Friday, November 6, 2026
Home » AUS vs IND » Page 2
Tag:

AUS vs IND

Ravichandran Ashwin
ताज्या बातम्या

निवृत्तीनंतर अश्विन भारतात दाखल

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : बॉर्डर-गावस्कर ट्रॉफीतील गाबा कसोटीनंतर रविचंद्रन अश्विनने अचानक आंतरराष्ट्रीय क्रिकेटमधून निवृत्तीची घोषणा केली. यामुळे त्याच्या चाहत्यांना धक्का बसला होता. निवृत्ती जाहीर केल्यानंतर अश्विन मायभूमीत परतला आहे. चेन्नईत पोहचताच अश्विनच्या चाहत्यांनी त्याचे जोरदार स्वागत केले. (Ravichandran Ashwin)

यावेळी बोलताना त्याने आपण अचानक आंतरराष्ट्रीय क्रिकेटमधून निवृत्ती का घेतली याचा खुलासा केला आहे. एएनआयया वृत्तसंस्थेशी बोलताना अश्विन म्हणाला की, मी आंतरराष्ट्रीय क्रिकेटमधून निवृत्ती घेतली असली तरी, आयपीएलमध्ये चेन्नई सुपर किंग्जकडून खेळणार आहे. आंतरराष्ट्रीय क्रिकेट खेळत असताना मी मैदानावर जितका वेळ देऊ शकतो तितका वेळ देण्याचा प्रयत्न केला दिला आहे.

यानंतर त्याला निवृत्ती निर्णय अवघड होता का? असा प्रश्न विचारला असता तो म्हणाला की, मी घेतलेले निर्णय अवघड नव्हता. कदाचित या निर्णयामुळे अनेक चाहते भावनिक झाले असतील. परंतु, माझ्यासाठी ही दिलासादायी आणि समाधानाची बाब आहे. क्रिकेटमधून निवृत्तीचा विचार मी अनेक दिवसांपासून करत होतो. त्यामुळे हा निर्णय सहजपणे घेतला. गाबा कसोटीच्या चौथ्या दिवशी निवृत्तीचा निर्णय घेण्याची जाणीव झाली आणि सामन्याच्या शेवटच्या दिवशी माझा निर्णय जाहीर केला.  (Ravichandran Ashwin)

चाहत्यांकडून जल्लोषात स्वागत

आंतरराष्ट्रीय क्रिकेटमधून निवृत्तीनंतर घेतल्यानंतर २४ दिवसांत अश्विन भारतात दाखल झाला. यावेळी त्याच्या कुटुंबियांनी आणि चाहत्यांनी जल्लोषात स्वागत केले.

हेही वाचा :

0 comments
0 FacebookTwitterPinterestEmail
Mohammad Shami
ताज्या बातम्या

Mohammad Shami : असेल ‘त्यांची’ हमी… तर खेळेल शमी!

by प्रतिनिधी
written by प्रतिनिधी

ब्रिस्बेन : वेगवान गोलंदाज महंमद शमीसाठी भारतीय कसोटी संघाची दारे खुली आहेत. तथापि, त्याच्या फिटनेसविषयी राष्ट्रीय क्रिकेट अकादमीने (एनसीए) हमी देणे आवश्यक आहे. शमीच्या फिटनेसविषयी २०० टक्के खात्री झाल्यानंतरच त्याचा समावेश संघात करण्यात येईल, असे भारताचा कर्णधार रोहित शर्माने सांगितले. (Mohammad Shami)

बॉर्डर-गावसकर ट्रॉफी मालिकेतील ब्रिस्बेन कसोटीनंतरच्या पत्रकार परिषदेदरम्यान रोहितने प्रसारमाध्यमांशी संवाद साधला. पाच सामन्यांच्या या मालिकेत तीन सामन्यांअखेर भारत व ऑस्ट्रेलियामध्ये १-१ अशी बरोबरी आहे. जागतिक कसोटी अजिंक्यपद स्पर्धेची अंतिम फेरी गाठण्याच्या दृष्टीने भारताला उर्वरित दोन्ही कसोटी जिंकणे आवश्यक आहे. त्यादृष्टीने शमीचा समावेश संघात केल्यास भारतीय गोलंदाजीला धार येऊ शकते. रोहितने मात्र याविषयी बोलताना एनसीएकडे बोट दाखवले.

