महत्त्वाच्या नोंदी

मुंबई : आयपीएलमधील मुंबई इंडियन्सचा स्टार गोलंदाज जसप्रीत बुमराह हा दुखापतीतून सावरला असून तो संघासोबत सहभागी झाला आहे. मुंबईने इन्स्टाग्राम पोस्टद्वारे ही माहिती दिली असली, तरी ७ एप्रिल रोजी बेंगळुरू रॉयल चॅलेंजर्सविरुद्धच्या सामन्यात तो खेळण्याची शक्यता धूसर आहे. (Bumrah)

भारतीय संघाच्या ऑस्ट्रेलिया दौऱ्यादरम्यान उद्भवलेल्या पाठीच्या दुखापतीमुळे बुमराह मागील चार महिने स्पर्धात्मक क्रिकेटपासून दूर आहे. याच दुखापतीमुळे त्याला मागील महिन्यात चॅम्पियन्स ट्रॉफीमध्येही सहभागी होता आले नव्हते. आयपीएलमधील सुरुवातीच्या सामन्यांनाही बुमराह मुकला. भारतीय क्रिकेट नियामक मंडळाच्या (बीसीसआय) सेंटर फॉर एक्सलन्समध्ये बुमराह दुखापतीतून सावरण्याचा प्रयत्न करत होता. आता बुमराह पुरेसा तंदुरुस्त झाल्यामुळे त्याचा आयपीएलमध्ये सहभागी होण्याचा मार्ग मोकळा झाला आहे. (Bumrah)

आतापर्यंतच्या सामन्यात मुंबईची कामगिरी फारशी प्रभावी नसल्याने संघाचे चाहते आतुरतेने बुमराहच्या पुनरागमनाची वाट पाहात होते. शुक्रवारी लखनौ सुपरजायंट्सविरुद्धच्या सामन्यानंतर मुंबईचा कर्णधार हार्दिक पंड्याने ‘बुमराह लवकरच परतेल,’ असे सांगत त्याच्या संघात परतण्याचे संकेत दिले होते. आता मुंबईतर्फे बुमराह संघामध्ये सहभागी झाल्याची पोस्ट करण्यात आल्यामुळे हार्दिकचे संकेत खरे ठरले आहेत. “बुमराह काल रात्री संघामध्ये दाखल झाला. आज त्याने संघासोबत काही काळ सराव केला. मुंबईचे फिजिओ त्याच्या फिटनेसवर लक्ष ठेवून आहेत. आज गोलंदाजी करताना त्याला कोणताही त्रास जाणवला नाही,” अशी माहिती मुंबईचे प्रशिक्षक माहेला जयवर्धने यांनी दिली. (Bumrah)

मुंबईचा संघ वानखेडेवर सोमवारी बेंगळुरूविरुद्ध खेळणार आहे. या सामन्यामध्ये बुमराहची निवड अंतिम अकरा खेळाडूंत होण्याची शक्यता कमी आहे. मुंबईला यंदाच्या आयपीएलमध्ये आतापर्यंत चार सामन्यांत केवळ एक विजय मिळवता आला असून गुणतक्त्यात मुंबईचा संघ सातव्या स्थानी आहे. आयपीएलमध्ये २०१३ पासून केवळ मुंबई इंडियन्सकडून खेळणाऱ्या बुमराहच्या नावावर आतापर्यंत १३३ सामन्यांत १६५ विकेट घेतल्या आहेत. (Bumrah)

हेही वाचा :

हितेश गुलियाचा सुवर्ण‘पंच’

नवी दिल्ली : प्रतिनिधी : सात आश्चर्यापैकी एक असलेल्या ताजमहाल ही सौदर्यपूर्ण ऐतेहासिक वास्तू पाहण्यासाठी जगभरातील पर्यटक भारतात येतात. पर्यटकांसाठी आकारलेल्या तिकीट विक्रीतून ताजमहालने २९७ कोटी रुपये कमावले आहेत. केंद्रीय सांस्कृतिक मंत्री गजेंद्र सिंह शेखावत यांनी राज्यसभेत ही माहिती दिली. एएसआय संरक्षित स्मारकापैकी सर्वाधिक कमाई करणारे स्मारक म्हणून उदयास आले आहे. (Tajmahal income)

मुघल काळातील प्रतिष्ठित स्मारक आणि भारतातील युनेस्कोच्या जागतिक वारसा स्थळांपैकी एक ताजमहाल ही वास्तूआहे.  गेल्या पाच वर्षांत तिकीट विक्रीतून सर्वाधिक कमाई करणारे भारतीय पुरातत्व सर्वेक्षण-संरक्षित स्मारक आहे. राज्यसभेत दिलेल्या लेखी उत्तरात, केंद्रीय संस्कृती मंत्री गजेंद्र सिंह शेखावत यांनी सांगितले की, ताजमहालने गेल्या पाच वर्षांत तिकिटांमधून २९७ कोटींचे उत्पन्न मिळवले आहे, जे एएसआय-संरक्षित सर्वात फायदेशीर स्मारक बनले आहे.(Tajmahal income)

२०२३-२४ या आर्थिक वर्षात, कुतुबमिनार आणि लाल किल्ला अनुक्रमे दुसऱ्या आणि तिसऱ्या स्थानावर होते आणि त्यांनी अनुक्रमे २३.८ कोटी आणि १८.०८ कोटी उत्पन्न मिळवले.(Tajmahal income)

२०२० मध्ये आग्रा किल्ला आणि कुतुबमिनार दुसऱ्या आणि तिसऱ्या स्थानावर होते, तर आर्थिक वर्ष २०२१ मध्ये तामिळनाडूतील स्मारक समूह ममल्लापुरम आणि सूर्य मंदिर, कोणार्क यांना अनुक्रमे दुसऱ्या आणि तिसऱ्या स्थानावर ठेवण्यात आले.(Tajmahal income)

ताजमहालची माहिती अशी

मुघल सम्राट शाहजहानने त्याची पत्नी मुमताज महल यांच्या स्मरणार्थ ताजमहाल बांधला आहे.

