मुंबई

नवी दिल्ली : महाराष्ट्रातील स्थानिक निवडणुकांपूर्वी शिवसेनेच्या धनुष्यबाण चिन्हाच्या वादावर तातडीने सुनावणी घेण्याची मागणी शिवसेना उध्दव ठाकरे गटाच्यावतीने करण्यात आली. न्यायालयाने १४ जुलै रोजी सुनावणी घेण्याची तयारी दाखवली आहे. त्याच दिवशी सुप्रिम कोर्ट निकाल देण्याची शक्यता आहे. (Shivsena Symbal Dispute)

एकनाथ शिंदे गटाला अधिकृत शिवसेना म्हणून मान्यता देण्याच्या आणि त्यांना धनुष्यबाण हे निवडणूक चिन्हा देण्याच्या निवडणूक आयोगाच्या निर्णयाला शिवसेना उद्धव ठाकरे गटाने याचिका दाखल केली आहे. आज बुधवारी (दि.२) ठाकरे गटाचे वकील देवदत्त कामत यांनी न्यायमूर्ती एमएम सुंदरेश आणि न्यायमूर्ती के.विनोद चंद्रन यांच्या अंशिक दिवसाच्या खंडपीठासमोर हा मुदद् उपस्थित केला. या याचिकेवर तातडीने सुनावणी घेण्याची मागणी केली.

तथापि, खंडपीठाने आंशिक कामकाजाच्या दिवसांमध्ये प्रकरण सूचीबद्ध करण्यास नकार दिला. एकनाथ शिंदे गटाच्या शिवसेनेच्या वतीने उपस्थित असलेल्या वकिलांनी  असे सादर केले की, ७ मे रोजी न्यायमूर्ती सूर्यकांत यांच्या खंडपीठाने त्याच प्रकारचा उल्लेख केला असता तातडीने सुनावणीची विनंती फेटाळन लावली होती. तथापि, कामत म्हणाले की न्यायमूर्ती कांत यांच्या खंडपीठाने सुट्ट्यांमध्ये हा मुद्दा नमूद करण्याची परवानगी दिली होती. (Shivsena Symbal Dispute)

कामत यांनी महाराष्ट्रातील स्थानिक स्वराज्य संस्थांच्या निवडणुका सर्वोच्च न्यायालयाच्या ६ मे रोजीच्या आदेशानुसार अधिसूचित केल्या जाणार आहेत. त्यामुळे या याचिकेची सुनावणी तातडीने घेण्याची विनंती कली होती.  त्यांनी सांगितले की, राष्ट्रवादी काँग्रेसच्या वादाच्या प्रकरणात न्यायालयाने दिलेल्या आदेशांप्रमाणेच अंतरिम व्यवस्था करण्याची मागणी करणारा अर्ज दाखल करण्यात आला आहे. राष्ट्रवादी काँग्रेसच्या वादात, सर्वोच्च न्यायालयाने अजित पवार गटाला अधिकृत चिन्हाचा वापर हा न्यायप्रविष्ट मुद्दा असल्याचे जाहीर करण्याचे निर्देश दिले होते.

पण न्यायमूर्ती सुंदरेश यांनी अंशिक कामकाजाच्या दिवसांमध्ये हे प्रकरण सुचीबद्ध करण्यास नकार दिला होता. पण न्यायमूर्ती सुंदरेश यांनी ही याचिक तातडीने घेण्याची गरज का आहे. तेव्हा वकील कामत म्हणाले की, हा लोकांच्या निवडीच्या अधिकाराशी संबधित मुद्दा आहे. कामत यांनी केलेल्या युक्तीवादानंतर खंडपीठाने १४ जुलै रोजी ज्या दिवशी न्यायालय नियमित बैठकीसाठी पुन्हा उघडेल, त्या दिवशी या प्रकरणाची यादी करण्याचे मान्य केले.  (Shivsena Symbal Dispute)

मुंबई : प्रतिनिधी :  मराठीच्या समर्थनार्थ पुकारलेल्या ५ जुलै रोजीच्या मोर्चाला राष्ट्रवादी काँग्रेस पार्टी शरदचंद्र पवार पक्षाने पाठिंबा दर्शविला आहे. पक्षाचे प्रदेशाध्यक्ष जयंतराव पाटील यांनी एक पत्र ट्विट करत भूमिका स्पष्ट केली आहे. मनसे आणि शिवसेना उद्धव ठाकरे गटाने पाच जुलै रोजी हिंदी भाषा सक्ती विरोधात मोर्चाचे आयोजन केले असून या मोर्चात सर्व पक्षांनी सहभागी व्हावे, असे आवाहन केले आहे. (NCP support)

“महाराष्ट्राहिताचा प्रश्न उभा राहतो तेव्हा महाराष्ट्रासाठी आणि जेव्हा राष्ट्रहिताचा प्रश्न उभा राहतो तेव्हा राष्ट्रासाठी पक्षीय भेदाभेद बाजूला सारून उभं राहणं हेच ‘राष्ट्रवादी काँग्रेस पक्ष शरदचंद्र पवार’ पक्षाचं स्पष्ट धोरण आहे.” असे पत्रात म्हटले आहे.