“शमीच्या फिटनेसविषयी एनसीएमधील कोणीतरी स्पष्टीकरण देण्याची वेळ आता आली आहे. शमी देशांतर्गत क्रिकेट स्पर्धांमध्ये खेळत आहे. तथापि, त्याच्या गुडघ्याच्या दुखापतीविषयी अद्यापही तक्रारी आहेत. ऑस्ट्रेलियामध्ये आल्यानंतर खेळाडू दुखापतग्रस्त होणे हे कोणालाच नको आहे. त्यामुळे, आम्ही कोणताही धोका पत्करणार नाही. त्याच्या फिटनेसविषयी २०० टक्के खात्री झाल्यानंतरच त्याचा समावेश संघात केला जाईल. अर्थात, तो संघात परतल्यास मला आनंदच होईल,” असे रोहित म्हणाला. या मालिकेतील चोथ्या कसोटीस २६ डिसेंबरपासून मेलबर्न येथे सुरुवात होणार आहे. तत्पूर्वी, संघात काही फेरबदल होतात का, याकडे क्रिकेटप्रेमींचे लक्ष लागले आहे. (Mohammad Shami)

हेही वाचा :

0 comments
0 FacebookTwitterPinterestEmail
Ashwin Records
ताज्या बातम्या

विक्रमवीर अश्विन

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : आंतरराष्ट्रीय क्रिकेटमधून बुधवारी निवृत्ती जाहीर करणारा भारताचा गोलंदाज रवीचंद्रन अश्विनने कारकिर्दीत अनेक विक्रमांना गवसणी घातली आहे. १४ वर्षांच्या प्रदीर्घ कारकिर्दीमध्ये अश्विनने गोलंदाजीमध्ये नवे विक्रम प्रस्थापित करतानाच अष्टपैलू म्हणूनही रेकॉर्डबुकांमध्ये स्थान पटकावले आहे. त्याच्या काही ठळक विक्रमांवर टाकलेला हा दृष्टिक्षेप… (Ashwin Records)

  • कसोटी कारकिर्दीमध्ये सर्वाधिक वेळा मालिकावीराचा पुरस्कार पटकावणाऱ्या खेळाडूंमध्ये रवीचंद्रन अश्विन हा श्रीलंकेच्या मुथय्या मुरलीधरनसह संयुक्तरीत्या अग्रस्थानी आहे. या दोघांनीही प्रत्येकी ११ वेळा मालिकावीराचा पुरस्कार पटकावला आहे.
  • आंतरराष्ट्रीय कसोटी क्रिकेटमध्ये सर्वांत वेगवान २५०, ३०० आणि ३५० विकेट घेण्याचा विक्रम अश्विनच्या नावे आहे. त्याने अनुक्रमे, ४५, ५४ आणि ६६ सामन्यांमध्ये हे टप्पे ओलांडले आहेत. त्याचप्रमाणे, सर्वांत वेगवान ४००, ४५० आणि ५०० विकेट्स घेणाऱ्या गोलंदाजांमध्ये तो दुसऱ्या स्थानी आहे. (Ashwin Records)
  • अश्विनने कसोटीमध्ये ३७ वेळा डावात ५ विकेट, तर ८ वेळा सामन्यांत दहा विकेट घेतल्या आहेत. सर्वाधिकवेळा डावात ५ विकेट घेणाऱ्या गोलंदाजांमध्ये तो शेन वॉर्नसह संयुक्तरीत्या दुसऱ्या, तर सर्वाधिकवेळा दहा विकेट घेणाऱ्यांमध्ये पाचव्या स्थानी आहे.
  • एकाच सामन्यात शतक आणि डावामध्ये पाचहून अधिक विकेट घेण्याची कामगिरी अश्विनने चारवेळा केली आहे. इंग्लंडच्या इयान बोथम यांनी सर्वाधिक पाचवेळा अशी कामगिरी केली असून त्याखालोखाल अश्विन दुसऱ्या स्थानी आहे. (Ashwin Records)
  • एकाच मालिकेत २५० हून अधिक धावा आणि २० पेक्षा अधिक विकेट घेणारा अश्विन हा भारताचा दुसरा अष्टपैलू आहे. त्याने २०१६-१७ मध्ये इंग्लंडविरुद्धच्या कसोटी मालिकेत ५ सामन्यांत ३०६ धावांसह २८ विकेट घेतल्या होत्या. अश्विनअगोदर कपिल देव यांनी दोनवेळा अशी कामगिरी केली आहे. (Ashwin Records)
  • अश्विनने महेंद्रसिंह धोनी, विराट कोहली आणि रोहित शर्मा या तीन कर्णधारांच्या नेतृत्वाखाली बळींचे शतक पूर्ण केले आहे. त्याच्याअगोदर अनिल कुंबळेने महंमद अझरुद्दीन, राहुल द्रविड आणि सौरव गांगुली या तीन कर्णधारांच्या नेतृत्वाखाली अशी कामगिरी केली होती. (Ashwin Records)

हेही वाचा :

