Tag:

sambhal violence

Sambhal : संभलचा सर्वेक्षण अहवाल न्यायालयात

by प्रतिनिधी January 2, 2025

written by प्रतिनिधी

संभल : संभलच्या वादग्रस्त शाही जामा मशिदीसंबंधीचा सर्वेक्षण अहवाल गुरुवारी उत्तर प्रदेश न्यायालयामध्ये सुपूर्द करण्यात आला. न्यायाधीश आदित्य सिंह यांच्या न्यायालयामध्ये अडव्होकेट कमिश्नर रमेशसिंह राघव यांनी हा अहवाल जमा केला. (Sambhal )

संभलमधील जामा मशिदीच्या जागेवर हरिहर मंदिर असल्याचा दावा आहे. या संदर्भात १९ ते २४ नोव्हेंबरदरम्यान सर्वेक्षण करण्यात आले होते. हा अहवाल सर्वोच्च न्यायालयाचे आदेश येईपर्यंत सार्वजनिक करण्यात येणार नसल्याचे न्यायालयातर्फे सांगण्यात आले. जामा मशिदीसंबंधीचा वाद सर्वोच्च न्यायालयप्रविष्ट असल्यामुळे हा अहवाल बंद पाकिटातून सुपूर्द करण्याचे आदेश होते. हा अहवाल ४० ते ४५ पानांचा असून त्यासोबत १२०० छायाचित्रे व व्हिडिओही जमा करण्यात आला. (Sambhal )

हा अहवाल ९ डिसेंबरला न्यायालयापुढे सादर होणे अपेक्षित होते. तथापि, रमेश राघव यांनी प्रकृतीअस्वास्थ्यामुळे न्यायालयाकडून अधिक वेळ मागून घेतला होता. त्यानुसार, न्यायालयाने १५ दिवसांचा अतिरिक्त कालावधी मंजूर केला होता. मात्र, २४ डिसेंबरलाही हा अहवाल सादर होऊ शकला नाही. अखेर, नव्या वर्षामध्ये हा अहवाल न्यायालयात जमा करण्यात आला. या सर्वेक्षणादरम्यान संभलमध्ये काही परिसरात हिंसाचार भडकला होता. याप्रकरणी आतापर्यंत ४० हून अधिक लोकांना अटक करण्यात आली आहे.

हेही वाचा :

January 2, 2025 0 comments

देश-विदेश

Sambhal : संभलमध्ये ‘मृत्यू कूप’चे पुनरुत्थान सुरू

by प्रतिनिधी December 26, 2024

written by प्रतिनिधी

बरेली : संभलचे जिल्हा प्रशासन आणि नगरपालिका यांनी शहरातील १९ प्राचीन विहिरींसह ६८ तीर्थक्षेत्रांचे पुनरुज्जीवन करण्याच्या कामास सुरुवात केली आहे. यामध्ये ‘मृत्यू कूप’ म्हणून ओळखल्या जाणाऱ्या विहिरीच्या पुनरुत्थानाचाही समावेश आहे. (Sambhal)

‘मृत्यू कूप’ विहिरीभोवती बऱ्याच प्रमाणात अतिक्रमण झाले होते. हे अतिक्रमण हटवून विहिरीच्या उत्खननास गुरुवारी सुरुवात करण्यात आली. मुघलकालीन जामा मशिदीपासून अवघ्या २५० मीटर अंतरावर हे उत्खनन सुरू आहे. संभल तीर्थक्षेत्राच्या प्रदक्षिणेविषयीच्या पुस्तकामध्ये या मृत्यू कूपाचे वर्णन आहे. पद्मश्री सन्मानप्राप्त लेखक डॉ. रमाकांत शुक्ला यांनी १९८५ मध्ये हे पुस्तक लिहिले आहे. संभल नगरपालिकेमधील दक्षिणेकडील वॉर्ड क्र. १४ मध्ये कोट पूर्वी भागात हे ठिकाण आहे. गुरुवारी नगरपालिकेचे कर्मचारी आणि भाजपचे नगरसेवक गगन वर्षनी हे उत्खननस्थळी पोहोचले. संभलमहात्म्य या पुरातन ग्रंथामध्येही या विहिरीचा उल्लेख आहे.

