Saturday, July 18, 2026
Home » समाज » आंदोलन » Page 7
Category:

आंदोलन

Jarange warns Govt
आंदोलनमहत्त्वाच्या नोंदीमहाराष्ट्रराजकारणसमाज

Jarange warns Govt: आमच्या जिवाशी खेळू नका, सरकारला वेळ देणार नाही : जरांगेंचा इशारा

by प्रतिनिधी
written by प्रतिनिधी

मुंबई : मराठा आरक्षणाचा प्रश्न सोडविण्यासाठी राज्य सरकार कामाला लागले आहे. मंत्रिमंडळ उपसमितीच्या बैठकीनंतर माजी न्यायमूर्ती संदीप शिंदे समितीने मनोज जरांगे यांची भेट घेतली. यावेळी न्या. शिंदे यांनी जरांगे यांच्याशी चर्चा केली. कुणबी दाखले देण्यासंबंधातील अडचणी आणि समितीने केलेले काम याची माहिती त्यांनी दिली. त्यावर जरांगे यांचे समाधान झाले नाही. (Jarange warns Govt)

या चर्चेवेळी मराठा आणि कुणबी एकच असल्याचा जीआर सरकारने काढावा, अशी मागणी केली.

जरांगे यांनी आधीचे संदर्भ देत कुणबी लोकसंख्या किती असू शकली असती हे सांगताना, संभाजीनगरला १९३० साली १ लाख २३ हजार कुणबी होते. मराठवाड्यातील ९० वर्षापूर्वीचे कुणबी आता गेले कुठे? जालन्यात ९७ हजार कुणबी होते. कुणब्यांच्या प्रत्येक घरात पाच पाच मुलं गृहित धरा, मग एवढे कुणबी गेले कुठे? असा प्रश्न समितीला केला. (Jarange warns Govt)

सरकारने आता जास्त वेळ घेऊ नये. तुम्ही आमच्या जीविताशी खेळताय. आता एक मिनिटही सरकारला वेळ देणार नाही. शिंदे समितीला चर्चेला पाठवणे म्हणजे विधानसभा, विधान परिषदेचा अपमान आहे. विधिमंडळ कायदे मंडळाचा अपमान करण्याचं काम देवेंद्र फडणवीस करत आहेत, असा आरोपही त्यांनी केला.

या चर्चेवेळी माजी न्यायमूर्ती संदीप शिंदे यांनी मनोज जरांगे यांना सांगितलं की “राज्य सरकारने हैदराबाद गॅझेट लागू करण्यास तत्वतः मंजुरी दिली आहे.” त्यावरील मनोज जरांगे यांच्या सूचना घेऊन शिंदे समितीचे सदस्य आता मंत्रिमंडळ उपसमितीची भेट घेणार आहे. (Jarange warns Govt) माजी न्या. संदीप शिंदे यांनी मनोज जरांगे यांच्याबरोबरच्या बैठकीनंतर प्रसारमाध्यमांशी बातचीत केली. ते म्हणाले, “काही प्रमाणात जरांगे यांचं समाधान झालं आहे. त्यांनी दिलेल्या सूचना मंत्रिमंडळ उपसमितीपुढे आम्ही मांडणार आहोत. काही गोष्टींना सरकारने तत्वतः मान्यता दिली आहे. त्यावरील जरांगे यांचं मत सकारला सांगू. त्यानंतर मंत्रिमंडळ पुढील निर्णय घेईल. सध्या सरकारने हैदराबाद गॅझेटला तत्वतः मान्यता दिली आहे.”

0 comments
0 FacebookTwitterPinterestEmail
Pawar on Maratha issue
आंदोलनमहत्त्वाच्या नोंदीमहाराष्ट्रराजकारणसमाज

Pawar on Maratha issue: पवार म्हणाले, मराठा आरक्षणाचा प्रश्न सुटेल, पण…

by प्रतिनिधी
written by प्रतिनिधी

अहिल्यानगर : मराठा समाजाला आरक्षण देण्यात यावे या मागणीसाठी लाखोंच्या संख्येने मुंबईत उपस्थित असलेल्या मराठा बांधवांनी गेले दोन दिवस ठिय्या मारला आहे. पाऊस आणि वाऱ्याची तमा न बाळगता आंदोलक ठिकठिकाणी थांबून आहेत. मनोज जरांगे यांच्या नेतृत्वाखाली हे आंदोलन सुरू झाले आहे. (Pawar on Maratha issue)

मराठा समाजाला ओबीसीमधून आरक्षण मिळावे, ही या आंदोलनाची प्रमुख मागणी आहे. या पार्श्वभूमीवर राज्य सरकार जरांगे यांच्याशी चर्चा करून तोडगा काढण्याच्या प्रयत्नात आहे. न्या. शिंदे यांच्या समितीनेही जरांगे यांची भेट घेऊन त्यांच्याशी चर्चा केली.