0 comments
0 FacebookTwitterPinterestEmail
R Ashwin
ताज्या बातम्या

रविचंद्रन अश्विनची आंतरराष्ट्रीय क्रिकेटमधून निवृत्ती

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारताचा फिरकी गोलंदाज रविचंद्रन अश्विनने आंतरराष्ट्रीय क्रिकेटमधून निवृत्ती घेण्याचा निर्णय घेतला आहे. गाबा कसोटी अनिर्णित राहिल्यानंतर पत्रकार परिषदेत त्याने ही घोषणा केली. अश्विन कर्णधार रोहित शर्मासोबत पत्रकार परिषदेत आला. तिथे त्याने ही घोषणा केली. निवृत्तीपूर्वी अश्विन ड्रेसिंग रूममध्ये विराट कोहलीसोबत बसलेला दिसला होता.  (R Ashwin)

अश्विनच्या नावावर अनेक विक्रम

रविचंद्रन अश्विनने आपल्या जादूई फिररीने अनेक विक्रम रचले आहेत. कसोटीत सर्वाधिक बळी घेणाऱ्या गोलंदाजांमध्ये तो सातव्या क्रमांकावर आहे. अश्विनने १०६ कसोटीत ५३७ विकेट घेतल्या आहेत. ५९ धावांत ७ बळी ही त्याची सर्वोत्तम कामगिरी आहे. या काळात त्याची सरासरी २४.०० होती. तर, स्ट्राइक रेट ५०.७३ इतका होता. कसोटीत सर्वाधिक विकेट्स घेणाऱ्या भारतीयांमध्ये अश्विन हा अनिल कुंबळेनंतर दुसऱ्या क्रमांकावर आहे. कुंबळेच्या नावावर ६१९ कसोटी विकेट्स आहेत.

सर्वाधिक वेळा पाच बळी घेणाऱ्यांमध्ये अश्विन संयुक्त दुसरा

अश्विनने आपल्या कसोटी कारकिर्दीत ३७ वेळा फाईव्ह विकेट हॉल केला आहे. तो या यादीत संयुक्तपणे शेन वॉर्न दुसऱ्या क्रमाकांवर आहे. यादीत पहिल्यास्थानी अव्वलस्थानी श्रीलंकेचा महान फिरकीपटू मुथय्या मुरलीधरन आहे. त्याने ६७ वेळा फाईव्ह विकेट हॉल घेतला आहे. (R Ashwin)

अश्विनची फलंदाजीतही उत्तम

उत्तम फिरकीपटू असण्यासोबतचा अश्विन उत्तम फलंदाज आहे. त्याने अनेक महत्वाच्या सामन्यांमध्ये भारतीय संघासाठी बॅटने चांगली कामगिरी केली आहे. अश्विने १०६ कसोटी, ११६ वन-डे आणि ६५ टी-२० सामन्यात भारताचे प्रतिनिधित्व केले आहे.

अश्विनने कसोटीत ३५०३ धावा आहेत. या काळात त्याची सरासरी २५.७५ इतकी आहे. अश्विनची १२४ धावांची सर्वोत्तम खेळी आहे. फलंदाजीत त्याने त्याने ६ शतके आणि १४ अर्धशतके झळकवली आहेत. अश्विनने वनडेमध्ये १५६ आणि टी-२०मध्ये ७२ विकेट घेतल्या आहेत. वन-डेमध्ये २५ धावांत ४ विकेट आणि टी-२० मध्ये ८ धावांत ४ विकेट ही त्याची सर्वोत्तम कामगिरी आहे.

आयपीएल २०२५ मध्ये चेन्नईकडून खेळणार

अश्विनने ५ जून २०१० ला हरारे येथे श्रीलंकेविरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले होते. तर टी-२० मध्ये त्याने १२ जून २०१० ला हरारे येथे झिम्बाब्वे विरुद्ध पदार्पण केले. अश्विनचे ​​कसोटी पदार्पण २०११ साली वेस्ट इंडिजविरुद्धच्या दिल्ली कसोटीत केले होते. कसोटीत सर्वाधिक प्लेयर ऑफ द सिरिज त्याने पटकावले आहेत. त्याने कसोटीत ११ वेळा प्लेयर ऑफ द सिरिजचा पुरस्कार पटकावला आहे. या बाबतीत तो मुरलीधरनच्या बरोबरीने आहे. अश्विन २०११ मध्ये एकदिवसीय विश्वचषक आणि २०१३ मध्ये चॅम्पियन्स ट्रॉफी जिंकणाऱ्या भारतीय संघाचा भाग होता.
आंतरराष्ट्रीय क्रिकेटमधून निवृत्ती घेतल्यानंतर अश्विन आयपीएलमध्ये खेळताना दिसणार आहे. यंदाच्या हंगामात चेन्नई सुपर किंग्जने त्याचा आपल्या संघात समावेश केला आहे. (R Ashwin)

हेही वाचा :

