Category:

राजकारण

Jaishankar :परराष्ट्रमंत्री जयशंकर यांच्यावर लंडनमध्ये हल्ल्याचा प्रयत्न

by प्रतिनिधी March 6, 2025

written by प्रतिनिधी

नवी दिल्ली : प्रतिनिधी : ब्रिटनची राजधानी लंडन येथे भारताचे परराष्ट्र मंत्री एस. जयशंकर यांच्यावर हल्ल्याचा प्रयत्न झाला आहे. खलिस्तान समर्थकांनी त्यांच्यावर हल्ल्याचा प्रयत्न केला. मात्र लंडन पोलिसांनी हल्लेखोरांचा हा डाव उधळून लावत खलिस्तानी समर्थकांनी ताब्यात घेतले. यावेळी खलिस्तान समर्थकांनी घोषणाबाजी करत तिरंगा फाडण्याचाही प्रयत्न केला. याचे व्हिडीओ सोशल मीडियावर व्हायरल झाले असून संताप व्यक्त केला जात आहे. भारताने या घटनेबद्दल ब्रिटन सरकारकडे प्रश्न उपस्थित केला असून निषेध नोंदवला आहे. (Jaishankar)

परराष्ट्र मंत्री एस. जयशंकर ब्रिटन आणि आयर्लंडच्या सहा दिवसीय दौऱ्यावर आहेत. बुधवारी त्यांनी ब्रिटनचे पंतप्रधान कीम स्टार्मर आणि परराष्ट्र सचिव डेव्हिड लॅमी यांची भेट घेतली. त्यानंतर ते लंडनच्या थिंक टँक चॅथम हाऊस येथे ‘हिंदुस्थानचा उदय आणि जागतिक स्तरावरील भूमिका’ या विषयावर व्याख्यान देण्यासाठी पोहोचले. या वेळी तिथे खलिस्तान समर्थक जमा झाले आणि त्यांनी गोंधळ घालण्यास सुरुवात केली. (Jaishankar)

खलिस्तान समर्थकांनी भारतविरोधी घोषणा दिल्या. परराष्ट्रमंत्री जयशंकर चॅथम हाऊसबाहेर पडल्यानंतर खलिस्तान समर्थकांनी अक्राळस्तनेपणा दाखवला आणि त्यांनी परराष्ट्र मंत्र्यांवर हल्ल्याचा प्रयत्न केला. एक खलिस्तानी समर्थक जयशंकर यांच्या गाडीसमोर आला आणि त्याने हातातील तिरंगा फाडण्याचा प्रयत्न केला. मात्र चॅथम हाऊसबाहेर उपस्थित पोलीस आणि सुरक्षा रक्षकांनी त्याला रोखले आणि गाडीपासून दूर नेले. यावेळी खलिस्थान समर्थकांनी घोषणाबाजी केली. या घटनेनंतरही परराष्ट्रमंत्री जयशंकर यांचा दौरा सुरू आहे. ते ब्रिटन आणि आयर्लंड देशाबरोबर व्दिपक्षीय चर्चा सुरू आहे.(Jaishankar)

हेही वाचा :

अमेरिकेपुढे चीन कदापि झुकणार नाही

March 6, 2025 0 comments

महाराष्ट्र राजकारण

Satej Patil: लाडक्या बहिणी आता सावत्र का झाल्या ?

by प्रतिनिधी March 5, 2025

written by प्रतिनिधी

कोल्हापूर : प्रतिनिधी : लाडकी बहीण योजनेच्या निकषाची जबाबदारी पहिल्यापासून जिल्हाधिकाऱ्यांवर होती तर आता पात्र महिलांना अपात्र करुन त्यांची फसवणूक का केली जात आहे? निवडणुकांआधीच्या लाडक्या बहिणी आता सावत्र का झाल्या ? असा सवाल काँग्रेसचे विधानपरिषदेतील गटनेते आमदार सतेज पाटील यांनी बुधवारी (५ मार्च) केली.(Satej Patil)

सध्या विधिमंडळाचे अर्थसंकल्पीय अधिवेशन सुरु असून आमदार पाटील यांनी विधानपरिषदेत लाडक्या बहिणींच्या अपात्रतेबाबत प्रश्न उपस्थित केला.(Satej Patil)

आ. सतेज पाटील म्हणाले, लाडकी बहीण योजनेसाठी अर्ज दाखल करताना ग्रामसेवक किंवा स्थानिक अधिकाऱ्यांकडून प्रमाणपत्र घेऊनच लाडक्या बहिणींच्या अर्जाची पडताळणी केली. त्यामुळे राज्य सरकारने या महिलांना अपात्र करू नये. विधानसभा निवडणुकांआधी पुढील दोन महिन्यांचे पैसे लाडक्या बहिणींच्या खात्यावर पाठवले. महाराष्ट्रात अशी कोणतीही योजना नाही ज्यामध्ये पुढच्या महिन्याचे अनुदान सरकार या महिन्यात देते. महायुतीने सरकारकडे एवढी ताकद आहे तर पुढल्या एक वर्षाचे अनुदान महिलांच्या खात्यावर जमा करावे असे आव्हानही त्यांनी दिले. (Satej Patil)