मृत्यू कूप ही हजारो पापे नष्ट करू शकते. या विहिरीमध्ये स्नान केल्यामुळे भगवान शिव आनंदित होतात, असा प्राचीन ग्रंथात उल्लेख आहे. मृत्यू कूपच्या उत्तरेस विमलकूप ही विहीर असून दक्षिणेस १५० यार्ड अंतरावर यमगिनी कूप ही विहीर आहे. “जिल्हा प्रशासन आणि उत्तर प्रदेश सरकार हे सत् युगातील प्राचीन वारसा पुनरुज्जीवित करत आहेत. यामध्ये ६८ तीर्थक्षेत्रांचे पुनरुत्थान करण्यात येईल. माझ्या वॉर्डातील काही विहिरी यासाठी निश्चित करण्यात आल्या असून त्यावर काम सुरू झाले आहे,” असे वर्षनी यांनी सांगितले. (Sambhal)

हेही वाचा :

December 26, 2024 0 comments

देश-विदेश

राहुल गांधींना गाझीपुरात रोखले

by प्रतिनिधी December 4, 2024

written by प्रतिनिधी

महाराष्ट्र दिनमान ऑनलाईन डेस्क : उत्तर प्रदेश पोलिसांनी लोकसभेचे विरोधी पक्षनेते राहुल गांधी यांना गाझीपूर सीमेवरच रोखले. गांधी हे बुधवारी हिंसाचारग्रस्त संभलला भेट देण्यासाठी निघाले होते. मात्र पोलिसांनी त्यांचा ताफा गाझीपूर सीमेवरच रोखला. पोलिसांनी या मार्गावर ठिकठिकाणी बॅरिकेड्स लावली आहेत. त्यामुळे वाहतुकीचा बोजवारा उडाला आहे. (Rahul Gandhi)

दरम्यान, हिंसाचारग्रस्त भागातील पीडितांना भेटण्याचा मला घटनात्मक अधिकार आहे. मात्र तो नाकारला जात आहे, असा आरोप राहुल गांधी यांनी केला. राहुल गांधी म्हणाले की, सुरक्षेचा ताफा सोडून माझी एकट्याने संभलला जाण्याची तयारी आहे. याआधी मी संभलला जाणार होतो. मात्र त्यावेळी पोलीस अधिकाऱ्यांनी तेथील परिस्थितीचे कारण देत काही दिवसांनी येण्यास सांगितले होते. त्यानुसार आम्ही आज निघालो होतो. मात्र आता पुन्हा आम्हाला रोखण्यात आले आहे. पीडितांना भेटून त्यांची विचारपूस करणे ही माझी जबाबदारी आहे. माझा तो संवैधानिक अधिकार आहे. मात्र तो नाकारला जात आहे, असा आरोप त्यांनी केला. (Rahul Gandhi)

काँग्रेस खासदार प्रियांका गांधी वद्रा यांनी यांनी विरोधी पक्षनेते म्हणून राहुल गांधींना हिंसाचार पीडितांना भेटण्याचा अधिकार असल्याचे सांगितले.

त्या म्हणाल्या, ‘संभलमध्ये जे काही घडले ते चुकीचे आहे. राहुल गांधी हे विरोधी पक्षनेते आहेत. त्यांना घटनात्मक अधिकार आहेत. त्यांना तिकडे जाण्यापासून अशा प्रकारे रोखता येणार नाही. संभलमधील पीडितांना भेटण्याची परवानगी मिळण्याचा घटनात्मक त्यांना अधिकार आहे. उत्तर प्रदेश पोलिसांसोबत एकट्याने जाण्याची त्यांची तयारी आहे. पण उत्तर प्रदेशची परिस्थिती त्यांना हाताळता येत नाही. त्यामुळे कदाचित त्यांना तिथे जाऊ देण्यात येत नाही.’

काँग्रेसकडून हिंसाचाराचे राजकारण : उपमुख्यमंत्री पाठक (Rahul Gandhi)

दरम्यान, उत्तर प्रदेशचे उपमुख्यमंत्री ब्रजेश पाठक यांनी, काँग्रेस नेते संभल हिंसाचाराचे राजकारण करण्याचा प्रयत्न करीत आहेत. राजकारण्यांनी राज्यातील कायदा आणि सुव्यवस्था बिघडू नये, असे आवाहन त्यांनी केले.

ते म्हणाले, संभल प्रकरणाचे राजकारण करण्याचा ते प्रयत्न करत आहेत. कृपया कायदा आणि सुव्यवस्था बिघडवू नका. तुमच्या भेटीमुळे तिथले वातावरण बिघडत आहे. घटनास्थळावरून पाकिस्तानातून आलेले काडतूस जप्त करण्यात आले आहे. या प्रकरणाचा तपास सुरू आहे. यात कुणीही सहभागी असो त्यांची गय केली जाणार नाही. संभलमधील परिस्थिती बिघडणार नाही याची काळजी सर्वांनी घेतली पाहिजे.’