0 comments
0 FacebookTwitterPinterestEmail
IND vs AUS
ताज्या बातम्या

IND vs AUS : तिसऱ्या कसोटीत वरूण राजाची खेळी, सामना अनिर्णित

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारत आणि ऑस्ट्रेलिया यांच्यातील तिसरी कसोटी अनिर्णित राहिली. ऑस्ट्रेलियाने भारतासमोर २७५ धावांचे लक्ष्य ठेवले होते. प्रत्युत्तरात भारताने दुसऱ्या डावात एकही विकेट न गमावता आठ धावा केल्या. परंतु, पावसाने पुन्हा एखदा सामन्यात व्यत्यय आणला. त्यानंतर सामना अनिर्णित घोषित करण्यात आला. (IND vs AUS)

सामन्यात नाणेफेक गमावून फलंदाजी करणाऱ्या ऑस्ट्रेलियाने पहिल्या डावात ४४५ धावा केल्या. यात हेडने आणि स्मिथने शतकी खेळी करत संघाला ४०० धावांचा टप्पा पार करून दिला. हेडने (१५२) आपल्या कसोटी कारकिर्दीतील नववे शतक तर स्मिथने (१०१) ३३वे शतक झळकावले. उस्मान ख्वाजा (२१) आणि नॅथन मॅकस्विनी (९) यांना बाद करून बुमराहने ऑस्ट्रेलियाला दोन धक्के दिले. यानंतर नितीश रेड्डीने मार्नस लॅबुशेनला (१२) पॅव्हेलियनमध्ये पाठवले. मात्र, यानंतर स्टीव्ह स्मिथ आणि ट्रॅव्हिस हेडने चौथ्या विकेटसाठी २४२ धावांची भागीदारी केली. मिचेल मार्श पाच धावा करून आणि कर्णधार पॅट कमिन्स २० धावा करून बाद झाला.

कमिन्सने कॅरीसोबत सातव्या विकेटसाठी ५८ धावांची भागीदारी केली. मिचेल स्टार्कला बुमराहने तर नॅथन लायनला सिराजने बाद केले. त्याचवेळी आकाश दीपने कॅरीला (७०) बाद करून ऑस्ट्रेलियन भूमीवर पहिली विकेट घेतली. बुमराहने सहा विकेट घेतल्या. त्याचवेळी सिराजला दोन विकेट मिळाल्या. आकाश दीप आणि नितीश यांना प्रत्येकी एक विकेट मिळाली. (IND vs AUS)

ऑस्ट्रेलियाने केलेल्या ४४५ धावांच्या प्रत्युत्तरात भारताचा डाव २६० धावांवर गारद झाला. या सामन्यात भारतीय फलंदाजांनी सुमार कामगिरी केली. यात यशस्वी (४), गिल (१), विराट (३) पंत (९) आणि रोहित (१०) यांचा समावेश आहे. यानंतर राहुलने जडेजासोबत ६७ धावांची भागीदारी केली. परंतु, राहुलचे शतक हुकले आणि तो १३९ चेंडूंत आठ चौकारांच्या मदतीने ८४ धावा करून बाद झाला.

यानंतर नितीश रेड्डी आणि रवींद्र जडेजा यांनी सातव्या विकेटसाठी ५३ धावांची भागीदारी केली. नितीश १६ धावा करून कमिन्सच्या गोलंदाजीवर बोल्ड झाला. तर सिराजला एक धाव करून तंबूत परतला. तर, दुसऱ्या टोकाने फलंदाजी करणाऱ्या जडेजाने आपल्या कसोटी कारकिर्दीतील २२वे अर्धशतक झळकावले. तो नववा विकेट म्हणून बाद झाला. त्याला कमिन्सने मार्शच्या हाती झेलबाद केले. जडेजाने १२३ चेंडूंत ७ चौकार आणि एका षटकाराच्या मदतीने ७७ धावांची खेळी केली. यानंतर बुमराह आणि आकाशने संयमी खेळी करत भारताला फॉलोऑनपासून वाचवले. त्यांनी १०व्या विकेटसाठी ४७ धावांची भागीदारी केली. (IND vs AUS)

दुसऱ्या डावात ऑस्ट्रेलियाची सुरूवात खराब झाली. त्यांनी ३३ धावांत पाच विकेट गमावल्या. यात बुमराहने उस्मान ख्वाजा (८) आणि मार्नस लबुशेन (१) यांना बाद केले. यानंतर आकाश दीपने नॅथन मॅकस्विनी (४) आणि मिचेल मार्श (२) यांना बाद केले. सिराजने स्टीव्ह स्मिथला (४) बाद करून निम्मा ऑस्ट्रेलियन संघ पॅव्हेलियनमध्ये पाठवला. ट्रॅव्हिस हेड आणि ॲलेक्स कॅरी यांनी सहाव्या विकेटसाठी २७ धावांची भागीदारी केली. सिराजने यष्टिरक्षक पंतला हेडकरवी झेलबाद केले. त्याला १७ धावा करता आल्या. ऑस्ट्रेलियाला ८५ धावांवर कमिन्सच्या रूपाने सातवा धक्का बसला आणि ऑस्ट्रेलियाचा डाव ८९ धावांवर घोषित करण्यात आला. २० धावांवर कॅरी आणि २ धावांतर स्टार्क नाबाद राहिला. भारताकडून बुमराहने तीन विकेट घेतल्या. तर सिराज आणि आकाशने प्रत्येकी दोन गडी बाद केले.

