Monday, December 23, 2024
Home » राजकारण » Page 2
Category:

राजकारण

Rahul Gandhi file photo
देश-विदेशराजकारणराष्ट्रीय

राहुल गांधी यांच्यावर गुन्हा दाखल

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : संसद परिसरातील धक्काबुक्की प्रकरणानंतर भाजप आणि काँग्रेसच्या खासदारांनी संसद मार्ग पोलिल ठाण्यात परस्परविरोधी तक्रारी दाखल केला. या प्रकरणानंतर काल रात्री (दि.१९) पोलिसांनी राहुल गांधी यांच्यावर गुन्हा दाखल केला. यावेळी राहुल गांधी यांच्यावर जाणीवपूर्वक दुखापत पोहोचवणे, धमकी देणे अशी इतर कलमे लावली आहेत. (Rahul Gandhi)

संसदेतील कथित धक्काबुक्की प्रकरणानंतर काँग्रेस आणि भाजपच्या खासदारांनी एकमेकांविरोधात संसद मार्ग पोलिस ठाण्यात तक्रारी दाखल केल्या आहेत. दरम्यान रात्री दिल्ली पोOलिसांनी राहुल गांधी यांच्यावर गुन्हा दाखल केला. धमकी देणे, जाणीवपूर्वक दुखापत पोहोचवणे यांसह इतर कलमे लावण्यात आली आहेत.

खासदारांवर निलंबणाची कारवाई ?

संसदेत आणि परिसरात निदर्शने करणाऱ्या खासदारांविरोधात लोकसभा अध्यक्ष कारवाईचा शक्यता आहे. अध्यक्षांच्या खुर्ची जवळ गेलेल्या आणि संसदेच्या मकर द्वार गेटजवळ धक्काबुक्की करणाऱ्या खासदारांवर निलंबनाची कारवाई होऊ शकते.  (Rahul Gandhi)

हेही वाचा :

0 comments
0 FacebookTwitterPinterestEmail
देश-विदेशराजकारणशंभर नंबरी

chautala passes away: हरियाणाचे माजी मुख्यमंत्री ओम प्रकाश चौटाला यांचे निधन

by प्रतिनिधी
written by प्रतिनिधी

चंदीगढ : इंडियन नॅशनल लोक दलाचे प्रमुख आणि हरियाणाचे माजी मुख्यमंत्री ओम प्रकाश चौटाला (वय ८९) यांचे शुक्रवारी हृदयविकाराच्या धक्क्याने गुरुग्राम येथे निधन झाले. माजी उपपंतप्रधान चौधरी देवी लाल यांचे ते पुत्र होत. (chautala passes away)

चौटाला यांना अभय सिंह चौटाला आणि अजय सिंह चौटाला यांच्यासह तीन मुली आणि दोन मुले आहेत. ओम प्रकाश चौटाला यांच्या पत्नी स्नेह लता यांचे ऑगस्ट २०१९ मध्ये निधन झाले. अभय सिंह चौटाला हे हरियाणाच्या एलेनाबाद मतदारसंघाचे आमदार आहेत. ओम प्रकाश चौटाला यांचे नातू दुष्यंत चौटाला हे जननायक जनता पक्षाचे नेते आहेत. त्यांनी हरियाणाचे उपमुख्यमंत्री म्हणून काम केले आहे. हिसार मतदारसंघातून ते लोकसभेवरही निवडून गेले होते.(chautala passes away)

१६ वर्षे जुन्या बेहिशेबी मालमत्ता प्रकरणात चौटाला यांना सीबीआयने चौटाला यांना चार वर्षांच्या तुरुंगवासाची शिक्षा सुनावली. त्यावेळी ते ८७ वर्षांचे होते. दिल्लीतील तिहार तुरुंगातील ते सर्वांत वयस्कर कैदी ठरले होते.

यावर्षी ५ ऑक्टोबर रोजी झालेल्या हरियाणा विधानसभा निवडणुकीच्या मतदानादरम्यान ओम प्रकाश चौटाला यांनी अखेरचे मतदान केले होते. सिरसाच्या चौटाला गावातील मतदान केंद्रावर त्यांनी मतदान केले होते.