२१०० रुपये कधी देणार

महायुतीच्या जाहीरनाम्यामध्ये सांगितल्या प्रमाणे २१०० रुपयांची तारीख अजूनही सरकारकडून जाहीर केली जात नसल्याकडे आमदार पाटील यांनी लक्ष वेधले. ज्या लाडक्या बहिणींना अपात्र केले त्यांना सरकार परत पात्र करून घेणार आहे का? असा सवाल पाटील यांनी उपस्थित केला.

निकषांमध्ये कोणतेही बदल नाहीत : आदिती तटकरे

दरम्यान, ‘मुख्यमंत्री माझी लाडकी बहीण’ योजनेच्या पहिल्या शासन निर्णयामध्ये समाविष्ट असलेल्या निकषांमध्ये कोणत्याही प्रकारचे बदल करण्यात आलेले नाहीत. संपूर्ण प्रक्रिया आणि कार्यवाही याच निकषांनुसार पार पडत असल्याचे महिला ब बालविकास मंत्री आदिती तटकरे यांनी सांगितले.

राज्य सरकार २१०० रुपयांपर्यंत सन्मान निधी वाढवणार असल्याच्या चर्चेबाबत त्यांनी स्पष्ट केले की, मुख्यमंत्री किंवा उपमुख्यमंत्री यांनी अशी कोणतीही अधिकृत घोषणा केलेली नाही. अर्थसंकल्पात याबाबत निर्णय घेतला जाईल, असे त्या म्हणाल्या.

मंत्री तटकरे म्हणाल्या की, या योजनेच्या अटी शर्तीनुसार लाभार्थी महिलांसाठीची पात्रता व अपात्रता ठरवण्यात आली आहे. त्याच निकषांनुसार अर्जांची छाननी करण्यात येत आहे. कोणत्याही योजनेत लाभार्थ्यांच्या अर्जाची छाननी ही निरंतर चालणारी प्रक्रिया आहे. त्यानुसार ज्या लाभार्थी महिला निकषांची पूर्तता करीत नाहीत त्यांना या योजनेचा आर्थिक लाभ अदा न करण्याच निर्णय घेतला असून त्यानुसार कार्यवाही करण्यात येत आहे. या योजनेंतर्गत २ कोटी ६३ लाख महिलांनी अर्ज नोंदणी केली असून त्यापैकी सद्यस्थितीत २ कोटी ५२ लाख महिल पात्र ठरत आहेत.

हेही वाचा :

भाजपच्या जयकुमार गोरेकडून महिलेचा छळ

अबू आझमी विधानसभेतून निलंबित

March 5, 2025 0 comments

महाराष्ट्र राजकारण

Sambhaji Maharaj Memorial: संगमेश्वरात संभाजी महाराज यांचे स्मारक उभारणार

by प्रतिनिधी March 5, 2025

written by प्रतिनिधी

मुंबई : विशेष प्रतिनिधी : संगमेश्वर येथील ज्या सरदेसाई यांच्या वाड्याजवळ छत्रपती संभाजी महाराजांना पकडण्यात आले त्याठिकाणी छत्रपती संभाजी महारांजांचे यथोचित स्मारक उभारण्यात येणार असल्याचे मुख्यमंत्री देवेंद्र फडणवीस यांनी बुधवारी विधानपरिषदेमध्ये सांगितले.(Sambhaji Maharaj Memorial)

निरंजन डावखरे यांनी उपस्थित केलेल्या प्रश्नाला उत्तर देताना त्यांनी हे आश्वासन दिले. यावेळी चर्चेमध्ये विरोधी पक्षनेते अंबादास दानवे, सदस्य प्रवीण दरेकर, अमोल मिटकरी, पंकज भुजबळ, भावना गवळी, प्रसाद लाड यांनी सहभाग घेतला.

संगमेश्वर येथील सरदेसाई वाड्याची जागा कमी पडत असल्यास या स्मारकासाठी नजीकची आणखी काही जमीन अधिग्रहित करण्यात येईल असे सांगून मुख्यमंत्री फडणवीस म्हणाले की, छत्रपती संभाजी महाराज हे स्वराज्य रक्षक, शूर सेनापती, शौऱ्याचे प्रतिक होते. त्यांच्या पराक्रमाला साजेल असे स्मारक उभारण्याचा मानस आहे. (Sambhaji Maharaj Memorial)

कर्नाटक येथील होदिगेरी येथील शहाजी महाराजांच्या समाधी परिसराची डागडुजी करून या ठिकाणाचा विकास करण्यासाठी कर्नाटक सरकारला विनंती करण्यात येणार आहे. कर्नाटक सरकार त्यास राजी नसल्यास किंवा त्यांना ते शक्य नसल्यास त्या जागेचे महाराष्ट्र शासन स्वतः सुशोभिकरण करणार असल्याचेही त्यांनी सांगितले. (Sambhaji Maharaj Memorial)

जळगाव येथे शिवसृष्टी उभारण्यात येणार

नाशिक जिल्ह्यामध्ये चार ठिकाणी निफाड पिंपळगाव येवला शिवसृष्टीचे काम सुरू आहे. छत्रपती शिवाजी महाराज थीम पार्कचे काम जळगाव येथे करण्यात येणार असल्याचे पर्यटन मंत्री शंभूराज देसाई यांनी विधान परिषदेमध्ये सांगितले.

