनबर्ग, स्कॉटलंड येथील हा कुत्रा. मालकाच्या मृत्यूनंतर तो तब्बल १४ वर्षे त्याच्या कबरीजवळ जाऊन बसत असे. आणखी एक कुत्रा त्याच्या मालकाच्या मृत्यूनंतर जपानच्या रेल्वेस्टेशनवर बरीच वर्षे वाट पाहत असे. जवळचा साथीदार गमावल्यानंतर प्राण्यांनाही अतीव दु:ख होते. पिलाला व्हेलने खाल्ल्याचे पाहून मादी समुद्री सिंह मोठ्याने रडतात. अशी इतरही अनेक उदाहरणे आहेत. मानववंशशास्त्रज्ञ बार्बरा किंग यांनी त्यांच्या ‘हाऊ ॲनिमल्स ग्रीव्ह’ या पुस्तकात मांजरी, कुत्रे आणि ससे त्यांच्या साथीदाराच्या शोधात रडतात, असे निरीक्षण नोंदवले आहे. कळपातील घोडा पुरलेल्या ठिकाणी इतर घोडे बराच वेळ येऊन थांबल्याचे वर्णनही त्यांनी केले आहे.

हत्तीणीचे अश्रू…

१९९९ मध्ये भारतातील एका प्राणीसंग्रहालयातही अशीच घटना घडली. दामिनी या हत्तीणीसोबतची हत्तीण व्यायली. त्यावेळी तिचा मृत्यू झाला. दामिनी दु:खातिरेकाने रोज तिच्या मृत शरीराजवळ येऊन अश्रू ढाळत असे. काही दिवसांनी तिने अन्न-पाणीही सोडले. त्यातच तिचा मृत्यू झाला. प्राण्यांचे भावविश्व असे आहे.

(सौजन्य : बीबीसी)

0 comments
0 FacebookTwitterPinterestEmail
Dalit Woman Raped
पोलिस डायरी

Dalit Women Raped :दलित तरुणीच्या ‘केरळ स्टोरी’ने हादरा

by प्रतिनिधी
written by प्रतिनिधी

कोची : केरळमधील दलित तरुणीवर ती १३ वर्षाची असल्यापासून आतापर्यंत ६४ जणांनी लैंगिक अत्याचार केल्याची धक्कादायक घटना उघडकीस आली आहे.  या ‘केरळ स्टोरी’ने केरळ राज्य हादरून गेले आहे. अत्याचार करणाऱ्यांमध्ये तिचे शेजारी, क्रीडा प्रशिक्षक आणि तिच्या वडिलांच्या जवळच्या मित्रांचाही समावेश असल्याचे तिने सांगितले. समुपदेशनादरम्यान संबंधित तरुणीने आपल्यावर झालेल्या अत्याचाराची कहाणी उलगडली.(Dalit Women Raped)

पथकाने यासंबंधीची माहिती जिल्हा बालकल्याण समितीला दिली. त्यानुसार लगेच पोलिसांशीही संपर्क साधण्यात आला. तरुणीने दिलेल्या माहितीच्या आधारे पोलिसांनी आतापर्यंत २८ जणांना अटक केली आहे. त्यांना कोर्टाने पोलीस कोठडी सुनावली आहे. आणखी काहीजणंना अटक होण्याची शक्यता आहे. पोलिसांनी संबंधितांच्या शोधासाठी २५ जणांचे पथके तयार केली आहेत.(Dalit Women Raped)

राज्य महिला आयोगाने या प्रकरणाची स्वत:हून दखल घेतली. राष्ट्रीय महिला आयोगानेही यासंबंधी केलेल्या कारवाईसंबंधीचा अहवाल मागवला आहे. बालकांचे लैंगिक शोषण विरोधी कायदा-पोक्सो आणि दलित अत्याचार प्रतिबंधक कायद्यानुसार संबंधितांवर गुन्हे दाखल करण्यात आले आहेत.

