नवी दिल्ली : सत्ताधारी भाजप सत्तेत राहण्यासाठी कोणत्याही थराला आणि कोणत्याही अनैतिकतेला जाऊ शकतो, असा आरोप काँग्रेस अध्यक्ष मल्लिकार्जुन खरगे यांनी शुक्रवारी (१५ ऑगस्ट)केला. देशभरात निवडणुकांमध्ये अनेक “अनियमितता” समोर येत आहेत याचा पुनरुच्चारही त्यांनी केला. (KHARGE SLAMS BJP)
स्वातंत्र्यदिनानिमित्त इंदिरा भवन या काँग्रेस मुख्यालयात ध्वजारोहण केल्यानंतर झालेल्या भाषणात त्यांनी, बिहार मतदार यादीच्या विशेष सघन सुधारणा (SIR) च्या नावाखाली विरोधकांची मते उघडपणे कापली जात आहेत, तर जिवंत असलेल्यांना मृत घोषित केले जात आहे, असा आरोप त्यांनी केला. (KHARGE SLAMS BJP)
ते म्हणाले की, ६५ लाख लोकांची मते कापली जाण्याच्या प्रकारावर भाजपने कोणताही आक्षेप घेतलेला नाही, यावरूनच एसआयआरच्या वापराचा फायदा कोणाला झाला हे दिसून येते.
‘‘ही निवडणूक जिंकण्यासाठीची लढाई नाही तर भारताच्या लोकशाहीचे रक्षण करण्यासाठी आणि संविधानाचे रक्षण करण्यासाठीची लढाई आहे,’’ असे बिहारच्या मतदार याद्यांच्या सुधारणांना काँग्रेसने केलेल्या विरोधाचा संदर्भ देत खरगे म्हणाले. (KHARGE SLAMS BJP)
‘‘सत्ताधारी पक्ष सत्तेत राहण्यासाठी कोणत्याही थराला जाण्यास तयार आहे. निवडणुकीत मोठ्या प्रमाणात अनियमितता उघडकीस येत आहेत,’’ असा आरोप त्यांनी केला.
‘‘विशेष सघन पुनरीक्षणाच्या नावाखाली, विरोधकांची मते उघडपणे कापली जात आहेत. जे जिवंत आहेत त्यांना मृत घोषित करण्यात आले आहे. निवडणूक आयोगाची निष्पक्षता यावरून समजते की ते कोणाची मते कापली जात आहेत आणि कोणत्या आधारावर हे सांगण्यास तयार नाही,’’ असे ते म्हणाले.
‘‘आम्ही सर्वोच्च न्यायालयाचे आभारी आहोत. त्यांनी लोकांचा आवाज ऐकला आणि निवडणूक आयोगाला मतदार यादी सार्वजनिक करण्यास सांगितले. सर्वात आश्चर्यकारक गोष्ट म्हणजे सत्ताधारी पक्षाला ६५ लाख लोकांची मते कापल्याबद्दल कोणताही आक्षेप घ्यावासा वाटत नाही. यावरून स्पष्ट होते की या प्रक्रियेचा फायदा कोणाला झाला असेल,’’ असे ते म्हणाले. ईडी आणि सीबीआय आणि आयकर विभागासारख्या केंद्रीय तपास संस्थांचा वापर “विरोधकांच्या (विरोधी पक्षांच्या) विरोधात राजकीय हेतूंसाठी इतक्या उघडपणे केला गेला आहे की देशाच्या सर्वोच्च न्यायालयाला त्यांना आरसा दाखवावा लागला,’’ असा दावाही खरगे यांनी केला.