दुसरीकडे राष्ट्रवादीचे नेते शरद पवार यांनी मराठा आरक्षणाच्या मुद्द्यावर महत्त्वाचे विधान केले आहे. मराठा समाजाला आरक्षण दिले जाऊ शकते, असे त्यांनी म्हटले आहे. तमिळनाडूत आरक्षण वाढू शकते तर महाराष्ट्रात का नाही? असा सवाल त्यांनी केला. मराठा आरक्षणासाठी घटनेत दुरुस्ती करण्याची भूमिका घेतल्यास मराठा आरक्षणाचा प्रश्न सुटू शकतो असे त्यांनी म्हटले आहे. (Pawar on Maratha issue)

अहिल्यानगर येथील एका कार्यक्रमात पवार बोलत होते.

आरक्षणाचा विषय केंद्राच्या अखत्यारितील असल्याचे विधान पवार यांनी यावेळी केले. ते म्हणाले, “आरक्षणाचे प्रश्न सोडवायचे असतील तर शेवटी राष्ट्रीय पातळीवर निर्णय घेतले गेले पाहिजेत. यामध्ये केंद्र सरकारने निर्णय घ्यावा लागेल. ७२ टक्के आरक्षण तामिळनाडूत होऊ शकतं, तर मग वेळप्रसंगी घटनेत दुरुस्ती करून आरक्षणाचा हा तिढा सोडवण्यासंबंधी निर्णय संसदेत घेतला पाहिजे.” (Pawar on Maratha issue)
आम्ही संसदेच्या काही सदस्यांबरोबर संवाद साधत आहोत. निलेश लंकेही या ठिकाणी आहेत, आमची आणि आणखी काही सहकाऱ्यांची एक बैठकही झाली, असे सांगून गरज पडली तर घटना दुरुस्ती करण्याची आवश्यकता आहे. ही बाब आपण देशाच्या आणि अन्य राज्याच्या घटकांना पटवून दिली तर कारण हा प्रश्न फक्त महाराष्ट्राचा नाही. प्रत्येक राज्यात लहान लहान घटक आहेत. शेतकरी वर्ग आहेत. त्यामुळे घटनेत दुरुस्ती करण्याची भूमिका घेतल्यास आरक्षणाचा प्रश्न सुटू शकतो, असे पवार यावेळी म्हणाले.

0 comments
0 FacebookTwitterPinterestEmail
Maratha andolan analysis
आंदोलनमहत्त्वाच्या नोंदीमहाराष्ट्रराजकारणसमाज

Maratha agitation: मुंबईतील मराठा आंदोलनासाठी एक दिवस मुदतवाढ

by प्रतिनिधी
written by प्रतिनिधी

मुंबई : जमीर काझी : मराठा आरक्षणाच्या मागणीसाठी भगवे वादळ शुक्रवारी (२९ ऑगस्ट) पहाटे आझाद मैदानात दाखल झाले. जोपर्यंत आरक्षण मिळत नाही, तोपर्यत मी एक इंचही मागे हटणार नाही. आता फायनल काही तरी होईल, गोळ्या घातल्यातरी मागे हटणार नाही, सरकार गोळ्या घालून मारेल किंवा मी उपोषण करून मरेन, असा  निर्धार मराठा संघर्ष योद्धा मनोज जरांगे यांनी बोलून दाखवला. (Maratha agitation)

दरम्यान, मुंबईत सुरू असलेल्या या आंदोलनासाठी एक दिवसाची मुदतवाढ मिळाली आहे.

आम्हाला ओबीसीचे काढून आरक्षण द्या, असे सांगत नाही, तर हक्काचे मागत आहोत, आंदोलन मोडायचे की नाही हे सरकारने ठरवावे, एक, एक दिवसाची परवानगी देण्याची नाटके सरकारने करू नयेत,जर आंदोलकांना मुंबईत त्रास झाला तर तुमच्या सभांनाही असेच केले जाईल,मराठी राज्यात सरकारचे चाक सुद्धा फिरवून देणार नाहीत, असा इशाराही त्यांनी दिला. (Maratha agitation)

आंदोलनात राज्यभरातून हजारोंच्या संख्येने आंदोलक एकत्र आले असून त्यामुळे दक्षिण मुंबई पूर्णपणे ठप्प झाली आहे. वाहनांच्या प्रचंड गर्दीमुळे शहर, उपनगर आणि फ्री वे, एक्सप्रेस वे वाहनांच्या मोठ्या रांगा लागल्या आहेत. त्यामुळे दळणवळण व्यवस्थेवर मोठा परिणाम झाला आहे. मुसळधार पावसात आंदोलकांनी आझाद मैदान, सीएसटी, चर्चगेट परिसरात ठिय्या मारला आहे. त्यांच्या आक्रमक भूमिकेमुळे आंदोलनाला शनिवारपर्यंत आणखी एक दिवसाची मुदतवाढ दिली आहे. (Maratha agitation)

आज सकाळी दहाच्या सुमारास जरांगे आझाद मैदानात उभारलेल्या छोट्याखानी व्यासपीठावर हजर झाले. स्टेजवरील शिवाजी महाराज यांच्या पुतळ्याला हार घालून अभिवादन करीत उपस्थितांना सबोधित केले. ते म्हणाले,’ आता जोपर्यंत आपल्याला आरक्षण मिळत नाही, गुलाल डोक्यावर पडत नाही, तोपर्यंत मुंबईतून जाणार नाही, गोळ्या घातल्यातरी एकही इंच मागे हटणार नाही, याची तुम्ही खात्री बाळगा, हे आंदोलन आपल्याला संयमाने व शिस्तीत हाताळायचे आहे. सरकारने विनाकारण मराठ्यांच्या नाराजीची लाट अंगावर घेऊ नये, मराठ्यांची मने जिंकण्याची संधी तुमच्या हातातून अजून गेलेली नाही.

