मेन स्टोरी

अहमदाबाद; वृत्तसंस्था :  देशातील जनतेने ‘शहरी नक्षलवाद्यां’चा हा संबंध ओळखावा. हे लोक देश तोडण्याचा प्रयत्न करत आहेत. जंगलातून नक्षलवाद संपत असताना शहरी नक्षलवाद्यांचे नवे मॉडेल डोके वर काढत आहे. या शक्तींशी लढायचे आहे, असा निर्धार पंतप्रधान नरेंद्र मोदी यांनी केला.

मोदी यांनी गुजरातमधील कच्छमध्ये सैनिकांसोबत दिवाळी साजरी केली. या वेळी त्यांनी जवानांना मिठाई खाऊ घातली. तत्पूर्वी, त्यांनी भारताचे पहिले गृहमंत्री सरदार वल्लभभाई पटेल यांना त्यांच्या जयंतीनिमित्त आदरांजली वाहिली. गुजरातमधील नर्मदा जिल्ह्यातील एकता नगर येथील ‘स्टॅच्यू ऑफ युनिटी’जवळ त्यांनी एका सभेला संबोधित केले. देशवासीयांना दिवाळीच्या शुभेच्छा दिल्या.

गुजरातमधील नर्मदा जिल्ह्यातील एकता नगर येथे सभेला संबोधित करताना मोदी म्हणाले, ‘भारताच्या वाढत्या सामर्थ्यामुळे आणि क्षमतांमुळे, आतून आणि बाहेरून काही शक्ती देश अस्थिर करण्याचा आणि अराजकता पसरवण्याचा प्रयत्न करत आहेत. त्यांना भारताचे नुकसान करायचे आहे. आर्थिक हितसंबंध आणि जगात देशाची नकारात्मक प्रतिमा मांडून परदेशी गुंतवणूकदारांना चुकीचा संदेश दिला.

मोदी म्हणाले, की भाजप सरकारने ‘एक राष्ट्र, एक कर’ प्रणाली आणली आहे आणि कलम ३७० रद्द करून जम्मू-काश्मीरचा विशेष दर्जा संपवला आहे. मागील सरकारांच्या भेदभावपूर्ण धोरणांमुळे आणि हेतूंमुळे राष्ट्रीय एकात्मता कमकुवत झाली. गेल्या १० वर्षात, नवीन प्रशासन मॉडेलने भेदभाव दूर केला आहे. आम्ही ‘सबका साथ सबका विकास’चा मार्ग निवडला आहे. या दृष्टिकोनामुळे राष्ट्रीय एकात्मता मजबूत होण्यास मदत होईल. ‘एक राष्ट्र, एक ओळख’ दर्शवणाऱ्या आधारची जागतिक पातळीवर चर्चा होत आहे.

ते म्हणाले, ‘आम्ही जीएसटीच्या माध्यमातून ‘एक राष्ट्र, एक कर’ प्रणाली आणली. आयुष्मान भारतच्या माध्यमातून आम्ही ‘एक राष्ट्र, एक आरोग्य विमा’ योजना आणली. आता आम्ही ‘एक राष्ट्र, एक निवडणूक’ या दिशेने काम करत आहोत. त्यामुळे लोकशाही मजबूत होईल आणि संसाधनांचा जास्तीत जास्त वापर करा भारताची वाटचाल ‘एक राष्ट्र, एक नागरी संहिते’कडे आहे.’

 काश्मीरमध्ये मुख्यमंत्र्यांनी प्रथमच घेतली राज्यघटनेला अनुसरून शपथ

जम्मू-काश्मीरमधील कलम ३७० ची भिंत मोडन काढली. कलम ३७० कायमचे गाडले गेले. या विधानसभा निवडणुकीत प्रथमच भेदभाव न करता मतदान झाले. तिथल्या मुख्यमंत्र्यांनी पहिल्यांदाच भारतीय राज्यघटनेची शपथ घेतली आहे. या दृश्याने भारतीय राज्यघटनेच्या निर्मात्यांना मोठे समाधान दिले असावे. त्याच्या आत्म्याला शांती मिळाली असावी. हीच आमची संविधान निर्मात्यांना विनम्र श्रद्धांजली आहे, असे मोदी म्हणाले.

वडोदरा;  वृत्तसंस्था : गेल्या दशकात भारताच्या विमान वाहतूक क्षेत्राची अभूतपूर्व वाढ आणि परिवर्तन तुम्ही सर्वांनी पाहिले आहे. आम्ही भारताला ‘एव्हिएशन हब’ बनवण्यासाठी काम करत आहोत. या परिसंस्थेमुळे भविष्यात ‘मेड इन इंडिया’ नागरी विमानांचा मार्ग मोकळा होईल. विविध भारतीय विमान कंपन्यांनी १२०० नवीन विमानांची ऑर्डर दिली आहे. भारत आणि जगाच्या भविष्यातील गरजा पूर्ण करण्यासाठी नागरी विमानांच्या डिझाइन आणि निर्मितीमध्ये हा कारखाना महत्त्वाची भूमिका बजावणार आहे, असा विश्वास पंतप्रधान नरेंद्र मोदी यांनी व्यक्त केला. (Narendra Modi)

