Tag:

महाराष्ट्र दिनमान

पुण्यात हेलिकॉप्टर कोसळले; तिघांचा मृत्यू

by प्रतिनिधी October 2, 2024

written by प्रतिनिधी

महाराष्ट्र दिनमान ऑनलाईन डेस्क : पुणे जिल्हातील बावधन परिसरात हेलिकॉप्टर कोसळल्याची आज (दि.२) घटना घडली. या घटनेत तिघांचा मृत्यू झाला आहे. खराब वातावरणामुळे ही दुर्घटना घडली. घटनेची माहिती मिळताच अग्निशमन आणि रूग्णवाहिका दाखल झाल्या. ऑगस्टा १०९ असे दुर्घटनाग्रस्त हेलिकॉप्टरचे नाव आहे. (Helicopter Crash In Pune)

या घटनेत हेलिकॉप्टरमधील दोन पायलट आणि एका विमान अभियंत्याचा मृत्यू झाला आहे. कॅप्टन पिल्ई

आणि कॅप्टन परमजीत हे दुर्घटनेमधील हेलिकॉप्टरचे कॅप्टन होते. याची माहिती नागरी विमान वाहतूक महासंचालनालयाच्या (DGCA) अधिकाऱ्याने दिली आहे.

‘त्या’ हेलिकॉप्टरने सुनील तटकरे करणार होते प्रवास

पुणे जिल्ह्यातील बावधन येथील डोंगराळ भागात सकाळी ६.४५ वाजण्याच्या सुमारास हेलिकॉप्टरने गोल्फ कोर्सवरील हेलिपॅडवरून उड्डाण केल्यानंतर ही घटना घडली. प्राथमिक माहितीनुसार, हे हेलिकॉप्टर पुण्यातील हेरिटेज एव्हिएशनचे होते. त्याचा नोंदणी क्रमांक VT EVV असल्याचे पोलिसांकडून सांगण्यात आले आहे. दरम्यान, हे हेलिकॉप्टर राष्ट्रवादी काँग्रेसने भाड्याने घेतले होते आणि ते मुंबईच्या दिशेने चालले होते. सुनील तटकरे ह्या हेलिकॉप्टरने रायगडला जाणार होते, असे वृत्त आहे. (Helicopter Crash In Pune)

महिन्याभरात हेलिकॉप्टर कोसळण्याची दुसरी घटना

पुण्यात हेलिकॉप्टर कोसळण्याची ही दुसरी घटना आहे. २४ ऑगस्ट रोजी जुहू येथून हैदराबादकडे निघालेले हेलिकॉप्टर खराब वातावरणामुळे पौड परिसरात कोसळले होते. या अपघातात पायलट किरकोळ जखमी झाला होता. तर अपघातात कोणतीही जीवितहानी झाली नव्हती.

🚨🇮🇳 #BREAKING

HELICOPTER CRASH IN PUNE

3 Dead, 2 Pilots and Engineer Among Victims

A helicopter crashed in Bavdhan, Pune, amid dense fog, claiming the lives of 3 individuals.

📌 #Bavdhan | #Pune | #India

– Cause: Suspected fog-related visibility issued #HelicopterCrash pic.twitter.com/RalMUJoWE8

— Weather monitor (@Weathermonitors) October 2, 2024

हेही वाचा :

October 2, 2024 0 comments

मंदिरात अंबाबाईनेच मला बोलावलं…. ; तिचा विलक्षण अनुभव

by प्रतिनिधी October 2, 2024

written by प्रतिनिधी

महाराष्ट्र दिनमान ऑनलाईन डेस्क : एके वर्षी नवरात्रोत्सवादरम्यान अंबाबाई दर्शनासाठी गेलेली असताना विलक्षण अनुभव आला. हा प्रसंग आठवला की वाटतं…देवीनेच मला बोलावलं… ‘गाभाऱ्यातील गुरुजी प्रसादाचे पाणी उडवत होते. त्यांनी मला त्यावेळीच तिथे आणले. देवीचं दर्शन झालं. मला वाटलं की खुद्द देवीनेच मला आतमध्ये बोलावून घेतलं आणि प्रसाद दिला’. ‘ठरलं तर मग’ मालिकेतील सायली म्हणजेच अभिनेत्री जुई गडकरीने (Jui Gadkari) करवीर निवासिनी अंबाबाईच्या दर्शनावेळी आलेला एक अनुभव शेअर केलाय.

