कोल्हापूर : प्रतिनिधी : राष्ट्रपुरुष छत्रपती शिवाजी महाराज, छत्रपती संभाजी महाराजांविषयी वादग्रस्त वक्तव्य करणाऱ्या आणि इतिहास अभ्यासक इंद्रजीत सावंत यांना धमकी देणाऱ्या प्रशांत कोरटकरला प्रथम वर्ग न्यायदंडाधिकारी एस.एस.तट यांनी २८ मार्चपर्यंत पोलिस कोठडी ठेवण्याचा आदेश दिला. यावेळी कोरटकरच्या आवाजाचे शास्त्रीय नमुने घ्यावेत, अशी मागणी इंद्रजीत सावंत यांचे वकील असिम सरोदे यांनी न्यायालयाकडे केली.(Koratkar remanded PC)
एक महिन्यापूर्वी मध्यरात्री प्रशांत कोरटकरने इतिहास संशोधक इंद्रजीत सावंत यांना धमकी दिली. यावेळी झालेल्या संभाषणात कोरटकरने छत्रपती शिवाजी महाराज, छत्रपती संभाजी महाराज, राजमात जिजाऊ यांच्याविषयी वादग्रस्त विधान केले होते. कोरकटरच्या विरोधात जुना राजवाडा पोलिस ठाण्यात गुन्हा नोंद झाला आहे. (Koratkar remanded PC)
जिल्हा व सत्र न्यायालयाने कोरटकरचा जामीन अर्ज फेटाळल्यानंतर सोमवारी (२४ मार्च) कोल्हापूर पोलिसांनी तेलगंणातील मंचरियाल येथे त्याच्या मुसक्या आवळल्या. रात्रभर प्रवास करुन मंगळवारी (२५ मार्च) सकाळी कोरटकरला जुना राजवाडा पोलिस ठाण्यात आणले. पोलिस ठाण्यातच वैद्यकीय तपासणी करुन त्याला दुपारी बारा वाजण्याच्या सुमारास कोर्टात हजर करण्यात आले. (Koratkar remanded PC)
प्रथम वर्ग न्यायदंडाधिकारी एस.एस. तट यांच्यासमोर सुनावणी झाली. सरकारी वकील सूर्यकांत पवार यांनी कोरटकर यापूर्वी कधीच पोलिसांसमोर हजर राहिलेला नाही. कोरटकरने मोबाईलमधील डेटा डिलिट केला आहे. त्याने असे का केले याचा तपास करावा लागणार आहे. आरोपीच्या आवाजाचे नमुने घ्यावयाचे आहेत. आरोपी एक महिन्यानंतर पकडला गेला असल्याने त्याला या काळात कोणी मदत केली याचा तपास करण्याची गरज आहे. आरोपीने पळून जाण्यासाठी कोणत्या वाहनांचा वापर केला. त्या वाहनांचे मालक कोण, या गुन्ह्याचा तपास करण्यासाठी सात दिवसाची पोलिस कोठडी द्यावी अशी विनंती केली. कोरटकरचे वकील सौरभ घाग यांनी ऑनलाईन युक्तिवाद केला. (Koratkar remanded PC)
इंद्रजीत सावंत आणि कोरटकर यांच्यात संवाद झाल्यावर सावंत यांनी पोलिस ठाण्यात न जाता रात्री सोशल मीडियावर पोस्ट केली. कोरटकर सकाळी मुलीला शाळेला सोडवायला गेले असता सावंत यांनी केलेल्या पोस्टची माहिती मिळाली. कोरटकरनी पोलिसांना सहकार्य केले आहे. उलट सोशल मीडियावर पोस्ट करुन वातावरण बिघडावल्याने सावंत यांच्याविरोधात गुन्हा दाखल व्हायला हवा होता. कोरटकर यांनी आपला मोबाईलही पोलिसांकडे तपासासाठी दिला आहे. तसेच जामिनासाठी स्वत: न्यायालयात प्रयत्न करुन पोलिसांना तपासात सहकार्य करण्याची भूमिका दर्शवली होती. त्यामुळे पोलिस कोठडी न देता त्यांना जामीन द्यावा, अशी न्यायालयाला विनंती केली. (Koratkar remanded PC)
इंद्रजीत सावंत यांचे वकील असिम सरोदे यांनी युक्तिवाद केला. नवीन फौजदारी कायद्यानुसार आरोपीला अटक करण्यासाठी कारणे दयावी लागतात. प्रशांत कोरटकरने कधीही पोलिसांना सहकार्य केलेले नसल्याने तपासासाठी सात दिवसाची पोलिस कोठडीची मागणी केली.
असिम सरोदे पत्रकारांशी बोलताना म्हणाले, कोरटकर हे पोलिसांना कधीच सहकार्य करत नव्हते तर ते फरार होते. ते वकीलांमार्फत कोर्टात जामिनासाठी अर्ज करत होते. पोलिस त्यांच्या घरी जात होते पण घराला कुलूप असायचे. त्यांच्याशी मोबाईलवर संपर्क साधता येत नव्हता. पोलिसांना अधिक तपास करण्यासाठी त्यांना सात दिवसाची पोलिस कोठडी द्यावी अशी विनंती केली. (Koratkar remanded PC)
पोलिसांनी कोरटकर यांच्या आवाजाच्या नमुन्याची शास्त्रीय पद्धतीने घ्यावी अशी मागणी सरोदे यांनी केले. आवाजाचा नमुना हा महत्वाचा पुरावा असल्याने स्वर, व्यंजन, वेगवेगळ्या पद्धतीने आवाज काढणे हे महत्वाचे असल्याचे त्यांनी सांगितले.
चंद्रपूर पोलिस ठाण्यासमोर सीसीटीव्ही फुटेज तपासावेत
कोल्हापूर पोलिसांनी तपास करताना चंद्रपूर पोलिस ठाण्यासमोरील सीसीटीव्ही तपासावेत, अशी मागणी वकील असिम सरोदे यांनी केली. प्रकाश कोरटकर पोलिस ठाण्यासमोर हॉटेलमध्ये दोन दिवस वास्तव्यास होता. त्याला कोण भेटत होते याची पोलिसांनी चौकशी करावी. पोलिस अधिकाऱ्यांनीही कोरकटरची भेट घेतली होती अशी माहिती पुढे आली आहे.
कोरटकरवर फेकले कोल्हापुरी चप्पल
दरम्यान, कोर्टाच्या आवारात संतप्त नागरिकांनी कोरटकरवर हल्ल्याचा प्रयत्न करण्यात आला. त्याच्या दिशेने एकाने कोल्हापुरी चप्पल फेकले. पोलिसांनी त्याच्याभोवती मजबूत कडे केले होते. त्यामुळे त्याला चप्पल लागले नाही.
हेही वाचा :
