क्रीडा

मुंबई : आयपीएलमधील मुंबई इंडियन्सचा स्टार गोलंदाज जसप्रीत बुमराह हा दुखापतीतून सावरला असून तो संघासोबत सहभागी झाला आहे. मुंबईने इन्स्टाग्राम पोस्टद्वारे ही माहिती दिली असली, तरी ७ एप्रिल रोजी बेंगळुरू रॉयल चॅलेंजर्सविरुद्धच्या सामन्यात तो खेळण्याची शक्यता धूसर आहे. (Bumrah)

भारतीय संघाच्या ऑस्ट्रेलिया दौऱ्यादरम्यान उद्भवलेल्या पाठीच्या दुखापतीमुळे बुमराह मागील चार महिने स्पर्धात्मक क्रिकेटपासून दूर आहे. याच दुखापतीमुळे त्याला मागील महिन्यात चॅम्पियन्स ट्रॉफीमध्येही सहभागी होता आले नव्हते. आयपीएलमधील सुरुवातीच्या सामन्यांनाही बुमराह मुकला. भारतीय क्रिकेट नियामक मंडळाच्या (बीसीसआय) सेंटर फॉर एक्सलन्समध्ये बुमराह दुखापतीतून सावरण्याचा प्रयत्न करत होता. आता बुमराह पुरेसा तंदुरुस्त झाल्यामुळे त्याचा आयपीएलमध्ये सहभागी होण्याचा मार्ग मोकळा झाला आहे. (Bumrah)

आतापर्यंतच्या सामन्यात मुंबईची कामगिरी फारशी प्रभावी नसल्याने संघाचे चाहते आतुरतेने बुमराहच्या पुनरागमनाची वाट पाहात होते. शुक्रवारी लखनौ सुपरजायंट्सविरुद्धच्या सामन्यानंतर मुंबईचा कर्णधार हार्दिक पंड्याने ‘बुमराह लवकरच परतेल,’ असे सांगत त्याच्या संघात परतण्याचे संकेत दिले होते. आता मुंबईतर्फे बुमराह संघामध्ये सहभागी झाल्याची पोस्ट करण्यात आल्यामुळे हार्दिकचे संकेत खरे ठरले आहेत. “बुमराह काल रात्री संघामध्ये दाखल झाला. आज त्याने संघासोबत काही काळ सराव केला. मुंबईचे फिजिओ त्याच्या फिटनेसवर लक्ष ठेवून आहेत. आज गोलंदाजी करताना त्याला कोणताही त्रास जाणवला नाही,” अशी माहिती मुंबईचे प्रशिक्षक माहेला जयवर्धने यांनी दिली. (Bumrah)

मुंबईचा संघ वानखेडेवर सोमवारी बेंगळुरूविरुद्ध खेळणार आहे. या सामन्यामध्ये बुमराहची निवड अंतिम अकरा खेळाडूंत होण्याची शक्यता कमी आहे. मुंबईला यंदाच्या आयपीएलमध्ये आतापर्यंत चार सामन्यांत केवळ एक विजय मिळवता आला असून गुणतक्त्यात मुंबईचा संघ सातव्या स्थानी आहे. आयपीएलमध्ये २०१३ पासून केवळ मुंबई इंडियन्सकडून खेळणाऱ्या बुमराहच्या नावावर आतापर्यंत १३३ सामन्यांत १६५ विकेट घेतल्या आहेत. (Bumrah)

हेही वाचा :

हितेश गुलियाचा सुवर्ण‘पंच’

नवी दिल्ली : प्रतिनिधी : चेन्नई सुपर किंग्जच्या कर्णधारपदी पुन्हा महेंद्र सिंग ढोणी याची वर्णी लागण्याची शक्यता आहे. चेन्नईचे फलंदाज प्रशिक्षक मायकेल हसी यांनी दिल्ली कॅपिटल्सविरुद्धच्या सामान्यात नेतृत्व बदलाचे संकेत दिले आहेत. (Chennai Captain)

शनिवारी (दि.५) चेन्नईतील एमए चिदंबरम स्टेडियमवर चेन्नई सुपरकिंग आणि दिल्ली कॅपिटल्स यांच्यात सामना होणार आहे. या सामन्यात नेतृत्व बदल होणार असून कर्णधारपदाची धुरा एमएस धोनी यांच्याकडे सोपवली जाण्याची शक्यता आहे. नुकत्याच राजस्थान रॉयल्स विरुद्धच्या सामान्यात कर्णधार ऋतुराज गायकवाड याच्या हाताला दुखापत झाली आहे. त्यामुळे त्याच्या संघातील सहभागाबद्दल शंका निर्माण झाली आहे. तो खेळला नाही तर पर्याय म्हणून घरच्या मैदानावर धोनीला चेन्नईचे कर्णधार म्हणून मैदानात उतरावे लागण्याची शक्यता आहे. (Chennai Captain)

शुक्रवारी फलंदाज प्रशिक्षक मायकेल हसी यांनी पत्रकार परिषदेत खुलासा केला. ऋतुराज गायकवाड दुखापतग्रस्त असून तो बरा झाला आहे का हे आम्ही नेटमध्ये तो फलंदाजी कसा करतो यावर ठरवणार आहोत. जर तो खेळला नाही तर कोण नेतृत्व करेल हे निश्चित नाही. परंतु एका तरुण यष्टीरक्षकाची जागा भरण्याची दाट शक्यता आहे. (Chennai Captain)

तरुण यष्टीरक्षकाच्या उल्लेखामुळे एम.एस धोनी याच्याकडे चेन्नईचे नेतृत्व जाईल अशी अटकळ बांधली जात आहे. यापूर्वी धोनीने चेन्नई सुपर किंगचे २२६ सामन्यात नेतृत्व केले आहे. त्याने फ्रँचायझीला पाच आयपीएल आणि दोन चॅम्पियन लिग जेतेपद मिळवून दिले आहेत. या आयपीएल हंगामात चेन्नईने तीन सामन्यापैकी एका सामन्यात विजय मिळवला आहे तर दोन सामन्यात पराभूत झाला आहे. त्यामुळे दिल्ली कॅपिटल्सविरुध्दच्या सामन्यात चेन्नईचा कस लागणार आहे. (Chennai Captain)

हेही वाचा :

 रबाडा मायदेशी परतला