हेही वाचा : 

स्फोटांमागे स्फोट; किंकाळ्या नि ज्वाळात लपेटलेले लोक
५० हजार लाचेच्या मागणीप्रकरणी दोन पोलिस अधिकाऱ्यासह कॉन्स्टेबलवर गुन्हा

 

0 comments
0 FacebookTwitterPinterestEmail
Nana Patole
महाराष्ट्रराजकारणविधानसभा निवडणूक

Nana Patole : बीडमधील गुंडगिरीत सहभागी मंत्र्याची हकालपट्टी करा

by प्रतिनिधी
written by प्रतिनिधी

नागपूर; विशेष प्रतिनिधी : परभणी आणि बीड जिल्ह्यातील हिंसक घटना ह्या पुरोगामी महाराष्ट्राला आणि संताच्या भूमीला कलंक लावणाऱ्या आहेत. शिव, शाहू, फुले, आंबेडकर विचार संपवण्याचा हा प्रयत्न आहे. परभणीत पोलिसांच्या मारहाणीत सोमनाथ सुर्यवंशी यांचा झालेला मृत्यू हा पोलिसांनी केलेली हत्या आहे. या हत्येप्रकरणी जबाबदार पोलिसांवर अद्याप कठोर कारवाई का केली नाही? राजकीय आशिर्वादाने महाराष्ट्रात सुरु असलेल्या गुंडाराजचा कायमचा बिमोड करा, अशी मागणी काँग्रेसचे प्रदेशाध्यक्ष नाना पटोले यांनी केली आहे. (Nana Patole)

विधानसभेत परभणी आणि बीड जिल्ह्यातील घटनांवरील चर्चेत बोलताना त्यांनी सरकारचे वाभाडे काढले. ते म्हणाले की, महायुतीच्या अडीच वर्षांच्या काळात राज्यात गुंडगिरीला संरक्षण देण्याचा प्रयत्न झाला आहे. बीडमधील वाल्मिक कराडवर ३०२ सारखे गंभीर गुन्हे दाखल आहेत, त्याला पोलीस संरक्षण दिले, त्याला पोलीस संरक्षण देण्याची शिफारस करणारा कोण? त्याला कशासाठी पोलीस संरक्षण दिले? परळीत आंधळे व गीते यांच्यात गोळीबार झाला. त्यात गीते यांचा मृत्यू झाला, या प्रकरणात वाल्मिक कराडचा संबंध आहे. या घटनेवेळी पीआय महाजन व पाटील नावाचे पीएसआय त्या भागात कार्यरत होते. सरपंच संतोष देशमुख यांची हत्या झाली, त्या केज विभागात हेच महाजन व पाटील पोलीस विभागात कार्यरत आहेत. वाल्मिक कराडच्या आदेशाने पोलीस विभागातील बदल्या होत आहेत का? बीडची घटना अत्यंत गंभीर असून त्याला राजकीय आशिर्वाद आहे. मंत्रिमंडळातील एक मंत्री यात सहभागी आहे अशी चर्चा आहे, त्या मंत्र्याला मंत्रिमंडळातून बाहेर केले पाहिजे. (Nana Patole)

परभणीची घटना ही कोरेगाव भीमासारखीच आहे. घटना घडल्याच्या दुसऱ्या दिवशी शेकडो लोक रस्त्यावर जमा झाले, दुकाने बंद झाली. पोलिसांनी घटना घडली त्यावेळीच योग्य ती कारवाई केली असती तर पुढील घटना घडल्या नसत्या. परभणीत पोलिसांनी कोंबिंग ऑपरेशन करुन निरपराध लोकांवर लाठीचार्ज केला, पोलिसांना लाठीचार्जचे आदेश कोणी दिले? परभणीतील घटना सरकार प्रायोजित होती का? असा प्रश्न उपस्थित होत आहे, असे पटोले म्हणाले. (Nana Patole)

सोमनाथ सुर्यवंशी हा पोलीस लाठीचार्जचा व्हीडिओ शूट करत होता. त्यावेळी पोलिसांनी त्याला अटक केली व पोलीस कोठडीत बेदम मारहाण केली, सुर्यवंशी यांची हत्या पोलिसांनी केली पण सरकारने अद्याप एकाही पोलिसावर कारवाई केली नाही. बीडच्या घटनेत वाल्मिक कराडच्या सांगण्यावरून दोन दिवसांत २०० खोटे गुन्हे दाखल केले आहेत, तोच शासन चालवतो. पोलीस काय करतात?

पवईतील जयभीमनगर झोपडपट्टी ऐन पावसाळ्यात मुंबई महापालिका, बिल्डर हिरानंदानी आणि पोलिसांच्या मदतीने तोडून टाकली. या प्रकरणी सरकारने नेमलेल्या एसआयटीच्या अहवालात पोलीस, बीएमसी प्रशासन आणि बिल्डर हिरानंदानीला दोषी ठरवले आहे, पण आजही त्यांच्यावर कारवाई केली नसल्याचे पटोले यांनी निदर्शनास आणून दिले.