ते म्हणाले, मुख्य सचिवांच्या अध्यक्षतेखाली उच्चस्तरीय समिती गठीत करण्यात आली होती. या समितीने नाशिक ऐवजी जळगाव येथे छत्रपती शिवाजी महाराज थीम पार्क उभारण्याचा निर्णय घेतला. (Sambhaji Maharaj Memorial)

छत्रपती शिवाजी महाराज यांच्या शिवराज्याभिषेक सोहळ्याला ३५० वर्षे झाल्याच्या पार्श्वभूमीवर महाराष्ट्र पर्यटन विकास महामंडळाने राज्यातील पाच ठिकाणी छत्रपती शिवाजी महाराजांच्या जीवनाच्या विविध घटनांवर आधारित डिजिटल थीम पार्क उभारण्याचा निर्णय घेतला असल्याचेही त्यांनी यावेळी सांगितले. तसेच रायगड किल्ल्याच्या पायथ्याशी असलेला जिजामातांचा वाडा ३५० वर्षांपूर्वी जसा होता तसा उभा करण्यात येणार आहे आणि त्याठिकाणीही शिवसृष्टी उभारण्यात येणार आहे. सिंदखेड राजा येथील जिजामातांचे जन्मस्थान विकसित करण्यात येणार आहे, असेही त्यांनी सांगितले.

हेही वाचा :

अबू आझमी विधानसभेतून निलंबित

भाजपच्या जयकुमार गोरेकडून महिलेचा छळ

March 5, 2025 0 comments

महाराष्ट्र राजकारण

MVA agitation: महापुरुषांचा अवमान करणाऱ्यांना अटक करा

by प्रतिनिधी March 5, 2025

written by प्रतिनिधी

मुंबई : विशेष प्रतिनिधी : छत्रपती शिवाजी महाराज यांचा अवमान करणाऱ्या माजी राज्यपाल भगतसिंह कोश्यारी, प्रशांत कोरटकर, राहुल सोलापूरकर यांच्या विरोधात बुधवारी (५ मार्च) महाविकास आघाडीच्याआमदारांनी विधिमंडळाच्या पायऱ्यांवर जोरदार निदर्शने केली. छत्रपती शिवाजी महाराजांचा अवमान करणाऱ्यांना अटक करा, अशी मागणी करत विरोधकांनी विधिमंडळाच्या पायऱ्यांवर जोरदार निदर्शने केली.(MVA agitation)

‘कोश्यारी ते कोरटकर, छत्रपती शिवाजी महाराजांचा अपमान करी भाजप,’ ‘शिवरायांच्या इतिहासाची पाने लाख, कोरटकरला महाराष्ट्र मारतोय लाथ,’ ‘कोरटकरला पुरवली सुरक्षा, राज्य सरकारला द्या शिक्षा,’ अशा जोरदार घोषणा देत महाविकास आघाडीच्या आमदारांनी छत्रपती शिवाजी महाराज यांचा अवमान करणाऱ्या विकृत लोकांना शिक्षा झाली पाहिजे, अशी मागणी केली. (MVA agitation)

एकीकडे इतिहासाचा अभ्यास नसताना राहुल सोलापूरकर आणि प्रशांत कोरटकर हे वादग्रस्त विधान करतात, छत्रपती शिवाजी महाराजांचा अपमान करतात. त्यांच्यावर गुन्हा दाखल होत नाही. उलट त्यांनाच पोलीस सुरक्षा पुरवली जाते, याकडे लक्ष वेधत विरोधकांनी सरकारवर टीका केली. महाराजांचा अवमान करणाऱ्यांना राजाश्रय महायुती सरकार देत आहे, असा आरोपही विरोधकांनी केला.