मोदी आणि स्पेनचे अध्यक्ष पेड्रो सांचेझी यांच्या हस्ते सी-२९५ विमानांच्या निर्मितीसाठी ‘टाटा एअरक्राफ्ट कॉम्प्लेक्स’ चे उद्‌घाटन करण्यात आले. तत्पूर्वी भारत भेटीवर पहिल्यांदाच आलेल्या सांचेझी यांच्यासह मोदी यांनी वडोदऱ्यात रॅली काढली. मोदी म्हणाले, की आमचे मित्र पेड्रो सांचेझ यांची ही पहिलीच भारत भेट आहे. आजपासून आम्ही भारत आणि स्पेन यांच्यातील भागीदारीला नवी दिशा देत आहोत. आम्ही सी-२९५ विमानांच्या उत्पादन कारखान्याचे उद्‌घाटन करत आहोत. या कारखान्यामुळे भारत-स्पेन संबंध तसेच ‘मेक इन इंडिया, मेक फॉर द वर्ल्ड’ मिशन अधिक मजबूत होईल.

या वेळी रतन टाटा यांचेही मोदी यांनी स्मरण केले. ते म्हणाले, की नुकतेच आपण देशाचे महान सुपुत्र रतन टाटा यांना गमावले. ते असते, तर त्यांना अधिक आनंद झाला असता. हा सी-२९५ विमान कारखाना नव्या भारताची नवीन कार्यसंस्कृती प्रतिबिंबित करतो. मी गुजरातचा मुख्यमंत्री असताना वडोदरात ट्रेनचे डबे बनवण्याचा कारखाना काढण्याचा निर्णय घेण्यात आला होता. कारखानाही विक्रमी वेळेत उत्पादनासाठी सज्ज झाला. आज आपण त्या कारखान्यात बनवलेले मेट्रोचे डबे इतर देशांमध्ये निर्यात करत आहोत. भविष्यात या कारखान्यात तयार होणारी विमाने इतर देशांमध्येही निर्यात केली जातील, असा मला पूर्ण विश्वास आहे. (Narendra Modi)

मोदी म्हणाले, ‘आज भारतातील संरक्षण उत्पादन परिसंस्था नवीन उंचीला स्पर्श करत आहे. दहा वर्षांपूर्वी जर आपण ठोस पावले उचलली नसती, तर आज ही पातळी गाठणे अशक्य झाले असते. संरक्षण निर्मिती भारतात एवढ्या मोठ्या प्रमाणावर होऊ शकते, याची कल्पनाही त्या वेळी कोणीही केली नसेल; पण आम्ही नव्या वाटेवर चालायचे ठरवले, स्वतःसाठी नवीन ध्येय ठेवले. आज निकाल आपल्या समोर आहे. आम्ही संरक्षण उत्पादनात खासगी क्षेत्राचा सहभाग वाढवला. सार्वजनिक क्षेत्र कार्यक्षम केले. शस्त्रास्त्र कारखान्यांचे सात मेगा-कंपन्यांमध्ये रूपांतर केले. ‘डीआरडीओ’ आणि ‘एचएएल’ला मजबूत केले. उत्तर प्रदेश आणि तामिळनाडूमध्ये दोन प्रमुख संरक्षण कॉरिडॉर तयार केले. अशा अनेक निर्णयांनी संरक्षण क्षेत्रात नवी ऊर्जा भरली.

सांचेझ म्हणाले, की  भारतीय कंपन्यांना पुढे जायचे असेल तर माझ्यावर विश्वास ठेवा. २०२६ मध्ये भारतात बनवलेले पहिले सी-२९५ वडोदरा येथील या प्लांटमध्ये तयार केले जाईल. हे विमान स्पॅनिश आणि युरोपीयन विमान उद्योगाचे प्रतीक आहे. भारताच्या संरक्षण क्षमतेच्या आधुनिकीकरणात योगदान देण्याव्यतिरिक्त, ते तंत्रज्ञानाच्या विकासाला चालना देईल. येथे हजारो प्रत्यक्ष आणि अप्रत्यक्ष रोजगार निर्माण होतील आणि उच्च पात्र अभियंते आणि तंत्रज्ञांच्या नवीन पिढीला प्रशिक्षित केले जाईल.

४० विमानांची भारतात बांधणी

सी-२९५ कार्यक्रमांतर्गत एकूण ५६ विमाने तयार केली जाणार आहेत, त्यापैकी १६ विमाने थेट स्पेनमधून एअरबसद्वारे वितरित केली जात आहेत आणि उर्वरित ४० भारतात बांधली जाणार आहेत. ‘टाटा ॲडव्हान्स्ड सिस्टीम्स लिमिटेड’ या ४० विमानांची निर्मिती भारतात करणार आहे. ही सुविधा भारतातील लष्करी विमानांसाठी खासगी क्षेत्रातील पहिली ‘फायनल असेंब्ली लाइन’असेल.

हेही वाचा :

• टरबुज्याची नजर सांगायची, ‘मी पुन्हा येईन… मी पुन्हा येईन…’
• कुस्तीपटू चिराग चिक्काराची ऐतिहासिक कामगिरी
• अनिल देशमुखांचा ‘होम मिनिस्टर’, ऐन निवडणुकीत वाढविणार संशयकल्लोळ!