नवी दिल्ली : सौदी अरेबियात बस आणि डिझेल टँकरची धडक होऊन झालेल्या अपघातात ४० हून अधिक भारतीय यात्रेकरुंचा मृत्यू झाल्याची भिती व्यक्त केली जात आहे. मृत्यूमुखी पडलेल्या यात्रेकरुमधून बहुतांशी हैद्राबादमधील असल्याचे माहिती पुढे आली आहे.
अपघात झाला तेव्हा बस मक्काहून मदिनाला जात होती. तेलगंना हज समितीने ४२ यात्रेकरुंनी जीव गमावला असल्याचे अधिकृतरित्या जाहीर केले. या घटनेचे वृत्त कळताच सौदी अरेबियाला गेलेल्या यात्रेकरुंच्या कुटुंबात खळबळ उडाली. हैद्राबादमधील बहुतांशी यात्रेकरू असल्याने तेलंगणा राज्य सरकारकडून यात्रेकरुंची माहिती घेतली जात आहे. तेलंगणाचे मुख्यमंत्री रेवंत रेड्डी म्हणाले की, राज्यातील यात्रेकरूंना झालेल्या अपघाताबद्दल ऐकून त्यांना धक्का बसला आहे, सुरुवातीच्या माहितीनुसार बसमध्ये ४२ लोक होते. त्यांनी मुख्य सचिव आणि पोलिस महासंचालकांना तेलंगणातील प्रवाशांच्या संख्येसह संपूर्ण माहिती त्वरित गोळा करण्याचे आदेश दिले. (Saudi Arabia 40 killed in accident)
प्रवासी झोपेत असताना अपघात
बस मक्काहून मदीनाला जात असताना भारतीय प्रमाणवेळेनुसार मध्यरात्री दीड वाजता हा अपघात झाला. यात्रेकरूंनी मक्कामध्ये त्यांचे धार्मिक विधी पूर्ण केले होते आणि ते मदीनाला जात असताना ही दुर्घटना घडली. त्यावेळी बहुतेक प्रवासी झोपेत होते. प्राथमिक माहितीनुसार, मृतांमध्ये हैदराबादमधील २० महिला आणि ११ मुले आहेत. (Saudi Arabia 40 killed in accident)
हैद्राबाद, तेलंगणातील प्रवासी होते बसमध्ये
स्थानिक रहिवासी बचाव पथकांना मदत करण्यासाठी घटनास्थळी धावले. सौदी अधिकाऱ्यांनी अद्याप अधिकृत मृतांची संख्या जाहीर केलेली नाही, परंतु प्रत्यक्षदर्शींनी सांगितले की, ४० हून अधिक लोक जागीच मरण पावले. बस हैदराबाद आणि तेलंगणाच्या इतर भागातील यात्रेकरूंना घेऊन जात होती असे मानले जात आहे. (Saudi Arabia 40 killed in accident)
हेल्पलाईन सुरू
तेलंगणा सरकारने एक नियंत्रण कक्ष स्थापन केला आहे. परिस्थिती उद्भवत असताना अधिकाऱ्यांना परराष्ट्र मंत्रालय आणि सौदी अधिकाऱ्यांशी सतत संपर्कात राहण्याचे निर्देश देण्यात आले आहेत. जेद्दाहमधील भारतीय दूतावासाने २४x७ हेल्पलाइन सुरू केली. हेल्पलाइन क्रमांक (टोल फ्री): ८००२४४०००३ देण्यात आला आहे.
खासदार ओवैसीकडून दु;ख व्यक्त
हैदराबादचे खासदार असदुद्दीन ओवैसी यांनी या घटनेबद्दल दुःख व्यक्त केले. त्यांनी एएनआयला सांगितले की त्यांनी हैदराबादमधील दोन ट्रॅव्हल एजन्सींशी संपर्क साधला आहे आणि रियाधमधील भारतीय दूतावासाला प्रवाशांची यादी शेअर केली आहे. त्यांनी मिशनचे उपप्रमुख अबू माथेन जॉर्ज यांच्याशीही बोलले, ज्यांनी त्यांना सांगितले की स्थानिक अधिकारी तपशील गोळा करत आहेत आणि लवकरच त्यांना अपडेट करतील.
परराष्ट्रमंत्री जयशंकर यांना बसला धक्का
दरम्यान, परराष्ट्र मंत्री जयशंकर यांनी एक्स वरील एका पोस्टमध्ये म्हटले आहे की, “सौदी अरेबियातील मदिना येथे झालेल्या भारतीय नागरिकांच्या अपघाताबद्दल मला खूप धक्का बसला आहे. रियाधमधील आमचे दूतावास आणि जेद्दाहमधील वाणिज्य दूतावास या अपघातात बाधित झालेल्या भारतीय नागरिकांना आणि त्यांच्या कुटुंबियांना पूर्ण पाठिंबा देत आहेत. शोकाकुल कुटुंबियांना मनापासून संवेदना. जखमींच्या लवकर पुनर्प्राप्तीसाठी प्रार्थना करतो.”