इस्लामाबाद : वृत्तसंस्था : पाकिस्तानातील इम्रान समर्थकांनी इस्लामाबादकडे मोर्चा वळवला आहे. पाकिस्तानातील परिस्थिती सतत बिघडत चालली आहे. ‘पीटीआय’ने शाहबाज सरकारविरोधात मोठे आंदोलन सुरू केले आहे. माजी पंतप्रधान इम्रान खान यांच्या सुटकेची मागणी करत शेकडो समर्थक इस्लामाबादमध्ये दाखल झाले आहेत. इम्रान समर्थकांच्या जमावाने पाक रेंजर्सच्या वाहनांना चिरडले आहे. या घटनेत ४ रेंजर्सच्या मृत्यूनंतर परिस्थिती तणावपूर्ण आहे. दरम्यान, दिसताक्षणी गोळ्या घालण्याचे आदेश देण्यात आले आहेत.
इम्रानची पत्नी बुशरा बीबी या आंदोलनाचे नेतृत्व करत आहेत. आंदोलनकर्त्यांना रोखण्यासाठी लष्कर तैनात करण्यात आले आहे. खैबर पख्तूनख्वा आणि बलुचिस्तानमधूनही हजारो लोक इस्लामाबादला पोहोचत आहेत. दिसता क्षणी गोळ्या घालण्याचे आदेश देण्यात आले आहेत. इम्रान खानच्या अटकेदरम्यान पाकिस्तानातील परिस्थिती तशीच आहे. इम्रान खानची सुटका न केल्यास इस्लामाबादला ओलीस ठेवले जाईल, अशी धमकी इम्रान समर्थकांनी शाहबाज सरकारला दिली आहे. अशांतता आणि दहशतवाद्यांशी कडक कारवाई करण्याचे कडक आदेश जारी करण्यात आले आहेत.
इम्रान समर्थकांनी संसदेवर मोर्चा आणि धरणे आंदोलनाची घोषणा केली आहे. आंदोलकांना रोखण्यासाठी राष्ट्रीय महामार्गावर बॅरिकेड्स लावण्यात आली होती; मात्र इम्रानच्या समर्थकांनी बॅरिकेड्स हटवले. इम्रान समर्थकांना रोखण्यासाठी संवेदनशील भागात गस्त वाढवण्यात आली आहे. खैबर-पख्तूनख्वा येथून हा ताफा इस्लामाबादमध्ये दाखल झाला आहे. अशा परिस्थितीत आंदोलकांना रोखण्यासाठी कलम १४४ लागू करण्यात आले आहे. संवेदनशील भागात इंटरनेट सेवा बंद करण्यात आल्याचे पाकिस्तानच्या गृहमंत्रालयाने जाहीर केले. अधिकाऱ्यांनी शिपिंग कंटेनर्स ठेवून महामार्ग रोखले होते; परंतु लिफ्टिंग उपकरणे आणि इतर जड मशिन्स असलेल्या आंदोलकांनी ते काढून टाकले आणि पुढे गेले.
दरम्यान, बुशरा बेगम म्हणाल्या, की जोपर्यंत इम्रान खान आमच्याकडे परत येत नाहीत, तोपर्यंत आम्ही हा मोर्चा संपवणार नाही. माझ्या शेवटच्या श्वासापर्यंत मी तुमच्या पाठीशी उभी राहीन. तुम्ही लोकांनी मला साथ दिली पाहिजे. मला पाठिंबा मिळाला नाही तरी मी खंबीरपणे उभी राहीन कारण हा केवळ माझ्या भावाचा प्रश्न नाही, हा या देशाचा आणि नेत्याचा प्रश्न आहे.
चार हजार जणांना अटक
बुशराच्या घोषणेनंतर पोलिस बाईकवर गस्त घालत आहेत. इस्लामाबादमध्ये घुसलेल्यांना अटक करण्याचे आदेश देण्यात आले आहेत. आतापर्यंत ४ हजारांहून अधिक लोकांना अटक करण्यात आली आहे.