स्टार प्रवाहने प्रसिद्ध केलेल्या व्हिडिओमध्ये जुई म्हणते, दरवर्षी असं काहीतरी घडतं की तिला कोल्हापूरला अंबाबाईच्या दर्शनासाठी जाण्याचा योग येतो. या काळात मंदिरात भाविकांची प्रचंड गर्दी असते. एका वर्षी अशीच एक घटना घडली. ती मी कधीच विसरू शकत नाही. मला तेव्हा सगळे सांगत होते की नवरात्रीमध्ये तिकडे जाऊ नको. कारण खूप गर्दी असते. तरीही मी गेले. तिथे एक गुरुजी आले. मला म्हणाले की, दर्शन घ्यायचंय ना? मी हो म्हणाले.’

ती व्यक्ती तिला देवळात घेऊन गेली. जुईला त्यांनी गाभाऱ्याजवळ उभं केलं. जुई सांगते, ‘मी तिथे उभी राहिले तेव्हा प्रसादाचे पाणी शिंपडले जात होते. मला त्यांनी सांगितलं की तोंड उघडून उभी राहा. मी उभी राहिले, त्यानंतर मागे वळून पाहिले तेव्हा तिथे ते गुरुजी नव्हते.’ नेमके त्या क्षणाला मंदिरात घेऊन जाणारे ते गुरुजी कोण होते, हाच विचार जुईच्या मनात आला. (Jui Gadkari)

जुईने पुढे म्हटले आहे की, ‘गाभाएऱ्यातील गुरुजी प्रसादाचे पाणी उडवत होते, त्यांनी मला बरोबर त्यावेळीच तिथे आणले आणि दर्शन झालं. मला वाटलं की खुद्द देवीनेच मला आतमध्ये बोलावून घेतलं आणि तो प्रसाद दिला. त्यामुळे माझा तिच्यावर भयंकर विश्वास आहे.’

हेही वाचा :

October 2, 2024 0 comments

दक्षिण महाराष्ट्र विधानसभा निवडणूक

आमचे हिंदुत्व जनतेच्या डोळ्यातील अश्रू पुसणारे : मुख्यमंत्री एकनाथ शिंदे

by प्रतिनिधी October 1, 2024

written by प्रतिनिधी

मारुती फाळके

उजळाईवाडी : आमचे हिंदुत्व हे बेगडी नाही तर ते लोकांच्या डोळ्यातले अश्रू पुसणारे आहे. आमच्या सरकारच्या काळात साधू-संतांच्या केसालाही धक्का लागणार नाही. हिंदू धर्माच्या उत्थानासाठी जे जे करावे लागेल त्यासाठी सरकार सक्षम आहे, असे प्रतिपादन मुख्यमंत्री एकनाथ शिंदे (Chief Minister Shinde) यांनी केले. कणेरी (ता.करवीर ) येथील सिद्धगिरी मठावर संत समावेश कार्यक्रमात ते बोलत होते. यावेळी राज्यभरातून विविध संत-महंत उपस्थित होते.