हेही वाचा :

0 comments
0 FacebookTwitterPinterestEmail
Amit Shah
देश-विदेशराजकारणराष्ट्रीय

Amit Shah : अमित शहांविरोधात दोन विशेषाधिकार नोटिसा

by प्रतिनिधी
written by प्रतिनिधी

नवी दिल्ली : भारतरत्न डॉ. बाबासाहेब आंबेडकर यांच्याबद्दल संसदेच्या सभागृहात आक्षेपार्ह विधान केल्याबद्दल गृहमंत्री अमित शाह यांच्याविरोधात तृणमूल काँग्रेस आणि काँग्रेसने दोन स्वतंत्र विशेषाधिकार नोटिसा बजावल्या आहेत. तृणमूल काँग्रेसचे खासदार डेरेक ओब्रायन यांनी लोकसभेत तर राज्यसभेत विरोधी पक्षनेते आणि काँग्रेस अध्यक्ष मल्लिकार्जुन खरगे यांनी नोटीस दिली आहे. दरम्यान, विरोधी पक्षांनी गुरुवारी एकत्र येत अमित शाह यांच्या राजीनाम्याची मागणी केली. यावेळी जोरदार घोषणाबाजी करण्यात आली. (Amit Shah)

संसदेबाहेबर इंडिया आघाडीतील खासदारांनी लोकसभेचे विरोधी पक्ष नेते खासदार राहुल गांधी यांच्या नेतृत्वाखाली आंदोलन केले. समाजावादी पक्षाचे खासदारही यामध्ये लाल टोप्या परिधान करून सहभागी झाले होते. यावेळी राहुल गांधी यांनी नेहमीचा पांढरा शर्ट परिधान करण्याऐवजी निळा टी शर्ट परिधान केला होता.

राम गोपाल यादव यांच्यासह सपा खासदार लाल टोप्या घालून संसद आवारात स्वतंत्र निदर्शने करत होते. राहुल गांधी यांनी त्यांच्याशी हस्तांदोलन केले. त्यानंतर इंडिया आघाडीच्या आंदोलनाच्या ठिकाणी एकत्र आले. (Amit Shah)

दरम्यान, त्याच वेळी, तृणमूल काँग्रेसने त्यांच्या एका व्हॉट्सॲप ग्रुपवर वंचित बहुजन आघाडीचे नेते आणि आंबेडकरांचे नातू प्रकाश आंबेडकर यांनी तृणमूल काँग्रेसचे राज्यसभेचे नेते डेरेक ओब्रायन यांचे आभार मानले. बाबासाहेबांबद्दल अवमानास्पद वक्तव्य केल्याबद्दल शाह यांच्याविरुद्ध विशेषाधिकार नोटीस दिल्याबद्दल प्रकाश आंबेडकर यांनी त्यांचे आभार मानल्याची ट्विट तृणमूलने पोस्ट केली.

आम आदमी पार्टी (आप) प्रमुख अरविंद केजरीवाल यांनी टीडीपी प्रमुख आणि आंध्र प्रदेशचे मुख्यमंत्री एन. चंद्राबाबू नायडू आणि बिहारचे मुख्यमंत्री नितीश कुमार यांना पत्र लिहून शाह यांनी देशभरातील लाखो लोकांच्या भावना दुखावल्या आहेत. बाबासाहेबांना मानणारे आता भाजपला साथ देऊ शकत नाहीत, असे लोकांना वाटू लागले आहे,’असे म्हटले आहे.

बाबासाहेब केवळ एक नेतेच नाहीत तर ते राष्ट्राचा आत्मा आहेत. भाजपने त्यांच्याविरोधात विधान केले आहे. आआ तरी तुम्ही या विषयावर सखोल चिंतन कराल, अशी लोकांची अपेक्षा आहे, असे केजरीवाल यांनी नायडू आणि नितीश यांना पाठवलेल्या पत्रात म्हटले आहे. (Amit Shah)

अदानीवरून लक्ष विचलीत करण्याचा प्रयत्न

दरम्यान, नरेंद्र मोदी यांचे मित्र गौतम अदानी यांच्याविरोधात अमेरिकेत गुन्हा दाखल करण्यात आला आहे. मोदी या आपल्या मित्रांना हिंदूस्थान विकू पाहत आहेत, हा महत्त्वाचा मुद्दा आहे. त्यावर चर्चा झाली पाहिजे, अशी आमची महत्त्वाची आणि प्रमुख मागणी आहे. मात्र मोदी-शाह यांना त्यावर चर्चा नको आहे. त्यामुळे मूळ मुद्द्यावरून लक्ष विचलीत करण्याचे प्रयत्न सुरू आहे. गृहमंत्री अमित शाह यांचे डॉ. बाबासाहेब आंबेडकरांबद्दल वक्तव्य आणि गुरुवारी सकाळी संसदेबाहेर झालेली धक्काबुक्की हे त्या प्रयत्नाचेच भाग आहेत, असा आरोप लोकसभेचे विरोधी पक्ष नेते खासदार राहुल गांधी यांनी केला.

