नवी दिल्ली : पंतप्रधान नरेंद्र मोदी यांनी तियानजीनमधील एससीओ शिखर परिषदेला संबोधन करताना दहशतवादाविरुद्ध एकत्रित जागतिक आघाडीचे आवाहन केले. दहशतवादाबाबत दुहेरी निती स्वीकारली जाणार नाही असा इशाराही त्यांनी दिला. एससीओ शिखर परिषदेला रशियाचे अध्यक्ष व्लादिमीर पुतिन, तुर्कीचे अध्यक्ष रेसेप तय्यिप एर्दोगान, पाकिस्तानचे पंतप्रधान शेहबाज शरीफ आणि इतर नेते उपस्थित होते, ज्यामुळे प्रादेशिक सुरक्षा, कनेक्टिव्हिटी आणि आर्थिक सहकार्यावर चर्चा करण्यासाठी एक प्रमुख व्यासपीठ उपलब्ध झाले. (Tianjin SCO Summit)
पंतप्रधान नरेंद्र मोदी यांनी सोमवारी तियानजिन येथील शांघाय सहकार्य संघटनेच्या (एससीओ) शिखर परिषदेत पूर्ण सत्राला संबोधित केले आणि दहशतवादाविरुद्ध एकत्रित जागतिक लढाईचे आवाहन केले. पंतप्रधान मोदींनी पाकिस्तानचे पंतप्रधान शेहबाज शरीफ यांच्या उपस्थितीत दहशतवादाबाबत आपला संदेश दिला. (Tianjin SCO Summit)
दहशतवाद हा सार्वत्रिक धोका आहे यावर भर देऊन, पंतप्रधान मोदींनी निवडक दृष्टिकोनांविरुद्ध इशारा दिला. “सुरक्षा, शांतता आणि स्थिरता हा कोणत्याही देशाच्या विकासाचा पाया आहे. परंतु दहशतवाद, फुटीरतावाद आणि अतिरेकीवाद ही या मार्गातील मोठी आव्हाने आहेत. दहशतवाद हे केवळ एका देशाच्या सुरक्षेसाठी आव्हान नाही तर संपूर्ण मानवतेसाठी एक सामान्य आव्हान आहे. कोणताही देश, कोणताही समाज, कोणताही नागरिक त्यापासून स्वतःला सुरक्षित मानू शकत नाही. म्हणूनच, भारताने दहशतवादाविरुद्धच्या लढाईत एकतेवर भर दिला आहे. संयुक्त माहिती ऑपरेशनचे नेतृत्व करून भारताने अल कायदा आणि त्याच्याशी संबंधित दहशतवादी संघटनांशी लढण्यासाठी पुढाकार घेतला. आम्ही दहशतवादाच्या वित्तपुरवठ्याविरुद्ध आवाज उठवला. त्यात तुमच्या पाठिंब्याबद्दल मी कृतज्ञता व्यक्त करतो,” असे ते म्हणाले. (Tianjin SCO Summit)
“आपल्याला स्पष्टपणे आणि एकमताने सांगावे लागेल की दहशतवादाबाबत कोणतेही दुहेरी निती स्वीकारली जाणार नाही.” असेही मोदींनी स्पष्ट केले. ते म्हणाले, “गेल्या चार दशकांपासून भारत दहशतवादाचा फटका सहन करत आहे. अलिकडेच, पहलगाममध्ये आपण दहशतवादाची सर्वात वाईट बाजू पाहिली. या दुःखाच्या वेळी आपल्यासोबत उभ्या राहिलेल्या मित्र देशाचे मी आभार मानतो,” ते म्हणाले भारताचा नेहमीच असा विश्वास आहे की मजबूत कनेक्टिव्हिटी केवळ व्यापार वाढवते असे नाही तर विकास आणि विश्वासाचे दरवाजे देखील उघडते. हे लक्षात घेऊन, आम्ही चाबहार बंदर आणि आंतरराष्ट्रीय उत्तर-दक्षिण वाहतूक कॉरिडॉर सारख्या उपक्रमांवर काम करत आहोत. यामुळे आम्हाला अफगाणिस्तान आणि मध्य आशियाशी कनेक्टिव्हिटी सुधारण्यास मदत होईल,” असे ते म्हणाले. (Tianjin SCO Summit)