Tag:

Champions Trophy

Shreyas Iyer : चॅम्पियन्स ट्रॉफी आधी श्रेयसची दमदार फलंदाजी

by प्रतिनिधी December 21, 2024

written by प्रतिनिधी

महाराष्ट्र दिनमान ऑनलाईन डेस्क : भारतीय संघाचा स्टार फलंदाज श्रेयस अय्यर सध्या देशांतर्गत क्रिकेटमध्ये शानदार कामगिरी करत आहे. आजपासून सुरू झालेल्या विजय हजारे ट्रॉफीमध्ये मुंबईचा पहिला सामना कर्नाटकविरूद्ध झाला. या सामन्यात श्रेयस अय्यरने दमदार कामगिरी करत नाबाद ११४ धावा केल्या आणि चॅम्पियन्स ट्रॉफीपूर्वी टीम इंडियामध्ये पुनरागमन करण्याचा दावा केला. (Shreyas Iyer)

आजपासून सुरू झालेल्या विजय हजारे ट्रॉफीमध्ये कर्नाटक विरूद्धच्या सामन्यात श्रेयस अय्यरने दमदार फलंदाजी करत शतक झळकवले. परंतु, या सामन्यात कर्नाटकने सामन्यात मुंबईवर ७ विकेट राखून विजय मिळवला.

श्रेयस अय्यर गेल्या काही काळापासून टीम इंडियापासून बाहेर आहे. परंतु, देशांतर्गत क्रिकेटमध्ये सातत्यपूर्ण कामगिरी करत आहे. आज झालेल्या कर्नाटक विरूद्ध सामन्यात प्रथम फलंदाजी करताना श्रेयस अय्यरने ५५ चेंडूत ५ चौकार आणि १० षटकारांच्या सहाय्याने शतकी खेळी केली.

देशांतर्गत क्रिकेटमध्ये शानदार कामगिरी

याआधी श्रेयस रणजी ट्रॉफी आणि सय्यद मुश्ताक अली ट्रॉफीमध्येही खेळताना दिसला होता. रणजीमध्ये मुंबईकडून खेळताना त्याने चार सामन्यांमध्ये ४५२ धावा केल्या.तर, सय्यद मुश्ताक अली ट्रॉफीमध्ये ३४५ धावा केल्या. नऊ सामन्यांमध्ये त्याचा स्ट्राइक रेट १८८.५२ होता. (Shreyas Iyer)

पुनरागमनावर मजबूत दावा

श्रेयसने विजय हजारे ट्रॉफीत शतकी खेळी करत टीम इंडियात पुनरामन करण्याचा दावा केला आहे. २०२५ मध्ये पाकिस्तानमध्ये चॅम्पियन्स ट्रॉफीचे आयोजन होणार आहे. (Shreyas Iyer)

The format changed, but Shreyas Iyer’s brilliance stayed consistent! 🔥#MCA #Mumbai #Cricket #Wankhede #BCCI | @ShreyasIyer15 pic.twitter.com/TOOTSnMDQ2

— Mumbai Cricket Association (MCA) (@MumbaiCricAssoc) December 21, 2024

हेही वाचा :

December 21, 2024 0 comments

ताज्या बातम्या

ICC Champions Trophy : चॅम्पियन्स ट्रॉफीच्या तयारीला वेग

by प्रतिनिधी December 21, 2024

written by प्रतिनिधी

महाराष्ट्र दिनमान ऑनलाईन डेस्क : चॅम्पियन्स ट्रॉफी २०२५ चे यजमान पद पाकिस्तानकडे आहे. आंतरराष्ट्रीय क्रिकेट परिषदेने (आयसीसी) स्पर्धेसाठी हायब्रिड मॉडेलला मान्याता दिल्यामुळे स्पर्धेच्या तयारीला वेग आला आहे. दरम्यान आयसीसीने पाकिस्तानमधील सुरक्षा व्यवस्थेचा आढावा घेण्यासाठी एक टीम पाकिस्तानला पाठवली आहे. यासह न्यूझीलंड क्रिकेटने जानेवारीत होणाऱ्या त्रिकोणी मालिकेपूर्वी सुरक्षा आणि इतर व्यवस्थेचा आढावा घेण्यासाठी एक टीम पाकिस्तानमध्ये पाठवली आहे. पाकिस्तान, न्यूझीलंड आणि दक्षिण आफ्रिका या संघात त्रिकोणी मालिका होणार आहे. (ICC Champions Trophy)

त्रिकोणी मालिकेपूर्वी न्यूझीलंड क्रिकेटने सुरक्षा व्यवस्थेचा आढावा घेण्यासाठी एक टीम पाकिस्तानला पाठवली आहे. न्यूझीलंडच्या तुकडीमध्ये सुरक्षा तज्ञ रेग डिकासन आणि न्यूझीलंड खेळाडू संघटनेचे प्रतिनिधी ब्रॅड रॉडेन यांचा समावेश आहे. ते कराची आणि लाहोरमधील सुरक्षा व्यवस्था आणि इतर तयारींचा आढावा घेणार आहेत.