वरिष्ठ पोलीस अधिकारी नंदकुमार एस यांनी, संबंधित तरुणी अल्पवयीन असतानाही अत्याचार झाला आहे. त्यामुळे लैंगिक गुन्ह्यांपासून बालकांचे संरक्षण कायद्यांतर्गतही गुन्हे दाखल करण्यात आले आहेत.

‘बीबीसी’ हे वृत्त दिले आहे. पोलिसांनी दिलेल्या माहितीनुसार, मुलगी १३ वर्षांची असताना कथित अत्याचाराला सुरुवात झाली. तिच्या शेजाऱ्याने तिचा विनयभंग केला. तिची आक्षेपार्ह छायाचित्रे घेतली, असे वृत्त न्यूज मिनिट वेबसाइटने वृत्त दिले आहे.(Dalit Women Raped)

अत्याचारानंतर आक्षेपार्ह छायाचित्रे

ती १६ वर्षांची असताना तिच्या शेजाऱ्याने तिच्यावर पुन्हा लैंगिक अत्याचार केला. अत्याचाराचे व्हिडिओ रेकॉर्ड केले. ते इतर अनेकांसोबत शेअर केले. आणखी काहीजणांनी तिच्यावर अनेकदा अत्याचार केले. जिल्ह्याच्या बालकल्याण समितीचे प्रमुख असलेल्या एका वकिलाने माध्यमांशी बोलताना सांगितले की, ती तरुणी खेळाडू आहे. तिने विविध क्रीडा शिबिरांत सहभाग घेतला होता. त्यावेळी तिच्यावर क्रीडा प्रशिक्षकाकडून गैरवर्तन झाले असण्याची शक्यता आहे.

गेल्या पाच वर्षांत तिच्यावर तीन वेळा सामूहिक बलात्कार झाल्याचे पोलिसांनी सांगितले. कथित अत्याचाराबद्दल महिलेच्या कुटुंबाला माहिती नव्हती.

समुपदेशकांसमोर संबंधित तरूणीने आपल्यावरील अत्याचाराचा उलगडा केल्यानंतर बालकल्याण समितीला अलर्ट केले आणि महिलेला तिच्या आईसह समितीसमोर हजर राहण्यास सांगितले. तिच्या संरक्षणासाठी तिला बालकल्याणशी संबंधित निवारागृहात हलवण्यात आले आहे.

हेही वाचा :

गोळी सुटली, आमदाराच्या डोक्यात घुसली…

0 comments
0 FacebookTwitterPinterestEmail
FIR on Lenders
पोलिस डायरी

FIR on Lenders : ५ लाख दिले; २७ लाख वसूल केले

by प्रतिनिधी
written by प्रतिनिधी

कोल्हापूर : प्रतिनिधी : खासगी सावकारांकडून पाच लाख रुपयांचे कर्ज घेतले. सावकारांनी वीस टक्के व्याज दराने रोख आणि ऑनलाईनद्वारे करुन २९ लाख रुपये वसूल केले. तरीही सावकारांनी पैशासाठी तगादा लावला. फिर्यादीने पोलिस अधीक्षकांकडे अर्ज केला. पोलिसांनी तक्रार अर्जाची खातरजमा केली. संशयित सावकारांनी गुन्हा टाळण्यासाठी फिर्यादीच्या खात्यावर ऑनलाईनद्वारे २७ लाख रुपये पाठवले. ऑनलाईनद्वारे पाठवलेली रक्कम पोलिसांना दाखवली. त्यानंतर सावकारांनी फिर्यादी आणि त्याच्या मुलाला ताब्यात घेऊन ऑनलाईनद्वारे पाठवलेले २७ लाख रुपये परत वसूल केले. फिर्यादीने यासंदर्भात पोलिस ठाण्यात अर्ज दिल्यानंतर पाच सावकारांच्या विरोधात गुन्हा दाखल करण्यात आला आहे. (FIR on Lenders)

अशोक राजाराम पाटील, अवधूत अशोक पाटील, (दोघे रा. कळे ता. पन्हाळा), प्रल्हाद संपतराव भोसले, प्रदीप मधुकर भोसले, मानसिंग भोसले, (तिघे रा. आसगाव ता. पन्हाळा, जि. कोल्हापूर) अशी खासगी सावकारांची नावे आहेत.

