Tag:

Kolhapur News

Kolhapur News : दारु पिणाऱ्या ३२१ जणांवर कारवाई

by प्रतिनिधी January 1, 2025

written by प्रतिनिधी

कोल्हापूर; प्रतिनिधी : थर्टी फस्ट आणि नववर्षाचे स्वागत करताना कायदा मोडून करुन जल्लोष करणाऱ्यावर कोल्हापूर पोलिसांनी कारवाई केली. दारु पिऊन वाहन चालवणे, उघड्यावर दारु पिणाऱ्या अशा ३२१ जणांवर कोल्हापूर पोलिसांनी कारवाई केली आहे. तसेच वाहतूकीचे नियम तोडणाऱ्यावर कायद्याचा बडगा उगारत पोलिसांनी १३२८ केसेस केल्या आहेत. (Kolhapur News)

सरत्या वर्षाला निरोप देत नवीन वर्षाचे स्वागत करताना कायदा आणि वाहतुकीच्या नियमांचे उल्लंघन होऊ नये म्हणून कोल्हापूर शहरासह जिल्ह्यात पोलिसांनी चोख बंदोबस्त ठेवला होता. सहा डीवायएसपी, ८० अधिकाऱ्यासह ७०० पोलिस रस्त्यांवर होते. मंगळवारी मध्यरात्री हुल्लडबाजी करणारे वाहनधारक, दारु पिऊन वाहन चालवणे, उघड्यावर दारु पिणाऱ्यांवर पोलिसांनी आपला बडगा दाखवला.

पोलिसांनी चौकाचौकात आणि शहरात येणाऱ्या मार्गावर वाहनधारकांची ब्रेथ अनालायझरने तपासणी केली होती. त्यामध्ये दारु पिऊन वाहन चालवण्याऱ्यावर ड्रंक अन्ड ड्राईव्ह नियमानुसार ३१६ जणांवर केसेस करण्यात आल्या. तसेच उघड्यावर दारु पिणाऱ्या पाच जणांवर कारवाई करुन त्यांच्या केसेस कोर्टात पाठवण्यात आल्या. कारवाई झालेल्या व्यक्तीवर न्यायालयाकडून दंडात्मक अथवा लायसन रद्द करण्याची कारवाई होऊ शकते. जल्लोष करत ट्रिपल सीट वाहन चालवणाऱ्या २३७ वाहनधारकांवर केसेस केल्या आहेत. नंबर प्लेट, वन वे चा नियम मोडणे, विना सिट बेल्ट वाहन चालवणे, लायसन्स, वाहन चालवताना मोबाईलचा वापर करणे, सिग्नल जंप करणाऱ्यांवर कारवाई करुन केसेस करण्यात आल्या. जादा प्रवासी बसवून वाहतूक करणाऱ्या नऊ वाहनांवर कारवाई करण्यात आली. बी.पी. अक्टच्या २० केसेस तर इतर कारवाईखाली ५३८ केसेस करण्यात आल्या. (Kolhapur News)

#कोल्हापूर_पोलीस
३१ डिसेंबर अनुषंगाने कोल्हापूर जिल्हा पोलीस दलाकडून हुल्लडबाज व दारू पिवून वाहन चालविणारे वाहनधारकांवर कारवाई. pic.twitter.com/nsyF10s3R9

— कोल्हापूर पोलीस -KOLHAPUR POLICE (@KOLHAPUR_POLICE) January 1, 2025

हेही वाचा :

January 1, 2025 0 comments

दक्षिण महाराष्ट्र

ज्येष्ठ पत्रकार बी.आर. पाटील यांचे निधन

by प्रतिनिधी December 27, 2024

written by प्रतिनिधी

कोल्हापूर; प्रतिनिधी : शिवाजी पेठ वरुणतीर्थवेश गांधी मैदान येथील ज्येष्ठ पत्रकार बी.आर. पाटील (वय ८०) यांचे निधन झाले. ते जिल्हा परिषदेमध्ये विरोधी पक्ष नेते म्हणून काम पाहिले होते. (Kolhapur)

