कोल्हापूर : प्रतिनिधी : छत्रपती शिवाजी महाराज आणि छत्रपती संभाजी महाराज यांच्याबद्दल अवमानकारक वक्तव्य करणाऱ्या प्रशांत कोरटकरचा पासपोर्ट जप्त करण्यात यावा. त्याचा पोसपोर्ट पोलिस ठाण्यात आणून तो जमा करण्याबाबत त्याच्या पत्नीला उपस्थित राहण्याबाबत समन्स बजावण्यात यावे, अशी मागणी इतिहास संशोधक इंद्रजीत सावंत यांनी केली आहे. सावंत यांच्यासह त्यांचे वकील ॲड. असीम सरोदे, हेमा काटकर, योगेश सावंत, पल्लवी थोरात यांनी जुना राजवाडा पोलिस ठाण्यात निवेदन देऊन तशी मागणी केली आहे. (Koratakar Passport)
कोरटकरने मला फोन करून छत्रपती शिवाजी महाराज आणि छत्रपती संभाजी महाराज यांच्याबद्दल अवमानकारक वक्तव्य केले. तसे जातींमध्ये द्वेष निर्माण करणारे संभाषण केल्याबद्दल प्रशांत कोरटकर या कथित पत्रकाराविरोधात आपल्या जुना राजवाडा पोलीस स्टेशनला नोंद झाला आहे. परंतु आरोपी कोरटकर अजूनही फरार आहे. (Koratakar Passport)
आजपर्यंत प्रशांत कोरटकर हा इंदोर, चंद्रपूर, कोलकाता अश्या ठिकाणी लपून बसल्याच्या बातम्या येत होत्या, पण आता तो थेट दुबईला पळून गेल्याचे समोर येत आहे.
पोलिसांना फरार आरोपीची चौकशी करण्यासाठी सगळ्या कायदेशीर मार्गांचा वापर करण्याचा अधिकार आहे. माझी विनंती आहे की, आरोपी प्रशांत कोरटकर याचा पासपोर्ट पोलीस स्टेशनला आणून दाखविणे आणि पासपोर्ट जमा करण्याबाबत त्याची बायको सौ. कोरटकर यांना उपस्थित राहण्याचे समन्स काढावे. (Koratakar Passport) पोलिसांनी तपासात त्यांची मदत घ्यावी. प्रशांत कोरटकरला लपण्यासाठी व नागपूरहून पळून जाण्यासाठी, दुबईला पलायन करण्यासाठी ज्यांनी मदत केली असेल त्यांची चौकशी करावी हे कायद्याच्या दृष्टीने आवश्यक आहे, असे सावंत आणि त्यांचे वकील यांनी जुना राजवाडा पोलिसांना दिलेल्या निवेदनात म्हटले आहे.
हेही वाचा :
५७ कोटी बनावट धनादेशप्रकरणी पहिली अटक
मुख्य न्यायाधीशांच्या अहवालानंतरच कारवाई