कळे पोलिसांनी या गुन्ह्याची माहिती दिली. फिर्यादी विठ्ठल आनंदा पाटील (रा. आकुर्डे, ता. पन्हाळा, जि. कोल्हापूर) हे शेती आणि इलेक्ट्रीक ठेकेदारीचा व्यवसाय करतात. फेब्रुवारी २०२२ मध्ये विठ्ठल पाटील यांनी खासगी सावकार अशोक पाटील यांच्याकडून पाच लाख रुपये घेतले. वीस टक्के व्याजाने सावकार अशोक पाटील आणि त्याचा मुलगा अवधूत पाटील यांना रोखीने आणि ऑनलाईन स्वरुपात गेल्या दोन वर्षात २९ लाख रुपये परत केले. तरीही सावकार अशोक पाटील आणि प्रल्हाद भोसले यांनी पैशासाठी तगादा लावला. त्यानंतर अशोक पाटील यांनी पोलिस अधीक्षकांकडे सावकारांच्या विरोधात अर्ज दिला. (FIR on Lenders)

पोलिस अधीक्षकांनी या प्रकरणाची चौकशी करण्याचे आदेश स्थानिक गुन्हे अन्वेषण शाखेला दिले.  सावकार अशोक पाटील आणि त्यांचा मुलगा अवधूत यांनी वीस टक्के व्याज दराने फिर्यादी विठ्ठल पाटील यांच्याकडून घेतले असल्याची कबूली पोलिसांना दिली. सावकारकीचा गुन्हा टाळण्यासाठी अशोक पाटील, प्रदीप भोसले आणि प्रल्हाद भोसले यांनी फिर्यादी विठृठल पाटील यांच्या खात्यावर २७ लाख रुपये ऑनलाइनने पाठवले. त्यानंतर ही रक्कम परत वसुल करण्यासाठी विठ्ठल पाटील आणि त्यांचा मुलगा पियुष यांना ताब्यात घेऊन त्यांच्याकडून २७ लाख रुपये वसुल केले. त्यानंतर विठ्ठल पाटील यांनी कळे पोलिस ठाण्यात फिर्याद दिल्यानंतर या अर्जाची शाहूवाडी पोलिस उप अधीक्षकांनी चौकशी करुन सावकारांविरोधात गुन्हा दाखल करण्याचे आदेश दिले. कळे पोलिसांनी गुन्हा दाखल केला असून सहाय्यक पोलिस निरीक्षक रणजीत पाटील तपास करत आहेत.

0 comments
0 FacebookTwitterPinterestEmail
Magnificent Rangoli
समाज

Magnificent rangoli : ११ एकरांत छत्रपती शिवरायांची भव्य रांगोळी

by प्रतिनिधी
written by प्रतिनिधी

कोल्हापूर : प्रतिनिधी : शककर्ते छत्रपती शिवाजी महाराजांच्या जाज्ज्वल्य पराक्रमांने सर्वांची छाती फुलून जाते. शिवरायांच्या जाज्ज्वल्य इतिहासाची स्फूर्ती घेऊन वारणेच्या खोऱ्यांतील ३२५ महिलांनी ११ एकरांत ३५ टन रांगोळीचा वापर करुन भव्य रांगोळी साकारली आहे. निमित्त होते जिजाऊ जयंतीचे. जगातील ही सर्वांत मोठी रांगोळी असल्याचा दावा संयोजकांनी केला आहे. (Magnificent rangoli)

कोल्हापूर जिल्ह्यातील पन्हाळा तालुक्यातील वारणा समूहाकडून जिजाऊ जयंतीनिमित्त पारगाव येथील तात्यासाहेब कोरे सैनिक स्कूलच्या मैदानावर भव्य रांगोळी साकारण्याचा संकल्प सोडला. या उपक्रमात ३२५ हून अधिक महिलांनी सहभाग घेत शिवरायांची भव्य रांगोळी रेखाटली, अशी माहिती या उपक्रमाच्या आयोजक ईशानी कोरे यांनी दिली. (Magnificent rangoli )

