Kolhapur Crime News

कोल्हापूर;  प्रतिनिधी : भूतबाधा झाली आहे असे भिती दाखवून सोन्याचे दागिने लुटणाऱ्या दोन अल्पवयीन मुलांना पोलिसांनी अटक केली आहे. त्यांच्याकडून एक तोळ्याची सोन्याची चेन आणि मोटारसायकल असा पावनेदोन लाखाचा मुद्देमाल जप्त केला. (Kolhapur Crime)

स्थानिक गुन्हे अन्वेषण विभागाच्या अधिकाऱ्यांनी माहिती दिली. एका वृध्द महिलेला गाठून दोघे संशयितांनी तुम्हाला भूतबाधा झाली आहे. तुम्हाला दुष्टाची नजर लागली आहे. आम्ही करणी उतरवून देतो असे सांगून महिलेला घाबरवले. त्यानंतर महिलेला गळातील सोन्याची चेन काढून देण्यास सांगितले. महिलेने गळातील सोन्याची चेन काढून त्या मुलांना दिली.  सोन्याची चेन मुठीत धरुन काही मंत्र पुटपुटल्यासारखे करुन जवळ असलेल्या एका दगडाखाली सोन्याची चेन ठेवली. थोड्या वेळाने तुम्ही ती चेन परत घ्या, तुमची भूतबाधा निघाली आहे, असे सांगून हातचलाखी करुन दोघांनी मोटारसायकलवरुन पळ काढला. वृध्द महिलेला दगडाखाली सोन्याची चेन मिळाली नाही. त्यानंतर त्यांच्या नातेवाईकांनी पोलिस ठाणे गाठले. या गुन्ह्याची नोंद शाहूपुरी पोलिस ठाण्यात झाली होती.

फसवणूक, चोरी, घरफोडीचा तपास करत असताना स्थानिक गुन्हे अन्वेषण विभागाला  फसवणुकीतील सोन्याची चेन विक्रीसाठी दोघे संशयित तावडे हॉटेललगत शाहू सांस्कृतिक हॉलच्या कंपाउंड परिसरात येणार असल्याची माहिती मिळाली. पोलिसांनी सापळा रचून दोघांना ताब्यात घेतले. त्यांच्याकडे चौकशी केली असता त्यांनी वृध्द महिलेची फसवणूक केल्याच्या  गुन्हाची कबुली दिली. या गुन्हाच्या तपास एलसीबीचे पोलिस निरीक्षक रवींद कळमकर, पोलिस उप निरीक्षक जालिंदर जाधव, पोलिस हवालदार विलास किरोळकर, सचिन पाटील, संजय पडवळ, संजय कुंभार, लखन पाटील, सागर माने, महेश पाटील, विजय इंगळे, शुभम संकपाळ, महेश खोत, संदीप बेंद्रे, विशाल चौगले, हंबीरराव अतिग्रे यांनी केला. (Kolhapur Crime)

#कोल्हापूर_पोलीस #उत्कृष्ट_कामगिरी
वृद्ध महिलेस नजरबाधा झाल्याने भासवून फसवणूक करणाऱ्या दोन विधी संघर्षग्रस्त बालकांना ताब्यात घेवून शाहूपुरी पोलीस ठाणेकडील एक फसवणुकीचा गुन्हा उघड. १,६८,९५० /- रु किंमतीचा मुद्देमाल जप्त. स्थानिक गुन्हे अन्वेषण शाखा,कोल्हापूर यांची कारवाई. pic.twitter.com/G9CAqIe56P

— कोल्हापूर पोलीस -KOLHAPUR POLICE (@KOLHAPUR_POLICE) December 24, 2024

हेही वाचा :

• तिकडे बिशपचा सन्मान करतात, इकडे उद्ध्वस्त करतात
• भरपूर पाणी प्यायली…नि फेफरे येऊन पडली!
• ७५ हजारांची लाच मागणाऱ्या नगर भूमापन अधिकाऱ्याला अटक

कोल्हापूर; प्रतिनिधी : पाच वर्षाच्या मुलीचे अपहरण करुन कर्नाटक हद्दीतून पळून जाणाऱ्या संशयिताला स्थानिक गुन्हे अन्वेषण विभागाच्या पोलिसांनी अटक केली. पोलिसांनी अपहरणकर्ता आणि त्याला मदत करणाऱ्या साथीदारांवर गुन्हा दाखल केला आहे. पोलिसांनी १२ तासात गुन्ह्याचा छडा लावून मुलीची सुटका केली.  (Kolhapur crime)

स्थानिक गुन्हे अन्वेषण विभागाच्या अधिकाऱ्यांनी कारवाईची माहिती दिली. या गुन्ह्यातील संशयित संतोष सुरेश माळी (वय ३३, रा. यादव नगर) याला दारुचे व्यसन असून त्याच्या व्यसनाला कंटाळून एक महिन्यापूर्वी तिची पत्नी निघून गेली. पत्नीची बहिण नकुशा कुमार चव्हाण व तिच्या घरातील लोकांनी आपल्या पत्नीला लपवून ठेवल्याचा आणि पळून जाण्यास मदत केल्याचा संशय संतोषला होता. त्यामुळे तो मेव्हणीच्या घरच्यांवर चिडून होता. मंगळवारी (दि. ३) दुपारी साडेतीन वाजण्याच्या सुमारास संतोष माळी आणि त्याचा सहकारी प्रथमेश शिंगे मोटारसायकलरुन राजारामपुरीतील शाहूनगर येथे आले. त्याने मेव्हणी नकुशा चव्हाण हिच्या ताब्यातील पाच वर्षाच्या मुलीस हिसकावून घेत मोटार सायकलवरुन पळ काढला. त्यानंतर नकुशा चव्हाण यांनी राजारामपुरी पोलीस ठाण्यात मुलीचे अपहरण केल्याची फिर्याद दिली. (Kolhapur crime)

