Tuesday, July 28, 2026
Home » हरलीन देओल
Tag:

हरलीन देओल

Women’s Cricket
ताज्या बातम्या

Women’s Cricket : भारताची मालिकेत विजयी आघाडी

by प्रतिनिधी
written by प्रतिनिधी

राजकोट : फलंदाजांच्या जोरदार कामगिरीमुळे भारतीय महिला संघाने आयर्लंडविरुद्धच्या वन-डे क्रिकेट मालिकेत रविवारी सलग दुसरा विजय नोंदवला. हा सामना ११६ धावांनी जिंकून भारताने तीन सामन्यांच्या मालिकेत २-० अशी विजयी आघाडीही घेतली. (Women’s Cricket)

नाणेफेक जिंकून प्रथम फलंदाजी करताना भारताने ५ बाद ३७० इतकी धावसंख्या उभारली. महिला वन-डे क्रिकेटमधील भारताची ही सर्वोच्च धावसंख्या ठरली. मागील महिन्यात वेस्ट इंडिजविरुद्ध केलेल्या ३५८ धावांचा विक्रम भारताने मागे टाकला. कर्णधार स्मृती मानधना आणि प्रतिका रावल यांनी भारताला १९ षटकांत १५६ धावांची सलामी दिली. मानधनाने ५४ चेंडूंमध्ये १० चौकार व २ षटकारांसह ७३ धावा फटकावल्या. प्रतिकाने सलग दुसरे अर्धशतक झळकावताना ६१ चेंडूंमध्ये ८ चौकार व एका षटकारासह ६७ धावांची खेळी केली. या दोघी बाद झाल्यानंतर हरलीन देओल आणि जेमिमा रॉड्रिग्ज यांनी तिसऱ्या विकेटसाठी १८३ धावांची भागीदारी रचली. (Women’s Cricket)

जेमिमाने ९१ चेंडूंमध्ये १२ चौकारांच्या मदतीने १०२ धावा करून कारकिर्दीतील पहिलेवहिले वन-डे शतक ठोकले. हरलीनने ८४ चेंडूत १२ चौकारांसह ८९ धावा करत तिला उपयुक्त साथ दिली. महिला वन-डे क्रिकेटमध्ये केवळ दुसऱ्यांदा भारताच्या चार फलंदाजांना अर्धशतकी टप्पा पार करण्यात यश आले. यापूर्वी, २००४ मध्ये भारताने वेस्ट इंडिजविरुद्ध अशी कामगिरी केली होती. (Women’s Cricket)

भारताच्या आव्हानाचा पाठलाग करताना आयर्लंडला ५० षटकांत ७ बाद २५४ धावाच करता आल्या. आयर्लंडतर्फे ख्रिस्टिना रिलीने ११३ चेंडूंमध्ये १० चौकारांसह ८० धावा करून एकाकी लढत दिली. भारतातर्फे १०० वा आंतरराष्ट्रीय वन-डे सामना खेळणाऱ्या दीप्ती शर्माने ३७ धावांत ३ विकेट घेतल्या. प्रिया मिश्राने २ विकेट घेतल्या. या मालिकेतील अखेरचा सामना बुधवारी, १५ जानेवारी रोजी रंगणार आहे. (Women’s Cricket)

संक्षिप्त धावफलक :
भारत – ५० षटकांत ५ बाद ३७० (जेमिमा रॉड्रिग्ज १०२, हरलीन देओल ८९, स्मृती मानधना ७३, प्रतिका रावल ६७, आर्लिन केली २-८२) विजयी विरुद्ध आयर्लंड – ५० षटकांत ७ बाद २५४ (ख्रिस्टिना रेली ८०, सारा फोर्ब्ज ३८, लारा डेलानी ३७, दीप्ती शर्मा ३-३७, प्रिया मिश्रा २-५३).

0 comments
0 FacebookTwitterPinterestEmail
Indian Womens Team
ताज्या बातम्यामहत्त्वाच्या नोंदी

Indian Womens Team : हरमनप्रीत, रेणुकाला विश्रांती

by प्रतिनिधी
written by प्रतिनिधी

मुंबई : भारतीय महिला संघाच्या आयर्लंडविरुद्धच्या आगामी वन-डे क्रिकेट मालिकेसाठी सोमवारी संघ जाहीर करण्यात आला. भारतीय संघाची नियमित कर्णधार हरमनप्रीत कौर आणि वेगवान गोलंदाज रेणुका सिंह यांना या मालिकेसाठी विश्रांती देण्यात आली आहे. हरमनप्रीतच्या अनुपस्थितीत स्मृती मानधनाकडे नेतृत्वाची धुरा सोपवण्यात आली आहे, तर दीप्ती शर्मा उपकर्णधार आहे. (Indian Womens Team)

तीन सामन्यांची ही मालिका राजकोट येथे खेळवण्यात येईल. १० जानेवारी, १२ जानेवारी आणि १५ जानेवारी रोजी या मालिकेतील सामने रंगणार आहेत. या मालिकेसाठी राघवी बिश्त आणि सायली सातघरे या नवोदित खेळाडूंना भारतीय वन-डे संघात स्थान देण्यात आले आहे. राघवीने मागील महिन्यात वेस्ट इंडिजविरुद्धच्या मालिकेत आंतरराष्ट्रीय टी-२० पदार्पण केले होते. सायलीची यापूर्वी ऑक्टोबर, २०२४ मध्ये न्यूझीलंडविरुद्धच्या वन-डे मालिकेसाठीही संघात निवड करण्यात आली होती. परंतु, त्यावेळी तिला पदार्पणाची संधी मिळाली नाही. (Indian Womens Team)

दरम्यान, शफाली शर्माला या मालिकेकरिता पुन्हा भारतीय संघात स्थान मिळवता आलेले नाही. मागील महिन्यात देशांतर्गत महिला वन-डे करंडक स्पर्धेत तिने हरियाणाकडून खेळताना ७ सामन्यांत ५२७ धावा केल्या होत्या. तिच्यासह अरुंधती रेड्डी, राधा यादव आणि स्नेह राणा या अनुभवी खेळाडूही संघाबाहेर आहेत. आर्यलंडचा महिला संघ प्रथमच दुरंगी मालिकेसाठी भारताचा दौरा करणार आहे. या दोन्ही संघांमध्ये आतापर्यंत १२ वन-डे सामने खेळवण्यात आले असून भारताने हे सर्व सामने जिंकले आहेत. (Indian Womens Team)

भारतीय संघ : स्मृती मानधना (कर्णधार), दीप्ती शर्मा (उपकर्णधार), प्रतिका रावल, हरलीन देओल, जेमिमा रॉड्रिग्ज, उमा छेत्री, रिचा घोष, तेजल हसबनीस, राघवी बिश्त, मिनू मणी, प्रिया मिश्रा, तनुजा कंवर, तितास साधू, सायमा ठाकोर, सायली सातघरे.

 

हेही वाचा :
रोहित, विराटच निर्णय घेतील
 बॉर्डर-गावसकर ट्रॉफी ऑस्ट्रेलियाकडे

0 comments
0 FacebookTwitterPinterestEmail
error: Content is protected !!