Friday, November 6, 2026
Home » EVM machine
Tag:

EVM machine

High Court Orders Inspection of EVMs. Mumbai High Court
महत्त्वाच्या नोंदीराजकारण

हायकोर्टाचे विधानसभा निवडणुकीतील ईव्हीएमची तपासणीचे आदेश  

by प्रतिनिधी
written by प्रतिनिधी

जमीर काझी :  मुंबई  :  मुंबई उपनगर जिल्ह्यातील चांदिवली विधानसभा मतदारसंघातील ईव्हीएम मशीनची  तपासणी आणि छाननी करण्यात यावी, असे आदेश मुंबई उच्च न्यायालयातील  न्या. सोमशेखर सुंदरेसन यांनी  दिले आहेत. त्यानुसार १६ व १७ एप्रिलला ही तपासणी केली जाणार आहे. भारताच्या निवडणूक आयोगाच्या  इतिहासात पहिल्यांदाच न्यायालयाने अशा प्रकारे  आदेश दिला आहे, अशी माहिती  याचिकाकर्ते व  काँग्रेसचे पराभूत उमेदवार नसीम खान दिली. (High Court Orders Inspection of EVMs. Mumbai High Court)

२०२४ च्या  विधानसभा निवडणुकीत  शिवसेना  शिंदे गटाचे  उमेदवार दिलीप लांडे यांनी मुंबई उपनगर जिल्ह्यातील चांदिवली मतदारसंघातून नसीम खान यांचा पराभव केला. खान यांनी निकालाविरोधात मुंबई उच्च न्यायालयात याचिका दाखल केली होती. त्याबाबत न्या.सोमशेखर सुंदरेसन यांच्या खंडपीठाने दिलेल्या निकालाबाबत  नसीम खान म्हणाले की, भारताच्या इतिहासात आतापर्यंत असे कधीही घडलेले नाही की, निवडणुका पार पडल्यानंतर निवडणूक आयोगाने  उमेदवार आणि अधिकाऱ्यांच्या उपस्थितीत ईव्हीम ची तपासणी किंवा तपासणी मोहीम राबवली असेल. “हा एक ऐतिहासिक आदेश आहे.  निकालानुसार, निकालांच्या घोषणेनंतर प्रत्येक विधानसभा मतदार संघातील ५ टक्के ईव्हीएममधील — म्हणजेच कंट्रोल युनिट, बॅलेट युनिट आणि व्हीव्हीपॅट मधील — ‘बर्न झालेली मेमरी’  किंवा मायक्रोकंट्रोलरची तपासणी व पडताळणी ईव्हीएम उत्पादकांच्या अभियंत्यांच्या एका पथकाद्वारे केली जाईल.” (High Court Orders Inspection of EVMs. Mumbai High Court)

मुंबई उपनगर जिल्ह्याच्या उप-निवडणूक निर्णय अधिकारी यांनी नसीम खान यांना पाठवलेल्या पत्रानुसार, ईव्हीएम उत्पादक कंपनी असलेल्या ‘भारत इलेक्ट्रॉनिक्स लिमिटेड, बंगळुरू’ यांच्यामार्फत १६ आणि १७ एप्रिल  मुंबईत केवळ ‘निदान चाचणी करण्यास परवानगी दिली जाईल.  काँग्रेस पक्षाने आपल्या उमेदवारांना त्यांच्या संबंधित मतदारसंघांमध्ये ईव्हीएम   आणि ‘व्होटर व्हेरिफायेबल पेपर ऑडिट ट्रेल’  युनिट्सची पडताळणी करून घेण्यास सांगितले होते.काँग्रेसच्या नेतृत्वाखालील ‘इंडिया  आघाडीतील सुमारे दोन डझन उमेदवारांनी इव्हीएमच्या विश्वासार्हतेबाबत न्यायालयात धाव घेतली आहे. (High Court Orders Inspection of EVMs. Mumbai High Court)

0 comments
0 FacebookTwitterPinterestEmail
Sharad Pawar News Twitter
आंदोलनदक्षिण महाराष्ट्रमहाराष्ट्र

लोकशाही देशांमध्ये बॅलेट पेपरवर मतदान होते मग भारतात का नाही? : शरद पवार

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : महाराष्ट्र विधानसभेत महायुतील मोठा विजय मिळाला. तर महाविकास आघाडीला ५० जागाही जिंकता आल्या नाहीत. ईव्हीएम मतदान प्रक्रिकेला आव्हान देत मारकडवाडीतील नागरिकांनी बॅलेट पेपरवर मतदान घेण्याचा निर्णय घेतला. परंतु, प्रशासनाने गावात मोठा पोलिस फौजफाटा लावून ही प्रक्रिया रद्द करण्यास गावकऱ्यांना भाग पाडले. यानंतर आज (दि.८) शरद पवार यांनी मारकडवाडी गावाला भेट दिली. यावेळी ते ईव्हीएम हटाव, देश बचाव या कार्यक्रमात सहभाग घेतला. यावेळी बोलताना शरद पवार यांनी ईव्हीएमच्या विश्वासार्हतेवर प्रश्न उपस्थित करत पाश्चिमात्य देशांमध्ये बॅलेट पेपरद्वारे निवडणुका घेतल्या जात असतील तर भारतातही बॅलेट पेपरद्वारे निवडणुका घ्याव्यात, अशी मागणी केली (Sharad Pawar News)