हेही वाचा :

0 comments
0 FacebookTwitterPinterestEmail
Ram Shinde
महाराष्ट्रराजकारण

राम शिंदे यांची विधान परिषद सभापतीपदी निवड

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : राज्याच्या विधान परिषदेच्या सभापतीपदी भाजप नेते राम शिंदे यांची बिनविरोध निवड झाली. यानंतर मुख्यमंत्री देवेंद्र फडणवीस यांनी विरोधकांचे आभार मानले. २९ महिन्यांपासून विधान परिषदेचे सभापतीपद रिक्त होते. यावेळी उपसभापती निलम गोऱ्हे यांनी सभागृहाचे कामकाज पाहिले होते. परंतु, आता विधान परिषदेचे कामकाज काम राम शिंदे पाहणार आहेत. (Ram Shinde)

महाराष्ट्र विधानसभा निवडणुकीत बहुमत मिळाल्यानंतर महायुतीने देवेंद्र फडणवीस यांच्या नेतृत्वाखाली सरकार स्थापन केले. यानंतर मत्रिमंडळाचा विस्तारही झाला. यावेळी ३३ कॅबिनेट आणि ६ राज्यमंत्र्यांनी शपथ घेतली. यानंतर विधानसभा सभापतीपदी राहुल नार्वेकर यांची दुसऱ्यांदा निवड झाली. महाविकास आघाडीने विधान सभा आणि विधान परिषदेच्या निवडीत सहभाग घेतला नाही. त्यामुळे विधानसभेच्या सभापतीपदी राहुल नार्वेकर यांची निवड बिनविरोध निवड झाली. तर, विधान परिषदेच्या सभापतीपदी राम शिंदे यांची निवड करण्यात आली.

यानंतर राम शिंदे यांनी सभापती पदाची जबाबदारी स्वीकारताना सर्वांचे आभार मानले. यावेळी तर मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार यांच्यासोबत विरोधीपक्ष नेते अंबादास दानवे उपस्थित होते. मुख्यमंत्री देवेंद्र फडणवीस यांनी विधान परिषदेच्या सभापतीपदी राम शिंदे यांची बिनविरोध निवड झाल्यानंतर विरोधकांचे आभार मानले. (Ram Shinde)

कोण आहेत राम शिंदे?

२००९ साली कर्जत-जामखेड विधानसभा मतदार संघातून निवडून आले होते. यानंतर २०१४ आणि २०१९ च्या निवडणुकीत रोहित पवार यांनी त्यांचा पराभव केला होता. याआधी ते फडणवीस यांच्या मंत्रिमंडळात गृहराज्यमंत्री (ग्रामीण) म्हणून जबाबदारी पार पाडली.

हेही वाचा :

0 comments
0 FacebookTwitterPinterestEmail
Amit Shah
देश-विदेशराजकारणराष्ट्रीय

Amit Shah : अमित शाहांच्या वक्तव्याचे संसद, विधानसभेत तीव्र पडसाद

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : केंद्रीय गृहमंत्री अमिक शाह यांनी डॉ. बाबासाहेब आंबेडकर यांच्याबद्दल केलेल्या वक्तव्याचे देशात तीव्र पडसाद उमटत आहेत. यासह देशात आणि राज्यात सध्या हिवाळी अधिवेशन सुरू आहे. या दरम्यान केंद्रीय मंत्री अमित शाह यांनी केलेल्या वक्तव्यावरून संसदेत ‘इंडिया’ आघाडी तर विधानसभेत ‘मविआ’ आक्रमक झाली आहे. (Amit Shah)

केंद्रीय गृहमंत्री अमित शाह यांनी डॉ. बाबासाहेब आंबेडकर यांच्याबद्दल केलेल्या वक्तव्याचा निषेध करण्यासाठी इंडिया आघाडीतील खासदारांनी संसद परिसरात आंदोलन केले. संसद परिसरातील डॉ. बाबासाहेब आंबेडकरांच्या पुतळ्याजवळ इंडिया आघाडीने निषेध व्यक्त केला. आंदोलनात सहभागी झालेल्या खासदारांनी निळ्या रंगाचा पोशाख परिधान केले होते. यावेळी खासदारांनी ‘I am Ambedkar’, ‘मैं भी अंम्बेडकर’असे फलक घेऊन जोरदार निदर्शने केली. दरम्यान डॉ. बाबासाहेब आंबेडकरा यांच्या वक्तव्याबद्दल केंद्रीय गृहमंत्री अमित शाह यांनी माफी मागत राजीनामा द्यावा अशी मागणी खासदारांनी केली. यावेळी संसदेचे विरोधी पक्षनेते काँग्रेस खासदार राहुल गांधी, प्रियंका गांधी, खासदार संजय राऊत यांच्यासह अन्य इंडिया आघाडीतील खासदार उपस्थित होते.