खासदार, आमदारांचा पाठिंबा
पहिल्या दिवशी आझाद मैदानावर आंदोलन स्थळी खासदार सर्वश्री बजरंग सोनवणे, निलेश लंके, ओमराजे निंबाळकर, कल्याण काळे, भगरे तसेच आ. संदीप क्षीरसागर, तर सत्तारुढ राष्ट्रवादी अजित पवार गटाचे प्रकाश साळुंखे, विजयसिंह पंडित यांनी व्यासपीठावर भेट देऊन जरांगे यांना जाहीर पाठिंबा दिला.

0 comments
0 FacebookTwitterPinterestEmail
Chandrkant Patil on Maratha issue
आंदोलनमहाराष्ट्रराजकारणसमाज

Chandrkant Patil on Maratha issue: प्रश्न चर्चेतूनच सुटेल : चंद्रकांत पाटील

by प्रतिनिधी
written by प्रतिनिधी

मुंबई : मराठा आरक्षण आंदोलनाच्या मुद्द्यावर उच्च व तंत्र शिक्षण मंत्री चंद्रकांत पाटील यांनी आपली भूमिका शुक्रवारी (२९ ऑगस्ट) स्पष्टपणे बोलून दाखवली. मुंबईत येऊन हा प्रश्न सुटणार नाही; तर चर्चेनेच हा प्रश्न सुटणार आहे, असे ते म्हणाले. सर्वोच्च न्यायालयाच्या शेवटी काही मर्यादा आहेत, हे लक्षात घेतले पाहिजे, असे ते म्हणाले. (Chandrkant Patil on Maratha issue)

मनोज जरांगे यांना आमची हात जोडून विनंती आहे की मुख्यमंत्र्यांनी म्हटल्यानुसार कोणती मागणी व्यवहार्य आणि मान्य होऊ शकते, कोणती नाही हे पाहिले पाहिजे. आपण मोठ्या संख्येने मुंबईत आलात, मुंबई विस्कळीत कराल, पण मी ग्रामीण माणूस आहे. ग्रामीण म्हणीवर चालतो. शेवटी त्यावर मी एवढंच म्हणेन की, ‘नाईलाज को क्या इलाज?’ (Chandrkant Patil on Maratha issue)

आपल्याला केवळ कुणबी दाखला मिळावा इतकेच समाधान हवे आहे का?, असा सवाल मंत्री पाटील यांनी केला.

ते म्हणाले, ‘‘सर्वोच्च न्यायालयाने म्हटल्यानुसार, कुणबी असो वा आणखी कोणी जातीची नोंद सापडल्याशिवाय दाखला देता येत नाही. समजा, दाखला दिला तर तो पुढे व्हेरिफिकेशनमध्ये टिकत नाही. दाखला मिळावा एवढेच समाधान आपल्याला हवे आहे का?. ज्यांच्या नोंदी सापडल्या आहेत अशा जवळपास ५८ लाख मराठा नागरिकांना कुणबी दाखला मिळालेला आहे. निवृत्त न्यायाधीश शिंदे यांच्या समितीचे काम सुरूच आहे, नोंदी सापडतील तसे दाखले देण्याचे काम सुरू आहे. ’’ (Chandrkant Patil on Maratha issue)
सर्वोच्च न्यायालयाच्या निर्णयामुळे मर्यादा आहेत हे लक्षात घेतले पाहिजे. मुंबई विस्कळीत करण्यामुळे, आंदोलनावर टीका होणं योग्य नाही. यात मुंबईकरांचा काय दोष आहे? त्याला संध्याकाळी ऑफिस सुटल्यानंतर घरी पोहोचायचे आहे, घरी मुलंबाळं वाट पाहत असतात, ही गोष्ट लक्षात घेतली पाहिजे, असे मंत्री चंद्रकांत पाटील म्हणाले.

