गॉल : ऑस्ट्रेलियाने यजमान श्रीलंकेविरुद्धच्या दुसऱ्या कसोटी क्रिकेट सामन्यामध्ये रविवारी चौथ्या दिवशीच ९ विकेटनी विजय निश्चित केला. या विजयासह ऑस्ट्रेलियाने दोन सामन्यांच्या या मालिकेमध्ये २-० असे निर्भेळ यश मिळवले आहे. (Australia Win)
या कसोटीच्या तिसऱ्या दिवसअखेरच श्रीलंकेची अवस्था दुसऱ्या डावात ८ बाद २११ अशी झाली होती. श्रीलंकेकडे केवळ ५४ धावांची आघाडी असल्याने ऑस्ट्रेलियाचा विजय जवळपास निश्चित समजला जात होता. रविवारी श्रीलंकेला या धावसंख्येत केवळ २० धावांची भर घालता आल्याने त्यांचा डाव २३१ धावांत आटोपला. शनिवारी ४८ धावांवर नाबाद असणाऱ्या कुसल मेंडिसला रविवारी केवळ २ धावा करता आल्या. त्याने ५४ चेंडूंमध्ये ५ चौकार व एका षटकारासह ५० धावा केल्या. ऑस्ट्रेलियाकडून मॅथ्यू कुन्हेमन आणि नॅथन लायन यांनी प्रत्येकी ४ विकेट, तर ब्यू वेबस्टरने २ विकेट घेतल्या. याबरोबरच, लायनने श्रीलंकेविरुद्ध सर्वाधिक कसोटी विकेट घेणाऱ्या ऑस्ट्रेलियन गोलंदाजांच्या यादीत अग्रस्थान पटकावले. त्याच्या नावावर आता ६० विकेट असून त्याने ५९ विकेट घेणाऱ्या शेन वॉर्नला मागे टाकले. (Australia Win)
विजयासाठी ७५ धावांचे माफक आव्हान ऑस्ट्रेलियाने १७.४ षटकांमध्ये एका विकेटच्या मोबदल्यात पूर्ण केले. उस्मान ख्वाजा २७, तर मार्नस लॅबुशेन २६ धावांवर नाबाद राहिला. पहिल्या डावात १५६ धावांची खेळी करणारा ऑस्ट्रेलियाचा ॲलेक्स केरी सामनावीर, तर दोन्ही कसोटींत शतक झळकावणारा स्टीव्ह स्मिथ मालिकावीर ठरला. या विश्व अजिंक्यपद कसोटी स्पर्धेतील (वर्ल्ड चॅम्पियनशीप) ही अखेरची मालिका होती. या स्पर्धेमध्ये ऑस्ट्रेलियाने १९ सामन्यांत १३ विजय मिळवले. आता या स्पर्धेची अंतिम लढत ऑस्ट्रेलिया आणि दक्षिण आफ्रिका यांच्यामध्ये जून महिन्यात रंगेल. (Australia Win)
संक्षिप्त धावफलक : श्रीलंका – पहिला डाव २५७ आणि दुसरा डाव ६८.१ षटकांत सर्वबाद २३१ (अँजलो मॅथ्यूज ७६, कुसल मेंडिस ५०, धनंजय डिसिल्वा २३, मॅथ्यू कुन्हेमन ४-६३, नॅथन लायन ४-८४, ब्यू वेबस्टर २-६) पराभूत विरुद्ध ऑस्ट्रेलिया – पहिला डाव ४१४ आणि दुसरा डाव १७.४ षटकांत १ बाद ७५ (उस्मान ख्वाजा नाबाद २७, मार्नस लॅबुशेन नाबाद २६, प्रबथ जयसूर्या १-२०).
Australia’s first series sweep in Asia in almost two decades! #SLvAUS @ARamseyCricket‘s report from Galle: https://t.co/aZL7gxNJ8t pic.twitter.com/ONkkYehVm5
— cricket.com.au (@cricketcomau) February 9, 2025
हेही वाचा :
