मुंबई : अमेरिकेचे राष्ट्राध्यक्ष डोनाल्ड ट्रम्प यांच्या प्रस्तावित करधोरणाचा फटका भारतातील दोन्ही शेअर बाजाराला बसला. ज्याला ट्रम्प ‘मुक्ती दिन’ म्हणतात, ते कर धोरण २ एप्रिलला जाहीर करणार आहेत. त्याच्या आदल्या दिवशी, मंगळवारी (१ एप्रिल) शेअर बाजारात अभूतपूर्व पडझड झाली आहे. (Stock Market crash)
मंगळवारी भारतीय शेअर बाजारातील सेन्सेक्स आणि निफ्टी हे भारतीय शेअर बाजारातील निर्देशांक घसरले. दिवसाच्या आत बीएसई सेन्सेक्स ७६,००० च्या खाली घसरला. निफ्टी २३,१५० च्या खाली गेला. बीएसई सेन्सेक्स १,३९० अंकांनी (१.८०%) खाली आला. तो ७६,०२४.५१ वर बंद झाला. निफ्टी ३५४ अंकांनी (१.५०%) खाली आला आणि २३,१६५.७० अंकांवर बंद झाला.(Stock Market crash)
मंगळवारी सलग दुसऱ्या सत्रात भारतीय शेअर बाजारांमध्ये घसरण झाली. सेन्सेक्स आणि निफ्टीमध्ये लक्षणीय घसरण झाली. प्रामुख्याने आयटी आणि बँकिंग क्षेत्रांवर त्याचा परिणाम झाला.
अमेरिकेचे अध्यक्ष डोनाल्ड ट्रम्प यांच्या प्रस्तावित व्यापक परस्पर शुल्काबाबतच्या भीतीमुळे बाजार सावध आहे. (Stock Market crash)
ऑटोमोटिव्ह वगळता सर्व प्रमुख क्षेत्रांनी नकारात्मक कामगिरी दाखवली. निफ्टीत आयटी, रिअल्टी, वित्तीय आणि ग्राहकोपयोगी वस्तू क्षेत्रांमध्ये १-३% च्या दरम्यान घसरण झाली.
शेअर बाजार कोसळण्याची प्रमुख कारणे
ट्रम्पच्या टॅरिफ धोरणाबद्दल चिंता
२ एप्रिलच्या पार्श्वभूमीवर गुंतवणूकदार सावध आहेत. ट्रम्प ज्याला ‘मुक्ती दिन’ म्हणतात तो व्यापक परस्पर शुल्क जाहीर करण्याचा दिवस अगदीच जवळ आहे. ट्रम्प यांच्या विधानांवरून केवळ मोठ्या व्यापार तूट असलेल्या राष्ट्रांवरच नाही ता त्यांच्या टॅरिफचा सर्व राष्ट्रांवर परिणाम होईल. त्यामुळे संभाव्य जागतिक आर्थिक मंदीची चिंता निर्माण झाली आहे. (Stock Market crash)
“जागतिक बाजारपेठेचे लक्ष उद्या जाहीर होणाऱ्या ट्रम्प यांच्या परस्पर शुल्काच्या तपशीलांवर आहेत. घोषणांनंतर बाजारातील ट्रेंड टॅरिफच्या तपशीलांवर आणि ते वेगवेगळ्या देशांवर आणि क्षेत्रांवर कसा परिणाम करतील यावर अवलंबून असतील,” असे जिओजित इन्व्हेस्टमेंट्स लिमिटेडचे मुख्य गुंतवणूक धोरणकार डॉ. व्ही.के. विजयकुमार यांनी स्पष्ट केले.
आयटी क्षेत्रासमोरील आव्हाने
अमेरिकन बाजारपेठेतील गुंतवणूक असलेल्या माहिती तंत्रज्ञान कंपन्यांची मागणी कमी होण्याच्या शक्यतेने १.८% ने घट झाली. मार्च तिमाहीत या क्षेत्रात १५% घसरण झाली. त्याचा निफ्टीच्या कामगिरीवर नकारात्मक परिणाम झाला आहे. (Stock Market crash)
तेलाच्या किमती लक्षणीय पातळीवर
तेलाचे मूल्य पाच आठवड्यांच्या उच्चांकावर पोहोचले आहे. त्यामुळे महागाईची चिंता निर्माण झाली आहे. ब्रेंट क्रूडचा दर ७४.६७ डॉलर्स प्रति बॅरलवर होता, तर यूएस वेस्ट टेक्सास इंटरमीडिएट (WTI) चा दर ७१.३७ डॉलर्सवर होता. वाढलेल्या तेलाच्या किमती भारताच्या वित्तीय तूट आणि कंपनीच्या नफ्याच्या मार्जिनवर परिणाम करू शकतात.
हेही वाचा :