0 comments
0 FacebookTwitterPinterestEmail
Rohit Pawar warns
आंदोलनमहत्त्वाच्या नोंदीमहाराष्ट्रराजकारणसमाज

Rohit Pawar warns : आंदोलकांशी दगाफटका कराल तर…; रोहीत पवार यांचा इशारा

by प्रतिनिधी
written by प्रतिनिधी

मुंबई : मराठा समाजाला आरक्षण मिळालेच पाहिजे, या मागणीसाठी मोठ्या संख्येने आंदोलक राज्याची राजधानी मुंबईत दाखल झाले आहेत. मराठा आरक्षण योद्धा मनोज जरांगे यांच्या नेतृत्वाखाली हे आंदोलन होत आहे. तथापि, आंदोलनाच्या पार्श्वभूमीवर परिसरातील खाऊगल्ल्या बंद ठेवण्याचे अलिखित आदेश राज्य सरकारने दिल्याचे बोलले जात आहे. या पार्श्वभूमीवर राष्ट्रवादी काँग्रेस शरद पवार गटाचे नेते, आमदार रोहीत पवार यांनी सरकारला इशारा दिला आहे. (Rohit Pawar warns)

आंदोलनस्थळी आंदोलकांना सुविधा उपलब्ध करून द्यायच्या असतात आणि हेच लोकशाहीचे खरे तत्व आहे, परंतु राज्य सरकार आंदोलकांची गैरसोय कशी होईल याचे नियोजन करत असेल तर ते हुकूमशाहीचे लक्षण म्हणावे लागेल. या-ना त्या मार्गाने सरकार मराठा आंदोलकांशी दगाफटका करण्याचा डाव सरकार आखत असेल तर सरकार मोठी चूक करत आहे, हे गृहमंत्र्यांनी विसरू नये, असा इशारा आ. रोहीत पवार यांनी दिला आहे. (Rohit Pawar warns)

यासंदर्भातील पोस्ट त्यांनी ‘एक्स’वर केली आहे.

पोस्टमध्ये रोहीत पवार यांनी म्हटले आहे, ‘‘मराठा आंदोलनाच्या पार्श्वभूमीवर खाऊगल्ल्या बंद ठेवण्याचे अलिखित फतवे गृहविभागाने काढल्याचे समोर येत आहे. खाऊगल्ल्यांना बंद ठेवण्यामागे गृहविभगाचा हेतू काय? मोठ्या प्रमाणात गर्दी होणार असेल तर उलट खाऊगल्ल्या सुरु ठेवायला हव्यात. गृहविभागाने आपले अलिखित फतवे मागे घेऊन तत्काळ खाऊगल्ल्या सुरु करण्यासंदर्भात सूचना कराव्यात. तसेच आंदोलकांची मोठ्या प्रमाणात असलेली संख्या बघता आझाद मैदानावर पिण्याचे पाणी, स्वच्छतागृहे यासारख्या कोणत्याच मुलभूत सुविधा सरकारने उपलब्ध करुन दिलेल्या नाहीत, त्या पुरेशा प्रमाणात उपलब्ध करून द्याव्यात.’’ या-ना त्या मार्गाने दगाफटका करण्याचा डाव सरकार आखत असेल तर सरकार मोठी चूक करत आहे, हे गृहमंत्र्यांनी विसरू नये. गृहमंत्री हुशार आहेत, सरकारकडून दुसऱ्यांदा चूक होऊ देणार नाहीत, ही अपेक्षा!, असे त्यांनी म्हटले आहे.

0 comments
0 FacebookTwitterPinterestEmail
Uddhav on Maratha protest
आंदोलनमहत्त्वाच्या नोंदीमहाराष्ट्रराजकारणसमाज

Uddhav on Maratha protest: मराठा आंदोलकांशी थेट चर्चा करा : उद्धव ठाकरे

by प्रतिनिधी
written by प्रतिनिधी

मुंबई : मराठा आंदोलक शुक्रवारी (२९ ऑगस्ट) मोठ्या संख्येने मुंबईत दाखल झाले. सीएसटीचा सर्व परिसर भगवा झाला आहे. मनोज जरांगे यांच्या नेतृत्वाखाली मराठा आरक्षण आंदोलन सुरू झाले आहे. या पार्श्वभूमीवर शिवसेना पक्ष प्रमुख, माजी मुख्यमंत्री उद्धव ठाकरे यांनी पत्रकार परिषद घेऊन सरकारला खडेबोल सुनावले. (Uddhav on Maratha protest)

इतरांना भूमिका विचारत बसण्यापेक्षा मराठा आंदोलकांशी थेट चर्चा करा आणि मराठा आरक्षणाचा प्रश्न सोडवा, असे आवाहन ठाकरे यांनी केले आहे.

जबाबदारी सरकारची

अंतरवाली सराटी भेटीचा संदर्भ देऊन ठाकरे म्हणाले, ‘‘माझे म्हणणे मी तेव्हाच मांडले आहे. मी अंतरवाली सराटीमध्ये गेलो होतो, तेव्हा मराठा आरक्षणाच्या विषयावर मनोज जरांगेंच्या समोर उभे राहून बोललो होतो. आता त्यांनी (सरकारने) हा प्रश्न हाताळला पाहिजे. त्यांनी हा प्रश्न सोडवला पाहिजे. दहा जणांना त्यांच्या भूमिका विचारण्यापेक्षा तुम्ही आणि आंदोलक थेट बोला.’’(Uddhav on Maratha protest)

ते म्हणाले, ‘‘ही संपूर्ण जबाबदारी सरकारची आहे. ज्यांनी ज्यांनी आरक्षण देऊ म्हणून शड्डू ठोकले होते ते लोक आता कुठे आहेत? ते आता गावी पळाले आहेत. आता नुसती दर्शनं घेत आहेत. जनता जनार्दन एवढ्या मोठ्या संख्येने मुंबईत आला आहे. त्यांना सामोरे जा. नुसतं घरोघरी काय फिरत आहात?’’, असा टोलाही ठाकरे यांनी उपमुख्यमंत्री एकनाथ शिंदे यांना उद्देशून लावला.(Uddhav on Maratha protest)