हेही वाचा :

अबू आझमी विधानसभेतून निलंबित

भाजपच्या जयकुमार गोरेकडून महिलेचा छळ

March 5, 2025 0 comments

पोलिस डायरी महाराष्ट्र राजकारण

Vadettiwar: धनंजय मुंडे यांना सहआरोपी करा

by प्रतिनिधी March 5, 2025

written by प्रतिनिधी

मुंबई : विशेष प्रतिनिधी : संतोष देशमुख प्रकरणात धनंजय मुंडे यांचा मंत्रिपदाचा राजीनामा झाला असला तरी त्याने प्रश्न सुटणार नाही. या प्रकरणी धनंजय मुंडे यांना सहआरोपी करावे, अशी मागणी काँग्रेस विधिमंडळ नेते विजय वडेट्टीवार यांनी बुधवारी (५ मार्च) केली. (Vadettiwar)

बीडमध्ये अनेक गुन्हे घडले आहेत, खंडणी, खुनाच्या घटना घडल्या आहेत. मुंडे यांना सहआरोपी केल्यावर अशा अनेक गुन्ह्यांचा उलगडा होईल. महाराष्ट्र आता बिहारच्या पुढे गेला आहे का, असा सवालही त्यांनी उपस्थित केला. (Vadettiwar)

महायुती सरकारमधील एकेक मंत्र्यांचे प्रताप समोर येत आहेत. पश्चिम महाराष्ट्रातील एक मंत्री, जो पैलवान आहे, त्याने एका महिलेला आक्षेपार्ह फोटो पाठवले. या प्रकरणी शिक्षा झाली तरी दहा हजार रुपये दंड भरून माफी मागतो आणि पुन्हा त्या महिलेच्या पाठी लागतो. त्या महिलेला ब्लॅकमेल केले जाते. भाजप मंत्र्यांचे हे वर्तन असेल तर राज्यातील महिला सुरक्षित कश्या असतील?, असा सवालही वडेट्टीवार यांनी केला.(Vadettiwar)

दुसरे उत्तर महाराष्ट्रातील मंत्री. त्यांनी माजी राष्ट्रपती प्रतिभा पाटील यांची २६ एकर जमीन बळकावली. मंत्रिमंडळातील मंत्री असे काळे धंदे करत फिरतात. या मंत्र्यांना मंत्रिपदावर राहण्याचा अधिकार नाही, या मंत्र्यावर कारवाई केली पाहिजे, अशी मागणी त्यांनी केली. (Vadettiwar) अर्थसंकल्पीय अधिवेशनाच्या तिसऱ्या दिवशी पत्रकारांशी बोलताना त्यांनी महायुती सरकारमधील मंत्र्यांचे कारनामे सांगितले. भाजपात प्रवेश करणार असल्याबाबतच्या चर्चेबाबत ते म्हणाले की, मी पुरोगामी विचारधारेशी जोडलो आहे. काँग्रेसचा मी निष्ठावान शिपाई आहे, पक्ष सोडण्याचा विचारही माझ्या मनात येत नाही. सत्ता येवो न येवो मी माझ्या पक्षाचे काम करत आहे. याबाबत कोणीतरी अफवा पसरवत आहे.

हेही वाचा :

भाजपच्या जयकुमार गोरेकडून महिलेचा छळ

अबू आझमी विधानसभेतून निलंबित

March 5, 2025 0 comments

पैसापाणी महत्त्वाच्या नोंदी राजकारण

China’s stand: अमेरिकेपुढे चीन कदापि झुकणार नाही

by प्रतिनिधी March 5, 2025

written by प्रतिनिधी

वॉशिंग्टन : व्यापारयुद्ध असो वा आणखी काही चीन आपली बाजू शेवटपर्यंत लढवेल, असा निर्धार चीनने केला आहे. चीनच्या परराष्ट्र मंत्रालयाचे प्रवक्ते लिन जियान यांनी आपल्या देशाची बाजू ठामपणे मांडली. ‘न्यूयॉर्क टाइम्स’शी बोलताना त्यांनी हा निर्धार व्यक्त केला. (China’s stand)

चीनने अमेरिकेला जशास तसे उत्तर देण्याची तयारी केली आहे. चीनवरील आयातशुल्क वाढवल्याच्या विरोधात चीनने वर्ल्ड ट्रेड ऑर्गनायझेशनकडे दाद मागितली आहे. त्यामुळे अमेरिकेचे अध्यक्ष डोनाल्ड ट्रम्प यांच्या करधोरणाला चीन अजिबात नमणार नाही, असे स्पष्ट झाले आहे.

अमेरिकेने चिनी मालावरील आयातशुल्क दुप्पट करण्याचा निर्णय घेतला आहे. शिवाय कॅनडा आणि मेक्सिकोवरही जबर आयात शुल्क लादले आहे. भारतावर किती आयात कर लादणार याची स्पष्टता अद्याप नसली तरी ते कधीही लादले जाऊ शकते. या पार्श्वभूमीवर जागतिक पातळीवर व्यापारयुद्ध लादण्याची भीती व्यक्त होत आहे. या पार्श्वभूमीवर चीननेही अमेरिकेसमोर नमते न घेण्याची भूमिका जाहीर केली आहे. (China’s stand)

ट्रम्प प्रशासनाने सर्व चिनी आयातीवरील कर १० टक्क्यांवरून २० टक्के केले आहे, त्याला प्रत्युत्तर म्हणून चीननेही अमेरिकन चिकन, गहू, मका आणि कापसावर १५ टक्के कर लादला. तसेच ज्वारी, सोयाबीन, डुकराचे मांस, गोमांस, सीफूड, फळे, भाज्या आणि दुग्धजन्य पदार्थांवर १० टक्के कर लादला.