शेतकऱ्याचा मुलगा मुख्यमंत्री झाला हे काही लोकांच्या पचनी पडत नाही. गरिबाच्या घरातील, सर्वसामान्य घरातला मुलगा नेतृत्व करतोय ही भावना काही लोकांना असह्य होत आहे, अशी टीका त्यांनी शिवसेना पक्षप्रमुख उद्धव ठाकरे यांचा नामोल्लेख न करता केली. मुख्यमंत्री शिंदे म्हणाले, राज्य आणि देशाच्या एकात्मतेसाठी धर्मसंमेलनासारखे जनजागृतीचे उपक्रम राबवणे आवश्यक आहे. येथील महासंमेलनामुळे समाजाचे अभिसरण होण्यास निश्चितपणे मदत होईल. राज्यात तीर्थक्षेत्र योजना, गडकोट किल्ल्यांचे संवर्धन, युनेस्कोमध्ये १४ किल्ल्यांची नोंद होण्यासाठी राज्य सरकारने सकारात्मक पावले उचलली आहेत.

पंचगंगा प्रदूषणमुक्तीसाठी ६०० कोटी

राज्यातील तीर्थक्षेत्र विकासाला भरघोस निधी दिला आहे. कोल्हापूरच्या पंचगंगा नदी प्रदूषण मुक्तीसाठी ६०० कोटी देण्याचा निर्णय घेतला आहे. आळंदी देवस्थानासाठी ३५० कोटी देऊन सरकारने तीर्थक्षेत्राच्या पुनरुत्थानासाठी नेहमीच सकारात्मक भूमिका घेतली आहे. सरकार जनतेचे आहे. जनतेसाठी काही अटी -शर्ती बदलाव्या लागल्या तरी कमी पडणार नाही, अशी ग्वाही मुख्यमंत्री शिंदे यांनी यावेळी दिली.

हेही वाचा :

October 1, 2024 0 comments

दक्षिण महाराष्ट्र विधानसभा निवडणूक

महायुती सरकार अन्यायी : रोहित पवार

by प्रतिनिधी October 1, 2024

written by प्रतिनिधी

कोल्हापूर : प्रतिनिधी : शिवरायांच्या पुतळा उभारण्यात तसेच लहान मुलांच्या गणवेशातही महायुती सरकारने भ्रष्टाचार केला आहे. सरकारकडून सर्वसामान्यांवर अन्याय सुरू आहे, अशी टीका राष्ट्रवादी काँग्रेस शरद पवार गटाचे आमदार रोहित पवार यांनी केली. (Rohit Pawar)

उपमुख्यमंत्री देवेंद्र फडणवीस, पालकमंत्री हसन मुश्रीफ यांनाही आ. पवार यांनी लक्ष्य केले. एखादा गुरु चांगल्या विचारासाठी, महाराष्ट्र धर्माच्या हितासाठी लढला असेल, तर अशा गुरूला विचार जपण्याची गुरुदक्षिणा द्यायला हवी. मात्र मंत्री मुश्रीफ यांनी ते विचार जपले नाहीत. त्यांनी आपला पुरोगामी विचार जपला नाही. ते केवळ आपल्या स्वार्थासाठी महायुतीच्या नेत्यांसोबत गेले आहेत.

देशी गायीला ‘राज्यमाता-गोमाता’ घोषीत करण्याबाबतचा निर्णय राज्य सरकारने घेतला. मात्र गाईचे खरे संगोपन शेतकरी करतात. दुष्काळग्रस्त भागात चारा छावणी काढायला हवी होती. मात्र दुष्काळात पाच महिने एकही छावणी राज्य सरकारने काढली नाही. राज्य सरकार अडचणीत असताना आता त्यांना गोमाता आठवते हे हास्यास्पद आहे, अशी टीकाही रोहित पवार यांनी केली.

हेही वाचा :