१२ वर्षांनी सामना अनिर्णित

गाबा कसोटीत पावसाच्या व्यत्ययामुळे पहिल्या दिवशी केवळ १३.२ षटकांचा खेळ झाला. दुसरा दिवस वगळता उर्वरित चार दिवस पावसाने व्यत्यय आणला. नोव्हेंबर २०१२ नंतर ब्रिस्बेनमध्ये पहिल्यांदाच कसोटी अनिर्णित राहिली आहे. यापूर्वी नोव्हेंबर २०१२ मध्ये ऑस्ट्रेलिया आणि दक्षिण आफ्रिका यांच्यात खेळली गेलेली कसोटी अनिर्णित राहिली होती. त्या आणि या कसोटी सामन्यादरम्यान ११ कसोटी सामने झाल्या. भारत आणि ऑस्ट्रेलिया यांच्यातील पाच सामन्यांची कसोटी मालिका सध्या १-१ अशी बरोबरीत आहे. २६ डिसेंबरपासून मेलबर्नमध्ये चौथा कसोटी सामना खेळवला जाणार आहे.

हेही वाचा :

0 comments
0 FacebookTwitterPinterestEmail
IND vs AUS
ताज्या बातम्या

पाचव्या दिवशी कसे असेल ब्रिस्बेनमधील हवामान?

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : गाबा कसोटीतील भारताच्या पहिल्या डावात जसप्रीत बुमराह आणि आकाश दीप यांनी शेवटच्या विकेटसाठी महत्वाची भागिदारी केली. त्यांच्या या खेळीमुळे भारतीय संघाने फॉलोऑनचा धोका टाळला. भारताने पहिल्या डावात ९ फलंदाज गमावून २५२ धावा केल्या आहेत. तर, आकाश दीप २७ आणि जसप्रीत बुमराह १० धावांवर खेळत आहे.सामन्यात भारतीय संघ अजूनही १९३ धावांनी पिछाडीवर धावांनी मागे आहे. (IND vs AUS)

आकाश दीप-बुमराहची महत्वाची खेळी

चांगली फलंदाजी करणाऱ्या रवींद्र जडेजाच्या रूपाने भारताने २१३ धावांवर नववी विकेट गमावली. त्यामुळे भारतीय संघ पिछाडीवर पडेस अशी स्थिती निर्माण झाली होती. जडेजा बाद झाला तेव्हा भारताला फॉलोऑन वाचवण्यासाठी ३३ धावांची गरज होती. यानंतर महत्वाची खेळी करत बुमराह-आकाश दीप जोडीने संयमी खेळी करत १०व्या विकेटसाठी ३९ धावांची भागीदारी करून संघाला फॉलोऑनच्या पेचातून वाचवले. (IND vs AUS)

सामन्यात पावसाचा व्यत्यय

गाबा कसोटीत पावसाच्या व्यत्ययामुळे पहिला दिवस वाहून गेला. यासह सामन्यात अनेक वेळा पावसाच्या व्यत्ययामुळे सामना थांबवण्यात आला होता. उद्या (दि.१८) सामन्याच्या अखेरच्या दिवशीही पावसाचा अंदाज आहे. ऑस्ट्रेलियन हवामान विभागाच्या अधिकाऱ्याने सांगितले की, पावसाची शक्यता जास्त आहे, सकाळी आणि दुपारी पावसाची शक्यता आहे. सामन्याच्या शेवटच्या दिवशी ९८ षटकांचा खेळ असेल होणार आहे. सामन्यात विजयी होण्यासाठी ऑस्ट्रेलियाला भारताचा डाव गुंडाळावा लागेल. यानंतर आक्रमक फलंदाजी केल्यानंतर भारताच्या सर्व गडी बाद करावे लागतील.

कसे असेल ब्रिस्बेनमधील हवामान?

गाबा कसोटीच्या शेवटच्या दिवशीही पाऊस पडण्याची शक्याता आहे. त्यामुळे सामन्यात व्यत्यय आल्यास किंवा कमी षटके खेळली गेली तर, सामना अनिर्णित राहणे निश्चित आहे.