आर्थिक उपाययोजनांच्या माध्यमातून अमेरिका चीनवर दबाव आणण्याचा प्रयत्न करीत असल्याची टीका लिन यांनी त्यांच्या निवेदनात केली आहे. ‘‘फेंटानिलसारखा क्षुल्लक मुद्दा पुढे करत चिनी माल आयातीवर अमेरिकेने शुल्क वाढ केली आहे. आम्ही आमचे हक्क आणि हितसंबंधांचे रक्षण करण्यासाठी आम्ही करत असलेले प्रतिउपाय पूर्णपणे कायदेशीर आणि आवश्यक आहेत,’’ असे ते म्हणाले. त्यामुळे येऊ घातलेल्या संकटासाठी केवळ अमेरिकाच जबाबदार राहील, असा इशाराही लिन यांनी दिला आहे. (China’s stand)

‘‘आमच्या प्रयत्नांना मान्यता देण्याऐवजी, अमेरिकेने चीनवर दोषारोप करण्याचा प्रयत्न केला आहे. शुल्क वाढवून चीनवर दबाव आणण्याचा आणि ब्लॅकमेल करण्याचा प्रयत्न केला आहे. ते आम्हाला मदत केल्याबद्दल शिक्षा करत आहेत. यामुळे अमेरिकेची समस्या सुटणार नाही. आमच्या अंमली पदार्थविरोधी संवाद आणि सहकार्याला धोका निर्माण होईल,’’ याकडे लिन यांनी लक्ष वेधले.

हेही वाचा :

‘हिंदीया’ निर्माण करण्याचे मोदी सरकारचे धोरण

अभिनेत्रीने १४ किलो सोने कसे आणले…?

March 5, 2025 0 comments

देश-विदेश महत्त्वाच्या नोंदी राजकारण

Kamal Haasan :‘हिंदीया’ निर्माण करण्याचे मोदी सरकारचे धोरण

by प्रतिनिधी March 5, 2025

written by प्रतिनिधी

नवी दिल्ली : दोन दशकांहून अधिक काळ जनगणना करण्यात आलेली नाही. यावेळी ती होतेय की नाही हे माहीत नाही, अशी स्थिती असल्याच्या पार्श्वभूमीवर प्रसिद्ध अभिनेते आणि राजकीय नेते कमल हासन यांनी मोदी सरकारवर कडक शब्दांत टीका केली. जनगणना न करण्यामागील त्यांचा ‘खरा हेतू’ असा प्रश्न उपस्थित करत त्यांना ‘हिंदीया’ निर्माण करायचा आहे आणि त्यादृष्टीने उचललेले हे पाऊल आहे, असा आरोप त्यांनी केला.(Kamal Haasan)

लोकसभेच्या जागांच्या सीमांकनावरून त्यांनी केंद्र सरकारवरही जोरदार कडक टीका केली. ‘‘त्यांचा हा मनमानी निर्णय त्याच पद्धतीचा आहे,’’ असे ते म्हणाले. तमिळनाडूचे मुख्यमंत्री एम. के. स्टॅलिन यांनी बोलावलेल्या सर्वपक्षीय बैठकीत बुधवारी (५ मार्च) ते सहभाग झाले होते. जनगणनेत सतत होणाऱ्या विलंबाचा उल्लेख करत हासन म्हणाले, ‘‘यामागील खरा हेतू हिंदी भाषिक राज्यांमध्ये सत्तेचे केंद्रीकरण करणे आणि आपल्या बाजूने निवडणुकांचे निकाल सुनिश्चित करणे हा आहे’’ असा आरोप त्यांनी केला. (Kamal Haasan)

ते म्हणाले, ‘‘आम्ही समावेशक भारताची कल्पना करतो, परंतु ते ‘हिंदीया’ निर्माण करू इच्छितात. जे तुटलेले नाही ते दुरुस्त करण्याचा प्रयत्न का करायचा? लोकशाही व्यवस्थेला नख लावण्याचा हा प्रकार आहे. त्यामुळे मतदारसंघाची कशीही पुनर्रचना केली तरी सर्वांत जास्त परिणाम नेहमीच गैर-हिंदी भाषिक राज्यांवर होतील. हे पाऊल संघराज्याला कमकुवत करते. हा प्रकार पूर्णपणे अनावश्यक आहे.’’