बी.आर. पाटील यांनी लोकमान्य, पुढारी, सकाळ, सत्यवादी, लोकसत्ता, इंडियन एक्सप्रेस या वृत्तपत्रामध्ये पत्रकार म्हणून काम पाहिले, आकाशवाणी,पीटीआय या वृत्तसंस्थेमध्येही त्यांनी जिल्हा प्रतिनिधी म्हणून काम पाहिले होते. राजकीय आणि सामाजिक क्षेत्रात त्यांनी काम पाहिले. १९९२ मध्ये जिल्हा परिषदेमध्ये मुडशिंगी मतदारसंघातून ते विजयी झाले होते. १९९२ ते १९९७ या काळात ते जिल्हा परिषदेत विरोधी पक्ष नेते म्हणून काम पाहिले होते. त्यांच्या पश्चात पत्नी, दोन मुले, मुलगी, सुना नातवंडे असा परिवार आहे. रक्षा विसर्जन रविवारी २९ रोजी सकाळी साडेनऊ वाजता होणार आहे. (Kolhapur)

हेही वाचा :

December 27, 2024 0 comments

Kolhapur Crime : भूतबाधेची भिती दाखवून वृध्देला लुटणाऱ्या दोन मुलांना अटक

by प्रतिनिधी December 24, 2024

written by प्रतिनिधी

कोल्हापूर; प्रतिनिधी : भूतबाधा झाली आहे असे भिती दाखवून सोन्याचे दागिने लुटणाऱ्या दोन अल्पवयीन मुलांना पोलिसांनी अटक केली आहे. त्यांच्याकडून एक तोळ्याची सोन्याची चेन आणि मोटारसायकल असा पावनेदोन लाखाचा मुद्देमाल जप्त केला. (Kolhapur Crime)

स्थानिक गुन्हे अन्वेषण विभागाच्या अधिकाऱ्यांनी माहिती दिली. एका वृध्द महिलेला गाठून दोघे संशयितांनी तुम्हाला भूतबाधा झाली आहे. तुम्हाला दुष्टाची नजर लागली आहे. आम्ही करणी उतरवून देतो असे सांगून महिलेला घाबरवले. त्यानंतर महिलेला गळातील सोन्याची चेन काढून देण्यास सांगितले. महिलेने गळातील सोन्याची चेन काढून त्या मुलांना दिली. सोन्याची चेन मुठीत धरुन काही मंत्र पुटपुटल्यासारखे करुन जवळ असलेल्या एका दगडाखाली सोन्याची चेन ठेवली. थोड्या वेळाने तुम्ही ती चेन परत घ्या, तुमची भूतबाधा निघाली आहे, असे सांगून हातचलाखी करुन दोघांनी मोटारसायकलवरुन पळ काढला. वृध्द महिलेला दगडाखाली सोन्याची चेन मिळाली नाही. त्यानंतर त्यांच्या नातेवाईकांनी पोलिस ठाणे गाठले. या गुन्ह्याची नोंद शाहूपुरी पोलिस ठाण्यात झाली होती.

फसवणूक, चोरी, घरफोडीचा तपास करत असताना स्थानिक गुन्हे अन्वेषण विभागाला फसवणुकीतील सोन्याची चेन विक्रीसाठी दोघे संशयित तावडे हॉटेललगत शाहू सांस्कृतिक हॉलच्या कंपाउंड परिसरात येणार असल्याची माहिती मिळाली. पोलिसांनी सापळा रचून दोघांना ताब्यात घेतले. त्यांच्याकडे चौकशी केली असता त्यांनी वृध्द महिलेची फसवणूक केल्याच्या गुन्हाची कबुली दिली. या गुन्हाच्या तपास एलसीबीचे पोलिस निरीक्षक रवींद कळमकर, पोलिस उप निरीक्षक जालिंदर जाधव, पोलिस हवालदार विलास किरोळकर, सचिन पाटील, संजय पडवळ, संजय कुंभार, लखन पाटील, सागर माने, महेश पाटील, विजय इंगळे, शुभम संकपाळ, महेश खोत, संदीप बेंद्रे, विशाल चौगले, हंबीरराव अतिग्रे यांनी केला. (Kolhapur Crime)