पत्रात असे म्हटले आहे की,  महाराष्ट्र सरकारने राष्ट्रीय शैक्षणिक धोरण २०२० याअंतर्गत त्रिभाषा सूत्राचं समीकरण पुढे करत इयत्ता पहिलीपासून शालेय अभ्यासक्रमात हिंदी भाषा बंधनकारक करण्याचे योजिले आहे. ह्याविरोधात महाराष्ट्रात मराठी भाषिकांमध्ये टोकाचं जनमत तयार होत आहे. अनेक विद्यार्थी, पालक, शिक्षणतज्ञ, भाषातज्ञ अशा सर्व मान्यवरांनी त्रिभाषा सूत्र इयत्ता पहिलीपासून राबविण्यास विविधं आक्षेप नोंदविले आहेत. पण कुणालाही न जुमानता राज्य सरकार ‘हिंदी सक्ती’साठी हट्ट धरून बसलं आहे असे ते म्हणाले. (NCP support)

खरं तर, महाराष्ट्राच्या जनमानसाचा कानोसा घेतलात तर जाणवतं की, कुणाचाही विविधं भाषा शिकण्याला किंबहुना हिंदी भाषेलाही विरोध नाही, पण इयत्ता पहिलीपासूनच प्राथमिक शिक्षण हे मातृभाषेतून व्हावं असा आग्रह आहे, जो योग्य आहे. आणि, ‘राष्ट्रवादी काँग्रेस पक्ष शरदचंद्र पवार’ पक्ष म्हणून आमचीही हीच भूमिका आहे असे स्पष्ट करताना त्यांनी  शैक्षणिक धोरणाच्या त्रिभाषा सूत्राआडून मातृभाषेला डावलण्यासाठी प्रयत्न होत असतील तर मराठी माणूस एकदिलाने त्याचा विरोध करणार, ह्याची सत्ताधाऱ्यांनी नोंद घ्यावी असा इशाराही दिला.

महाराष्ट्र सरकारच्या ‘राष्ट्रीय शैक्षणिक धोरण २०२० अंतर्गत त्रिभाषा सूत्रान्वये केल्या जाणाऱ्या हिंदी सक्तीला विरोध करण्यासाठी येत्या शनिवारी ५ जुलै  रोजी तमाम मराठीजनांकडून मुंबईत एक मोर्चा पुकारण्यात आला आहे. ‘राष्ट्रवादी काँग्रेस पक्ष शरदचंद्र पवार’ पक्षाचा ह्या मोर्चाला संपूर्ण पाठिंबा आहे. मी पक्षाच्या सर्व लोकप्रतिनिधींना, पदाधिकारी व कार्यकर्त्यांना आवाहन करत आहे की, येत्या मोर्चात प्रचंड संख्येने आवर्जून सहभागी व्हा असे आवाहन त्यांनी केले आहे. (NCP support)

मुंबई  : प्रतिनिधी : गणेशमूर्तीं तयार करताना पर्यावरणस्नेही सामुग्रीचा वापर व नैसर्गिक रंगाचा वापर करण्याचे आदेश मुख्यमंत्री देवेंद्र  फडणवीस यांनी दिले. प्लास्टर ऑफ पॅरिसच्या मोठ्या गणेश मूर्तींच्या विसर्जनासंदर्भात प्रथा, परंपरांचा मान राखत पर्यावरणाच्या दीर्घकालीन उपाययोजनांचा समावेश असलेले धोरण तयार करण्याचे आदेशही त्यांनी दिले. (Use natural colour)

मुख्यमंत्री देवेंद्र फडणवीस यांच्या अध्यक्षतेखाली पर्यावरणपूरक सण साजरे करण्यासंदर्भात आज सह्याद्री अतिथीगृहात बैठक झाली. यावेळी सांस्कृतिक कार्य मंत्री तथा मुंबई उपनगरचे पालकमंत्री ॲड.आशिष शेलार, बृहन्मुंबई महापालिका आयुक्त भूषण गगराणी, महाधिवक्ता वीरेंद्र सराफ, मुख्यमंत्री यांचे सचिव डॉ.श्रीकर परदेशी, पर्यावरण विभागाचे प्रधान सचिव प्रवीण दराडे, बृहन्मुंबई महापालिकेचे अतिरिक्त आयुक्त अमित सैनी, प्रधान सचिव व विधी परामर्षी सुवर्णा केवले, प्रदूषण नियंत्रण मंडळाचे प्रभारी सदस्य सचिव रविंद्र आंधळे आदी उपस्थित होते. (Use natural colour)