October 1, 2024 0 comments

दक्षिण महाराष्ट्र

श्री अंबाबाई मंदिर परिसरात यंदा ‘एआय’ वॉच

by प्रतिनिधी October 1, 2024

written by प्रतिनिधी

कोल्हापूर; प्रतिनिधी : श्री अंबाबाई मंदिर परिसरात नवरात्र उत्सवकाळात भाविकांच्या सुरक्षेसाठी सीसीटीव्ही नियंत्रण कक्ष सुरू केला आहे. पाचही मुख्य प्रवेशद्वाराजवळ तब्बल १२० कॅमेरे, ५ डोअर फ्रेम मेटल डिटेक्टर, हॅण्ड हेल्थ मेटल डिटेक्टर, १० बिनतारी यंत्रणा कार्यरत केली आहे. शिवाय प्रायोगिक तत्त्वावर यावर्षी आर्टिफिशल इंटेलिजन्स (एआय) कॅमेरे बसवण्यात आले आहेत. यामुळे गर्दीतून फेस कॅप्चर करता येणार आहे. चोरीच्या घटनांचा विचार करता ‘फिश आय’ कॅमेराही बसवला आहे.

मंदिर परिसरात टीव्ही आणि एलईडी स्क्रीन बसवण्यात आल्या आहेत. त्याद्वारे पालखी सोहळा आणि इतर कार्यक्रमांचे थेट प्रक्षेपण दाखविण्यात येणार आहे. एक्स-रे बॅगेज स्कॅनर अशा यंत्रणाही देवस्थान समितीने कार्यान्वित केल्या आहेत.

अंबाबाई मंदिरात प्लास्टिक पिशव्यांना बंदी

नवरात्र काळात करवीर निवासिनी श्री अंबाबाई मंदिर परिसरात प्लास्टिक पिशव्यांना बंदी असेल. उत्सवकाळात येणाऱ्या भाविकांना कापडी पिशव्या उपलब्ध करून द्याव्यात. परिसरातील दुकानदारांनी याचे काटेकोरपणे पालन करण्याच्या सूचना देण्यात आल्या असून, देवस्थान समिती कर्मचारी आणि सुरक्षारक्षकांना गणवेश व ओळखपत्र सक्तीचे करण्यात आले आहे. (Ambabai Mandir)

नवरात्रोत्सवाच्या पार्श्‍वभूमीवर मंदिरातील दुकानदार, देवस्थान समिती कर्मचारी, सुरक्षारक्षकांची समितीने बैठक घेतली. त्यामध्ये या सूचना देण्यात आल्या. समितीचे सचिव शिवराज नाईकवाडे, सहायक सचिव शीतल इंगवले, मंदिर व्यवस्थापक महादेव दिंडे उपस्थित होते.

दुकानातील प्रसाद साहित्य भेसळमुक्त असेल याबाबत काटेकोर काळजी घ्यावी, दुकानातील कामगारांसाठी ओळखपत्रे द्यावीत. कामगारांच्या नावाची यादी देवस्थान समितीकडे जमा करावी. अग्निरोधक यंत्रणा सुसज्ज ठेवा, अशा सूचना यावेळी देण्यात आल्या.

दरम्यान, मंदिरातील स्वच्छता व इतर कामे अंतिम टप्प्यात आहेत. गरुड मंडपाची प्रतिकृती उभारणी वेगाने सुरू आहे. घाटी दरवाजा, दक्षिण दरवाजा, जुना राजवाडा पोलिस ठाण्याकडील दर्शन मंडपाचे काम पूर्ण झाले आहे. दर्शनरांगेत भाविकांसाठी लाईव्ह दर्शनाची सोय उपलब्ध असेल. परिसरात आपत्कालीन कक्ष, वैद्यकीय मदत आणि माहिती कक्षही भाविकांच्या सेवेत असणार आहे. (Ambabai Mandir)

हेही वाचा :

October 1, 2024 0 comments

दक्षिण महाराष्ट्र

‘टेंभू’च्या सहाव्या टप्प्याला दिवंगत आमदार अनिल बाबर यांचे नाव देणार

by प्रतिनिधी October 1, 2024

written by प्रतिनिधी

सांगली : टेंभू विस्तारीत प्रकल्पातील घटक कामांच्या भूमिपूजनातून काळ्या आईचे पांग फेडण्याचा प्रयत्न केला आहे. या योजनेतून लाभक्षेत्रातील हजारो शेतकऱ्यांना फायदा होणार आहे. त्यामुळे या योजनेच्या सहाव्या टप्प्याला दिवंगत आमदार अनिल बाबर यांचे नाव देऊ, असे आश्वासन मुख्यमंत्री एकनाथ शिंदे यांनी येथे दिले. (Sangli News)