#कोल्हापूर_पोलीस #उत्कृष्ट_कामगिरी
वृद्ध महिलेस नजरबाधा झाल्याने भासवून फसवणूक करणाऱ्या दोन विधी संघर्षग्रस्त बालकांना ताब्यात घेवून शाहूपुरी पोलीस ठाणेकडील एक फसवणुकीचा गुन्हा उघड. १,६८,९५० /- रु किंमतीचा मुद्देमाल जप्त. स्थानिक गुन्हे अन्वेषण शाखा,कोल्हापूर यांची कारवाई. pic.twitter.com/G9CAqIe56P

— कोल्हापूर पोलीस -KOLHAPUR POLICE (@KOLHAPUR_POLICE) December 24, 2024

हेही वाचा :

December 24, 2024 0 comments

दक्षिण महाराष्ट्र

माजी फुटबॉलपटूची गळफास लावून आत्महत्या

by प्रतिनिधी December 23, 2024

written by प्रतिनिधी

कोल्हापूर; प्रतिनिधी : स्थानिक माजी फुटबॉल खेळाडूंने गळफास लावून आत्महत्या केल्याची घटना घडली. आत्महत्येचे अद्याप कारण कळू शकले नाही. उमेश बबन भगत (वय ३८ रा. पाचगाव योगेश्वरी कॉलनी ) असे खेळाडूचे नाव आहे. सीपीआर पोलिस चौकीत गळफास लावून आत्महत्या अशी नोंद झाली आहे.

माजी फुटबॉल खेळाडू उमेश भगत याने पाचगाव येथील राहत्या घरात दोरीने गळफास घेऊन आत्महत्या केली. सोमवारी सकाळी दहा वाजण्याच्या सुमारास हा प्रकार उघडकीस आला. नातेवाईकांनी त्याचा गळफास सोडवून सीपीआरमध्ये दाखल केले. मात्र, उपचारापूर्वीच त्याचा मृत्यू झाल्याचे डॉक्टरांनी स्पष्ट केले.

पाचगाव येथील उमेश भगत याने जयभवानी स्पोर्टस् क्लब, शिवनेरी स्पोर्टस् फुलेवाडी फुटबॉल क्रीडा मंडळाकडून प्रतिनिधीत्व केले आहे. सध्या तो खेळापासून जवळपास अलिप्त होता. तो शिवाजी विद्यापीठाजवळील एनसीसी ऑफीसमध्ये सल्पाय करणाऱ्या कंपनीत काम करत होता असे कळते. तो पत्नी आणि दोन मुलींसह तो योगेश्वरी कॉलनीतील घरात राहत होता. सोमवारी सकाळी त्याची पत्नी कामानिमित्त बाहेर गेली होती. मुलींना शाळेत सोडून आल्यानंतर भगत याने घरातील छताच्या हुकाला गळफास घेतला. हा प्रकार लक्षात येताच शेजारी आणि नातेवाईकांनी गळफास सोडवून त्याला सीपीआरमध्ये दाखल केले. तत्पूर्वीच त्याचा मृत्यू झाला होता. त्याच्या आत्महत्येची माहिती समजताच मित्र आणि फुटबॉल खेळाडूंनी सीपीआरच्या अपघात विभागासमोर गर्दी केली होती. या घटनेची नोंद करवीर पोलिस ठाण्यात झाली. आत्महत्येचे कारण स्पष्ट झाले नाही. त्याच्या पश्चात पत्नी, दोन मुली आणि वडील असा परिवार आहे.

हेही वाचा :

December 23, 2024 0 comments

दक्षिण महाराष्ट्र

दूधगंगा धरणातील गळती काढण्याचे कामाचा जानेवारी २०२५ मध्ये महुर्त

by प्रतिनिधी December 22, 2024

written by प्रतिनिधी

कोल्हापूर; प्रतिनिधी : दूधगंगा काळम्मावाडी धरणाला लागलेल्या गळती काढण्यास कामास जानेवारी २०२५ मध्ये सुरुवात होणार आहे. जून २०२५ पर्यंत सिंचनासाठी आवश्यक पाणीसाठ्याचे नियोजन करुन गळती काढण्याचे काम होणार असल्याचे पत्रक पाटबंधारे विभागाने काढले आहे. धरणाला लागलेल्या गळतीमुळे धरणाच्या काही परिणाम होणार असून नागरिकांनी भिती बाळगू नये, असे आवाहनही दूधगंगा कालवे विभाग क्रमांकाच्या कार्यकारी अभियंत्यांनी दिले आहे. (Dudhganga Dam)