हेही वाचा :

0 comments
0 FacebookTwitterPinterestEmail
AUS vs IND Test
ताज्या बातम्या

फॉलोऑनचा धोका टळला

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : ऑस्ट्रेलियाच्या पहिला डावातील धावसंख्येला प्रत्युत्तर देताना भारताने पहिल्या डावात ९ फलंदाज गमावून २५२ धावा केल्या. जसप्रीत बुमराह आणि आकाश दीप यांच्या धाडसी फलंदाजीमुळे भारताने फॉलोऑन वाचवला आहे. यासह रवींद्र जडेजा आणि केएल राहुल यांनीही शानदार फलंदाजी करत अर्धशतके झळकावली. आकाश २७ धावांवर तर बुमराह १० धावांवर नाबाद आहे. आतापर्यंत दोघांमध्ये १०व्या विकेटसाठी ५४ चेंडूत ३९ धावांची भागीदारी झाली आहे. ऑस्ट्रेलियाने पहिल्या डावात ४४५ धावा केल्या होत्या. या बाबतीत टीम इंडिया अजूनही १९३ धावांनी मागे आहे. फॉलोऑन वाचवण्यासाठी भारताला २४६ धावा कराव्या लागल्या. (AUS vs IND Test)

आकाशने चौकार मारून फॉलोऑन वाचवला. यावेळी ड्रेसिंग रूममध्ये उपस्थित रोहित शर्मा, विराट कोहली आणि गौतम गंभीर यांनी उत्साहात खुर्चीवरून उडी मारून आनंद साजरा केली. आकाश आणि बुमराह जेव्हा ड्रेसिंग रूममध्ये परतले भारतीय खेळाडूंनी त्यांना स्टँडिंग ओव्हेशन दिले.
भारताने आज चार बाद ५१ धावांवर खेळण्यास सुरुवात केली. मात्र, लवकरच संघाला रोहित शर्माच्या रूपाने पाचवा धक्का बसला. रोहित १० धावा करून कमिन्सचा बळी ठरला. यानंतर राहुलने जडेजासोबत ६७ धावांची भागीदारी केली. राहुलचे शतक हुकले आणि तो १३९ चेंडूंत आठ चौकारांच्या मदतीने ८४ धावा करून बाद झाला.

यानंतर नितीश रेड्डी आणि रवींद्र जडेजा यांनी सातव्या विकेटसाठी ५३ धावांची भागीदारी केली. नितीश १६ धावा करून कमिन्सच्या गोलंदाजीवर बोल्ड झाला. यानंतर जडेजाने आपल्या कसोटी कारकिर्दीतील २२वे अर्धशतक झळकावले. तो नववी विकेट म्हणून बाद झाला. त्याला कमिन्सने मार्शच्या हाती झेलबाद केले. जडेजाने १२३ चेंडूंत ७ चौकार आणि एका षटकाराच्या मदतीने ७७ धावांची खेळी केली. (AUS vs IND Test)

यानंतर बुमराह आणि आकाशने धाडस दाखवत भारताला फॉलोऑनपासून वाचवले. ऑस्ट्रेलियाकडून कर्णधार कमिन्सने चार विकेट घेतल्या आहेत. तर मिचेल स्टार्कने तीन विकेट घेतल्या. जोश हेझलवूड आणि नॅथन लायनला प्रत्येकी एक विकेट मिळाली. याआधी सोमवारी यशस्वी चार धावा केल्यानंतर, गिल एक धावा करून, विराट तीन धावा करून आणि पंत नऊ धावा करून बाद झाला.

सामन्यात पावसाचा व्यत्यय

पावसामुळे व्यत्ययामुळे सामना थांबवण्यात आला. लंच ब्रेक दरम्यानही पाऊस पडला होता.

हेझलवूड मालिकेतून बाहेर?

ऑस्ट्रेलियाचा वेगवान गोलंदाज जोश हेझलवूडच्या पायास दुखापत झाली असून तो मालिकेतील उर्वरित दोन कसोटींना मुकण्याची शक्यता आहे. मंगळवारी, चौथ्या दिवशीचा खेळापूर्वी सराव करताना हेझवूडच्या पोटरीला दुखापत झाली. चौथ्या दिवशी केवळ एक षटक टाकून तो मैदानाबाहेर गेला. त्याच्या तपासण्या करण्यात आल्या असून वैद्यकीय पथक त्याच्या दुखापतीवर लक्ष ठेवून असल्याची माहिती ऑस्ट्रेलियाचे साहाय्यक प्रशिक्षक डॅनिएल व्हिट्टोरी यांनी दिली. ब्रिस्बेन कसोटीमध्ये हेझलवूडने तिसऱ्या दिवशी विराट कोहलीला बाद केले होते. या मालिकेतील चौथी कसोटी मेलबर्न येथे रंगणार आहे. हेझलवूड मालिकेबाहेर गेल्यास चौथ्या कसोटीत त्याच्याजागी स्कॉट बोलंड, ब्रेंडन डॉगेट व शॉन ॲबॉट यांच्यापैकी एकास ऑस्ट्रेलिया संघात स्थान मिळेल. (Hazelwood)

हेही वाचा :

