Gujrat Titans

भुवनेश्वर कुमारची ब्राव्हो, अश्विनशी बरोबरी बेंगळुरूचा वेगवान गोलंदाज भुवनेश्वर कुमारने गुजरातविरुद्धच्या सामन्यात एक विकेट घेऊन आयपीएलमध्ये सर्वाधिक विकेट घेणाऱ्या गोलंदाजांमध्ये संयुक्तरीत्या तिसऱ्या स्थानी झेप घेतली. भुवनेश्वरच्या खात्यात १८३ विकेट झाल्या असून त्याने ड्वेन ब्राव्हो आणि रविचंद्रन अश्विनशी बरोबरी केली आहे. आयपीएलमध्ये सर्वाधिक विकेट घेणाऱ्या गोलदाजांमध्ये युझवेंद्र चहल अग्रस्थानी असून त्याने १६२ सामन्यांत २०६ विकेट घेतल्या आहेत. त्याखालोखाल पियुष चावलाच्या नावावर १९२ सामन्यांत १९२ विकेट आहेत. भुवनेश्वरने १७८ सामन्यांत १८३ विकेट घेताना प्रत्येकी दोनवेळा डावात ४ व ५ बळी घेतले आहेत. १९ धावांत ५ विकेट ही त्याची आयपीएलमधील सर्वोत्तम कामगिरी आहे. २०१६ आणि २०१७ या सलग दोन मोसमात भुवनेश्वरने पर्पल कॅपचा बहुमान पटकावला होता. आयपीएलमध्ये सर्वाधिक विकेट घेणाऱ्या वेगवान गोलंदाजांमध्ये भुवनेश्वर आता ब्राव्होसह संयुक्तरीत्या अग्रस्थानी आहे.