राज्य विधिमंडळात तीव्र पडसाद

गृहमंत्री अमित शहा यांच्या संसद सभागृहातील वक्तव्याचे पडसाद राज्याच्या हिवाळी अधिवेशनातही दिसून आले. अमित शाह यांच्या वक्तव्याचा निषेध व्यक्त करण्यासाठी महाविकास आघाडीच्या आमदारांनी संविधान चौक ते विधानभवनापर्यंत निषेध रॅली काढली. यावेळी महाविकासा आघाडीच्या आमदारांनी केंद्रीय मंत्री अमित शाह यांच्या वक्तव्याचा निषेध करण्यासाठी निळा रंगाची टोपी आणि निळ्या रंगाचे स्कार्फ परिधान केले होते. . यावेळी मविआचे आमदार उपस्थित होते. (Amit Shah)

गृहमंत्री अमित शाहांनी आरोप फेटाळले

संसदेत मी केलेले वक्तव्यसंसदेच्या रेकॉर्डवर आहे. त्यामध्ये डॉ. बाबासाहेब आंबेडकरांचा अपमान करण्याचा प्रश्नच नाही. मी किंवा माझा पक्ष स्वप्नातही तसा विचार करू शकत नाही, असे स्पष्टीकरण देत केंद्रीय गृहमंत्री अमित शाह यांनी बाबासाहेब आंबेडकरांच्या प्रति कृतज्ञता व्यक्त केली.

हेही वाचा :

0 comments
0 FacebookTwitterPinterestEmail
देश-विदेशराजकारण

scuffle outside parliament संसदेबाहेर धक्काबुक्की

by प्रतिनिधी
written by प्रतिनिधी

नवी दिल्ली : संसदेच्या हिवाळी अधिवेशनादरम्यान गुरुवारी भाजप आणि काँग्रेस खासदारांमधील कथित धक्काबुक्कीच्या प्रकारामुळे आरोप-प्रत्यारोपाची राळ उठली आहे. काँग्रेस खासदार राहुल गांधी यांनी एका खासदाराला ढकलले. तो माझ्या अंगावर पडला. त्यामुळे पायऱ्यावरून घसरून पडलो, असा आरोप भाजपचे खासदार प्रतापचंद्र सारंगी यांनी केला. तर भाजप खासदार मला संसदेत जाण्यापासून रोखत होते. धमकावत होते, असा आरोप लोकसभेतील विरोधी पक्षनेते राहुल गांधी यांनी केला आहे. (scuffle outside parliament)

केंद्रीय गृहमंत्री अमित शाह यांनी डॉ. बाबासाहेब आंबेडकर यांच्याबाबत केलेल्या वक्तव्यावर काँग्रेस आणि इंडिया आघाडीच्या खासदारांनी गुरुवारी रान उठवले. त्याला प्रत्युत्तर म्हणून डॉ. बाबासाहेब आंबेडकर यांचा अवमान केल्याचा आरोप काँग्रेसवर करत संसदेत भाजप खासदारांनी निषेध आंदोलन केले. यादरम्यान हा प्रकार झाला.(scuffle outside parliament)

नव्या संसदेच्या मकरध्वजद्वाराच्या परिसरात हा धक्काबुकीचा प्रकार घडल्याचे सांगितले जात आहे. प्रताप चंद्र सारंगी जखमी झाल्यानंतर भाजपच्या काही खासदारांनी मल्लिकार्जुन खर्गे आणि प्रियांका गांधी यांनाही धक्काबुक्की केल्याचे वृत्त आहे.

खासदार प्रताप सारंगी म्हणाले, मी पायऱ्यावर उभा होतो. राहुल गांधींनी एका खासदाराला माझ्या अंगावर ढकलले, त्यामुळे खाली पडलो आणि जखमी झालो. या घटनेनंतर प्रताप सारंगी यांना तातडीने रुग्णालयात दाखल करण्यात आले. त्यांच्यावर दिल्लीतील राम मनोहर लोहिया रुग्णालयात उपचार सुरु आहेत. भाजप खासदार मुकेश राजपूत यांना अतिदक्षता विभागात दाखल केले आहे. भाजप नेते पीयूष गोयल, धर्मेंद्र प्रधान, शिवराज सिंह चौहान आणि प्रल्हाद जोशी हॉस्पिटलमध्ये पोहचले आहेत.(scuffle outside parliament)

केंद्रीय गृहमंत्री अमित शाह यांच्याविरोधात इंडिया आघाडीकडून संसदेत आंदोलन करण्यात आले. अमित शाह यांनी माफी मागावी आणि पदाचा राजीनामा द्यावा यासाठी इंडिया आघाडीचे आंदोलन सुरु आहे. धक्काबुक्कीच्या घटनेनंतर इंडिया आघाडीचे खासदारही आक्रमक झाले आहेत. विरोधी पक्षाचे खासदारांनी मकरद्वाराच्या भिंतीवर चढून आंदोलन सुरू केले.

