महत्त्वाच्या नोंदी

मुंबई : प्रतिनिधी : प्रवाशांचा जीव धोक्यात घालून मोबाईलवर आयपीएलची क्रिकेट मॅच बघत एसटी चालवत असल्याचा एका शिवनेरी  बसचालकाचा धक्कादायक प्रकार उघडकीस आला आहे. बस मधील एका प्रवाशाने त्याचेही बेफिकरीचे कृत्य मोबाईल मध्ये शूटिंग करून परिवहन मंत्र्यांना पाठविले. त्यानंतर खासगी कंपनीच्या संबंधित चालकाला बडतर्फ करण्यात आले. तसेच एसटी बस प्रशासनाकडून कंपनीला पाच हजाराचा दंड ठोठावण्यात आला आहे.  दादर ते  स्वारगेट (पुणे) शिवनेरी बस ( एम.एच.१२ व्हीएफ-८०१७) मध्ये शनिवारी रात्री १० वाजण्याच्या सुमारास बस लोणावळ्याजवळ असताना चाणाक्ष प्रवाशाने या घटनेचे  चित्रण केले. (Shivneri Bus)

 शनिवारी सायंकाळी सात वाजता  खाजगी ई-शिवनेरी बस दादर येथून निघाली. रात्री लोणावळाजवळ  बसचा चालक बस चालवत क्रिकेट मॅच पाहत असलेले चित्रीकरण  बसमधून प्रवास करणाऱ्या प्रवाशांने केले. हे चित्रण त्याने सोशल मिडियावरुन परिवहन मंत्री प्रताप सरनाईक यांना पाठवले. त्यांनी तातडीने एसटीच्या वरिष्ठ अधिकाऱ्यांना नियमानुसार कठोर कारवाई करण्याचे निर्देश दिले. त्यानुसार एसटीच्या स्थानिक अधिकाऱ्यांनी संबंधित खाजगी संस्थेच्या चालकास प्रवाशांचा जीव धोक्यात घालून बेशिस्त वाहनं चालवल्या प्रकरणी बडतर्फ केले असून संबंधित खाजगी संस्थेला  दंड ठोठावला आहे. अशा प्रकारे बेशिस्त वाहन चालवून प्रवाशांचा जीव धोक्यात घालणाऱ्या चालकांच्यावर कठोर कारवाई करण्याची मागणी प्रवाशांकडून होत आहे. भविष्यात एसटीकडे असलेल्या खाजगी बसच्या चालकांना संबंधित संस्थेकडून वेळोवेळी शिस्तबद्ध वाहन चालवण्याचे प्रशिक्षण दिले जाण्याची गरज असल्याचे सांगितले. (Shivneri Bus)

परिवहन विभागाकडून नवीन नियमावली आणणार

 खाजगी अथवा प्रवासी वाहतूक करणाऱ्या रिक्षा, टॅक्सीचे चालक देखील कानात हेडफोन घालून गाडी चालवत मोबाईलवर मॅच अथवा चित्रपट पाहत असल्याच्या तक्रारी प्रवासी वर्गाकडून  येत आहेत. या संदर्भात  परिवहन विभागाकडून नवीन नियमावली निश्चित करून  निर्बंध आणले जातील.”

: प्रताप सरनाईक (परिवहन मंत्री) (Shivneri Bus)

हेही वाचा :

न्यायाधीश निवासस्थानातील ‘जळीत नोटा’ चौकशी अहवाल प्रसिद्ध

कांद्यावरील २० टक्के निर्यात शुल्क रद्द

अहमदाबाद : प्रतिनिधी : अमेरिकेत एका व्यक्तीने बंदुकीने केलेल्या गोळीबारात गुजराती वडील आणि मुलीची हत्या झाली. प्रदीप पटेल (वय ५६) आणि त्यांची मुलगी उर्मी (२४) यांच्यावर गोळीबार झाला. प्रदीप पटेल यांचा जागीच मृत्यू झाला तर उर्मी यांचा दोन दिवसाच्या उपचारानंतर मृत्यू झाला. या घटनेनंतर पोलिसांनी एका व्यक्तीला अटक केली आहे. (Two Gujarati Killed)

टाईम्स ऑफ इंडियाने हत्येचे वृत्त दिले असून या वृत्तानुसार प्रदीप पटेल हे मुळचे गुजरात राज्यातील मेहसाणा जिल्ह्यातून कानोडा गावचे आहे. या घटनेचे वृत्त् कळताच त्यांच्या मूळ गाव कानोडा गावावर शोककळा पसरली आहे. कानोडा येथील कडवा पाटीदार समुदायाचे नेते चंदू पटेल हे प्रदीप पटेल यांचे काका आहेत. त्यांनी या घटनेची माहिती दिली. त्यांच्या कुटुंबाला पहिल्यांदा मिडिया रिपोर्टस् कडून हल्ल्याची माहिती मिळाली. वीस मार्च रोजी पहाटे पाच वाजता प्रदीप पटेल त्यांचे दुकान उघडत असताना एका व्यक्तीने दुकानात प्रवेश केला आणि त्यांच्यावर हल्ला चढवला. प्रदीप आणि उर्मी यांनी प्रतिकार केला पण त्यांना हल्लेखोरांनी मारहाण केली. त्यानंतर त्याने दोघांवर गोळीबार केला. त्यामध्ये प्रदीप यांचा जागीच मृत्यू झाला तर उर्मी गंभीर जखमी झाल्या. त्यांना हॉस्पिटलमध्ये उपचारास दाखल करण्यात आले. उपचार सुरू असताना दोन दिवसांनी त्यांचा मृत्यू झाला.  जॉर्ज फ्रेझियर डेव्हॉन व्हार्टन असे हल्लेखोराचे नाव असून पोलिसांनी त्याला अटक केली आहे, अशी माहिती चंदू पटेल यांनी दिली. (Two Gujarati Killed)

कानोडा गावात प्रदीप पाटील यांचे नातेवाईक राहतात. त्यांनी असे सांगितले की, पटेल कुटुंब हे २०१९ मध्ये अभ्यागत व्हिसावर अमेरिकेत गेले होत आणि तिथेच ते स्थायिक झाले आहेत. गुजराती पटेल समुदायाद्वारे चालवल्या जाणाऱ्या सुविधा पुरवणाऱ्या दुकानांचे ते व्यवस्थापन करत होते. यापूर्वी ते दुसऱ्या दुकानाचे व्यवस्थापन करत होते. चार महिन्यापूर्वी त्यांनी सध्याच्या दुकानाचे व्यवस्थापन करण्यास घेतले आहेत. प्रदीप पटेल यांची पत्नी, दोन मुली आणि एक मुलगा असा परिवार आहे. दोन्ही मुलींचे विवाह गुजरातमधील कुटुंबात झाले आहेत. त्यांचा मुलगा कॅनडामध्ये काम करतो. उर्मी यांचा विवाह तीन वर्षापूर्वी झाला आहे, असे प्रदीप पटेल यांच्या भाऊ अशोक पटेल यांनी सांगितले. (Two Gujarati Killed)

हेही वाचा :

न्यायाधीश निवासस्थानातील ‘जळीत नोटा’ चौकशी अहवाल प्रसिद्ध

कोरटकरचा पासपोर्ट जप्त