जमीर काझी : मुंबई : शिवसेना उद्धव ठाकरे गटातून शिंदेच्या शिवसेनेत प्रवेश केल्यानंतर वादग्रस्त वक्तव्यामुळे सातत्याने चर्चेत असलेल्या खासदार संजय दिना पाटील यांनी पत्रकारांना अर्वाच्च शिवीगाळ करीत मारण्याची धमकी दिली. धमकी आणि शिविगाळीचे माझे हे म्हणणे रेकॉर्ड करा, पेपरात छापा, पोलीस आयुक्तांकडे खुशाल तक्रार करा, असेही धमकावले. पत्रकारांशी केलेल्या वर्तनाचे व्हिडिओ सोशल मीडियावर व्हायरल झाले असून खासदार पाटील यांच्यावर चोहोबाजूने टीका होत आहे. (Sanjay Dina Patil threatens journalists)
विरोधकांनी खासदार संजय दिना पाटील यांच्यावर कारवाईची मागणी करीत राज्य सरकारवर निशाणा साधला आहे. विविध पत्रकार संघटनांनी त्यांचा तीव्र निषेध करीत कारवाईची मागणी केली आहे.तर तर सत्तारूढ शिंदे गट ‘बॅकफूट’वर आला असून त्याच्यावतीने अन्य नेते माफी मागत आहेत.
परत आलात तर मारुन पाठवेन
ठाकरे गटातून अन्य ५ खासदारासमवेत शिंदे गटात प्रवेश केल्यानंतर संजय दिना पाटील व खासदार संजय राऊत यांच्यात कलगी तुरा रंगला आहे.त्याबाबत आज वृत्तवाहिनीच्या प्रतिनिधीनी बाईट घेण्याचा प्रयत्न केला असता त्यांच्यात खटका उडाला. पाटील यांनी अत्यंत खालच्या पातळीवर जाऊन शिवीगाळ केली आणि “परत इकडे आलात तर मारून पाठवेन” अशी थेट जीवे मारण्याची धमकी दिली. ‘ माझ्या घरासमोर फिरायचं नाही. आता बस्स झालं. रेकॉर्ड करून घ्या. कुणाकडे तक्रार करायची ते करा, धमकावल्यानंतर राजकीय वर्तुळात खळबळ उडाली आहे. परत आलात तर मारुन पाठवेन. हे मी तुम्हाला पोलिसांसमोर सांगतोय, तुम्हाला करायचंय ते करा, अशी अरेरावीची भाषा संजय दिना पाटील यांनी वापरली. (Sanjay Dina Patil threatens journalists)
जयंत पाटील यांची मुख्यमंत्र्यावर टीका
त्यांच्या अत्यंत खालच्या पातळीवरील संभाषणाचा व्हिडिओ सोशल मीडियावर व्हायरल झाला असून त्यावर सर्वस्तरातून टीकेची झोड उठली आहे. याबाबत विरोधकांनी महायुती सरकारवर टीकेची झोड उठवली. राष्ट्रवादी काँग्रेस शरदचंद्र पवार पक्षाचे नेते जयंत पाटील म्हणाले की,’ मुख्यमंत्र्यांचा वचक राहिलेला नाही. त्यांना कोणीही मानत नाही. मुख्यमंत्र्यांनी वचक वाढवला तर अशा घटना होणार नाहीत.’ असा टोला लगावला. तर शिवसेना नेते व मंत्री संजय शिरसाट व आमदार बच्चू कडू यांनी याबाबत खासदार पाटील यांच्यावतीने दिलगिरी व्यक्त केली आहे. एकनाथ शिंदे यांनी त्यांना योग्य त्या सूचना दिल्या असल्याचे सांगितले. (Sanjay Dina Patil threatens journalists)