भाजप खासदार धमकावत होते : राहुल गांधी

धक्काबुक्कीच्या आरोपावर बोलताना राहुल गांधी म्हणाले, मी संसदेच्या प्रवेशद्वारातून आत जाण्याचा प्रयत्न करत होतो. त्यावेळी भाजप खासदार मला रोखण्याचा प्रयत्न करत होते. मला धमकावत होते, त्यावेळी हा प्रकार घडला. मला संसदेत जाण्याचा अधिकार आहे. भाजप संविधानावर आक्रमण करत आहे, हा मूळ मुद्दा आहे, असे राहुल गांधी यांनी म्हटले. काँग्रेस खासदार माणिकम टागोर यांनी या प्रकारानंतर भाजपवर टीकास्त्र सोडले. त्यांनी म्हटले की, आम्ही याबाबत लोकसभा अध्यक्षांची भेट घेणार आहोत. तत्पूर्वी संसद परिसरात राहुल गांधी आणि प्रियांका गांधी यांच्या नेतृत्त्वाखाली इंडिया आघाडीच्या खासदारांनी निषेध मोर्चा काढला.

काँग्रेसचे लोकसभा अध्यक्षांना पत्र  

दरम्यान, काँग्रेस खासदार केसी वेणुगोपाल, के. सुरेश आणि मणिकम टागोर यांनी लोकसभा अध्यक्ष ओम बिर्ला यांना पत्र लिहिले आहे. त्यात सत्ताधारी पक्षाच्या खासदारांनी राहुल गांधी यांना मारहाण केल्याचा आरोप केला. ‘… आम्ही मकरद्वार मार्गे संसदेत प्रवेश करण्याचा प्रयत्न करत असताना अडथळा आणले. खासदार राहुल गांधींना सत्ताधारी पक्षाच्या तीन खासदारांनी मारहाण केली,’ असे या पत्रात म्हटले आहे.

भाजपची राहुल गांधी यांच्या विरोधात तक्रार

भाजपने खासदार राहुल गांधी यांच्याविरोधात पोलिसांत तक्रार दिली आहे.  खुनाच्या प्रयत्नासह अन्य गंभीर कलमाखाली त्यांच्यावर गुन्हा दाखल करावा, अशी मागणी केल्याचे भाजप खासदार अनुराग ठाकूर यांनी सांगितले.  तर भाजप खासदार फंगनॉन कोन्याक यांनी राहुल गांधी यांनी माझ्याशी गैरवर्तन केले, माझा अपमान केला. मला संरक्षण देण्यात यावे अशी मागणी त्यांनी राज्यसभेत केली.

हेही वाचा : 

आंबेडकर, आंबेडकर.. आंबेडकर…; त्याऐवजी देवाचे नाव घेतले असते सातवेळा स्वर्ग मिळाला असता!
भारतीय शेअर बाजाराला झटका

https://x.com/ANI/status/1869653844432667020?ref_src=twsrc%5Etfw%7Ctwcamp%5Etweetembed%7Ctwterm%5E1869653844432667020%7Ctwgr%5E5e42c56dcfbfbb9e8ce0fdccf1950f48687e37fb%7Ctwcon%5Es1_&ref_url=https%3A%2F%2Ftimesofindia.indiatimes.com%2Findia%2Fbjp-mps-were-pushing-me-rahul-gandhi-after-scuffle-outside-parliament-during-protest-latest-developments%2Farticleshow%2F116463678.cms

0 comments
0 FacebookTwitterPinterestEmail
Amit Shah
देश-विदेशराजकारणराष्ट्रीय

Amit Shah : आंबेडकर, आंबेडकर.. आंबेडकर…; त्याऐवजी देवाचे नाव घेतले असते सातवेळा स्वर्ग मिळाला असता!

by प्रतिनिधी
written by प्रतिनिधी

नवी दिल्ली : सध्या आंबेडकरांच्या नावे जप करण्याची जणू फॅशनच आली आहे. देवाच्या नावे एवढा जप केला असता तर सात वेळा स्वर्ग मिळाला असता, असे वादग्रस्त वक्तव्य केंद्रीय गृहमंत्री अमित शाह यांनी राज्यसभेत केले. त्यांच्या या वक्तव्याचा विरोधी पक्षांनी तीव्र शब्दांत निषेध केला. (Amit Shah)

शाह यांच्या वक्तव्याचे तीव्र पडसाद संसदेच्या दोन्ही सभागृहात उमटले. विरोधी सदस्यांनी शाह यांनी माफी मागावी, अशी मागणी करत जोरदार घोषणाबाजी केली. त्यामुळे गदारोळ उडाला. या गदारोळात लोकसभा आणि राज्यसभेचे कामकाज दिवसभरासाठी तहकूब करण्यात आले.

