Friday, November 6, 2026
Home » गोंगाडी त्रिशा
Tag:

गोंगाडी त्रिशा

Semi-Final
ताज्या बातम्या

Semi-Final : भारत उपांत्य फेरीत

by प्रतिनिधी
written by प्रतिनिधी

क्वालालंपूर : गोंगाडी त्रिशाच्या तडाखेबंद शतकाच्या जोरावर भारताने १९ वर्षांखालील महिला टी-२० क्रिकेट वर्ल्ड कपमध्ये स्कॉटलंडचा १४० धावांनी पराभव केला. गतविजेत्या भारताचा या वर्ल्ड कपमधील हा सलग पाचवा विजय असून अपराजित राहात भारताने उपांत्य फेरी गाठली आहे. (Semi-Final)

स्कॉटलंडविरुद्धच्या सामन्यात भारताने प्रथम फलंदाजी करताना १ बाद २०८ धावा ठोकल्या. भारताला प्रथम फलंदाजी देण्याचा निर्णय स्कॉटलंडच्या चांगलाच अंगलट आला. त्रिशा आणि जी. कमलिनी या जोडीने भारताला १३.३ षटकांत १४७ धावांची सलामी दिली. कमलिनी ४२ चेंडूंमध्ये ९ चौकारांसह ५१ धावा करून बाद झाल्यानंतर त्रिशाने सानिका चाळकेसोबत दुसऱ्या विकेटसाठी नाबाद ६१ धावांची भागीदारी रचली. त्रिशाने ५९ चेंडूंमध्ये १३ चौकार व ४ षटकारांसह नाबाद ११० धावांची खेळी केली. एकोणीस वर्षांखालील महिला क्रिकेटमध्ये शतक झळकावणारी ती भारताची पहिलीच खेळाडू ठरली. सानिका २० चेंडूंत ५ चौकारांसह २९ धावांवर नाबाद राहिली. (Semi-Final)

भारताचे हे आव्हान स्कॉटलंडसाठी अगोदरच खडतर होते. भारतीय गोलंदाजीपुढे तर ते आव्हान अशक्यप्रायच बनले. आयुषी शुक्ला, वैष्णवी शर्मा आणि त्रिशा या तिघींनी मिळून स्कॉटलंडचा डाव १४ षटकांत अवघ्या ५८ धावांत संपवला. आयुषीने ८ धावांत ४, तर वैष्णवीने ५ धावांत ३ विकेट घेतल्या. दहाव्या षटकात हॅट्ट्रिक नोंदवण्याची आयुषीची संधी थोडक्यात हुकली. तिने या षटकाच्या दुसऱ्या, तिसऱ्या आणि पाचव्या चेंडूवर विकेट घेतली. त्रिशानेही ६ धावांत ३ विकेट घेऊन अष्टपैलूत्व सिद्ध केले. सामन्यातील सर्वोत्कृष्ट खेळाडू म्हणून तिचीच निवड करण्यात आली. (Semi-Final)

मंगळवारी झालेल्या दुसऱ्या सामन्यात बांगलादेशने वेस्ट इंडिजला १० विकेटनी नमवले. प्रत्येकी १३ षटकांच्या खेळवण्यात आलेल्या सामन्यामध्ये विंडीजला ६ बाद ५४ धावांपर्यंतच मजल मारता आली. बांगलादेशने ८.५ षटकांत बिनबाद ५५ धावा करून विजय साकारला. दक्षिण आफ्रिका आणि अमेरिका यांच्यातील सामना पावसामुळे एक चेंडूही न खेळता रद्द करण्यात आला. (Semi-Final)

 

संक्षिप्त धावफलक : भारत २० षटकांत १ बाद २०८ (जी. कमलिनी ५१, गोंगाडी त्रिशा नाबाद ११०, सानिका चाळके नाबाद २९, मेसी मॅसिएरा १-२५) विजयी विरुद्ध स्कॉटलंड – १४ षटकांत सर्वबाद ५८ (पिप्पा केली १२, एमा वॉशिंघम १२, आयुषी शुक्ला ४-८, वैष्णवी शर्मा ३-५, गोंगाडी त्रिशा ३-६).

हेही वाचा :
ज्योती याराजीचे विक्रमासह सुवर्ण

विंडीजचा ३५ वर्षांनी पाक भूमीवर कसोटीविजय

0 comments
0 FacebookTwitterPinterestEmail
srilanka
ताज्या बातम्या

Srilanka : भारत साखळीत अपराजित

by प्रतिनिधी
written by प्रतिनिधी

क्वालालंपूर : भारतीय संघाने गुरुवारी एकोणीस वर्षांखालील महिला टी-२० वर्ल्ड कपच्या साखळी फेरीतील अखेरच्या सामन्यात श्रीलंकेवर ६० धावांनी मात केली. भारताचा हा स्पर्धेतील सलग तिसरा विजय असून ‘ग्रुप ए’मध्ये भारतीय संघ अपराजित आहे. (Srilanka)

या सामन्यात श्रीलंकेने नाणेफेक जिंकून भारताला प्रथम फलंदाजी दिली. सलामी फलंदाज गोंगाडी त्रिशाच्या खेळीमुळे भारताने २० षटकांत ९ बाद ११८ धावा केल्या. त्रिशाने ४४ चेंडूंमध्ये ५ चौकार व एका षटकारासह ४९ धावांची खेळी केली. मिथिला विनोदने १६, तर व्हीजे जोशिताने १४ धावा केल्या. भारताच्या धावसंख्येचा पाठलाग करताना श्रीलंकेला २० षटकांमध्ये ९ बाद ५८ धावांपर्यंतच मजल मारता आली. रश्मिका सेवांदी वगळता श्रीलंकेच्या एकाही खेळाडूला वैयक्तिक दहा धावांचा टप्पाही ओलांडता आला नाही. भारतातर्फे शबनम शकील, व्हीजे जोशिता आणि परुणिका सिसोदिया यांनी प्रत्येकी २ विकेट घेतल्या. त्रिशा सामन्यातील सर्वोत्कृष्ट खेळाडू ठरली. (Srilanka)