मुलीचे अपहरण केल्यानंतर काही वेळाने संतोष् माळी याने नकुशा चव्हाणला फोन केला. ‘माझ्या पत्नीला समोर आणा नाही, तर तुमच्या मुलीला मारुन टाकणार’ अशी धमकी दिली. या घटनेचे गांभीर्य लक्षात घेऊन पोलिस अधीक्षक महेंद्र पंडीत यांनी स्थानिक गुन्हे अन्वेषण विभागाला मुलीची सुटका करण्याचा आदेश दिला. पोलिस निरीक्षक रवींद्र कळमकर यांनी सहाय्यक पोलिस निरीक्षक चेतन मसुटगे, वैभव पाटील, गजानन गुरव, महेंद्र कोरवी, योगेश देसाई, विशाल खराडे, प्रदीप पाटील यांचे तपास पथक नेमले. पोलिसांनी तांत्रिक पुराव्याच्या आधारे तपास सुरू केला पण संशयिताने मोबाईल बंद ठेवला होता. त्यामुळे त्याची माहिती मिळत नाही. पोलिसांनी संतोष माळी याच्या मित्र, नातेवाईकांकडून माहिती घेतली. संतोष माळी याने त्याच्यासोबत असलेल्या प्रथमेश शिंगे याला निपाणीच्यापुढे असलेल्या तवंदी घाटात सोडून तो निपाणीच्या दिशेने गेला असल्याची माहिती पोलिसांना खबऱ्याकडून कळाली. पोलिसांनी सीमाभागात तपास सुरू केला. संशयित निपाणी अर्जुननगर येथे गेल्याची माहिती मिळाली. पोलिसांनी संतोष माळी याची मोटार सायकल शोधून संतोष आणि अपहरण केलेल्या मुलीची सुटका केली. मुलीला तिची आई नकुशा चव्हाण यांच्या ताब्यात दिले.

या गुन्ह्याच्या तपासात पोलिस निरीक्षक रवींद्र कळमकर,सहाय्यक पोलिस निरीक्षक चेतन मसुगटे, पोलिस हवालदार वैभव पाटील, गजानन गुरव, महेंद्र कोरवी, योगेश गोसावी, विशाल खराडे, प्रदीप पाटील, संतोष बरगे, परशुराम गुजरे, प्रविण पाटील, नामदेव यादव, कृष्णात पिंगळे, चालक राजेंद्र वरंडेकर, सायबरचे सहास पाटील यांचा सहभाग होता.

#कोल्हापूर_पोलीस #उत्कृष्ट_कामगिरी
राजारामपुरी पोलीस ठाणे हद्दीतील 5 वर्षाच्या मुलीचे अपहरण करणारे रेकॉर्ड वरील 2 गुन्हेगारांचा 12 तासाच्या आत शोध घेऊन अपहरित मुलीची केली सुटका. स्थानिक गुन्हे अन्वेषण शाखा, कोल्हापूर यांची कामगिरी. pic.twitter.com/Waf7yElyY3

— कोल्हापूर पोलीस -KOLHAPUR POLICE (@KOLHAPUR_POLICE) December 4, 2024

हेही वाचा :

• दादांना अनुभव आहे…
• महापरिनिर्वाण दिनी मुंबईत लोटणार भीमसागर
• प्रियांका गांधींनी घेतली अमित शहांची भेट

कोल्हापूर; प्रतिनिधी : स्थानिक गुन्हे अन्वेषण विभागाच्या पथकाने दोन संशयितांना पकडून त्यांच्याकडून अंदाजे पाच लाख रुपये किंमतीचे सोन्या चांदीचे दागिने जप्त केले. प्रमोद उर्फ पम्या वडर (वय २४, रा. वाळवेकरनगर, हुपरी, ता. हातकणंगले) आणि किरण मारुती जाधव (३१ शिवाजीनगर, हुपरी) अशी दोघां संशयितांची नावे आहेत. दोघांनी हुपरी परिसरात घरफोडी केली होती.

पोलिसांनी तांत्रिकदृष्ट्या तपास करत गोपनीय माहितीच्या आधारे संशयितांना पकडले. त्यांच्याकडे ४१.२३० ग्रॅम सोन्याचे दागिने आणि ४६६.६५० ग्रॅम  चांदीचे दागिने जप्त केले. दोघां संशयितांना पकडून हुपरी पोलिसांच्या ताब्यात देण्यात आले. पोलिस निरीक्षक रवींद्र कळमकर यांच्या नेतृत्वाखाली पोलिस उप निरीक्षक शेष मोरे, हवालदार युवराज पाटील, निवृत्ती माळी, सतीश जंगम, अमित सर्जे, राजू कांबळे, महेंद्र कोरवी यांनी तपास केला.