भारत-पाकिस्तानचे सामने तटस्थ ठिकाणी

आयसीसीने सांगितले की, चॅम्पियन्स ट्रॉफीतील भारताचे सामने तटस्थ ठिकाणी खेळवले जाणार आहेत. आयसीसीने गुरुवारी (दि.१९) याची अधिकृत घोषणा केली. आयसीसीच्या माहितीनुसार पुढील वर्षी म्हणजे २०२५ च्या फेब्रुवारी-मार्चमध्ये होणाऱ्या चॅम्पियन्स ट्रॉफी स्पर्धेसाठी भारतीय संघाचे सामने पाकिस्तानऐवजी तटस्थ ठिकाणी खेळवले जाणार आहेत. (ICC Champions Trophy)

आयसीसीच्या टीमने घेतला आढावा

पाकिस्तानात होणाऱ्या चॅम्पियन्स ट्रॉफीचा आढावा घेण्यासाठी आयसीसीने एक टीम पाकिस्तानमध्ये पाठवली आहे. आयसीसी टीमने लाहोर आणि रावळपिंडीला जाण्यापूर्वी कराचीतील नॅशनल स्टेडियमला भेट दिली. यावर बोलताना पीसीबीच्या अधिकाऱ्याने सांगितले की, असा दौरा कोणत्याही मोठ्या स्पर्धेपूर्वी होतो. न्यूझीलंड आणि आयसीसी संघांनी कराची, लाहोर आणि रावळपिंडी येथील स्टेडियममध्ये सुरू असलेल्या दुरुस्ती आणि नूतनीकरणाच्या कामाचा आढावा घेतला.

JUST IN: ICC issues update on Champions Trophy 2025 venue.

Details 👇https://t.co/aWEFiF5qeS

— ICC (@ICC) December 19, 2024

हेही वाचा :

December 21, 2024 0 comments

ताज्या बातम्या

India-Pak : भारत-पाक सामने त्रयस्थ ठिकाणी

by प्रतिनिधी December 19, 2024

written by प्रतिनिधी

दुबई : भारत आणि पाकिस्तान यांच्यादरम्यान २०२७ पर्यंत खेळवण्यात येणारे आंतरराष्ट्रीय सामने त्रयस्थ ठिकाणी होतील, असा निर्वाळा आयसीसीने आज (१९) दिला. आंतरराष्ट्रीय क्रिकेट परिषदेच्या या निर्णयामुळे पुढील वर्षी फेब्रुवारीमध्ये होणाऱ्या चॅम्पियन्स ट्रॉफी स्पर्धेचे वेळापत्रक तयार करण्याचा मार्ग मोकळा झाला आहे. (India-Pak)

पाकिस्तानकडे २०२५ च्या चॅम्पियन्स ट्रॉफीचे यजमानपद आहे. तथापि, भारताने पाकिस्तानमध्ये खेळण्यास नकार दिल्यामुळे भारताचे सामने त्रयस्थ ठिकाणी खेळवण्याचा प्रस्ताव समोर आला होता. पाकने सुरुवातीला हा प्रस्ताव नाकारला होता. मात्र, त्यानंतर नमते घेत एकीकडे हा प्रस्ताव स्वीकारण्याची तयारी दाखवून पाकचा संघही भारतात सामने खेळणार नाही, अशी भूमिका घेतली होती. अखेर आयसीसीने बोर्ड सदस्यांमध्ये मतदान घेत यावर तोडगा काढला. त्यानुसार, २०२४-२७ या काळामध्ये दोन्ही देशांमधील सामने त्रयस्थ ठिकाणी खेळवण्यात येतील व त्यामध्ये बाद फेरीतील सामन्यांचाही समावेश असेल, असे ठरले. त्यामुळे, २०२५चा महिला वन-डे वर्ल्ड कप आणि २०२६चा टी-२० वर्ल्ड कप या स्पर्धांनाही हाच नियम लागू होणार आहे. भारत २०२५ च्या महिला वर्ल्ड कपचा यजमान असून २०२६ चा वर्ल्ड कप भारत व श्रीलंकेमध्ये रंगणार आहे. (India-Pak)

भारत-पाक सामन्यांसाठी त्रयस्थ ठिकाण ठरवण्याचा अधिकार यजमान देशाला असेल, असेही आयसीसीने म्हटले आहे. त्यानुसार, चॅम्पियन्स ट्रॉफीतील सामन्यांकरिता त्रयस्थ ठिकाणांचा प्रस्ताव पाकिस्तान क्रिकेट बोर्डाला (पीसीबी) २४ तासांमध्ये आयसीसीसमोर सादर करावा लागणार आहे. संयुक्त अरब आमिरात हे या सामन्यांसाठीचे पहिल्या पसंतीचे ठिकाण असून श्रीलंकेचाही विचार केला जाऊ शकतो. (India-Pak)

हेही वाचा :

December 19, 2024 0 comments

Newer Posts

Older Posts