सलग तीन विजयांमुळे भारत गुणतक्त्यात ६ गुणांसह अव्वलस्थानी राहिला. सुपर सिक्स गटामध्ये भारताचा पहिला सामना २६ जानेवारी रोजी बांगलादेशशी होईल. दरम्यान, गुरुवारी झालेल्या अन्य सामन्यामध्ये वेस्ट इंडिजने यजमान मलेशियाला ५३ धावांनी नमवले. विंडीजने केलेल्या ७ बाद ११२ धावांच्या प्रत्युत्तरादाखल मलेशियाचा डाव ५९ धावांत संपुष्टात आला. (Srilanka)

संक्षिप्त धावफलक : भारत – २० षटकांत ९ बाद ११८ (गोंगाडी त्रिशा ४९, मिथिला विनोद १६, व्हीजे जोशिता १४, प्रमुदी मेथसारा २-१०, लिमान्सा तिलकरत्ना २-१४) विजयी विरुद्ध श्रीलंका – २० षटकांत ९ बाद ५८ (रश्मिका सेवांदी १५, शबनम शकील २-९, परुणिका सिसोदिया २-७, व्हीजे जोशिता २-१७).

हेही वाचा :
भारताकडून मलेशियाचा धुव्वा

बुमराह अग्रस्थानी कायम

 

0 comments
0 FacebookTwitterPinterestEmail
Under 19
ताज्या बातम्या

Under 19 : भारताकडून मलेशियाचा धुव्वा

by प्रतिनिधी
written by प्रतिनिधी

क्वालालंपूर : भारताने १९ वर्षांखालील मुलींच्या टी-२० क्रिकेट वर्ल्ड कपमध्ये मंगळवारी सलग दुसरा विजय नोंदवताना यजमान मलेशियाचा धुव्वा उडवला. या सामन्यात मलेशियाचा डाव अवघ्या ३१ धावांत संपवून भारताने हे आव्हान एकही विकेट न गमावता २.५ षटकांत पूर्ण केले. सलग दोन विजयांसह गतविजेत्या भारताने ‘ग्रुप ए’मधून दिमाखात ‘सुपर सिक्स’ फेरीतही प्रवेश केला. या सामन्यात भारताच्या वैष्णवी शर्माने हॅट्ट्रिकही नोंदवली. (Under 19)

स्पर्धेत सलग दुसऱ्यांदा भारताची कर्णधार निकी प्रसादने नाणेफेक जिंकून प्रथम क्षेत्ररक्षण स्वीकारले. वैष्णवी शर्मा आणि आयुषी शुक्ला या भारताच्या दोघी डावखुऱ्या फिरकीपटूंनी निकीचा निर्णय योग्य ठरवत १४.३ षटकांमध्येच मलेशियाचा डाव संपवला. मलेशियाच्या एकाही खेळाडूला वैयक्तिक दुहेरी धावाही उभारता आली नाही. त्यांच्या संघातील सर्वोच्च धावसंख्या ५ इतकी होती. भारतातर्फे वैष्णवीने ५ धावांत ५ विकेट घेतल्या. चौदाव्या षटकाच्या दुसऱ्या, तिसऱ्या व चौथ्या चेंडूवर वैष्णवीने नूर ऐन, नूर इस्मा व सिती नाझवान या तिघींच्या विकेट्ससह हॅट्ट्रिक नोंदवली. आयुषीने ८ धावांत ३ विकेट घेऊन तिला उपयुक्त साथ दिली.(Under 19)

गोंगाडी त्रिशा आणि जी. कमलिनी या भारताच्या सलामी जोडीने मलेशियाचे माफक आव्हान तीन षटकांच्या आतच पार केले. त्यातही त्रिशाने १२ चेंडूंमध्ये ५ चौकारांसह नाबाद २७ धावा फटकावल्या. कमलिनी ४ धावांवर नाबाद राहिली. वैष्णवी सामन्यातील सर्वोत्कृष्ट खेळाडू ठरली. ग्रुप एमधील भारताचा अखेरचा साखळी सामना २४ जानेवारी रोजी श्रीलंकेविरुद्ध होणार आहे. दरम्यान, मंगळवारच्या दुसऱ्या सामन्यात श्रीलंकेने वेस्ट इंडिजवर ८१ धावांनी मात केली. श्रीलंकेच्या ५ बाद १६६ धावांचा पाठलाग करताना वेस्ट इंडिजचा डाव १९.४ षटकांत ८५ धावांत आटोपला.(Under 19)

संक्षिप्त धावफलक : मलेशिया – १४.३ षटकांत सर्वबाद ३१ (नूर हैरुन ५, वैष्णवी शर्मा ५-५, आयुषी शुक्ला ३-८) पराभूत विरुद्ध भारत – २.५ षटकांत बिनबाद ३२ (गोंगाडी त्रिशा नाबाद २७, जी. कमलिनी नाबाद ४).

हेही वाचा :

पंत बनला ‘लखनौ’चा कर्णधार

0 comments
0 FacebookTwitterPinterestEmail
error: Content is protected !!