शिंदेंनी जरांगेंनाच फसवले

जरांगेंनी कुणाचे कौतुक करावे हा शेवटी त्यांचा विषय आहे, असे उद्धव ठाकरे एका प्रश्नावर म्हणाले. ते दोन्ही उपमुख्यमंत्र्यांचे कौतुक करतात आणि मुख्यमंत्र्यांवर टीका करतात, याकडे पत्रकारांनी लक्ष वेधले. त्यावेळी ते म्हणाले, जरांगे यांना कुणाकडून काही अनुभव आले असतील, त्यानुसार ते बोलत असतील. शिंदे यांनीही जरांगे यांना फसवलंच आहे. ते अडीच वर्ष मुख्यमंत्री होते, आता वर्षभर उपमुख्यमंत्री आहेत. का त्यांना न्याय देऊ शकत नाही? असा सवालही ठाकरे यांनी केला.

आंदोलक दहशतवादी नाहीत, ते मराठी माणसं आहे. ते आपले न्याय्य हक्क मागायला मुंबईत आले आहेत. सरकार न्याय देऊ शकत नाही, असे त्यांना वाटत असेल तर विघ्नहर्त्याकडेच प्रार्थना करावी लागेल, असे ठाकरे म्हणाले.

0 comments
0 FacebookTwitterPinterestEmail
CM on Reservation
आंदोलनमहत्त्वाच्या नोंदीमहाराष्ट्रराजकारण

CM on Reservation: मराठा समाजाचे प्रश्न आम्हीच सोडवू : मुख्यमंत्री

by प्रतिनिधी
written by प्रतिनिधी

मुंबई : मराठा आरक्षण योद्धा मनोज जरांगे यांनी आंदोलक कार्यकर्त्यांसह मुंबईकडे कूच केली आहे. या पार्श्वभूमीवर मुख्यमंत्री देवेंद्र फडणवीस यांनी राज्य सरकारची भूमिका स्पष्ट केली आहे. (CM on Reservation)

महाराष्ट्र शासन मराठा आणि ओबीसी अशा दोन्ही समाजाच्या हिताचा विचार करेल. कुठल्याही समाजाला दुसऱ्या समाजासमोर आणण्याचा शासनाचा हेतू नाही. कुणावर अन्याय करुन कुणाला आरक्षण देण्याचा प्रश्न नाही, दोघांचेही प्रश्न आम्ही सोडवणार आहोत. ओबीसी समाजानेही हे लक्षात ठेवावे की आम्ही त्यांच्यावर अन्याय होऊ देणार नाही. मराठा समाजाचे सगळे प्रश्न आम्हीच सोडवले आहेत. इतर कुणी सोडवलेत ते सांगावे? मी मुख्यमंत्री असताना आणि एकनाथ शिंदे मुख्यमंत्री असताना प्रश्न सुटले आणि आम्हीच सोडवणार आहोत, अशा शब्दांत मुख्यमंत्र्यांनी मराठा समाजाला आश्वस्त केले आहे. (CM on Reservation)

सरकारने तातडीने मराठा आरक्षणाची घोषणा करावी : सपकाळ

दरम्यान, सरकारने ठरवले तर पाच मिनिटात मराठा आरक्षणाचा प्रश्न मार्गी लागू शकतो पण ते करत नाही. मुख्यमंत्री देवेंद्र फडणवीस यांनी राजधर्माचे पालन करीत तातडीने घोषणा करावी आणि दिल्लीत जाऊन आरक्षणाची ५० टक्क्यांची मर्यादा हटवावी, अशी मागणी काँग्रेसचे प्रदेशाध्यक्ष अध्यक्ष हर्षवर्धन सपकाळ यांनी केली आहे.

टिळक भवन येथे पत्रकार परिषदेत बोलताना ते म्हणाले की, मराठा समाजाला आरक्षण मिळावे यासाठी मनोज जरांगे पाटील समाजासह मुंबईत पोहचत असताना सरकारने या आंदोलनात अडथळे आणण्याचा प्रयत्न केला. आता केवळ एक दिवसाची परवानगी दिली ती हास्यास्पद आहे. तीन महिन्याआधी आंदोलनाची घोषणा केली होती तर सरकार एवढे दिवस काय झोपा काढत होते का? (CM on Reservation)

काँग्रेस आघाडी सरकारने मराठा समाजाला आरक्षण दिले होते. महाराष्ट्र विधिमंडळात भाजपा युती सरकारच्या काळात मराठा आरक्षणाचा ठराव पास केला त्याला काँग्रेस पक्षाने पाठिंबा दिला होता. सत्तेत येताच ७ दिवसात मराठा आरक्षण देतो, अशी भीमगर्जना देवेंद्र फडणवीस यांनी केली होती त्याचे काय झाले? धनगर समाजाला मंत्रिमंडळाच्या पहिल्याच बैठकीत आरक्षण देण्याचे आश्वासन फडणवीसांनी दिले होते, त्याचे काय झाले?, असा सवाल सपकाळ यांनी केला.