नेता विपक्ष श्री @RahulGandhi को संभल जाने से रोक दिया गया।

नेता विपक्ष होने के नाते यह उनका कर्तव्य और अधिकार था। सरकार की ये हरकत साफ तौर पर संविधान के खिलाफ है।

आखिर..

• BJP क्यों डरी हुई है?
• सच्चाई और भाईचारे के संदेश को क्यों दबा रही है?

pic.twitter.com/H4uyy1IfYN

— Congress (@INCIndia) December 4, 2024

हेही वाचा :

December 4, 2024 0 comments

देश-विदेश

संभल दंगलीची चौकशी सुरू; तीन सदस्यीय पथकाची घटनास्थळी भेट

by प्रतिनिधी December 1, 2024

written by प्रतिनिधी

लखनौ : उत्तर प्रदेशमधील संभल येथील शाही जामा मस्जिद येथे सर्वेक्षणादरम्यान २४ नोव्हेंबरला हिंसाचार झाला होता. या प्रकरणाची चौकशी करण्यासाठी सरकारने स्थापन केलेल्या न्यायिक आयोगाचे तीन सदस्यीय पथक आज (दि.१) संभल येथे पोहोचले. प्रशासनाने मशिदीबाहेर कडक सुरक्षा व्यवस्था केली असून न्यायिक आयोगाचे पथक संभल हिंसाचाराची चार मुद्यांवर चौकशी करणार आहे.

षड्यंत्राचा भाग म्हणून हिंसाचाराची योजना होती का, पोलिसांची सुरक्षा व्यवस्था योग्य होती का, हिंसाचाराचे कारण काय होते, भविष्यात अशा घटना घडू नयेत यासाठी काय उपाययोजना करता येतील. या चार मुद्द्यांवर न्यायिक आयोग चौकशी करणार आहे. संभल हिंसाचाराच्या चौकशीसाठी स्थापन करण्यात आलेल्या तीन सदस्यीय न्यायालयीन चौकशी समितीवर मुरादाबाद विभागाचे आयुक्त अंजनेय कुमार सिंह म्हणाले की, “चौकशी समिती आपले काम करेल, काय करायचे ते ठरवेल, आम्हाला फक्त त्यांना मदत करायची आहे. आम्ही तपास समितीप्रमाणे व्यवस्था करू.

संभल हिंसाचाराच्या चौकशीसाठी सरकारने उच्च न्यायालयाच्या निवृत्त न्यायमूर्तींच्या अध्यक्षतेखाली तीन सदस्यीय न्यायिक चौकशी आयोगाची स्थापना केली आहे. निवृत्त न्यायाधीश देवेंद्र अरोरा यांना आयोगाचे अध्यक्ष बनवण्यात आले असून, निवृत्त आयपीएस अधिकारी आणि माजी डीजीपी ए.के. जैन आणि निवृत्त आयएएस अधिकारी अमित मोहन प्रसाद यांचा सदस्य म्हणून समावेश करण्यात आला आहे.

विशेष म्हणजे जामा मशिदीच्या पूर्वेला हरिहर मंदिर असल्याच्या दाव्याशी संबंधित प्रकरणावर न्यायालयाने सर्वेक्षणाच्या सूचना दिल्या होत्या. कोर्ट कमिशनरच्या टीमने १९ नोव्हेंबरला पहिल्यांदा आणि २४ नोव्हेंबरला दुसऱ्यांदा जामा मशिदीची पाहणी केली होती. २४ नोव्हेंबर रोजी सर्वेक्षणादरम्यान हिंसाचार झाला. त्यात चार जणांना आपला जीव गमवावा लागला होता. तर, अनेक पोलिस अधिकारी जखमी झाले होते.

सर्वोच्च न्यायालयाते आदेश

२९ नोव्हेंबर रोजी सर्वोच्च न्यायालयाने संभल ट्रायल कोर्टाला शाही जामा मशिदीच्या विरुद्धच्या खटल्यात पुढे जाऊ नये असे सांगितले आहे. जोपर्यंत मस्जिद समितीने सर्वेक्षण आदेशाविरोधात दाखल केलेली याचिका अलाहाबाद उच्च न्यायालयात सूचीबद्ध होत नाही, तोपर्यंत काहीही न करण्याचे आदेश देण्यात आले आहेत.

December 1, 2024 0 comments