टेंभू विस्तारीत प्रकल्पातील सांगली जिल्ह्यातील तीन घटक कामांचे भूमिपूजन मुख्यमंत्री शिंदे यांच्या हस्ते झाले. त्यानंतर विटा येथे आयोजित शेतकरी मेळाव्यात मुख्यमंत्री बोलत होते. राज्य उत्पादन शुल्क मंत्री शंभूराज देसाई, पालकमंत्री डॉ. सुरेश खाडे प्रमुख उपस्थित होते. यावेळी ते म्हणाले, सांगली जिल्ह्यातील टेंभू, म्हैसाळ योजनांना भरीव निधी उपलब्ध करून दिला आहे. यामुळे त्या क्षेत्रातील जमीन ओलिताखाली येऊन शेतकऱ्यांना दिलासा मिळत आहे. मुख्यमंत्री शिंदे यांनी यावेळी टेंभू विस्तारित प्रकल्पांतील विविध कामांची माहिती घेतली. (Sangli News)

तत्पूर्वी, खानापूर तासगाव कालवा, सुळेवाडी (विटा) (ता. खानापूर) येथे झालेल्या भूमिपूजन कार्यक्रमास खासदार धैर्यशील माने, जिल्हाधिकारी डॉ. राजा दयानिधी, जिल्हा परिषद मुख्य कार्यकारी अधिकारी तृप्ती धोडमिसे यांच्यासह सुहास बाबर, अमोल बाबर आदी उपस्थित होते.

हेही वाचा :

October 1, 2024 0 comments

दक्षिण महाराष्ट्र

Sangli News | सांगली : रेवनाळमध्ये लांडग्याच्या हल्ल्यात वीस मेंढ्या ठार

by प्रतिनिधी October 1, 2024

written by प्रतिनिधी

जत : तालुक्यातील रेवनाळ येथे लांडग्याच्या हल्ल्यात वीस मेंढ्या, तर चार कोकरे मृत्युमुखी पडली आहेत. या घटनेत सोपान लोखंडे (रा.रेवनाळ ता.जत) यांच्या परिवाराचे मोठे आर्थिक नुकसान झाले आहे. सोमवारी (दि.३०) पहाटे ही घटना घडली. मेंढ्या ओरडण्याचा आवाज येताना लोखंडेंसह कुटुंबीय जागे झाले. त्यानंतर लांडग्याच्या कळपाने तेथून धूम ठोकली. दरम्यान, या घटनेची माहिती मिळताच वन पशुवैद्यकीय अधिकाऱ्यांनी घटनास्थळी येऊन पाहणी करून पंचनामा केला. या परिवाराला तत्काळ मदत मिळावी, अशी मागणी ग्रामस्थांतून होत आहे. (Sangli News)

अधिक माहिती अशी की, सोपान लोखंडे हे शेतीसह जोडधंदा म्हणून मेंढपाळ व्यवसाय करतात. लोखंडे हे घरामध्ये झोपलेले असताना सोमवारी (दि. ३०) पहाटे चारच्या सुमारास लांडग्याच्या कळपाने घराच्या शेजारी उभारण्यात आलेल्या मेंढ्याच्या वाखरीत हल्ला चढविला. या हल्ल्यात २० मोठ्या मेंढ्या व चार लहान कोकरे यांचा जागीच मृत्यू झाला. मेंढ्यांच्या ओरडण्याचा आवाज येत असल्याने लोखंडे परिवार जागा झाला. त्यानंतर लांडग्याच्या कळपाने तेथून धूम ठोकली.