दूधगंगा धरण हे २५.४० टीएमसी क्षमतेचे असून कोल्हापूर जिल्ह्यातील ४१ हजार हेक्टर क्षेत्र या धरणाच्या पाण्याच्या सिंचनाखाली येते. तसेच आंतरराज्य करारानुसार कर्नाटक राज्यास नदी आणि कालव्याद्वारे चार टीएमसी पाणी सिंचनासाठी सोडले जाते. तसेच कोल्हापूर शहरासाठी थेट पाइपलाइनद्वारे धरणातून पाणी उपसा केले जाते.

धरणातून पाण्याचा साठा ज्यावेळीपासून सुरू झाला तेव्हापासून २००७ पासून धरणातून गळती होत आहे. सुरवातीला सेकंदाला ३६० लिटर इतकी गळती होती पण प्रतिबंधक उपाय केल्यानंतर २०१६ मध्ये ती प्रतिसेकंद १६६ लिटरवर आली. (Dudhganga Dam)

जलसंपदा विभागांतर्गत वरिष्ठ अधिकाऱ्यांनी व केंद्र शासनाच्या सीडब्लू आणि पीआरएस पुणे या संस्थेकडून या विषयी पहाणी करुन याबाबत अभ्यास करण्यात आला आहे. सध्या धरणाची गळती प्रतिसेकंद ३५० असून ही जास्त प्रमाणात असल्याने जलसंपदा विभाग पुणे मुख्य अभियंता यांच्या पाहणीनंतर धरणाच्या स्थैर्यता व सुरक्षिततेकरिता गळती प्रतिबंधक उपाय योजनेचे काम सर्व प्रशासकीय मान्यता सोपस्कार पूर्ण करुन प्रत्यक्ष हाती घ्यावे, अशा सुचना दिल्या आहेत. दरम्यान ही गळती रोखण्याकरिता सर्व आवश्यक चाचण्या, अभ्यास विविध संस्था यांच्याकडून पूर्ण करण्यात आल्या असून त्याप्रमाणे सुचविण्यात आलेल्या सर्व उपाययोजना अंमलात आणण्याकरिता ग्राऊटिंग व इतर बांधकाम करावयाचे ८०.७२ कोटी रुपये इतक्या रक्कमेच्या प्रस्तावास २७ ऑक्टोबर २०२३ अन्वये शासनाने प्रशासकीय मान्यता दिली आहे. आठ ऑक्टोबर २०२४ रोजी गळती प्रतिबंधक उपाय योजनेच्या कामाचे कार्यारंभ आदेश देण्यात आलेले आहेत.

२१ डिसेंबर रोजी धरणातील गळती ही प्रतिसेकंद २७७ लिटर इतकी आहे. तसेच ठेकेदाराकडून मनुष्यबळ व आवश्यक ती यंत्रसामुग्री धरणस्थळी तैनात करण्यात आली आहे. शासनाच्या मार्गदर्शनानुसार या कामाकरिता महामंडळ कार्यालयाकडून १३ डिसेंबर २०२४ अन्वये तज्ञांची समिती गठीत करण्यात आली आहे. सध्या धरणामध्ये ६६७.०१ दलघमी इतका पाणीसाठा असून सिंचनाचे नियोजनसुध्दा असल्यामुळे गळती प्रतिबंधक कामाचे नियोजन करण्याकरीता तज्ञ समितीची क्षेत्रीय पाहणी होणे आवश्यक आहे. २४ डिसेंबर रोजी या समितीची क्षेत्रीय पाहणी होणार आहे. समितीच्या सल्ल्यानुसार सुचनेनुसार गळती प्रतिबंधक उपाय योजनेच्या कामास प्रत्यक्षात जानेवारी २०२५ मध्ये सुरुवात होणार आहे. (Dudhganga Dam)

हेही वाचा :