‘‘केवळ आज किंवा उद्या नाही तर संसदीय प्रतिनिधींची संख्या कायम ठेवणे हे लोकशाही, संघराज्यवाद आणि भारताची विविधता जपण्यासाठी अत्यंत महत्त्वाचे आहे. एक भारतीय म्हणून, एक तमिळ म्हणून आणि मक्कल नीधी मैयमचा प्रतिनिधी म्हणून मी यावर जोरदार भर देतो,’’ असे ते पुढे म्हणाले. (Kamal Haasan)

राज्यांच्या कारभारात घुसखोरी

केंद्र सरकार राज्यांच्या कारभारात घुसखोरी करत आहे. ज्या राज्यांच्या निवडणुका तोंडावर आहेत त्या राज्यांवर अतिरिक्त निधीची उधळण करण्यात येत आहे. तर तामिळनाडूच्या संसाधनांच्या योग्य वाट्याकडे दुर्लक्ष करत आहे, असा आरोपही त्यांनी केला. केंद्र सरकार “त्रिभाषिक धोरणाच्या नावावर हिंदी भाषेची अंमलबजावणी करण्यासाठी आर्थिक मदतीचा वापर करत आहे’, असा आरोपही त्यांनी केला. राज्य सरकारांवर या धोरणाचे पालन करण्यासाठी दबाव आणत आहे, असे ते म्हणाले. (Kamal Haasan)

जर त्यांना जागांची लोकसभेच्या जागांची संख्या वाढवायची असेल तर विधानसभेच्या जागाही वाढवाव्यात, अशी मागणीही त्यांनी केली.

माध्यमांशी बोलताना हासन म्हणाले की सध्याच्या संसदीय जागा पुरेशा आहेत आणि त्यात वाढ करण्याची आवश्यकता नाही. ‘‘माझे मत असे आहे की हे ४५३ (जागा) बदलण्याची गरज नाही. १४५ कोटी लोकसंख्या असलेल्या या देशाच्या विकासात ४५३ सदस्यांनीच इथंपर्यंत आणले आहे, ते पुरेसे आहे,’’ याचा पुनरूच्चारही त्यांनी केला.

हेही वाचा :

अबू आझमी विधानसभेतून निलंबित

भाजपच्या जयकुमार गोरेकडून महिलेचा छळ

March 5, 2025 0 comments

देश-विदेश राजकारण

Kharge alleges Modi: दलित निधीचा वापर कर्जमाफीसाठी

by प्रतिनिधी March 5, 2025

written by प्रतिनिधी

बेंगळुरू : महाराष्ट्र सरकारने दलित-आदिवासींसाठी दोन हजार कोटी रुपयांचा निधी मंजूर केला होता, पण सरकारने हा निधी शेतकऱ्यांचे कर्ज माफ करण्यासाठी वापरला, असा आरोप असा आरोप कर्नाकटचे मंत्री प्रियांक खर्गे यांनी केला.(Kharge alleges Modi)

पंतप्रधान नरेंद्र मोदी यांचे जन्मस्थान असलेल्या वडनगरवरील माहितीपटासाठीही दलित समाजाच्या विकासाचा निधी वापरला. भाजपचा हा निव्वळ दांभिकपणा आहे, असेही खरगे म्हणाले.

ते पत्रकार परिषदेत बोलत होते. दलित, आदिवासी यांच्या विकासासाठी गुजरात सरकारने पाच कोटी रुपयांचा निधी मंजूर केला होता, पण पंतप्रधान नरेंद्र मोदी यांचे जन्मस्थान असलेल्या वडनगरच्या माहितीपटासाठी हा निधी वापरला गेला. काँग्रेसकडून निधीची गैरवापर केला जातो असा आरोप भाजप सातत्याने करत असतो, पण भाजपच निधीची गैरवापर करतो, हे यातून स्पष्ट झाले आहे, असेह खरगे म्हणाले. (Kharge alleges Modi)

दलित आणि आदिवासी यांना दूर करा, असे हे मोदींचे विकासाचे मॉडेल असल्याचा आरोप करून म्हणाले, भाजप खोट्या बातम्या पसरवतो. मोदींच्याच काळात सर्वाधिक भ्रष्टाचार झाला. त्यांच्याच काळात निधीची सर्वाधिक गैरवापर झाला आहे. असे खरगे म्हणाले. (Kharge alleges Modi)

खरगे यांनी महाराष्ट्र आणि मध्य प्रदेशचेही उदाहरण दिले. महाराष्ट्र सरकारने दलित-आदिवासींसाठी दोन हजार कोटी रुपयांचा निधी मंजूर केला होता, पण सरकारने हा निधी शेतकऱ्यांचे कर्ज माफ करण्यासाठी वापरला. मध्य प्रदेशमध्येही दलित, आदिवासींसाठी असलेला ९६.७६ कोटी रुपयांचा निधी गोसंवर्धनासाठी वापरल्याचा दावा त्यांनी केला. हिंदुस्थानात दलित आणि आदिवासीपेक्षा गायी श्रेष्ठ आहेत का? भाजपच्या राज्यात आमची प्रतिष्ठाही राखली जात नाही, असे खरगे म्हणाले.