यावेळी जिल्हा बँकेचे संचालक प्रकाश जमदाडे यांनी रेवनाळ येथे जाऊन लोखंडे परिवाराची भेट घेतली. त्यांना प्रकाशराव जमदाडे यूथ फाउंडेशनकडून ११ हजार रुपयांची मदत केली. शासन व प्रशासनाकडे पाठपुरावा करून लोखंडे परिवाराला तत्काळ नुकसानभरपाई मिळवण्यासाठी प्रयत्न करू, अशी ग्वाही जिल्हा बँक संचालक प्रकाश जमदाडे यांनी दिली. (Sangli News )

हेही वाचा :

October 1, 2024 0 comments

Sangeetsurya Keshavrao Bhosale Natyagruha

दक्षिण महाराष्ट्र साहित्य-संस्कृती

केशवराव भोसले नाट्यगृहासाठी २५ कोटी निधी मंजूर

by प्रतिनिधी October 1, 2024

written by प्रतिनिधी

कोल्हापूर; प्रतिनिधी : संगीतसूर्य केशवराव भोसले नाट्यगृह आणि राजर्षी शाहू खासबाग मैदान नूतनीकरणासाठी २५ कोटी १० लाख रुपयांचा निधी राज्य सरकारने मंजूर केला. दरम्यान, नाट्यगृहाची उभारणी हेरिटेज नियमानुसारच होणार असल्याचे महापालिकेने नियुक्त केलेल्या स्ट्रक्टवेल कंपनीने स्पष्ट केले आहे. राज्य सरकार आणि महापालिकेने तांत्रिक बाबी पूर्ण केल्यास सव्वा ते दीड वर्षात बांधकाम पूर्ण होऊ शकेल, असा विश्वासही स्ट्रक्टवेल कंपनीचे चेअरमन चेतन रायकर यांनी व्यक्त केला. (Sangeetsurya Keshavrao Bhosale Natyagruha)

नाट्यगृहाच्या स्ट्रक्चरल ऑडिटचे काम स्ट्रक्टवेल डिझायनर्स आणि कन्सल्टंट या सल्लागार कंपनीला दिले होते. दरम्यान, नाट्यगृहाच्या जतन व दुरुस्ती प्रस्तावाचे सादरीकरण जिल्हाधिकारी कार्यालयातील ताराराणी सभागृहात करण्यात आले. यावेळी खासदार श्रीमंत शाहू महाराज, जिल्हाधिकारी अमोल येडगे, आमदार जयश्री जाधव, महापालिका आयुक्त मंजूलक्ष्मी, यांच्यासह नाट्यकर्मी, आर्किटेक्ट, बांधकाम व्यवसायिक, इतिहास संशोधक, सामाजिक आणि पर्यावरण चळवळीतील कार्यकर्ते उपस्थित होते.

राजर्षी शाहू महाराजांनी बांधलेल्या या नाट्यगृहाचा समावेश ग्रेड वन हेरिटेज गटात असल्याने नाट्यगृहाची उभारणी पूर्वीप्रमाणेच होणार आहे, असे या कंपनीचे चेअरमन चेतन रायकर यांनी स्पष्ट केले. या कंपनीने सीएसटी रेल्वे स्टेशन, मुंबई महापालिका इमारत, गेटवे ऑफ इंडिया, राज्यपालांचे निवासस्थान, पुण्यातील नाना वाडा, पुणे विद्यापीठ, मोरवी राजवाडा, इंदोर राजवाडा, हाजी अली दर्गा, ताज हॉटेल, दिल्ली विज्ञान भवन या इमारतीचे या वास्तूंची फेरउभारणी केली आहे. (Sangeetsurya Keshavrao Bhosale Natyagruha)