यावेळी बोलताना शरद पवार म्हणाले की, मारकडवाडीतील नागरिकांना बॅलेट पेपरवर मतदान करायचे आहे. अशी भूमिका घेतल्यावर त्यांच्यालवर गुन्हे दाखल करण्यात आले. हे आश्चर्यकारक आहे. तुम्ही माझ्याकडे ज्या तक्रारी केल्या आहेत, त्या आम्ही निवडणूक आयोग आणि राज्याच्या मुख्यमंत्र्यांकडे पाठवू, असा विश्वास त्यांनी नागरिकांना दिला. यावेळी ईव्हीएमवर निवडणूक नको, ती मतपत्रिकेवर व्हावी, असा ठराव देखील एकमताने करण्यात आला.

शरद पवार म्हणाले की, “निवडणुका होत असतात. यात काही लोकांचा विजय होतो. तर, काहींना पराभवाला सामोरे जावे लागते. परंतु महाराष्ट्रात झालेल्या विधानसभा निवडणुकीबद्दल लोकांच्या मनात शंका निर्माण झाली आहे.

बॅलेट पेपरवर निवडणुका का नाही? : शरद पवार

जगात अमेरिका, इंग्लंड अशा अनेक देशात बॅलेट पेपरवर निवडणुका होतात. जर संपूर्ण जगभरात निवडणुका बॅलेट पेपरवर होत आहेत. तर आपल्या अशा पद्घतीने निवडणुका का होत नाहीत? असा शरद पवार यांनी उपस्थित केला. (Sharad Pawar News)

तर का घाबरता : जितेंद्र आव्हाड

मारकवाडी येथे बोलताना जितेंद्र आव्हाड म्हणाले की, हा कार्यक्रम मारकडवाडी येथील ग्रामस्थांनी आयोजित केला आहे. तुमचा लोकशाहीवर विश्वास आहे. तर, तुम्ही त्यांना बॅलेट पेपरवर मतदान करण्यास का रोखत आहात. त्यांना जर बॅलेट पेपरवर मतदान करायचे असल्यास त्यांना करू द्या. त्यात हस्तक्षेप करून त्यांच्यार गुन्हे नोंद करण्याची काय गरज आहे. तुम्ही यांना घाबरलात का? असा सवाल जितेंद्र आव्हाड यांनी सरकारला केला.

 

हेही वाचा :

0 comments
0 FacebookTwitterPinterestEmail
ajit pawar file photo
महाराष्ट्रमुंबई

ईव्हीएमचा विषय काढून महाविकास आघाडी रडीचा डाव

by प्रतिनिधी
written by प्रतिनिधी

मुंबई, विशेष प्रतिनिधी : महायुतीला इतके मोठे बहुमत मिळाले आहे की, आता ईव्हीएमचा विषय काढून महाविकास आघाडी रडीचा डाव खेळत आहे, असा थेट हल्ला उपमुख्यमंत्री अजित पवार यांनी शनिवारी (दि.७) माध्यमांशी बोलताना केला. (Ajit Pawar)

तीन दिवसाच्या विशेष अधिवेशनाला आजपासून सुरुवात झाली. नवनिर्वाचित सदस्यांना शपथविधी हंगामी विधानसभा अध्यक्ष कालिदास कोळंबकर यांच्या अध्यक्षतेखाली देण्यात येत आहे. यावेळी सभागृहात जाताना उपमुख्यमंत्री पवार म्हणाले की, आम्ही महाविकास आघाडीमध्ये काम केले आहे. त्यामुळे ईव्हीएम मशीनला दोष देण्यात काहीच अर्थ नाही.

लोकसभेला ईव्हीएमने ३१ जागा महाविकास आघाडीला दिल्या. त्यावेळी ईव्हीएम मशीन खूप चांगली होती. मात्र, विधानसभेत महायुतीच्या बाजुने जनतेने कौल दिला तर, ईव्हीएमला दोष द्यायला मविआने सुरुवात केली आहे. लोकशाहीत प्रत्येकाला वक्तव्य करण्याचा अधिकार आहे. महाविकास आघाडीच्या आमदारांना शपथ घेण्याचा उद्याचा (दि.८) दिवस आहे. त्यांना उद्या संध्याकाळपर्यंत शपथ घ्यावीच लागेल. तरच त्यांना सोमवारी (दि.९) कामकाजात सहभागी होता येणार आहे. याबाबतची माहिती सर्वांना आहे. परंतु, पहिल्याच दिवशी आम्ही संख्येने कमी असलो तरी आम्ही काही वेगळ करतोय. त्यांचे अस्तित्व दाखवण्याचा केविलवाणा प्रकार सुरू आहे, असा टोलाही त्यांनी केला. (Ajit Pawar)