गिनिज बुक ऑफ वर्ल्ड रेकॉर्डमध्ये या रांगोळीची नोंद होणार आहे. ही रांगोळी साकारण्यासाठी तब्बल एक आठवड्याचा कालावधी लागला. यापूर्वी मिर्झापूरला तीन लाख ४५ हजार स्क्वेअर फुटांची रांगोळी काढून वर्ल्ड रेकॉर्ड बनवण्यात आला होता. मात्र, वारणानगर येथे साकारलेली रांगोळी तब्बल साडेचार लाख स्क्वेअर फुटांची असल्याने या विक्रमाची नोंद ‘इंडिया बुक ऑफ रेकॉर्ड’, ‘गिनिज बुक ऑफ वर्ल्ड रेकॉर्ड’, ‘इंटरनॅशनल बुक ऑफ वर्ल्ड रेकॉर्ड’, ‘वर्ल्ड बुक ऑफ रेकॉर्ड’मध्ये होणार आहे. (Magnificent rangoli )

स्वराज्य युवा प्रतिष्ठान, ताराराणी ब्रिगेड महाराष्ट्र आणि वारणा शिक्षण समूह यांच्या सामूहिक प्रयत्नातून ही रांगोळी साकारण्यात आली. या उपक्रमावेळी कोल्हापूरचे जिल्हाधिकारी अमोल येडगे यांच्यासह गिनिज बुक ऑफ द वर्ल्ड रेकॉर्डच्या अधिकाऱ्यांची समिती उपस्थित होती.

0 comments
0 FacebookTwitterPinterestEmail
Women’s Cricket
ताज्या बातम्या

Women’s Cricket : भारताची मालिकेत विजयी आघाडी

by प्रतिनिधी
written by प्रतिनिधी

राजकोट : फलंदाजांच्या जोरदार कामगिरीमुळे भारतीय महिला संघाने आयर्लंडविरुद्धच्या वन-डे क्रिकेट मालिकेत रविवारी सलग दुसरा विजय नोंदवला. हा सामना ११६ धावांनी जिंकून भारताने तीन सामन्यांच्या मालिकेत २-० अशी विजयी आघाडीही घेतली. (Women’s Cricket)

नाणेफेक जिंकून प्रथम फलंदाजी करताना भारताने ५ बाद ३७० इतकी धावसंख्या उभारली. महिला वन-डे क्रिकेटमधील भारताची ही सर्वोच्च धावसंख्या ठरली. मागील महिन्यात वेस्ट इंडिजविरुद्ध केलेल्या ३५८ धावांचा विक्रम भारताने मागे टाकला. कर्णधार स्मृती मानधना आणि प्रतिका रावल यांनी भारताला १९ षटकांत १५६ धावांची सलामी दिली. मानधनाने ५४ चेंडूंमध्ये १० चौकार व २ षटकारांसह ७३ धावा फटकावल्या. प्रतिकाने सलग दुसरे अर्धशतक झळकावताना ६१ चेंडूंमध्ये ८ चौकार व एका षटकारासह ६७ धावांची खेळी केली. या दोघी बाद झाल्यानंतर हरलीन देओल आणि जेमिमा रॉड्रिग्ज यांनी तिसऱ्या विकेटसाठी १८३ धावांची भागीदारी रचली. (Women’s Cricket)

जेमिमाने ९१ चेंडूंमध्ये १२ चौकारांच्या मदतीने १०२ धावा करून कारकिर्दीतील पहिलेवहिले वन-डे शतक ठोकले. हरलीनने ८४ चेंडूत १२ चौकारांसह ८९ धावा करत तिला उपयुक्त साथ दिली. महिला वन-डे क्रिकेटमध्ये केवळ दुसऱ्यांदा भारताच्या चार फलंदाजांना अर्धशतकी टप्पा पार करण्यात यश आले. यापूर्वी, २००४ मध्ये भारताने वेस्ट इंडिजविरुद्ध अशी कामगिरी केली होती. (Women’s Cricket)