December 22, 2024 0 comments

दक्षिण महाराष्ट्र

सोशल मीडियावर लाईव्ह करत तरुणाची पंचगंगेत उडी

by प्रतिनिधी December 21, 2024

written by प्रतिनिधी

कोल्हापूर; प्रतिनिधी : सोशल मीडियावर लाईव्ह करत तरुणाने पंचगंगेत उडी मारल्याची घटना शनिवारी (दि.२१) दुपारच्या सुमारास घडली. उडी मारलेल्या युवकाचा शोध महानगरपालिका अग्निशमन दल, त्याचे मित्र आणि नातेवाईक घेतला. अंधार पडल्यानंतर शोध मोहिम थांबवण्यात आली. (Kolhapur)

मित्र आणि नातेवाईकांकडून मिळालेल्या माहितीनुसार हर्षवर्धन विजय सुतार (वय २२ रा. राजोपाध्येनगर, कोल्हापूर) याने दुपारी सोशल मिडियावर मित्रासोबत घरच्या भांडणाला कंटाळून मी जीव देणार आहे असे सांगितले. मित्रांनी त्याला समजावण्याचा प्रयत्न करत असताना त्याने पंचगंगेत उडी मारली. त्याच्या मित्रांनी पंचगंगेवरील पुलावर धाव घेतली. तिथे त्याची बुलेट मोटार सायकल मिळाली. या घटनेची माहिती कळताच पोलिस आणि नातेवाईकांनीही धाव घेतली. अग्निशमन दलाच्या जवानांनी नदी पात्रात त्याचा शोध घेतला. त्याच्या मित्रांनी नदी काठ धुंडाळला पण तो मिळून आला नाही.

हर्षवर्धन सुतार हा मुळचा करवीर तालुक्यातील वरणगे पाडळी असून सध्या तो राजोपाध्येनगर येथील मामांच्याकडे राहतो. त्याच्या आईचे निधन झाले असून वडिल वरणगे पाडळी राहतात. तो नागाळा पार्कातील एका महाविद्यालयात बीबीए च्या पहिल्या वर्षात शिक्षण घेत आहे. त्याचा मित्र परिवारही मोठा आहे. आज दुपारी तो सोशल मिडियावर मित्रासमवेत बोलत असताना त्याने लाईव्ह करत पंचगंगेत उडी मारली. (Kolhapur)

हेही वाचा :

December 21, 2024 0 comments

दक्षिण महाराष्ट्र पोलिस डायरी

एक लाखाहून अधिक किंमतीचे एमडी ड्रग्ज जप्त, दोघांना अटक

by प्रतिनिधी December 21, 2024

written by प्रतिनिधी

कोल्हापूर; प्रतिनिधी : नशेच्या बाजारातील सर्वात महाग असलेले एमडी ड्रग्ज विक्रीसाठी घेऊन आलेल्या दोघांच्या मुसक्या पोलिसांनी आवळल्या. दोन पिशव्यातील २९ ग्रॅम एमडी ड्रग्जची किंमत एक लाख पंधरा हजार रुपये आहे. दोन संशयितापैकी एक गर्भश्रीमंत असल्याची माहिती पोलिसांनी दिली. अथर्व संजय सरवदे (वय २४, रा. रतननगर रोड, विश्रामबाग सांगली) आणि संतोष काशिनाथ पुकळे (वय ३०, रा. कुपवाड रोड, सांगली) अशी दोघांची नावे आहेत. शाहूपुरी पोलिसांनी ही कारवाई केली. (Kolhapur Crime)

पोलिस निरीक्षक संतोष डोके यांना मार्केट यार्ड परिसरात एमडी ड्रग्ज विक्रीसाठी दोन व्यक्ती येणार असल्याची माहिती मिळाली. त्यानंतर पोलिसांनी सापळा रचला. काल गुरुवारी रात्री नऊ वाजण्याच्या सुमारास मार्केट यार्ड परिसरातून दोन व्यक्ती चालत येताना पोलिसांना दिसल्या. एमडी ड्रग्ज विक्री करणारे त्याच व्यक्ती असल्याचे लक्षात आल्यावर पोलिस निरीक्षक डोके यांनी इशारा करताच पोलिसांनी दोघांना झडप घालून पकडले. दोघांची झडती घेतली असता त्यांच्या खिशात तपकिरी, पिवळ्या फिकट रंगाची पावडर मिळून आली. दोघांनी एमडी ड्रग्ज असल्याची कबुली दिली. संशयित अथर्व सरवदे हा सांगलीतील असून तो गर्भश्रीमंत असल्याची माहिती पोलिस तपासात पुढे आली आहे. त्यांच्या वडिलांचा हॉटेल, लॉजिंगचा मोठा व्यवसाय असल्याचे कळते. तरीही ड्रग्ज विक्रीच्या व्यवसायात अथर्व कसा गुंतला, त्याने ड्रग्ज कुणाकडून विक्रीसाठी आणले याचा पोलिस शोध घेत आहेत. (Kolhapur Crime)

