मुंबई : अक्षय कुमारच्या बहुचर्चित विनोदी चित्रपटांपैकी एक असलेल्या ‘हाऊसफुल ५’ने प्रदर्शनाच्या पहिल्याच दिवशी बॉक्स ऑफिसवर धुमाकूळ घातला. शुक्रवारी मोठ्या पडद्यावर दाखल झालेल्या या चित्रपटाने २३ कोटींची कमाई केली. (Housefull 5)
या सिनेमाच्या निमित्ताने अक्षय पुन्हा एकदा ‘स्लॅपस्टिक कॉमेडीच्या शैलीत’ परतला आहे. या गोंधळात आणखी भर पडली आहे ती या चित्रपटात असलेले दोन स्वतंत्र शेवट. ‘हाऊसफुल ५ए’ आणि ‘हाऊसफुल ५बी’ दोन्ही एकाच वेळी प्रदर्शित करण्यात आले आहेत. तरीही त्यांनी बॉक्स ऑफिसवर चांगली कमाई केली. सॅकनिल्कच्या मते, ‘हाऊसफुल २’ ने पहिल्या दिवशी २३ कोटी रुपयांची कमाई केली. त्याने मागील भागाच्या पहिल्या दिवसाच्या कलेक्शनला मागे टाकले. (Housefull 5)
तरुण मनसुखानी दिग्दर्शित या चित्रपटात कलाकारांची मोठी गर्दी आहे. ६ जून २०२५ रोजी मोठ्या पडद्यावर प्रदर्शित झाल्यानंतर त्याबाबत संमिश्र प्रतिक्रीया उमटल्या, तथापि या चित्रपटाने बॉक्स ऑफिसवर चांगली सुरुवात केली. सुरुवातीच्या ट्रेंडनुसार २३ कोटी रुपयांचा व्यवसाय झाला, म्हणजेच २०१९ मध्ये प्रदर्शित झालेल्या ‘हाऊसफुल ४’ च्या पहिल्या दिवशीच्या कमाईपेक्षा या चित्रपटाने चांगली कमाई केली, ज्याने बॉक्स ऑफिसवर पहिल्या दिवशी १९.०८ कोटी रुपये कमावले होते.
याशिवाय, या चित्रपटांनी या वर्षी जानेवारीत प्रदर्शित झालेल्या अक्षय कुमारच्या ‘स्काय फोर्स’च्या पहिल्या दिवशीच्या कमाईपेक्षा चांगली कमाई केली. या सिनेमाने पहिल्या दिवशी ११.५० कोटी रुपयांचा व्यवसाय केला. (Housefull 5)
कलाकार आणि कथानक
‘हाऊसफुल ५’ मध्ये अक्षय कुमारसोबत रितेश देशमुख, अभिषेक बच्चन, फरदीन खान, सोनम बाजवा, नर्गिस फाखरी, नाना पाटेकर, जॅकी श्रॉफ, रणजीत, जॉनी लीव्हर, जॅकलिन फर्नांडिस, चंकी पांडे, डिनो मोरिया आणि सौंदर्या शर्मा यांच्या भूमिका आहेत. ही कथा एका क्रूझ जहाजावर घडलेल्या हत्येची आहे. रणजीत नावाच्या एका श्रीमंत अब्जाधीशाने त्याचे उत्तराधिकारी जॉलीला त्याची संपत्ती देण्याचा आपला हेतू उघड केल्यानंतर लगेचच त्याची हत्या केली जाते. मनोरंजक बाब म्हणजे जहाजात जॉली नावाच्या तीन व्यक्ती आहेत. त्या आहेत अक्षय, रितेश आणि अभिषेक. त्यांच्या मैत्रिणींवरही या खुनाच्या प्रकरणात संशय घेतला जातो आणि त्यातून कॉमेडी खुलत जाते.
हेही वाचा :
‘ठग लाईफ’ने पहिल्याच दिवशी कमावले १७ कोटी