0 comments
0 FacebookTwitterPinterestEmail
Jasprit Bumrah
ताज्या बातम्या

Jasprit Bumrah : गाबामध्ये बुमराहचा कहर

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारत आणि ऑस्ट्रेलिया यांच्यातील पाच कसोटी सामन्यांच्या मालिकेतील तिसरा सामना गाबा येथे खेळवला जात आहे. या सामन्यात भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. पहिल्या दिवसाचा खेळ पावसामुळे खंडित झाला. (Jasprit Bumrah)

प्रथम फलंदाजी करताना ट्रॅव्हिस हेड आणि स्टीव्ह स्मिथ यांच्या शतकी खेळीच्या जोरावर ऑस्ट्रेलियाने सात फलंदाज गमावून ४०५ धावा केल्या. भारतीय गोलंदाजांना ऑस्ट्रेलियावर वर्चस्व राखता आले नाही. मात्र, जसप्रीत बुमराह हा एकाकी झुंज देत १२व्यांदा डावात पाच विकेट्स घेतल्या.

आज (दि.१५) सकाळी ऑस्ट्रेलियाने बिनबाद २८ धावांपासून खेळायला सुरूवात केली. दिवसाचा खेळ संपेपर्यंत सात फलंदाज गमावून ३७७ धावा केल्या. आपल्या दमदार गोलंदाजीच्या जोरावर बुमराहने ऑस्ट्रेलियाचे पाच फलंदाज बाद केले. यात त्याने उस्मान ख्वाजा (२१) आणि नॅथन मॅकस्विनी (९) यांना बाद करून दोन धक्के दिले. यानंतर पहिल्या सत्रातच नितीश रेड्डीने मार्नस लॅबुशेनला (१२) पॅव्हेलियनमध्ये पाठवले. मात्र, यानंतर स्टीव्ह स्मिथ आणि ट्रॅव्हिस हेडने दुसऱ्या सत्रात एकही विकेट पडू दिली नाही. दोघांनी चौथ्या विकेटसाठी २४२ धावांची भागीदारी केली. (Jasprit Bumrah)

ही भागीदारी फोडण्याचे काम बुमराहने केले. त्याने स्मिथला रोहितकरवी झेलबाद केले. त्यानंतर हेडला विकेटकीपर पंतने झेलबाद केले. बाद होण्यापूर्वी हेडने आपल्या कसोटी कारकिर्दीतील नववे शतक झळकावले आणि स्मिथने ३३वे शतक झळकावले. स्मिथ १९० चेंडूत १२ चौकारांच्या मदतीने १०१ धावा करून बाद झाला. तर, हेड १६० चेंडूत १८ चौकारांच्या मदतीने १५२ धावा करून बाद झाला. यानंतर त्याने बुमराहने मार्शला (५) बाद केले. मार्शला बाद करत बुमराहने कसोटी कारकिर्दीतील ११वे पाच विकेट घेतल्या. त्याने कसोटीत २५ षटके टाकली असून ७२ धावांत पाच विकेट्स घेतल्या.

बुमराहने मालिकेत आतापर्यंत सर्वाधिक १७ विकेट घेतल्या आहेत. बुमराहने आतापर्यंत ऑस्ट्रेलियाविरुद्ध तीन वेळा पाच विकेट घेतल्या आहेत. या मालिकेत त्याने नवीन चेंडूसह, बुमराहने ७.०८ च्या सरासरीने १२ विकेट घेतल्या. तर, जुन्या चेंडूवर पाच विकेट्स घेतल्या आहेत. (Jasprit Bumrah)

परदेशात भारतासाठी सर्वाधिक वेळा 5 बळी घेणारे खेळाडू (सर्व फॉरमॅट)

  • ११ : जसप्रीत बुमराह
  • १० : कपिल देव
  • ९ : अनिल कुंबळे
  • ८ : इशांत शर्मा
  • ८ : बी चंद्रशेखर

हेही वाचा :

0 comments
0 FacebookTwitterPinterestEmail
AUS vs IND Test
ताज्या बातम्या

ऑस्ट्रेलियाने भारतला दमवले

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : गाबा कसोटीच्या दुसऱ्या दिवसाचा खेळ संपेपर्यंत ऑस्ट्रेलियाने सात गडी गमावून ४०५ धावा केल्या आहेत. मिचेल स्टार्क ७ धावांवर तर, ॲलेक्स कॅरी ४५ धावांवर खेळत आहे. ट्रॅव्हिस हेड (१५२) आणि स्टीव्ह स्मिथ (१०१) यांच्या शतकी खेळीच्या जोरावर ऑस्ट्रेलियाने ४०० धावांचा टप्पा पार केला. गोलंदाजीत भारताकडून जसप्रीत बुमराहने पाच विकेट घेतल्या. (AUS vs IND Test)