पोलिस उप निरीक्षक अभिजीत पवार, सहाय्यक फौजदार संदीप जाधव, बाबा ढाकणे, रवी आंबेकर, सनिराज पाटील, कृष्णात पाटील, मिलिंद बांगर, महेश पाटील, इंद्रजीत भोसले, मंजर लाटकर आणि उत्तम पाटील यांचा कारवाईत सहभाग होता.

हेही वाचा :

December 21, 2024 0 comments

दक्षिण महाराष्ट्र

शौचालयाचे बहाणा करत कैदी पळाला….

by प्रतिनिधी December 20, 2024

written by प्रतिनिधी

कोल्हापूर; प्रतिनिधी : खुल्या कारागृहासाठी गुरे राखण्याचे काम खुनाच्या गुन्ह्यात जन्मठेप झालेल्या कैद्याला मिळाली. गुरे राखत असताना शौचालयाचे कारण सांगून कैदी पळून गेल्याची घटना कळंबा कारागृहाच्या बंधारा शेती आवारात घडली. जुना राजवाडा पोलिस ठाण्यात गुन्ह्याची नोंद झाली आहे. (Kolhapur)

धुळे जिल्हा व सत्र न्यायाधीशांनी वजीर नानसिंग बारेला याला २०१८ मध्ये जन्मठेपेची शिक्षा ठोठावली. १८ जुलै २०२४ पर्यत कैदी बारेला नाशिकच्या मध्यवर्ती कार्यालयात शिक्षा भोगत होता. त्यानंतर त्याची रवानगी कोल्हापूरातील कळंबा मध्यवर्ती कारागृहाकडे करण्यात आली. वजीर बारेला याची खुल्या कारागृहासाठी निवड असल्याने कारागृहाबाहेरील बंधारा शेती विभागात त्याला काम दिले होते.

आज (दि.२०) सकाळी वजीर बारेला गुरे राखत होता. त्याचा सहकारी कैदी विजय नाईकही त्याच्या सोबत होता. पावनेबारा वाजण्यास सुमारास कैदी बारेला त्याचा सहकारी कैदी विजय नाईकला सांगून शौचालयाला गेला. पंधरा मिनिटे होऊनही शौचालयासाठी गेलेला बारेला न आल्याने कैदी विजय नाईकने शोध घेतला. त्यानंतर कैदी नाईकने याने बंदोबस्तावर असलेला शिपाई धीरज बळीराम शिंदे याला कैदी वजीर बारेला मिळत नसल्याचे सांगितले. त्यानंतर शिपायांनी शोध घेत असताना वजीर बारेला मिळून आला नाही. याबाबत कळंबा कारागृह प्रशासनाने जुना राजवाडा पोलिस ठाण्यात फिर्याद दिली आहे. (Kolhapur)

हेही वाचा :

December 20, 2024 0 comments

दक्षिण महाराष्ट्र पोलिस डायरी

Kolhapur Crime : गीता, धनश्रीचे ‘ऑपरेशन गर्भलिंग निदान’