भारताच्या आव्हानाचा पाठलाग करताना आयर्लंडला ५० षटकांत ७ बाद २५४ धावाच करता आल्या. आयर्लंडतर्फे ख्रिस्टिना रिलीने ११३ चेंडूंमध्ये १० चौकारांसह ८० धावा करून एकाकी लढत दिली. भारतातर्फे १०० वा आंतरराष्ट्रीय वन-डे सामना खेळणाऱ्या दीप्ती शर्माने ३७ धावांत ३ विकेट घेतल्या. प्रिया मिश्राने २ विकेट घेतल्या. या मालिकेतील अखेरचा सामना बुधवारी, १५ जानेवारी रोजी रंगणार आहे. (Women’s Cricket)

संक्षिप्त धावफलक :
भारत – ५० षटकांत ५ बाद ३७० (जेमिमा रॉड्रिग्ज १०२, हरलीन देओल ८९, स्मृती मानधना ७३, प्रतिका रावल ६७, आर्लिन केली २-८२) विजयी विरुद्ध आयर्लंड – ५० षटकांत ७ बाद २५४ (ख्रिस्टिना रेली ८०, सारा फोर्ब्ज ३८, लारा डेलानी ३७, दीप्ती शर्मा ३-३७, प्रिया मिश्रा २-५३).

0 comments
0 FacebookTwitterPinterestEmail
Shah Criticise Pawar
राजकारण

Shah Criticise Pawar : पवारांकडून दगाफटक्याचे राजकारण

by प्रतिनिधी
written by प्रतिनिधी

शिर्डी : प्रतिनिधी : शिर्डी येथील भाजपच्या महाअधिवेशनात केंद्रीय गृहमंत्री अमित शहा यांनी शरद पवार आणि उद्धव  ठाकरे यांच्यावर कठोर टीका केली. महाराष्ट्राच्या राजकारणात १९७८ पासून शरद पवार यांनी दगाफटक्याचे राजकारण सुरू केले. त्या राजकारणाला जमिनीत २० फूट गाडण्याचे काम केले. २०१९ मध्ये भाजपशी द्रोह करणाऱ्या उद्धव ठाकरे यांना त्यांची जागा दाखवून दिली, अशी टीका शहा यांनी केली. आगामी स्थानिक स्वराज्य संस्थांच्या निवडणुकीत विरोधकांना एकही जागा निवडून द्यायची नाही, असा कानमंत्रही शहा यांनी भाजप कार्यकर्त्यांना दिला. (Shah Criticise Pawar)

अमित शहा यांनी भाजपला राज्यात सर्वाधिक जागा मिळवून दिल्याबद्दल कार्यकर्त्यांचे कौतुक केले. ते म्हणाले, भाजपचे कार्यकर्ते आमदार झाले आणि मंत्रीही झाले. खरी शिवसेना आणि खरा राष्ट्रवादी पक्षालाही मोठा विजय मिळवून दिला. १९७८ ते २०२४ पर्यंत राज्यात अस्थिरता होती. हे अस्थिरतेचे राजकारण संपले असून देवेंद्र फडणवीस यांचे स्थिर सरकार निवडून देण्याचे काम केले आहे. (Shah Criticise Pawar)

२०२४ हे वर्ष भाजपसाठी चांगले राहिले आहे. मोदी तिसऱ्यांदा पंतप्रधान झाले असे सांगून शहा म्हणाले, हरियाणा आणि महाराष्ट्रात भाजपने चांगले यश मिळवले. २०२५ ची सुरुवात दिल्ली विधानसभा निवडणूक जिंकून करायची आहे. महाराष्ट्रात भाजपचे ४० लाख सदस्य असून ती संख्या दीड कोटीवर न्यायची असल्याचे ते म्हणाले. स्थानिक स्वराज्य संस्थांच्या निवडणुकीत भाजपला मोठ्या मताधिक्यांनी विजयी वायचे असून विरोधकांना एकही जागा मिळणार नाही यासाठी भाजप कार्यकर्त्यांनी सज्ज राहण्याचे आवाहनही त्यांनी केले. (Shah Criticise Pawar)