रायकर म्हणाले, नाट्यगृह आणि मैदान या कला आणि क्रीडा संबधित एकत्रित वास्तू जगामध्ये कुठेही पाहायला मिळत नाही. या वास्तूची पुनर्बांधणी करता येत नाही. पण आहे त्या स्थितीतील वास्तू वापरून नाट्यगृहाची उभारणी करता येईल. लागलेल्या आगीमुळे अन्य नुकसान झाले असले तरी वास्तूच्या सहा ते आठ मीटर उंचीच्या भिंती मजबूत आहेत. स्टेजही दणकट आहे. नाट्यगृहाचा किमान ५० टक्के भाग अजूनही चांगला आहे आहे. पूर्वी बांधकामात ज्या ठिकाणी लाकूड, स्टील, कौले वापरली आहे त्याच ठिकाणी त्याच वस्तूंचा वापर करण्यात येईल. नाट्यगृहाची आसनक्षमताही ८०० पर्यंत वाढवता येणे शक्य असल्याचे रायकर यांनी सांगितले.

खासबाग मैदानातून पावसाचे पाणी बाहेर पडणाऱ्या जागा बुजवण्यात आल्या आहेत. त्यामुळे भिंतींना धोका उत्पन्न झाला आहे ते काम ही पूर्ण करण्यात येईल. नाट्यगृहाभोवती असलेल्या जागेवर अंडरग्राउंड तीन मजली पार्किंग व्यवस्था करण्यात येईल . त्या ठिकाणी किमान २६० दुचाकी आणि ६५ चार चाकी वाहने पार्क करता येतील, अशी व्यवस्था करता येणे शक्य आहे. रायकर यांनी केलेल्या प्रेझेंटेशनवर अर्किटेक्ट, बांधकाम व्यावसायिक, उद्योजक, रंगकर्मी, सामाजिक कार्यकर्त्यांनी समाधान व्यक्त केले. (Sangeetsurya Keshavrao Bhosale Natyagruha)

यावेळी माजी महापौर महादेवराव आडगुळे, अर्किटेक्ट अमरजा निंबाळकर, आनंद माने, वसंतराव मुळीक, संदीप घाटगे, सदानंद सबनीस, सुनील घोरपडे, रवी माने, दिलीप देसाई, प्रसाद जमदग्नी, मिलिंद अष्टेकर, आनंद काळे, इंद्रजीत सावंत, प्रशांत हडकर, गिरीश फोंडे, धनंजय पाटील, किरणसिंह चव्हाण यांनी चर्चेत भाग घेतला. दरम्यान, सरकारने निधी जाहीर केल्याबद्दल राज्य नियोजन मंडळाचे कार्यकारी अध्यक्ष राजेश क्षीरसागर यांनी सरकारचे आभार मानले.

हेही वाचा :

October 1, 2024 0 comments

विधानसभा निवडणूक

Sambhajiraje Chhatrapati | संभाजीराजे यांच्या ‘स्वराज्य’ला मिळाले चिन्ह

by प्रतिनिधी October 1, 2024

written by प्रतिनिधी

कोल्हापूर; प्रतिनिधी : माजी खासदार संभाजीराजे यांच्या स्वराज्य संघटनेला राजकीय पक्ष म्हणून मान्यता मिळाली असून त्यांच्या पक्षाला ‘सप्तकिरणांसह पेनाची निब’ हे चिन्ह मिळाले आहे. पक्षाचे नाव आता ‘महाराष्ट्र स्वराज्य पक्ष’ असे असणार आहे. (Sambhajiraje Chhatrapati)

संभाजीराजे (Sambhajiraje Chhatrapati) यांनी सोशल मीडियावर पोस्ट करत ही माहिती दिली. ते म्हणतात, “९ ऑगस्ट २०२२ रोजी तुळजाभवानी मातेच्या साक्षीने आणि हजारो शेतकरी, कष्टकऱ्यांच्या साथीने स्थापन झालेली ‘स्वराज्य संघटना’ आता भारतीय निवडणूक आयोगाकडे ‘महाराष्ट्र स्वराज्य पक्ष’ या नावाने राजकीय पक्ष म्हणून अधिकृतपणे नोंदणीकृत झाला आहे. आगामी विधानसभा निवडणुकीसाठी पक्षाला ‘सप्तकिरणांसह पेनाची निब’ हे चिन्ह मिळाले आहे.’’