प्लास्टर ऑफ पॅरिसच्या (पीओपी) गणेश मूर्तींच्या विसर्जनासंदर्भात न्यायालयाने निर्देश दिले आहेत. या निर्देशानुसार राज्य शासनाने राजीव गांधी विज्ञान तंत्रज्ञान आयोगाकडून अहवाल मागविला होता. आयोगाचे अध्यक्ष डॉ. अनिल काकोडकर यांनी हा अहवाल दिला असून त्यात काही शिफारसी करण्यात आल्या होत्या. खोल समुद्रात मोठ्या मूर्तींचे विसर्जन करण्यासंदर्भात अभ्यास करणे आवश्यक आहे. त्याचा अभ्यास करून न्यायालयासमोर बाजू मांडण्यात यावी, असे निर्देश यावेळी देण्यात आले. (Use natural colour)

तसेच सार्वजनिक गणेश विसर्जनानंतर समुद्रकिनारे स्वच्छ करण्याची काळजी घेण्यासाठी ठोस उपाय आवश्यक आहेत, तसेच गणेशमूर्तीं तयार करताना पर्यावरणस्नेही सामुग्रीचा वापर व नैसर्गिक रंगाचा वापर करण्याचे निर्देशही मुख्यमंत्री फडणवीस यांनी यावेळी दिले.

सांस्कृतिक कार्यमंत्री ॲड. आशिष शेलार म्हणाले की, सार्वजनिक गणेशोत्सव प्रथा परंपरेनुसार साजरा व्हावा. उंच व मोठ्या गणेशमूर्तींचे विसर्जन करण्यासाठी पर्यावरणपूरक मार्ग काढण्यात यावा. तसेच छोट्या मूर्तींचे विसर्जन कृत्रिम तलावात करण्यात यावे. शाडूच्या व पर्यावरणपूरक सामग्रीचा वापर करून मूर्ती बनविण्यासंदर्भात जनजागृती करणे आवश्यक आहे.

डॉ. काकोडकर यांनी जल प्रदुषणाचा विचार करून पर्यावरणपूरक गणेशमूर्ती बनविण्यावर भर देण्यात यावा. रासायनिक रंगांमुळे जास्त प्रदुषण होते. त्यामुळे नैसर्गिक रंगाचा वापर करणे, पर्यावरणपूरक साहित्य वापरणे यावर भर देऊन जनजागृती करण्यासंदर्भात त्यांनी सूचित केले, असेही त्यांनी यावेळी सांगितले.

मुंबई : प्रतिनिधी : मुंबईत संसदेच्या तसेच विधिमंडळ अंदाज समितीच्या सदस्यांसाठी शाही भोजण्याचा बेत आखण्यात आला होता. चांदीच्या ताटात जेवण आले. त्याचा खर्च प्रति थाळी साडेचार हजार होता. चांदीचे ताट, चांदीच्या वाटा, चांदीच्या चमच्यांचा वापर करण्यात आला होता. वैशिष्ट्य म्हणजे अंदाज समिती पैशांची उधळपट्टी आणि काटकसरीची तजवीज करावी असे सांगणाऱ्या समितीच्या सदस्यांच्या भोजनावर पैशांची उधळपट्टी करण्यात आली. (Estimate Committee)

मुंबईतील विधानभवानात देशातील विधिमंडळ समित्यांचे अध्यक्ष व सदस्यांचे दोन दिवसीय राष्ट्रीय परिषदेचे आयोजन करण्यात आले. समित्यांचे अध्यक्ष, सदस्य, अधिकारी मिळून ६०० जण परिषदेत सहभागी झाले होते. अंदाज समितीच्या अध्यक्ष व सदस्यांच्या निवासाची सोय करण्यात आली होती तर अधिकाऱ्यांचा निवास हॉटेल ट्रायडंटमध्ये होता. या परिषदेच्या समारोपनंतर सदस्यांना शाही पक्वान्नांची मेजवानी देण्यात आली. अर्थसंकल्पातील तरतुदीचे उद्दिष्ट साध्य करण्यासाठी काटकसरीच्या शिफारशी करण्यासाठी जबाबदारी असते. त्याच समितीच्या सदस्यांसाठी चांदीच्या ताटातून पंचपक्वान्नांची मेजवाणी आयोजित केली होती. (Estimate Committee)

शाही मेजवानीत चांदीचे ताटे, वाट्या, पेले, चमचे होते. चांदीच्या ताटाचे दिवसाचे भाडेच साडेचार हजार रुपये होते. तर भोजनची किंमत चार हजार रुपये होती. भोजनामध्ये कोथंबीर वडी, मालवणी करी, सुरमई फ्राय, दहीवडे, बटाट्याची भाजी आणि पुरण पोळी असा मेन्यू होता. काटकसरीची शिफारस करणाऱ्या अंदाज समितीच्या अध्यक्षांसाठी हा घाट घातल्याने प्रश्न उपस्थित होत आहेत. (Estimate Committee)