हेही वाचा :

भाजपच्या जयकुमार गोरेकडून महिलेचा छळ

अबू आझमी विधानसभेतून निलंबित

March 5, 2025 0 comments

महाराष्ट्र मुंबई राजकारण

Abu Azmi Suspended : अबू आझमी विधानसभेतून निलंबित

by प्रतिनिधी March 5, 2025

written by प्रतिनिधी

मुंबई : प्रतिनिधी : औरंगजेब चांगला प्रशासक होता असे वक्तव्य करणाऱ्या समाजवादी पक्षाचे आमदार अबू आझमी यांना विधानसभेतून निलंबित करण्यात आले. विधानसभेत त्यांच्या निलंबनाचा ठराव एकमताने मंजूर करण्यात आला. निलंबन काळात त्यांना विधानसभेच्या आवारात येण्यासही बंदी घातली आहे. (Abu Azmi Suspended)

‘औरंगजेब हा क्रूर प्रशासक नव्हता’ असे वक्तव्य आमदार अबू आझमींनी केले. त्यांच्या विधानाचा सार्वत्रिक निषेध झाला. मंगळवारी विधानसभा आणि विधान परिषदेत आझमींच्या वक्तव्यावर सदस्यांनी टीका केली. उपमुख्यमंत्री एकनाथ शिंदे यांनी आझमींच्या वक्तव्याचा निषेध केला. औरंगजेबाच्या वक्तव्याबद्दल अबू आझमींना सभागृहातून निलंबित करावे अशी मागणी करण्यात आली. निलंबनाच्या मागणीनंतर आमदार आझमी यांनी औरंगजेबाबद्दल केलेल्या वक्तव्य मागे घेतो असे सांगून माघारही घेतली. पण बुधवारी मात्र त्यांच्या निलंबनाचा ठराव सभागृहाने एकमताने मंजूर केला. (Abu Azmi Suspended)

आज बुधवारी विधानसभेत मंत्री चंद्रकांत पाटील यांनी अबू आझमी यांना निलंबित करावे असा ठराव मांडला. ठरावात चंद्रकांत पाटील असे म्हणाले, “अबू आझमी यांनी प्रसारमाध्यमांशी संवाद साधताना औरंगजेब उत्तम प्रशासक होता अशी त्याची भलामण करणारे आणि छत्रपती संभाजी महाराजांबद्दल वादग्रस्त विधान केले. त्यांची वक्तव्ये आक्षेपार्ह आणि निषेधार्ह आहेत. त्यामुळे सभागृहाचा अपमान झाला आहे. अबू आझमींनी विधानसभेची प्रतिमा मलिन केली आहे. त्यामुळे ही विधानसभा असा ठराव करते की अबू आझमीचे यांचे सदस्य अर्थसंकल्प अधिवशेनाच्या शेवटच्या तारखेपर्यंत निलंबन करावे”. (Abu Azmi Suspended)

मंत्री पाटील यांनी प्रस्ताव मांडल्यानंतर भाजपचे आमदार सुधीर मुनगुंटीवार यांनी अबू आझमींचे निलंबन दीर्घ काळासाठी करावे, अशी मागणी केली. छत्रपती शिवाजी महाराज यांना आपण देव किंवा देवापेक्षा जास्त मानतो. शिवरायांचा अपमान अबू आझमींनी केला आहे, असेही मुनगुंटीवर म्हणाले. (Abu Azmi Suspended)

विधानसभा अध्यक्ष राहूल नार्वेकर यांनी आमदारांचा कौल घेतला. सभागृहात एकमताने अबू आझमींच्या निलंबनाचा प्रस्ताव मंजूर करण्यात आला. अर्थसकंल्पीय अधिवेशन संपेपर्यंत आझमी यांचे निलंबन करण्यात आले आहे. निलंबन काळात आझमींना विधानसभेच्या परिसरात बंदी घालण्यात आली आहे. (Abu Azmi Suspended)

हेही वाचा :

भाजपच्या जयकुमार गोरेकडून महिलेचा छळ

फेसबुक फ्रेंडने केला काँग्रेस कार्यकर्तीचा खून

March 5, 2025 0 comments

महाराष्ट्र राजकारण

Jaykumar Gore : भाजपच्या जयकुमार गोरेकडून महिलेचा छळ

by प्रतिनिधी March 5, 2025

written by प्रतिनिधी

मुंबई : प्रतिनिधी राज्याचे ग्रामविकास मंत्री जयकुमार गोरे यांच्याकडून महिलेचा छळ सुरू असून मंत्र्यांनी स्वत:चा न्यूड फोटो पाठवून विनयभंगाचा प्रकार सुरू केला आहे, असा आरोप शिवसेनेचे राज्यसभा खासदार संजय राऊत यांनी पत्रकारांशी बोलताना केला. पिडित महिला विधानसभेसमोर उपोषणाला बसणार असल्याचेही त्यांनी सांगितले. (Jaykumar Gore)