विरोधी पक्षनेते राहुल गांधी आणि वायनाडच्या खासदार प्रियांका गांधी यांच्यासह विरोधी पक्षांच्या खासदारांनी बुधवारी संसदेच्या आवारात अमित शाह यांनी यांच्या वक्तव्याविरोधात निदर्शने केली. तसेच त्याचा निषेधही केला. काँग्रेसचे अध्यक्ष मल्लिकार्जुन खर्गे, आपचे खासदार संजय सिंह आणि आरजेडीचे खासदार मनोज सिन्हा आदींनी आंदोलनात सहभाग घेतला. (Amit Shah)

शाह यांच्या वक्तव्यावरून भाजप आणि आरएसएसच्या नेत्यांना आंबेडकरांबद्दल किती द्वेष आहे ते दिसून आले. त्यांनी जाहीर माफी मागावी, अशी मागणीही यावेळी विरोधी पक्षाच्या खासदारांनी केली.

शाह यांनी माफी मागावी

काँग्रेसचे खासदार मल्लिकार्जुन खर्गे म्हणाले, ‘ शाह यांनी बाबासाहेब आंबेडकर आणि संविधानाचा अपमान केला आहे. बाबासाहेब आंबेडकरांच्या राज्यघटनेचा आदर करायचा नाही हे त्यांची मनुस्मृती आणि आरएसएसची विचारधारा स्पष्ट करते. त्यांच्या वक्तव्याचा आम्ही तीव्र निषेध करतो. त्यांनी आपल्या पदाचा राजीनामा देऊन देशातील जनतेची माफी मागितली पाहिजे.’ (Amit Shah)

मुखवटा गळून पडला

आंबेडकरांविषयी केलेल्या आक्षेपार्ह वक्तव्यामुळे भाजप आणि अमित शाह यांचा मुखवटा गळून पडला आहे. संविधानाची ७५ वर्षाची गौरवशाली परंपरा आहे. मात्र लोकशाहीच्या मंदिरातच शाह यांनी आंबेडकरांविरुद्ध अवमानास्पद टिपणी केली. त्यातून त्यांची आणि भाजपची जातीयवादी, दलितविरोधी मानसिकता स्पष्ट दिसते, अशा शब्दांत तृणमूल काँग्रेसच्या नेत्या आणि पश्चिम बंगालच्या मुख्यमंत्री ममता बॅनर्जी यांनी अमित शाह यांच्यावर प्रहार केला आहे. लोकसभेत त्यांच्या २४० जागाच आहेत. असे असताना त्यांचे वर्तन आक्षेपार्ह आहे. मग ४०० जागांचे त्यांचे स्वप्न साकार झाले असते तर देशाचे किती नुकसान झाले असते, याची कल्पना केलेली बरी. डॉ. आंबेडकरांचे योगदान पूर्णपणे पुसून टाकण्यासाठी त्यांनी इतिहासाचे पुनर्लेखन केले असते, अशी भीतीही बॅनर्जी यांनी ‘एक्स’वर पोस्ट करीत व्यक्त केली आहे.

काँग्रेस स्वत:चे पाप लपवू शकत नाही : मोदी

दरम्यान, शाह यांच्याविरोधात आंदोलन करणाऱ्या काँग्रेसचा पंतप्रधान नरेंद्र मोदी यांनी चांगलाच समाचार घेतला. ‘काँग्रेस स्वत:चे पाप लपवू शकत नाही. त्यांनी अनेक वर्षे केलेली गैरकृत्ये लपून राहतील, असे त्यांना वाटत असेल तर ते गंभीर चूक करत आहेत,’ अशा शब्दांत मोदी यांनी काँग्रेसला प्रत्युत्तर दिले. भारतीय संविधानाच्या शिल्पकाराचा काँग्रेसने सातत्याने अवमान केल्याचा पुनरूच्चारही त्यांनी केला.

एका घराण्याच्या नेतृत्वाखालील पक्षाने डॉ. आंबेडकरांचा वारसा नष्ट करण्यासाठी आणि अनुसूचित जाती/जमातींना अपमानित करण्यासाठी दरवेळी घाणेरडे राजकारण केले, ते भारतातील जनतेने वेळोवेळी पाहिले आहे. काँग्रेसने निवडणुकीत दोनदा आंबेडकरांचा पराभव केला. पंडित जवाहरलाल नेहरूंनी त्यांच्या विरोधात प्रचार केला. काँग्रेसने त्यांना भारतरत्न नाकारला, याकडेही मोदी यांनी लक्ष वेधले.