मुख्यमंत्री देवेंद्र फडणवीस म्हणाले, भाजप पक्षामध्ये  श्रद्धा आणि सबुरी हा मंत्र पाळला जातो. ज्यांना हा मंत्र समजला ते यशस्वी झाले, ज्यांना नाही समजला त्यांची निवडणुकीत काय अवस्‍था झाली हे सर्वांनी पाहिले आहे. महाराष्ट्राच्या जनतेने भाजपला शंभरहून अधिक जागा दिल्या.  गेल्या ३० वर्षांत ही कामगिरी करणारा भाजप एकमेव पक्ष आहे. महायुतीने २८८ पैकी २३७ जागा जिंकून आपण इतिहास निर्माण केला आहे.

मुख्यमंत्री फडणवीस यांनी विरोधकांवरही टीका केली. ते म्हणाले, काँग्रेस, शरद पवार यांचा राष्ट्रवादी पक्ष  आणि उद्धव ठाकरे शिवसेना पक्षाने राज्यात व्होट जिहाद केला.  निवडणुकीत पराभव केला तरी ते शांत बसले नाहीत. पंतप्रधान नरेंद्र मोदी यांचा ‘एक हैं तो सेफ हैं  चा नारा यापुढे महाराष्ट्रातील पुढील निवडणुकीत कायम ठेवायचा आहे, याचा पुनरुच्चारही त्यांनी केला.

0 comments
0 FacebookTwitterPinterestEmail
Ira Jadhav
ताज्या बातम्या

Ira Jadhav : मुंबईच्या इराची विक्रमी खेळी

by प्रतिनिधी
written by प्रतिनिधी

नवी दिल्ली : मुंबईची चौदा वर्षीय क्रिकेटपटू इरा जाधवने रविवारी १९ वर्षांखालील क्रिकेटमध्ये सर्वोच्च वैयक्तिक धावसंख्येचा भारतातील विक्रम नोंदवला. विमेन्स अंडर-१९ ट्रॉफी वन-डे स्पर्धेमध्ये इराने मेघालयविरुद्ध १५७ चेंडूंमध्ये नाबाद ३४६ धावांची खेळी केली. (Ira Jadhav)

इराने २२०.३८ च्या स्ट्राइक रेटने धावा जमवताना ४२ चौकार व १६ षटकारांचीही आतषबाजी केली. तिच्या या महाकाय खेळीमुळे मुंबईला ५० षटकांमध्ये ३ बाद ५६३ अशी धावसंख्या उभारता आली. मुंबईच्या या आव्हानासमोर मेघालय संघाचा डाव अवघ्या १९ धावांत आटोपला. त्यामुळे मुंबईने ५४४ धावांनी विजय नोंदवला. इराची ही भारतातील १९ वर्षांखालील महिला वन-डे क्रिकेटमधील सर्वोच्च धावसंख्या ठरली. त्याचप्रमाणे, १९ वर्षांखालील महिला वन-डे क्रिकेटमध्ये त्रिशतक झळकावणारी ती भारताची पहिलीच खेळाडू ठरली आहे. जागतिक क्रिकेटमध्ये ही दुसऱ्या क्रमांकाची वैयक्तिक धावसंख्या आहे. १९ वर्षांखालील सर्वोच्च वैयक्तिक धावसंख्येचा विक्रम दक्षिण आफ्रिकेच्या लिझेल लीच्या नावावर आहे. तिने २०१० मध्ये पुमालंगा संघातर्फे खेळताना नाबाद ४२७ धावा फटकावल्या होत्या. (Ira Jadhav)