‘सागर’ बंगल्यावर मंथन करून अमृत पिऊन विष मात्र समाजावर व विरोधी पक्षावर टाकण्याचे पाप फडणवीस व भाजपा करत आहे. असा आरोप करून ते म्हणाले की, फोडा व राज्य करा या इंग्रजी नीतीप्रमाणे भाजपा व फडणवीस काम करत आहे. एकनाथ शिंदे मुख्यमंत्री असताना नवी मुंबईत छत्रपती शिवाजी महाराजांच्या पुतळ्यासमोर शपथ घेऊन गुलाल उधळला होता, त्याचे काय झाले? या प्रश्नांची उत्तरे त्यांनी दिली पाहिजेत. आज जे तीन पक्ष सत्तेत आहेत तेच त्यावेळीही सत्तेत होते. आरक्षणावर जातनिहाय जनगणना हा रामबाण उपाय आहे हे लोकसभेतील विरोधी पक्षनेते राहुल गांधी यांनी स्पष्ट केले असून त्यासाठी त्यांचा आग्रहही आहे. काँग्रेसशासित तेलंगणा व कर्नाटकात जातनिहाय जनगणना केलेली आहे. भाजपने जातनिहाय जनगणना करून मराठा आरक्षणाचा प्रश्न सोडवावा, अशीही मागणी त्यांनी केली.

0 comments
0 FacebookTwitterPinterestEmail
Maratha March Awhad
आंदोलनमहत्त्वाच्या नोंदीराजकारणसमाज

Maratha March Awhad : राज्यातल्या मोठ्या समाजावर तुम्ही अन्याय करू शकत नाही : आव्हाडांचा सरकारला इशारा

by प्रतिनिधी
written by प्रतिनिधी

मुंबई : प्रतिनिधी : मराठा योद्धा मनोज जरांगे यांच्या नेतृत्वाखाली मराठा आरक्षण आंदोलकांनी अंतरवाली सराटीतून राजधानी मुंबईच्या दिशेने कूच केली आहे. मोर्चामध्ये ठिकठिकाणचे आंदोलक मोठ्या संख्येने सहभागी होत आहेत. (Maratha March Awhad)

मनोज जरांगे २९ ऑगस्टपासून आझाद मैदानात ते बेमुदत उपोषण करणार आहे. आझाद मैदानावर त्यांना एक दिवस आंदोलन करण्याची परवानगी दिली आहे. गुरुवारी (२८ ऑगस्ट) संध्याकाळी ते मुंबईत पोहोचणार आहेत. अंतरवाली सराटीतून त्यांनी मुंबईकडे कूच केल्यानंतर गावागावात त्यांचे जंगी स्वागत करण्यात येत आहे.

दरम्यान, राष्ट्रवादी शरद पवार पक्षाचे प्रवक्ते डॉ. जितेंद्र आव्हाड यांनी मराठा आरक्षण आंदोलनाविषयी भूमिका व्यक्त केली आहे. (Maratha March Awhad)

ते म्हणाले, ‘‘मराठा समाजाने आत्तापर्यंत काढलेले सगळे मोर्चे हे आदर्श मोर्चे होते. जगभरात त्यांची चर्चा झाली. आताही ते त्यांच्या मागणीसाठी शांततेच्या मार्गाने आंदोलन करत असतील तर त्यांना ते करण्याचा हक्क आहे. सरकार हे मायबाप असतं, त्यांनी त्या भूमिकेतून मराठा समाजाच्या मागण्यांकडे पाहिले पाहिजे.’’

लक्षात घ्या, राज्यातील एक मोठ्या समाजावर तुम्ही अन्याय करू शकत नाही ना त्यांच्यासोबत पक्षपातीपणाने वागू शकता..!, असेही आव्हाड यांनी म्हटले आहे.

तर आंदोलन अपरिहार्य : जरांगे

दरम्यान, जरांगे यांनी म्हटले आहे, ‘‘समाजाच्या वेदना मुख्यमंत्र्यांनी समजून घ्याव्या, आणि गोरगरीब मराठ्यांना न्याय द्यावा, त्यांनी जर आज सरसकट आरक्षणाची अंमलबजावणी केली तर आम्ही शिवनेरीवरुनच गुलाल उधळू आणि मागे जाऊ. मात्र मागण्यांची अंमलबजावणी झाली नाही तर आम्ही मुंबईत येणारच आणि आझाद मैदानात आंदोलन करणार,’’ असा निर्धार मनोज जरांगे यांनी व्यक्त केला आहे.