सुरुवातीला महाविकास आघाडीचे आमदार शपथविधीसाठी सभागृहात बसले होते. मात्र, काही वेळाने ते सर्व बाहेर निघून गेले. इतकी वर्षे मी त्यांच्यासोबत होतो तेव्हा मी चांगला होतो. मी कुणासोबत उपमुख्यमंत्री म्हणून काम केले नाही ते सांगा. अशी विचारणा करत मी जर दोषी असतो किंवा भ्रष्टाचारी असतो. तर त्यांनी मला उपमुख्यमंत्री केलेच नसते. मात्र, सध्या ते राजकीय भूमिकेतून मला अडचणीत आणण्याचा प्रयत्न करत आहेत. परंतू, मी योग्यठिकाणी न्याय मागत होतो आणि तो मला मिळाला आहे असेही अजित पवार यांनी पत्रकारांच्या प्रश्नांला उत्तर देताना स्पष्ट केले.

हेही वाचा :

0 comments
0 FacebookTwitterPinterestEmail
EVM machine file photo
महाराष्ट्रमुंबईविधानसभा निवडणूक

९५ विधानसभा मतदारसंघातील ईव्हीएम मशीनबद्दल संशय!

by प्रतिनिधी
written by प्रतिनिधी

मुंबई; विशेष प्रतिनिधी : राज्यातील ३१ जिल्हयांतील एकूण ९५ विधानसभा मतदारसंघात ईव्हीएम-व्हीव्हीपॅट मशिन्सच्या बर्न्ट मेमरी आणि मायक्रोकंट्रोलरच्या तपासणी आणि पडताळणीसंदर्भात एकूण १०४ अर्ज प्राप्त झालेले आहेत. या १०४ अर्जांमधून महाराष्ट्र राज्यातील ७५५ मतदानकेंद्रावरील ईव्हीएम संचाची तपासणी करण्याची मागणी करण्यात आली आहे. (EVM machine)

निवडणूक आयोगाने १ जून २०२४, १६ जुलै, व ३० जुलै रोजीच्या पत्रांनुसार ईव्हीएम-व्हीव्हीपॅट मशिन्सच्या बर्न्ट मेमरी आणि मायक्रोकंट्रोलरच्या तपासणी आणि पडताळणीसंदर्भात करावयाच्या कार्यपध्दतीबाबत सूचना दिलेल्या आहेत. ईव्हीएम-व्हीव्हीपॅट मशिन्सच्या बर्न्ट मेमरी आणि मायक्रोकंट्रोलरच्या तपासणी आणि पडताळणीदरम्यान निवडणूक याचिका दाखल नसलेल्या प्रकरणी प्रत्यक्ष मतदानाच्या दिवशी पार पडलेली प्रक्रिया पुन:श्च पार पाडली जाते. .

त्यानुसार, ईव्हीएम-व्हीव्हीपॅटच्या संचातील प्रत्यक्ष मतदानाच्या दिवशीचा डेटा क्लियर करण्यात येऊन अभिरुप मतदान (मॉकपोल) घेण्यात येते. सीयु मधील डेटा व व्हीव्हीपॅट मशिन्स मधील स्लीप्स यांच्या आकडेवारीमध्ये तफावतीबाबत निरीक्षण करण्यात येऊन संबंधित संचातील ईव्हीएमचे कामकाज व्यवस्थित असल्याची खात्री करण्यात येते. (EVM machine)

३० जुलैच्या पत्रानुसार ईव्हीएम-व्हीव्हीपॅट मशिन्सच्या बर्न्ट मेमरी आणि मायक्रोकंट्रोलरच्या तपासणी आणि पडताळणीसंदर्भात उत्पादक कंपनीकडून तपासणीच्या तारखेआधी ३ दिवस पर्यंत अर्जदार त्यांचा तपासणीचा अर्ज कोणत्याही वेळी मागे घेऊ शकतो. त्यानुसार संबंधित अर्जदारास त्याने जमा केलेले शुल्क त्यांना परत करण्याची तरतूद आहे, असे मुख्य निवडणूक अधिकारी कार्यालयाने कळविले आहे.

५ जिल्ह्यात एकही तक्रार नाही

राज्यातील ३१ जिल्ह्यातून तक्रारी आल्या आहेत. तर, उर्वरित सिंधुदुर्ग, नंदुरबार, अमरावती, वर्धा व गडचिरोली या ५ जिल्हयात ईव्हीएम-व्हीव्हीपॅट मशिन्सच्या बर्न्ट मेमरी आणि मायक्रोकंट्रोलरच्या तपासणी आणि पडताळणीसंदर्भातील एकही अर्जल दाखल झालेला नाही

हेही वाचा :

0 comments
0 FacebookTwitterPinterestEmail
error: Content is protected !!