by प्रतिनिधी December 20, 2024

written by प्रतिनिधी

कोल्हापूर; प्रतिनिधी : गीता आणि धनश्री रुग्ण म्हणून फुलेवाडीतील क्लिनिकमध्ये गेल्या. गर्भपात करण्यासाठी ३५ हजार रुपये खर्च येणार असल्याचे डॉक्टरांनी सांगितले. ३५ हजार रुपये दिल्यानंतर डॉक्टरने एक गोळी दिली. त्यानंतर एका व्यक्तीला फोन करा म्हणून डॉक्टरांनी सांगितले. संबंधित व्यक्तीने जोतिबा डोंगरावर असल्याचे सांगितले. दोघी तिथे गेल्या पण ती व्यक्ती मिळाली नाही. पोलिसांनी मोबाईल लोकेशन तपासल्यावर संबंधित व्यक्ती बुधवार पेठेतील लॅबमध्ये होती. लॅबमध्ये आणखी तीन पेशंट होते. तिथे त्यांना सोनोग्राफीचे मशिन सापडले. गीता आणि धनश्री, पीसीपीएनडीटी पथकातील डॉक्टर. पोलिसांनी बोगस डॉक्टरसह तिघांना पकडले आणि ‘ऑपरेशन गर्भलिंग निदान रॅकेट’ यशस्वी झाले. तिघांविरोधात जुना राजवाडा पोलिस ठाण्यात गुन्हा नोंद झाला. न्यायालयाने त्यांना चार दिवस पोलिस कोठडीत ठेवण्याचा आदेश दिला. (Kolhapur Crime)

डॉ. डी. बी. पाटील (रा. राजलक्ष्मीनगर, कोल्हापूर, मूळ गाव घाणवडे, ता. करवीर, जि. कोल्हापूर) तंत्रज्ञ बजरंग श्रीपती जांभिलकर (रा. महाडिकवाडी. ता. पन्हाळा जि. कोल्हापूर), गजेंद्र उर्फ सनी बापूसाहेब कुसाळे (रा. सिरसे, ता. राधानगरी, जि. कोल्हापूर) अशी या तिघांची नावे आहेत.

बनावट ग्राहक बनून केला पर्दापाश

फुलेवाडी परिसरातील प्रतीक्षा क्लिनिक आणि वाडी रत्नागिरी जोतिबा डोंगर येथे अवैधरित्या गर्भपात आणि गर्भलिंग निदान होत असल्याची माहिती पीसीपीएनडीटी समितीला मिळाली होती. त्यानुसार समिती सदस्या आणि सामाजिक कार्यकर्त्या गीता हासूरकर आणि पोलिस अधीक्षक कार्यालयातील कॉन्स्टेबल धनश्री पाटील यांनी सापळा रचला. धनश्री पाटील या बनावट ग्राहक आणि त्यांची मैत्रीण म्हणून गीता हासूकर यांना मोहिमेवर पाठवले. बुधवारी (दि.१८) रात्री धनश्री पाटील यांनी प्रतीक्षा क्लिनिकचे डॉ. डी.बी. पाटीलला पुण्याहून बोलत असल्याचे सांगितले. त्यांनी गर्भपात करण्यासंबंधी डॉक्टरांना विचारले. त्यांनी गर्भपात करण्याची तयारी दर्शवली. त्यासाठी ३५ हजार रुपये खर्च येईल असे सांगितले. गुरुवारी (दि. १९) रंकाळा तलाव परिसरात येण्यास सांगितले. ठरल्यावेळी धनश्री आणि गीता या दोघीही रंकाळा परिसरात गेल्या. तिथे डॉ. पाटीलला दोघींनी रोख ३५ हजार रुपये दिले. त्यानंतर डॉक्टरने एक गोळी दिली. आणखी १५ हजार रुपये घेऊन फुलेवाडीतील क्लिनिकमध्ये त्यांना यायला सांगितले. (Kolhapur Crime)