रविवारच्या सामन्यात इराने कर्णधार हर्ली गालासोबत २७४ धावांची भागीदारी रचली. गालाने ७९ चेंडूंमध्ये ११६ धावा केल्या. इरा ही मुंबईतील शारदाश्रम विद्यामंदिर इंटरनॅशनल स्कूल या शाळेची विद्यार्थिनी आहे. या वर्षीच्या विमेन्स प्रीमियर लीग टी-२० स्पर्धेसाठी लिलावासाठी उपलब्ध खेळाडूंच्या यादीत तिचे नाव होते. तथापि, कोणत्याच संघाने तिच्याशी करार केला नाही. या वर्षी होणाऱ्या १९ वर्षांखालील वर्ल्ड कपसाठी निवडलेल्या भारतीय संघामध्ये तिला राखीव खेळाडू म्हणून स्थान देण्यात आले आहे. (Ira Jadhav)

0 comments
0 FacebookTwitterPinterestEmail
Shami
ताज्या बातम्या

Shami : महंमद शमीचे पुनरागमन

by प्रतिनिधी
written by प्रतिनिधी

मुंबई : इंग्लंडविरुद्धच्या आगामी टी-२० क्रिकेट मालिकेसाठी भारतीय संघाची घोषणा करण्यात आली आहे. मगील जवळपास सव्वा वर्ष दुखापतीमुळे आंतरराष्ट्रीय क्रिकेटपासून दूर असणारा वेगवान गोलंदाज महंमद शमीला या मालिकेसाठी संघात स्थान देण्यात आले आहे. (Shami)

पाच सामन्यांच्या या मालिकेस २२ जानेवारीपासून सुरुवात होईल. या मालिकेनंतर भारतीय संघ इंग्लंडविरुद्ध तीन सामन्यांची वन-डे मालिकाही खेळणार आहे. पुढील महिन्यात होणाऱ्या चॅम्पियन्स ट्रॉफी स्पर्धेपूर्वी भारताची ही अखेरची मालिका आहे. त्यामुळे, खेळाडूंचा फिटनेस व कामगिरी यांची चाचपणी करण्याची अखेरची संधी हणून या मालिकेकडे पाहण्यात येत आहे. या पार्श्वभूमीवर शमीची निवड टी-२० मालिकेसाठी करण्यात आली. (Shami)

नोव्हेंबर २०२३ मध्ये वन-डे क्रिकेट वर्ल्ड कपच्या अंतिम सामन्यानंतर शमी आंतरराष्ट्रीय क्रिकेट खेळलेला नाही. पायाच्या दुखापतीतून सावरल्यानंतर त्याने मागील वर्षी देशांतर्गत क्रिकेटमध्ये पुनरागमन केले. त्यानंतर, त्याला बॉर्डर-गावसकर ट्रॉफी स्पर्धेसाठी निवडण्यात येण्याचीही चर्चा रंगली होती. तथापि, शमी पूर्णपणे तंदुरुस्त असल्याशिवाय कसोटी क्रिकेटसाठी त्याचा विचार करण्यात येणार नसल्याचे भारतीय क्रिकेट नियामक मंडळाने (बीसीसीआय) स्पष्ट केले होते. भारताने बॉर्डर-गावसकर ट्रॉफी गमावल्यानंतर शमीचा संघात समावेश न केल्याबद्द्ल बीसीसीआयवर टीकाही करण्यात आली होती. सध्या सुरू असलेल्या विजय हजारे करंडक या देशांतर्गत वन-डे स्पर्धेमध्ये शमीने बंगालकडून खेळताना प्रभावी कामगिरी केली आहे. त्यामुळे, इंग्लंडविरुद्ध त्याला संघात स्थान देण्यात आले. (Shami)

सूर्यकुमार यादवच्या नेतृत्वाखालील टी-२० संघामध्ये नुकत्याच संपलेल्या ऑस्ट्रेलिया दौऱ्यात भारताकडून खेळलेल्या चार खेळाडूंची निवड करण्यात आली आहे. नितीश कुमार रेड्डी, वॉशिंग्टन सुंदर, ध्रुव जुरेल आणि हर्षित राणा या भारताच्या कसोटी संघातील चौघांजणांना टी-२० संघातही स्थान मिळाले आहे. अक्षर पटेलकडे या संघाचे उपकर्णधारपद सोपवण्यात आले आहे. (Shami)

