कोल्हापूर: प्रतिनिधी : छत्रपती शिवाजी महाराजांच्या शौर्याची साक्ष देणारा प्रतापगडावरील छत्रपती शिवाजी महाराजांच्या पुतळ्याचे उद्घाटन पंडित जवाहरलाल नेहरू यांच्या हस्ते करण्यात आले. रायगडावरील मेघ डंबरीतील छत्रपती शिवाजी महाराजांचा पुतळा काँग्रेसच्या काळात बसवला गेला. छत्रपती शिवाजी महाराजांचे विचार जपण्याचं काम सातत्याने काँग्रेसने केले, असे प्रतिपादन विधान परिषदेतील काँग्रेसचे गटनेते आमदार सतेज पाटील यांनी केले. जिल्हा काँग्रेस कमिटी कार्यालयात आयोजित बैठकीत ते बोलत होते. काँग्रेसचे कोल्हापूर निरीक्षक संजय बालगुडे यांची प्रमुख उपस्थिती होती. (Congress meeting)
काँग्रेसचे प्रदेश सरचिटणीस तथा कोल्हापूरचे निरीक्षक संजय बालगुडे, दोन दिवसांच्या कोल्हापूर दौऱ्यावर आले आहेत. आज बुधवारी त्यांनी जिल्हा काँग्रेस कमिटी कार्यालयात कोल्हापूर उत्तर आणि कोल्हापूर दक्षिण विधानसभा मतदार संघातील प्रमुख पदाधिकारी आणि कार्यकर्त्यांची बैठक आयोजित केली होती. यावेळी बोलताना निरीक्षक संजय बालगुडे यांनी विधानसभा निवडणुकीत अपेक्षित यश मिळाले नसले तरी या अपयशाने कार्यकर्त्यांनी खचून जाऊ नये. लोकशाहीमध्ये सत्ता येते आणि जाते. मात्र कार्यकर्त्यानी केवळ सत्तेचा विचार न करता पक्ष वाढीसाठी काम केले पाहिजे. स्थानिक स्वराज्य संस्थांच्या निवडणुका केव्हा लागतील याची निश्चितता नाही. त्यामुळे पुढील पाच वर्ष, विरोधकांच्या भूमिकेत असताना जनतेचे प्रश्न समजून घ्या. जनतेच्या प्रश्नासाठी रस्त्यावर उतरुन संघर्ष करण्याची तयारी ठेवा. असे आवाहनही त्यांनी केले. (Congress meeting)
आमदार सतेज पाटील यांनी काँग्रेसचा विचार जनसामान्यांपर्यंत पोहोचवण्यासाठी आंदोलनातून कार्यकर्त्यांनी सक्रिय राहीले पाहिजे. येत्या काळात संघटनात्मक ताकद दाखवण्यासाठी शिस्तबद्ध आणि नियोजनातून जनसंपर्काचे काम वाढवणे गरजेचे असल्याचे त्यांनी सांगितले. विधानसभा निवडणुकीची मतदानाची आकडेवारी पाहता जिल्ह्यात साडे दहा लाख मते महाविकास आघाडीला मिळाली आहेत. त्यामुळे कार्यकर्त्यानी नाराज होऊ नये. अपयशाने कार्यकर्त्यांनी गोंधळून जाऊ नये. असे आवाहन सतेज पाटील यांनी केले. (Congress meeting)
१८ ते २५ वयोगटातील तरूण मुलांना काँग्रेस पक्षाची ध्येय धोरणे पटवून द्या. असे आवाहनही त्यांनी केले. पक्षापेक्षा मोठे समजू नका पक्षासाठी काम करा. काँग्रेस पक्ष म्हणजे आपले घर मानून काम करा.सोशल मीडियावर ॲक्टिव्ह रहा. मी म्हणजे पक्ष नाही. पक्ष निरंतन चालत राहील. ही भावना मनात ठेऊन काम करा. असला सल्लाही सतेज पाटील यांनी दिला. (Congress meeting)
काँग्रेसचे शहराध्यक्ष सचिन चव्हाण, माजी नगरसेवक तौफिक मुल्लाणी, माजी नगरसेविका भारती पोवार, संपत चव्हाण, एन. एन. पाटील, सरलाताई पाटील, राणी खंडागळे, संजय पटकारे, प्रवीण पाटील, उदय पोवार आदी कार्यकर्त्यानी बैठकीत विविध सूचना केल्या. बैठकीला माजी उपमहापौर विक्रम जरग, माजी नगरसेवक मधुकर रामाणे, माजी नगरसेवक राहूल माने, शहराध्यक्षा संध्या घोटणे, दुर्वास कदम, राजू साबळे, रियाज सुभेदार, जय पटकारे, दुर्वास कदम, यांच्यासह काँग्रेसचे विविध सेलचे पदाधिकारी, कार्यकर्ते उपस्थित होते. (Congress meeting)
हेही वाचा :
‘पट्टणकोडोली’ प्रकरणात उपमुख्यमंत्र्यांचा हस्तक्षेप
कुंभ’मधील मृत्यू लपविण्यासाठी वक्फ विधेयक