दरम्यान, आगामी विधानसभा निवडणुकीच्या रिंगणात माजी खासदार संभाजीराजे, आमदार बच्चू कडू , स्वाभीमानी शेतकरी संघटनेचे नेते माजी खासदार राजू शेट्टी यांनी एकत्र येत तिसरी आघाडी स्थापन केली आहे. तसेच विधानसभेच्या सर्व जागा लढण्याचे संकेत दिले आहेत.

आनंदवार्ता…!
स्वराज्य संघटनेचे सर्व कार्यकर्ते, चाहते व हितचिंतक तसेच तमाम महाराष्ट्रवासियांना कळविणेस अत्यंत आनंद होतो की,

दि. ०९ ऑगस्ट २०२२ रोजी तुळजाभवानी मातेच्या साक्षीने आणि हजारो शेतकरी, कष्टकऱ्यांच्या साथीने स्थापन झालेली “स्वराज्य संघटना” आता भारतीय निवडणूक आयोगाकडे… pic.twitter.com/9hzkmXYegJ

— Sambhaji Chhatrapati (@YuvrajSambhaji) October 1, 2024

हेही वाचा :

October 1, 2024 0 comments

Uncategorized

देवाला तरी राजकारणापासून दूर ठेवा…

by प्रतिनिधी September 30, 2024

written by प्रतिनिधी

महाराष्ट्र दिनमान ऑनलाईन डेस्क
तिरुपती देवस्थानच्या लाडू प्रसादाचा वाद एका नव्याच वळणावर पोहोचला आहे. सर्वोच्च न्यायालयात सोमवारी झालेल्या सुनावणीदरम्यान खंडपीठाने आंध्रप्रदेश सरकार व मुख्यमंत्र्यांना तीव्र शब्दांत फटकारले. देवाला तरी राजकारणापासून दूर ठेवा, असे खडे बोल सुनावले.
प्रसादाच्या लाडूसाठी वापरण्यात आलेल्या तुपात जनावरांची चरबी असल्याचा आरोप झाल्यानंतर देशभर मोठी खळबळ माजली होती. त्या संबंधात खंडपीठासमोर आलेल्या एका याचिकेवरील सुनावणीदरम्यान न्यायमूर्ती बी. आर. गवई आणि न्यायमूर्ती के. व्ही. विश्वनाथन यांनी अत्यंत तीव्र शब्दांत नाराजीची निरीक्षणे नोंदवली.
आंध्र प्रदेशचे मुख्यमंत्री चंद्राबाबू नायडू यांनी केलेल्या आरोपानंतर हा वाद उफाळला. आधीचे मुख्यमंत्री जगन मोहन रेड्डी यांच्या नेतृत्वाखालील वायएसआर काँग्रेस सरकारच्या काळातच तिरुपती मंदिरात प्रसाद म्हणून दिले जाणारे लाडू बनवण्यासाठी प्राण्यांच्या चरबीचा वापर केला जात होता, असा दावा नायडू यांनी केला होता. त्यामुळे देशभर खळबळ माजली होती.
खंडपीठाने सोमवारी नायडू यांच्यावर थेट ताशेरे ओढताना, ‘‘तुमच्या प्रशासनाने या संदर्भात चौकशीचे आदेश दिले असताना तुम्ही जाहीर वक्तव्ये करण्याची गरजच काय? असा सवाल केला. तुम्ही घटनात्मक पदावर आहात. आम्ही अशी अपेक्षा करतो की, तुम्ही देवाला तरी राजकारणापासून दूर ठेवा. भेसळयुक्त तुपाचा वापर झाला की नाही याबाबतचे तथ्य अद्याप तपासाच्या टप्प्यात आहे. अशा परिस्थितीत तातडीने प्रसिद्धी माध्यमांकडे धाव घेण्याची काय गरज होती? धार्मिक भावनांचा आदर करण्याची आत्यंतिक गरज आहे.’’

September 30, 2024 0 comments

Newer Posts

Older Posts