मुंबई : सहायक पोलिस निरीक्षक अश्विनी बिद्रे-गोरे खून प्रकरणात बडतर्फ पोलिस निरीक्षक अभय कुरुंदकर आणि त्याच्या साथीदारांना शुक्रवारी (११ एप्रिल)ला शिक्षा सुनावण्यात येणारी होती. मात्र आता ती २१ एप्रिलला सुनावण्यात येईल, असे पनवेल येथील सत्र न्यायालयात झालेल्या अंतिम युक्तिवादानंतर स्पष्ट करण्यात आले. कुरूंदकरला शनिवारी (५ एप्रिल) दोषी ठरवले होते. शिक्षा ११ एप्रिलला सुनावण्यात येईल, असे स्पष्ट केले होते. त्यामुळे निकालाबाबत उत्सुकता होती. (Ashwini Bidre case)
दरम्यान, याच प्रकरणातील आरोपी राजू पाटील यांची पुराव्याअभावी निर्दोष मुक्तता करण्यात आली आहे. न्यायालय कुरूंदकरला काय शिक्षा सुनावणार याकडे लक्ष लागले होते. शुक्रवारी (११ एप्रिल) दोन्ही बाजूचा अंतिम युक्तिवाद झाला. (Ashwini Bidre case)
बिद्रे यांच्या मृतदेहाची विल्हेवाट लावण्यात महेश फळणीकर आणि कुंदन भंडारी या दोघांचा सहभाग असल्याचेही कोर्टात सिद्ध झाले आहे. अभय कुरूंदकरसह या तिघांनाही आता २१ एप्रिल रोजी शिक्षा सुनावण्यात येईल.
प्रकरण काय?
अश्विनी बिद्रे-गोरे या सहायक पोलिस निरीक्षकपदावर कार्यरत हात्या. त्यांचे मूळ गाव गाव आळते, ता. हातकणंगले. त्यांचा ११ एप्रिल २०१६ रोजी खून झाला. या दिवशी नवी मुंबई येथे कार्यरत असलेल्या अश्विनी बिद्रे ड्युटीसाठी घराबाहेर पडल्या. त्यानंतर त्या घरी आल्याच नाहीत. चौकशी करण्यात आली तेव्हा त्या अभय कुरूंदकरला शेवटच्या भेटल्याचे सिद्ध झाले. त्यानंतर त्या बेपत्ता झाल्या होत्या. मुख्य संशयित आणि बडतर्फ वरिष्ठ पोलिस निरीक्षक अभय कुरुंदकरने त्याच्या मीरा रोड येथील घरी अश्विनी बिद्रे-गोरे यांचा अमानुष खून केला. तसेच सहकाऱ्यांच्या मदतीने मृतदेहाचे तुकडे केले. ते वसईच्या खाडीत फेकून दिल्याचा आरोप होता. चौकशीतही ते सिद्ध झाले. (Ashwini Bidre case)
या प्रकरणाचा पाठपुरावा गोरे यांचे पती राजू यांनी अत्यंत चिकाटीने केला होता. त्यांच्या पाठपुराव्याला यश आले. या खून प्रकरणामुळे महाराष्ट्रात खळबळ उडाली होती.
आणि कुरुंदकरला केली अटक
या खून प्रकरणात दोषी ठरवलेला अभय कुरूंदकर त्यावेळी ठाणे जिल्ह्यात वरिष्ठ पोलिस निरीक्षकपदावर होता. त्याला ७ डिसेंबर २०१७ रोजी अटक करण्यात आली. त्याचा साथीदार राजेश पाटील याला १० डिसेंबर २०१७ रोजी अटक केली होती. त्यांच्या चौकशीनंतर कुंदन भंडारी आणि महेश फळणीकर या दोघांचाही यात सहभागी असल्याचे स्पष्ट झाले होते.
हेही वाचा :
तीन विवाह करणारा पीएसआय निलंबित
पेट्रोल चोराकडून १४ घरफोड्या उघडकीस