हेही वाचा :

0 comments
0 FacebookTwitterPinterestEmail
Nana Patole file photo
महाराष्ट्रराजकारण

डॉ. बाबासाहेब आंबेडकरांच्या अवमानाबद्दल अमित शाहांनी देशाची माफी मागावी

by प्रतिनिधी
written by प्रतिनिधी

नागपूर; विशेष प्रतिनिधी : केंद्रीय गृहमंत्री अमित शहा यांनी संसदेत डॉ. बाबासाहेब आंबेडकर यांच्या नावाचा ज्या पद्धतीने उल्लेख केला तो अत्यंत आक्षेपार्ह आहे. भाजपाला देशाच्या संविधान निमार्त्याबद्दल किती राग आहे तेच बाहेर आले असून डॉ. बाबासाहेब आंबेडकर यांच्याबद्दल भाजपाचा खरा चेहरा जनतेच्या समोर आला आहे, अशी टीका काँग्रेसचे प्रदेशाध्यक्ष नाना पटोले यांनी आज (दि.१८) केली. (Nana Patole)

विधिमंडळ परिसरात पत्रकारांशी बोलताना ते म्हणाले की, महामानव डॉ. बाबासाहेब आंबेडकर यांच्याबद्दल केंद्रीय गृहमंत्री अमित शहा यांनी केलेल्या विधानाचा काँग्रेस पक्ष जाहीर निषेध करत आहे. त्यांनी सर्वांना जगण्याचा, व्यक्ती स्वातंत्र्याचा अधिकार दिला, त्यामुळेच आपण सर्वजण स्वाभिमानाने आपल्या देशात नांदत आहोत. भारतीय जनता पक्षाच्या मनात डॉ. बाबासाहेब आंबेडकर यांच्याबद्दल जी खदखद आहे. तीच त्यांच्या बोलण्यातून व्यक्त झाली आहे. अमित शहा यांनी डॉ. बाबासाहेब आंबेडकर यांचा अपमान केल्याने त्यांनी देशाची जाहीर माफी मागावी, अशी मागणीही पटोले यांनी केली.

विधानसभा अध्यक्ष व विधान परिषद सभापती यांची निवड बिनविरोध करण्याची परंपरा महाराष्ट्रात राहिली आहे. विधानसभेचा उपाध्यक्ष, परिषदेचा उपसभापती विरोधी पक्षांचा करण्याची परंपरा आहे. ती खंडीत झालेली आहे. यासंदर्भात मुख्यमंत्री फडणवीस यांच्याकडे भूमिका मांडली आहे. ते याबाबत सकारात्मक आहेत. सभागृह चालवण्यासाठी विरोधी पक्षनेता नाही अशी व्यवस्था योग्य नाही. शाहू, फुले, आंबेडकरांच्या महाराष्ट्रात विरोधी पक्ष नेता असला पाहिजे, त्यावर विधानसभा अध्यक्ष निर्णय घेतील अशी अपेक्षा आहे, असेही पटोले म्हणाले. (Nana Patole)

हेही वाचा :

0 comments
0 FacebookTwitterPinterestEmail
Amit Shah
महाराष्ट्रराजकारण

अमित शहांच्या वक्तव्याच्या निषेधार्थ ‘मविआ’ आमदारांचे ‘वॉक आऊट’

by प्रतिनिधी
written by प्रतिनिधी

नागपूर; विशेष प्रतिनिधी : संसदेत देशाचे गृहमंत्री अमित शहा यांनी राज्यघटनेचे शिल्पकार डॉ. बाबासाहेब आंबेडकर यांच्या विरोधात उद्गार काढल्यामुळे त्याचा निषेध व्यक्त करण्यासाठी विरोधी पक्षनेते अंबादास दानवे सभागृहात उभे राहिले. यावेळी  त्यांना बोलू न दिल्यामुळे आज (दि.१८) महाविकास आघाडीच्या आमदारांनी वॉक आऊट केले. (Amit Shah)

सभागृहात आम्ही गृहमंत्र्यांच्या उद्गारावर निषेध व्यक्त केला असता ते रेकॉर्ड वर यावे, यासाठी सभापती यांनी वेगळी भूमिका घेतली. गृहमंत्री यांचे उद्गार हे संविधान व डॉ. बाबासाहेब आंबेडकर यांच्या विचारांचा अपमान करणारे आहे. महायुती त्यांचा आदर करत नाही का? असा सवाल दानवे यांनी उपस्थित केला. विरोधी पक्षनेते राहुल गांधी यांचा मुद्दा राज्यातील सभागृहात उपस्थित केला जातो. मग गृहमंत्री यांच्या उद्गाराचा मुद्दा का उपस्थित केला जात नाही, असा सवाल करत दानवे यांनी निषेध व्यक्त केला.

हेही वाचा :

0 comments
0 FacebookTwitterPinterestEmail
Newer Posts
Older Posts
error: Content is protected !!
-
00:00
00:00

Queue

Update Required Flash plugin
-
00:00
00:00