मोबाइल लोकेशनवरून काढला माग

सायंकाळी पाच वाजता धनश्री आणि गीता फुलेवाडीतील डॉ. पाटीलच्या क्लिनिकमध्ये गेल्या. पण तिथे डॉक्टर नव्हते. मोबाईलवर कॉल केला असता त्यांनी बजरंग जांभिलकरला भेटण्यास सांगितले. पण त्याचीही भेट झाली नाही. त्याच्या मोबाईलवर कॉल केला असता त्याने जोतिबा डोंगरावर असल्याचे सांगितले. दोघी जोतिबा डोंगरावर गेल्या. पण जांभिलकरची भेट झाली नाही. तो मोबाईल कॉलही रिसिव्ह करत नव्हता. पोलिसांनी मोबाईल लोकेशन शोधून काढले असता जांभिलकर बुधवार पेठेतील एका लॅबमध्ये असल्याचे लक्षात आले. दोघी धन्वंतरी लॅबमध्ये पथक असता दोन ते तीन रुग्ण वेटिंगवर होते. त्या ठिकाणी सनी कुसाळे हा तरुणही होता. पीसीपीएनडीटी पथकाने लॅबची तपासणी केली. त्यावेळी जांभिलकरच्या सॅकमध्ये सोनोग्राफी मशिन सापडले. तसेच औषधे आणि इंजेक्शनही मिळाली. सायंकाळी डॉक्टरच्या कारची तपासणी केली असता त्यातही औषधे सापडली. (Kolhapur Crime)

पीसीपीएनडीटी पथकात डॉ. प्रकाश पावरा, डॉ. सुदर्शन पाटील, गीता हासूरकर, कॉन्स्टेबल धनश्री पाटील, कायदा सल्लागार ॲड. गौरी पाटील यांचा समावेश होता.

पीसीपीएनटीडी पथकाकडून महापालिकेतील वैद्यकीय अधिकारी सुदर्शन पाटील यांनी जुना राजवाडा पोलिस ठाण्यात फिर्याद दिली. त्यानुसार डॉ. डी. बी. पाटील (रा. राजलक्ष्मीनगर, कोल्हापूर, मूळ गाव घाणवडे, ता. करवीर, जि. कोल्हापूर) तंत्रज्ञ बजरंग श्रीपती जांभिलकर (रा. महाडिकवाडी. ता. पन्हाळा जि. कोल्हापूर), गजेंद्र उर्फ सनी बापूसाहेब कुसाळे (रा. सिरसे, ता. राधानगरी, जि. कोल्हापूर) या तिघांना पोलिसांनी अटक केली. शुक्रवारी त्यांना कोर्टापुढे हजर केले असता त्यांना सोमवारपर्यंत पोलिस कोठडीत ठेवण्याचा आदेश दिला. (Kolhapur Crime)

हेही वाचा :

December 20, 2024 0 comments

दक्षिण महाराष्ट्र

फुटबॉल खेळताना युवकाचा मृत्यू

by प्रतिनिधी December 15, 2024

written by प्रतिनिधी

कोल्हापूर : प्रतिनिधी : टर्फवर फुटबॉल खेळत असताना युवकाचा दुर्दवी मृत्यू झाला. महेश धर्मराज कांबळे (वय ३० रा. निर्माण चौक, संभाजीनगरजवळ) असे युवकाचे नाव आहे. आज (दि.१५) सायंकाळी पाच वाजण्याच्या सुमारास ही घटना घडली. (Kolhapur)

महेश कांबळे हे अ‍ॅक्सिस बँकेत फिल्ड एक्झिक्युटिव्ह म्हणून काम करत होते. आज सुट्टी असल्याने दुपारी ते मित्र आणि गल्लीतील लहान मुलांसह कळंबा येथील टर्फवर खेळायला गेले. खेळत असताना त्यांना चक्कर आली आणि ते कोसळले. त्याच्या सहकाऱ्यांनी त्यांना उठवून बसवले. त्यानंतर ते पाणी प्याले. मला काही झालेले नाही. तुम्ही खेळा असे सांगून ते घरी आले. घरी त्यांना पुन्हा चक्कर आली आणि ते बेशुध्द पडले. त्यांना खासगी हॉस्पिटलमध्ये उपचारास दाखल करण्यात आले. त्यानंतर त्यांना सीपीआर हॉस्पिटलमध्ये उपचारास दाखल करण्यात आले. पण उपचारापूर्वीच त्यांचा मृत्यू झाल्याचे डॉक्टरांनी जाहीर केले. सीपीआर पोलिस चौकीत फुटबॉल खेळत असताना मृत्यू अशी नोंद झाली आहे. महेश कांबळे यांना हृदयविकाराचा झटका आला असल्याची चर्चा त्यांच्या मित्रांमध्ये सुरू होती.

हेही वाचा :

December 15, 2024 0 comments

Newer Posts

Older Posts