0 comments
0 FacebookTwitterPinterestEmail
Congress’s Protest
आंदोलनपोलिस डायरीमहत्त्वाच्या नोंदीमहाराष्ट्रराजकारण

Congress’s Protest : शाळेच्या खासगीकरणाविरोधात मंत्री लोढांना बांगड्यांचा आहेर

by प्रतिनिधी
written by प्रतिनिधी

मुंबई : विशेष प्रतिनिधी : शिक्षण आणि आरोग्य हे जनतेचे मूलभूत अधिकार आहेत, परंतु भारतीय जनता पक्ष गोरगरिबांच्या मुलांना शिक्षणापासून वंचित ठेवू पहात आहे. मुंबई महानगरपालिकेने सर्वसामान्य समाजातील मुलांना चांगले व दर्जेदार शिक्षण मिळण्यासाठी १०० कोटी खर्च केले आहेत. भाजपा सरकार मात्र स्वयंसेवी संस्थांच्या नावाखाली या शाळा खाजगी लोकांच्या हाती देत आहे. याला पालकांचा व काँग्रेसचा तीव्र विरोध आहे. भाजपा सरकारचा हा कुटील डाव आम्ही हाणून पाडू, असा इशारा मुंबई काँग्रेस अध्यक्षा, खासदार वर्षा गायकवाड यांनी दिला. (Congress’s Protest)

महानगरपालिकेच्या मालवणी टाउनशिप शाळेच्या खासगीकरणाच्या विरोधात मुंबई काँग्रेस अध्यक्ष खासदार वर्षा गायकवाड, आमदार अस्लम शेख यांनी पालक आणि पक्षाच्या कार्यकर्त्यांसोबत तीव्र आंदोलन करून सरकारला जाब विचारला. यावेळी पालकमंत्री मंगल प्रभात लोढांना भेटण्याचा काँग्रेस शिष्टमंडळाने प्रयत्न केला, पण पोलिसांनी भेटू दिले नाही. त्यामुळे संतप्त शिष्टमंडळाने पालकमंत्री मंगलप्रभात लोढा आणि महायुती सरकारला बांगड्यांचा आहेर दिला. यावेळी पोलिसांशी त्यांची झटापट झाली. त्यामुळे काहीवेळ तणावाचे वातावरण निर्माण झाले होते. यावेळी आंदोलकांनी सरकारच्या निषेधाच्या घोषणांनी परिसर दणाणून सोडला.(Congress’s Protest)

यावेळी खा. वर्षा गायकवाड म्हणाल्या की, डॉ. मनमोहन सिंह यांच्या नेतृत्वाखालील तत्कालीन यूपीए सरकारने मुलांना मोफत व सक्तीच्या शिक्षणाचा हक्क कायदा (आरटीई) आणला. परंतु भ्रष्ट भाजपा सरकार हा मूलभूत अधिकारही गोरगरिबांकडून हिरावून घेत आहे. महापालिकेच्या शाळा सुरू ठेवणे हे राज्य सरकार आणि मुंबई महापालिकेचे मुख्य उद्दिष्ट असायला हवे. पण हे सरकार आपल्या बिल्डर मित्रांसाठी मनपाच्या शाळा बंद करून खासगी लोकांच्या घशात घालत आहे, असा आरोपही त्यांनी केला. आंदोलनात माजी नगरसेवक वीरेंद्र चौधरी, कमरजहा सिद्दिकी, राजपती यादव, बब्बू खान, अवनीश सिंग यांच्यासह काँग्रेसचे नेते, पदाधिकारी आणि कार्यकर्त्यांचा सहभाग होता.

0 comments
0 FacebookTwitterPinterestEmail
Rahul attacks ECI
आंदोलनदेश-विदेशमहत्त्वाच्या नोंदीराजकारण

Rahul attacks ECI: निवडणूक आयोग-भाजपमध्ये साटेलोटे : राहुल गांधी

by प्रतिनिधी
written by प्रतिनिधी

नवादा (बिहार) : ‘मतदार अधिकार यात्रे’च्या तिसऱ्या दिवशी लोकसभेतील विरोधी पक्षनेते राहुल गांधी यांनी भारतीय निवडणूक आयोगावर (ECI) हल्ला सुरूच ठेवला. निवडणूक आयोग आणि भारतीय जनता पक्षात (BJP) साटेलोटे असल्याचा आरोप त्यांनी केला. (Rahul attacks ECI)

नवादा येथील भगतसिंग चौकात एका जाहीर सभेला संबोधित करताना श्री. गांधी म्हणाले, ‘‘भाजप आणि निवडणूक आयोग यांच्यात साटेलोटे झाले आहे. ते एकत्र मते चोरत आहेत. संविधानाने दिलेला मतदानाचा अधिकार नरेंद्र मोदी, अमित शहा आणि निवडणूक आयुक्त हिसकावून घेत आहेत.’’

ते पुढे म्हणाले की, भाजपने निवडणूक आयोगासोबत महाराष्ट्र, हरियाणा आणि मध्य प्रदेशात मते चोरली आहेत. महाराष्ट्रात लोकसभा आणि विधानसभा निवडणुकांदरम्यान, निवडणूक आयोगाने सुमारे १ कोटी नवीन मतदार निर्माण केले, या आरोपाचा त्यांनी पुनरूच्चार केला. (Rahul attacks ECI)

‘‘जेव्हा आम्ही विचारले की हे १ कोटी नवीन मतदार कोण आहेत, तेव्हा निवडणूक आयोगाकडे कोणतेही उत्तर नव्हते. जेव्हा आम्ही व्हिडिओग्राफीची मागणी केली तेव्हा त्यांनी कायदा बदलला. आता बिहारमध्ये विशेष सखोल तपासणी (SIR) च्या नावाखाली, भाजप आणि निवडणूक आयोग मते चोरत आहेत. आम्ही त्यांना मत चोरीतून कसल्याही परिस्थिती सुटू देणार नाही,’’ असा इशाराही गांधी यांनी दिला.