खासदार राऊत म्हणाले, मुख्यमंत्री देवेंद्र फडणवीस यांच्या मंत्रीमंडळातील भाजपचे मंत्री जयकुमार गोरे यांनी स्वतःचे न्यूड फोटो एका महिलेला पाठवल्याचे प्रकरण चव्हाट्यावर आले आहे. हे अत्यंत गंभीर प्रकरण असून स्वारगेटला जो प्रकार घडला तसाच प्रकार जयकुमार गोरे यांच्याबाबत समोर येत आहे. शिवकाळातील संबधित एका घराण्यातील कुटुंबातील एका स्त्रीचा या मंत्र्याने कसा छळ केला या संदर्भातील माहिती समोर आली आहे. ही महिला पुढल्या काही दिवसांमध्ये विधानभवनासमोर उपोषणाला बसणार असल्याचे वृत्त आहे. स्त्रीचा विनयभंग करणारा मंत्री मंत्रीमंडळात असून यामुळे महाराष्ट्र कलंकित होत आहे’ असा आरोपही त्यांनी केला. (Jaykumar Gore)

मुख्यमंत्री देवेंद्र फडणवीस यांनी त्यांच्या मंत्रीमंडळाचे पत्ते पुन्हा एकदा पिसले पाहिजे. पुन्हा एकदा सर्व मंत्र्यांची झाडाझडती घेतली पाहिजे. ही सर्व रत्न त्यांनी एकदा तपासली पाहिजे’, असा टोलाही राऊत यांनी लगावला. जयकुमार गोरे यांच्याबाबत समोर आलेला प्रकार महाराष्ट्राला काळिमा फासणारा आहे. एका स्त्रीचा विनयभंग करणारा मंत्री मंत्रीमंडळात असून यामुळे महाराष्ट्र कलंकित होत आहे. त्या कलंकित मंत्र्याला मंत्रीमंडळात का ठेवले आहे?’ असा सवालही राऊत यांनी उपस्थित केला. (Jaykumar Gore)

भाजपमधील महिला मोर्चाच्या पदाधिकारी विरोधी पक्षाचा एखादा आमदार, खासदार, नेत्यावर आरोप केले की टीका करतात. पण जयकुमार गोरे, स्वारगेट प्रकरणात आश्रय देणाऱ्या देणारा आमदार किंवा धनंजय मुंडे यांचा राजीनामा मागितला का? महिला आयोग, महिला नेत्या कुठे आहेत? असा सवालही राऊत यांनी केला. (Jaykumar Gore)

शिवसेना जयकुमार गोरे यांच्या राजीनाम्याची मागणी करणार का? असे विचारले असता राऊत म्हणाले, ‘राजीनाम्याची मागणी कशाला करायला हवी. अशा मंत्र्याला लाथ मारली पाहिजे. महिलांचा विनयभंग करणारे मंत्री मंत्रीमंडळात तुमच्या मांडीला मांडी लावून बसणार असतील तर देवेंद्र फडणवीस कोणत्या तोंडाने महिलांच्या अत्याचाराविरुद्ध, सबलीकरणावर आणि लाडक्या बहि‍णींवर बोलणार आहेत हा प्रश्न आहे. हा नैतिकतेचा मुद्दा असून नैतिकता सरकारच्या आसपास मैलभरही फिरत नाही. आम्ही हे प्रश्न केंद्राकडे पाठवणार आहे. अमित शहा यांना पत्र लिहून आपण यात लक्ष घाला अशी मागणी करणार आहे, असेही राऊत यांनी सांगितले. (Jaykumar Gore)

काँग्रेसचे आमदार विजय वडेटट्टीवार यांनीही गोरे यांचे नाव न घेता पश्चिम महाराष्ट्रातील पैलवान असणाऱ्या मंत्र्यांकडून महिलेचा छळ सुरू आहे, असा आरोप केला आहे.खासदार राऊत यांनी केलेल्या आरोपाचा खुलासाही मंत्री जयकुमार गोरे यांनी केला. २०१७ मधील हे प्रकरण असून न्यायालयाने या गुन्ह्यात २०१९ मध्ये निर्दोष मुक्तता केली असल्याचे सांगितले. तसेच माझ्यावर ज्यांनी आरोप केले आहेत त्यांच्याविरोधात हक्कभंग दाखल करणार असल्याचे त्यांनी सांगितले. आपली बदनामी करण्यासाठी आरोप केले जात आहेत, असेही गोरे म्हणाले. (Jaykumar Gore)

हेही वाचा :

‘औरंगजेब’ वक्तव्यावर अबू आझमींची माघार

मुंडेंच्या राजीनाम्याने सरकारवरील रक्ताचे डाग धुऊन निघणार नाहीत…

दोन महिन्यांपूर्वी फोटो येऊनही फडणवीसांना झोप कशी लागली?

March 5, 2025 0 comments