कोलंबो : टी२० वर्ल्डकप क्रिकेट स्पर्धेत झिंबाब्वेने ऑस्ट्रेलियावर खळबळजनक विजयाची नोंद करत स्पर्धेत सनसनाटी निर्माण केली. झिंबाब्वेने ऑस्ट्रेलियावर २३ धावांनी विजय मिळवला. प्रथम फलंदाजी करताना झिंबाब्वेने १६९ धावा केल्या तर ऑस्ट्रेलियाचा डाव १४६ धावावर आटोपला. (Zimbabwe’s sensational victory over Australia)
झिंबाब्वेचे १६९ धावांचे आव्हान स्वीकारत ऑस्ट्रेलियाचा संघ मैदानात उतरला. मुझाराबानीने जोश इंगलिसला ८ धावांवर बाद केले. कॅमेरिन ग्रीनला इव्हान्सने भोपळाही फोडू दिला नाही. त्यानंतर मुझारानीच्या उसळता चेंडूवर ऑस्ट्रेलियाचा फटकेबाज खेळाडू टीम डेव्हिड शून्यावर बाद झाला. कर्णधार हेडला इव्हान्सने क्लिन बोल्ड केले. ऑस्ट्रेलियाची स्थिती ४ बाद २९ अशी दयनीस झाली होती. त्यानंतर ग्लेन मॅक्सवेल आणि मॅट रेनशॉ यांनी डाव सावरला. दोघांनी पाचव्या गड्यासाठी ५९ चेंडूत ७७ धावांची भागीदारी केली. मॅक्सवेल संघाला सामना जिंकून देणार असताना सामन्यात ट्विस्ट आला. बर्लच्या चेंडूवर मॅक्सवेल बोल्ड झाला. त्याने ३१ धावा केल्या. दुखापतीमुळे मैदान सोडून बाहेर गेलेला मार्कस् स्टायनिस फलंदाजीला मैदानात उतरला. त्याने चौकार ठोकून चांगली सुरुवात केली. पण मासाकाटझ्घने त्याला बाद केले. त्यानंतर ऑस्ट्रेलियाचा डाव सावरु शकला नाही. बन डिवाशियॉसने मारलेला वेगवान फटक्यांचे रुपांतर मुनयोंगाने अफलातून झेल घेतला. (Zimbabwe’s sensational victory over Australia)
ऑस्ट्रेलियाचा डाव ढासळल्याने प्रतिओव्हर १५ धावा काढण्याचे आव्हान होते. रॅनशॉने सुत्रे हाती घेतली. पण फटकेबाजी करण्याचा नादात रायन बर्लने त्याचा झेल टिपला. रेनशॉने ४४ चेंडूत ६५ धावा केल्या. रेनशॉ बाद झाल्यानंतर ऑस्ट्रेलियाच्या आशा मावळल्या. झिंबाब्वे फलंदाजी, गोलंदाजी आणि क्षेत्ररक्षण चांगले करत विजयाची नोंद केली. त्यांच्या ब्लेसिंग मुझाराबीने चार गडी बाद केले. इव्हान्सने तीन बळी मिळवले. (Zimbabwe’s sensational victory over Australia)
तत्पुर्वी प्रथम फलंदाजी करताना झिंबाब्वे१६९ धावा केल्या. बेनेट आणि ताडिवानाशे मारुमानीने ६१ धावांची सलामी दिली. मारुमानीने ३५ धावा केल्या. स्टायनिशने त्याला बाद केले. त्यानंतर खेळाची सुत्रे ब्रायन बेनेट आणि रायन बर्लने घेतली. दोघांनी ५१ चेंडूत ७० धावांची भागिदारी केली. बर्लला ग्रीनने बाद केले. त्याने ३५ धावा केल्या. बेनेटला सिकंदर रझाची साथ मिळाली. या जोडीने २४ चेंडूत ३८ धावा चोपल्या. बेनेटने ५६ चेंडूत ७ चौकारांसह नाबाद ६४ धावांची खेळी केली. (Zimbabwe’s sensational victory over Australia)