ताजमहाल दिल्लीतील कुतुबमिनारपेक्षा उंच मानला जातो.  ताजमहालची उंची ७३ मीटर आहे, तर कुतुबमिनारची उंची ७२.५ मीटर आहे.

युनेस्कोच्या जागतिक वारसा स्थळात १९८३ मध्ये ताजमहाल वास्तूचा समाविष्ट झाला आहे.

अनेक ऐतिहासिक अहवालांनुसार, ताजमहाल बांधण्यासाठी जवळजवळ २२ वर्षे लागली. त्याचे बांधकाम १६३२ ते १६५३ पर्यंत चालले आणि संपूर्ण मुघल साम्राज्य, मध्य आशिया आणि इराणमधून २०,००० हून अधिक कारागिरांना बोलावण्यात आले.

ताजमहाल राजस्थानातील मकराणा येथून आणलेल्या पांढऱ्या संगमरवरापासून बनवले आहे. उस्ताद-अहमद लाहोरी हे ताजमहालचे मुख्य शिल्पकार होते. (Tajmahal income)

हेही वाचा :

आयुक्तांनी स्वत:च्या डोक्यात झाडली गोळी

गळ्यात पट्टा बांधून कर्मचाऱ्याला कुत्र्यासारखे फिरवले

‘हॅन्डस् ऑफ’ रॅलीत हजारो अमेरिकेन रस्त्यांवर

कोची :  टारगेट पूर्ण केले नाही म्हणून कर्मचाऱ्याच्या गळ्यात कुत्र्याचा पट्टा बांधला. त्याला गुडघ्यावर चालवले. कुत्र्यासारखे पाणी प्यायला लावले. केरळमधील कोची मधील एक प्रायव्हेट कंपनीत ही आमानवी घटना उघडकीस आली आहे . या घटनेची केरळ सरकारने गांभीर्याने नोंद घेतली असून कंपनीच्या विरोधात तक्रार दाखल करण्यात आली आहे. केरळच्या श्रम मंत्र्यांनी या घटनेचा तातडीने अहवाल मागितला आहे. (Kerala Firm)

केरळच्या कोची शहरात ही घटना घडली आहे. पेरुम्बावूर मधील एका प्रायव्हेट कंपनीत हा प्रकार घडला आहे. ही घटना पाहून लोकांकडून संताप व्यक्त केला जात आहे. कर्मचाऱ्याच्या गळ्यात पट्टा बांधून कुत्र्यासारखे त्याला ऑफीसमध्ये चालवण्यात आले. तसेच् कुत्र्याला ज्या प्रमाणे पाणी पाजवले जाते त्याप्रमाणे एका प्लेटमध्ये पाणी ओतून ते कुत्र्यासारखे प्यायला भाग पाडले. त्याचे कपडे काढून त्याला बेदम मारहाणही करण्यात आली. कंपनीच्या मालकाने कर्मचाऱ्यांना शिक्षा देण्यासाठी हे केले आहे अशी माहिती पुढे आली आहे. या घटनेचा व्हिडिओ व्हायरल झाल्यावर खळबळ उडाली आहे. (Kerala Firm)

केरळचे श्रममंत्री शिवनकुट्टी यांनी घटनेचा अहवाल मागवला आहे. ते म्हणाले, “केरळमध्ये श्रमासंबधीत कडक कायदे आहेत. तरीही एकाद्याला अशी चुकीची शिक्षा आणि वागणूक सहन केली जाणार नाही. अहवालानुसार दोषींना कडक शिक्षा केली जाईल”. (Kerala Firm)

एर्नाकुलमच्या अधिकाऱ्यांनी या घटनेचा शोध घेतला असून त्यांनी माहिती दिली आहे. ज्या घरात घटना घडली ते अधिकाऱ्यांनी शोधून काढले आहे. पुरुम्बावर येथील अराक्कापदी येथे एक सेल्स कंपनी आहे. या कंपनीकडून घरोघरी जावून माल विकला जातो. प्राथमिक माहितीनुसार पहिल्या तीन महिन्यात या कंपनीत एकही पुरुष कर्मचारी नव्हता. फक्त महिला कर्मचारी काम करतात. या महिलांकडे अधिकारी चौकशी करत आहेत. व्हिडिओमध्ये दिसणाऱ्या एका व्यक्तीकडे अधिकाऱ्यांनी चौकशी केली आहे. त्याने अशी माहिती दिली की एका कर्मचाऱ्याने हा व्हिडिओ बनवला आहे. हा कर्मचारी नशेमध्ये होता. त्याला नोकरीवरुन काढून टाकण्यात आले आहे. पोलिस अधिकाऱ्यांनी सुद्धा कंपनीची चौकशी सुरू केली आहे. (Kerala Firm)

हेही वाचा :  

‘हॅन्डस् ऑफ’ रॅलीत हजारो अमेरिकेन रस्त्यांवर

आयुक्तांनी स्वत:च्या डोक्यात झाडली गोळी

समान नागरी कायद्याची गरज