भारतीय संघ : सूर्यकुमार यादव (कर्णधार), संजू सॅमसन, अभिषेक शर्मा, तिलक वर्मा, हार्दिक पंड्या, रिंकू सिंग, नितीश कुमार रेड्डी, ध्रुव जुरेल, अक्षर पटेल, हर्षित राणा, अर्शदीप सिंग, महंमद शमी , वरुण चक्रवर्ती, रवी बिश्नोई आणि वॉशिंग्टन सुंदर.

हेही वाचा :
विदर्भ, हरियाणा उपांत्य फेरीत

0 comments
0 FacebookTwitterPinterestEmail
bullet went off
देश-विदेशपोलिस डायरी

bullet went off : गोळी सुटली, आमदाराच्या डोक्यात घुसली…

by प्रतिनिधी
written by प्रतिनिधी

लुधियाना : पिस्तूल साफ करत असताना अचानक गोळी सुटली आणि थेट आमदारांच्या डोक्यात घुसली. मोठा आवाज आल्यावर पत्नी पळत आली. सुरक्षारक्षकांनी आमदारांना हॉस्पिटलमध्ये नेले, पण उपचारापूर्वीच आमदारांचा मृत्यू झाला. (bullet went off)

लुधियाना पश्चिमचे आम आदमी पक्षाचे आमदार गुरप्रित बासी गोगी शुक्रवारी घरात पिस्तूल साफ करत होते. त्यातून अचानक गोळी सुटल्याने त्यांचा मृत्यू झाला. त्यांचा मुलगा घराच्या पहिल्या मजल्यावरील खोलीत होता. अचानक मोठा आवाज आला. थंडीसाठी लावलेला हिटर फुटला, असे समजून त्यांच्या पत्नी दिवाणखान्यात आल्या. तर तिथे गोगी रक्ताच्या थारोळ्यात पडलेले दिसले. त्यांनी आरडाओरड केल्यानंतर बंदोबस्तास असलेले पोलिस आणि स्वयंपाकी धावत आला. गोगींच्या डाव्या हातात पिस्तूल होते. त्यांच्या डोक्याला गंभीर जखम झाली होती. त्यांना ताबडतोब हॉस्पिटलमध्ये हलवण्यात आले. पण उपचारापूर्वीच त्यांचा मृत्यू झाला होता.(bullet went off)

पोलिसांनी घटनेची माहिती दिली. गोगी आपल्या पिस्तूलची तपासणी अथवा सफाई करत असताना अचानक गोळी उडाली असावी. डिव्हिजन नंबर आठ पोलिस स्टेशनचे एसएचओ इन्सपेक्टर बलविंद कौर यांनी गोगी यांच्या कुटुंबातील सदस्य आणि नोकरांचे जाबजबाब घेतल्यानंतर ही माहिती दिली. प्राथमिक अंदाजनुसार अपघातात गोळी उडाली आहे. त्यातील एक गोळी त्यांच्या घरातील मंदिराजवळही लागली आहे.

लुधियाना सिव्हिल हॉस्पिटलमध्ये पाच डॉक्टरांच्या पथकाने पोस्टमार्टम केले. माजी आमदार जसपाल सिंह यांनी श्रद्धांजली वाहिली. गोगी आणि माझे चांगले संबंध होते. ते आपली छोटी पिस्तूल दाखवण्यासाठी कायम केस खोलत असत. मी त्यांच्याकडे कायम पिस्तूल मागत असे, पण ते नकार देत. ते त्यांचे आवडते पिस्तूल होते. पण त्या आवडत्या पिस्तूलने त्यांचा जीव घेतला. (bullet went off)

हेही वाचा :
आगीपाठोपाठ हिमवादळ!

0 comments
0 FacebookTwitterPinterestEmail
Newer Posts
Older Posts
error: Content is protected !!