आज (दि.१५) ऑस्ट्रेलियाने बिनबाद २८ धावांवर खेळण्यास सुरूवात केली. ऑस्ट्रेलियाच्या ट्रॅव्हिड हेड आणि स्टिव स्मिथच्या शतकी कामगिरीच्या जोरावर ऑस्ट्रेलिआने दुसऱ्या दिवसाचा खेळ संपेपर्यंत सात फलंदाज गमावून ३७७ धावा केल्या. बुमराहने पहिल्या सत्रात उस्मान ख्वाजा (२१) आणि नॅथन मॅकस्विनी (९) यांना बाद करून दोन धक्के दिले. यानंतर पहिल्या सत्रातच नितीश रेड्डीने मार्नस लॅबुशेनला (१२) पॅव्हेलियनमध्ये पाठवले. मात्र, यानंतर स्टीव्ह स्मिथ आणि ट्रॅव्हिस हेडने दुसऱ्या सत्रात एकही विकेट पडू दिली नाही. या दोघांनी चौथ्या विकेटसाठी २४२ धावांची भागीदारी केली.

हेडने आपल्या कसोटी कारकिर्दीतील नववे शतक तर स्मिथने ३३वे शतक झळकावले. स्मिथ १९० चेंडूत १२ चौकारांच्या मदतीने १०१ धावा करून बाद झाला. तर हेड १६० चेंडूत १८ चौकारांच्या मदतीने १५२ धावा करून बाद झाला. यानंतर मिचेल मार्श ५, कर्णधार पॅट कमिन्स २० धावा करून बाद झाले. कमिन्सने कॅरीसोबत सातव्या विकेटसाठी ५८ धावांची भागीदारी केली. बुमराहने पाच विकेट घेतल्या. तर सिराज आणि नितीशला प्रत्येकी एक विकेट मिळाली. (AUS vs IND Test)

हेही वाचा :

0 comments
0 FacebookTwitterPinterestEmail
Team India
ताज्या बातम्या

Team India : भारतीय संघाचा कसून सराव

by प्रतिनिधी
written by प्रतिनिधी

ब्रिस्बेन : बॉर्डर-गावसकर ट्रॉफी स्पर्धेतील तिसऱ्या कसोटीचे यजमानपद भूषवणाऱ्या गॅबा स्टेडियमवर भारतीय संघाने गुरुवारी कसून सराव केला. विराट कोहलीसह भारतीय फलंदाजांनी प्रशिक्षक गौतम गंभीर यांच्या मार्गदर्शनाखाली फलंदाजीचा सराव केला. (Team India)

या मालिकेतील पर्थ येथील पहिली कसोटी जिंकून भारताने आघाडी घेतली होती. मात्र, अडलेड येथील कसोटी जिंकून ऑस्ट्रेलियाने मालिकेत पुनरागमन केले. त्यामुळे, ब्रिस्बेन कसोटीपूर्वी दडपण भारतीय संघावर आहे. त्यातच जागतिक कसोटी अजिंक्यपद स्पर्धेची अंतिम फेरी गाठण्याच्या दृष्टीनेही भारतासाठी विजय महत्त्वाचा आहे. ब्रिस्बेन येथील खेळपट्टीवर गवत असल्यामुळे येथे वेगवान गोलंदाजांना साहाय्य मिळण्याचे संकेत आहेत. त्या पार्श्वभूमीवर भारतीय फलंदाजांनी थ्रो-डाउन चेंडूंवर फलंदाजी केली. विराट कोहलीने नेट्समध्ये दोन बॅट बदलून फलंदाजी केली. लोकेश राहुल, शुभमन गिल, रिषभ पंत, यशस्वी जैस्वाल, नितीश रेड्डी यांनीही नेट्समध्ये फलंदाजी केली. अडलेडमध्ये मधल्या फळीत अपयशी ठरल्यानंतर भारताचा कर्णधार रोहित शर्मा ब्रिस्बेन कसोटीत पुन्हा सलामीला फलंदाजीस येण्याची शक्यता आहे. खेळपट्टीवर टिकून राहण्यासाठी रोहितने आपला क्रीझमध्ये उभा राहण्याचा पवित्रा (स्टान्स) बदलावा, असेही काही माजी क्रिकेटपटूंनी सुचवले होते. तथापि, सरावसत्रात रोहितने जुन्याच स्टान्ससह फलंदाजी केली. (Team India)

दरम्यान, जसप्रित बुमराहसह भारताचे गोलंदाजही या सरावसत्रास उपस्थित होते. बुमराहने अन्य वेगवान गोलंदाजांशी चर्चा केली. अडलेड कसोटीत फारशी चमक दाखवू न शकलेला वेगवान गोलंदाज हर्षित राणाच्या जागी आकाशदीपला ब्रिस्बेन कसोटीसाठी संघात स्थान देण्यात येण्याची शक्यता आहे. गुरुवारी आकाशदीपने नेट्समध्ये गोलंदाजी केल्यामुळे या शक्यतेला बळ मिळाले.

हेही वाचा :

0 comments
0 FacebookTwitterPinterestEmail
Newer Posts
Older Posts
error: Content is protected !!