राजदचे नेते तेजस्वी यादव यांच्यासह यात्रेत इंडिया आघाडीचे इतर नेतेही सहभागी झाले आहेत.

कथित मतदान चोरीच्या परिणामांचे स्पष्टीकरण देताना, श्री. गांधी यांनी निदर्शनास आणून दिले की प्रथम मतदार कार्ड काढून घेतले जातील, नंतर अदानी आणि अंबानींना रेशन कार्ड आणि जमिनी दिल्या जातील. (Rahul attacks ECI)

‘‘हा देश काही उद्योगपतींचा नाही. हा देश तरुणांचा, शेतकऱ्यांचा आणि छोट्या व्यापाऱ्यांचा आहे, पण येथे सर्व काही मोठ्या उद्योगपतींसाठी केले जाते. म्हणून, ही परिस्थिती बदलण्यासाठी आपण एकत्र आले पाहिजे,’’ असे आवाहन गांधी यांनी केले.

लोकसभा यादीत नाव, पण आता गायब

सभेला संबोधित करण्यापूर्वी, श्री. गांधी यांनी स्थानिक शेतकरी सुबोध कुमार यांना त्यांची कहाणी सांगण्यास सांगितले. त्यांनी श्री. गांधींना सांगितले की त्यांचे नाव २०२४ च्या लोकसभा निवडणुकीत मतदान केले, पण आता मसुदा यादीतून नाव काढून टाकण्यात आले आहे. विशेष म्हणजे सुबोध कुमार हे लोकसभा निवडणुकीत मतदान एजंट होते.

त्यांच्या कहाणीवर प्रतिक्रीया व्यक्त करताना राहुल गांधी म्हणाले, सुबोध कुमार यांच्यासारखे अनेक मतदार आहेत ज्यांचे नाव मतदार यादीत होते आणि आता ते काढून टाकण्यात आले आहे.

तेजस्वी यादव यांनी राहुल गांधींच्या दाव्याचे समर्थन केले.

राष्ट्रीय जनता दलाचे (राजद) नेते आणि माजी उपमुख्यमंत्री तेजस्वी यादव यांनीही आरोप केला की निवडणूक आयोग भाजपसोबत मतदानाचा अधिकार हिसकावून घेण्यात गुंतले आहे. (Rahul attacks ECI)

‘‘ते मतदानाचा अधिकार हिरावून घेत आहेत, अनेक नावे काढून टाकण्यात आली आहेत आणि जे जिवंत आहेत त्यांना मृत घोषित करण्यात आले आहे. बिहारचे लोक २० वर्षांपासून राज्यात राज्य करणाऱ्या या खतरा सरकारला धडा शिकवतील. नितीश कुमारजी बेशुद्ध अवस्थेत आहेत आणि ते बिहारवर नियंत्रण ठेवू शकत नाहीत,’’ असे श्री. यादव म्हणाले.

बिहारच्या विकासाला गती देण्याची आणि महाआघाडीला पाठिंबा देऊन सध्याचे सरकार उलथवून टाकण्याची वेळ आली आहे, असे यादव म्हणाले.

राहुल गांधींना पंतप्रधान करा :  तेजस्वी

पुढील लोकसभा निवडणुकीत राहुल गांधी यांना पंतप्रधान करण्याचे आवाहनही तेजस्वी यादव यांनी यावेळी उपस्थितांना केले.

विकासशील इंसान पक्षाचे (व्हीआयपी) प्रमुख मुकेश सहानी आणि भारतीय कम्युनिस्ट पक्षाचे (मार्क्सवादी-लेनिनवादी) सरचिटणीस दीपांकर भट्टाचार्य यांनी, बिहारमध्ये मतदान होणाऱ्या मतदार यादीतून खऱ्या मतदारांची नावे वगळण्याचे षड्यंत्र सुरू असल्याचा आरोप केला.

आदल्या दिवशी, गांधी यांनी पुनामा येथून यात्रा पुन्हा सुरू केली आणि वाटेत वजीरगंज येथे ते गाडीतून उतरले. शाळेतील मुलांचीही त्यांनी भेट घेतली.

यात्रेदरम्यान समर्थकांनी एसआयआरला विरोध, भारतीय निवडणूक आयोग, पंतप्रधान नरेंद्र मोदी आणि भारतीय जनता पक्ष (भाजपा) यांच्या विरोधात घोषणा देत परिसर दणाणून सोडला. त्यांनी ‘व्होट चोर, गद्दी छोड,’ अशा घोषणाही दिल्या.

0 comments
0 FacebookTwitterPinterestEmail
Newer Posts
Older Posts
error: Content is protected !!