पाचगणी; प्रतिनिधी : पाचगणी गिरीस्थान नगरपालिकेचे मुख्याधिकारी तथा प्रशासक निखिल जाधव यांना प्रदुषण कर व प्रवासी कर ठेक्याबाबत उच्च न्यायालने नोटीस पाठवली आहे. गुरुवारी (दि.१७) मुंबई उच्च न्यायालयात याबाबत समक्ष हजर राहण्याची सुचना प्रशासक तथा मुख्याअधिकारी निखील जाधव यांना देण्यात आली आहे. पाचगणी नगरपालिकेचा प्रवासीकर व प्रदुषण कर ठेक्याचा वाद आता उच्च न्यायलयात गेल्यामुळे निखील जाधव यांच्या प्रशासकीय कारभाराबाबत पाचगणी शहरात चांगल्या चर्चा रंगू लागल्या आहेत.
पाचगणी गिरीस्थान नगरपालिकेकडून सण २०२४ चा प्रदुषण कर व प्रवासी कराच्या ठेकेच्या निविदा मागवण्यात आल्या होत्या. मोमीन एन्टरप्रायजेसकडून परवेज शेख यांनी याबाबत उच्च न्यायालयात पिटिशन दाखल करत पाचगणी नगरपालिकेकडून राबवण्यात आलेल्या प्रवासी कर व प्रदुषण कर ठेक्याबाबत उच्च न्यायलयात दाद मागितली आहे. पाचगणी नगरपालिकेकडून प्रवासी कर व प्रदुषण कर ठेका मॅक्स लिंक या कपंनीला ७ कोटी २४ लाख रुपायला देण्यात आला असल्याची माहिती समोर आली आहे. (Panchgani)
याचिकाकर्ते परवेझ शेख यांनी दाखल केलेल्या याचिकेत पाचगणी नगरपालिकेचे आर्थिक नुकसान करुन निविदा प्रक्रिया पुर्ण करण्यात आली असुन या निविदेत नियबाह्यतेसह, ठराविक कंपनीला झुकते माप देत निविदा देण्यात आल्याचा आरोप करण्यात आला आहे. दरम्यान पाचगणी नगरपालिकेचा प्रवासी कर व प्रदुषण कर ठेका ७ कोटी 39 लाख रुपायाला भरुन देखील यापेक्षा कमी भरलेल्या ठेकेदाराला कसा जातो. याचाही प्रश्न याचिकाकर्ते परवेझ शेख यांनी आपल्या याचिकेत उपस्थित केला आहे .
पाचगणी नगरपालिकेचा प्रवासीकर व प्रदुषण कर ठेक्याच्या निविदेवरुन पाचगणी शहरात चांगलेच वातावरण ढवळून निघाले आहे. उच्च न्यायलयाकडून याबाबत अंतिम काय निर्णय होणार याकडे सर्वाचे लक्ष लागून राहिले आहे.
प्रवासी कर व प्रदुषण कराच्या ठेकेच्या निवेदेवरुन पाचगणी गिरीस्थान नगरपालिकेच्या प्रशासका विरोधात दोन वेळा उच्चन्यायालयात याचिका दाखल होण्याची ही पहिलीच वेळ आहे. उच्च न्यायालयाने ठेक्याच्या निवेदनाबाबत सुचना करुन देखील प्रशासक तथा मुख्याधिकारी पाचगणी नगरपरीषद यांच्या विरोधात पुन्हा एकदा उच्चन्यायलयात याचिका दाखल झाल्यामुळे पाचगणी नगरपालिकेच्या प्रशासकाच्या कारभाराबाबत शंकेची पाल चुकचुकत आहे.
हेही वाचा :
- कोल्हापूर शासकीय वैद्यकीय महाविद्यालयांच्या १०२ जागांसाठी भरती
- बिश्नोई टोळीचा अनेक गुन्ह्यात सहभाग
- झारखंडमध्ये भाजप ६८ जागा लढवणार