पैसापाणी

नवी दिल्ली  : भारतातील आघाडीची हवामान अंदाज संस्था स्कायमेटने मान्सून २०२५ चा अंदाज जाहीर केला आहे. जून ते सप्टेंबर या काळात सरासरीच्या १०३ टक्के पाऊस पडेल, असा अंदाज वर्तवण्यात आला आहे. अंदाजात पाच ते सहा टक्के चढ उतार होण्याची शक्यता आहे. मान्सून काळात चार महिन्यांत ८६८.६  मिलिमीटर पाऊस पडेल अशी अपेक्षा व्यक्त केली आहे. चांगल्या पावसाच्या अंदाजाने शेतकरी वर्गाला दिलासा मिळणार आहे.  (Monsoon)

स्कायमेटचे जतिन सिंह म्हणाले, “ यावेळी ‘ला निना’ कमकुवत आणि कमी काळ राहणार आहे. तसेच पावसाला बाधा आणणारा एल निनो चा प्रभावही दिसणार नाही. एल निनो दक्षिणी दोलन (ENSO) न्यूट्रल राहील, ज्यामुळे मान्सूनला फायदा होईल. हिंदी महासागरातील स्थिती आणि सकारात्मक इंडियन ओशन डायपोल (IOD) यामुळे पाऊस चांगला राहण्याची शक्यता आहे.” मान्सूनच्या पहिल्या टप्प्यापेक्षा दुसऱ्या टप्प्यात (जुलै ते सप्टेंबर) पावसाचा जोर वाढेल, असाही अंदाज आहे. (Monsoon)

स्कायमेटनुसार, पश्चिम आणि दक्षिण भारतात चांगला पाऊस पडेल. केरळ, कर्नाटकचा किनारपट्टी भाग, गोवा आणि पश्चिम घाटात जास्त पाऊस अपेक्षित आहे. मध्य प्रदेश आणि महाराष्ट्रात पुरेसा पाऊस होईल, तर उत्तरेकडील राज्ये आणि पर्वतीय भागात सरासरीपेक्षा कमी पाऊस पडण्याची शक्यता आहे. (Monsoon)

जून महिन्यात सरासरीच्या ९६ टक्के पाऊस पडण्याची शक्यता आहे. जुलै महिन्यात सरासरीपेक्षा किंचित जास्त पाऊस पडण्याची शक्यता असून १०२ टक्के पावसाचा अंदाज वर्तवला आहे. ऑगस्ट महिन्यात सरासरीपेक्षा जास्त पाऊस पडणार आहे. या महिन्यात १०८ टक्के पाऊस पडणार आहे. सप्टेंबर महिन्यात १०४ टक्के पाऊस पडणार आहे. (Monsoon)

मान्सूनवर कशाचा परिणाम असतो

एल निनो आणि ला निना यांचा प्रभाव कमी असला तरी इंडियन ओशन डायपोल (IOD) सध्या प्रभावहीन आहे. तरीही त्याची सकारात्मक स्थिती मान्सूनच्या सुरुवातीला फायदेशीर ठरेल. चार महिन्यांपैकी अर्धा काळ उलटल्यानंतर मान्सूनला अधिक गती मिळेल. स्कायमेटच्या अंदाजाने शेतकरी आणि सर्वसामान्यांना दिलासा मिळाला असून, यंदा पाऊस चांगला राहण्याची आशा वाढली आहे.

• काय सांगतो स्कायमेटचा अंदाज…
• देशाच्या पश्चिम आणि दक्षिण भागात चांगला पाऊस
• मध्यप्रदेश आणि महाराष्ट्रत पुरेसा बरसणार
• पश्चिम घाट, प्रामुख्याने केरळ, कर्नाटक किनारपट्टीचा भाग आणि गोव्यात जास्त पाऊस होणार
• उत्तरेकडील राज्य आणि पर्वतीय भागात सरासरीपेक्षा कमी पावसाची शक्यता
• जून महिन्यात सरासरीच्या ९६ टक्के म्हणजे सामान्य पाऊस राहणार

हेही वाचा :

२६/११ चा मास्टरमाईंड राणाला आज भारतात आणणार?

 रेपो दर कपातीने कर्जदारांना दिलासा

नवी दिल्ली : प्रतिनिधी : जागतिक व्यापार युद्धाच्या पार्श्वभूमीवर रिझर्व्ह बँकेने रेपो दरात २५ बेसिक पॉईंटसची कपात केली आहे. त्यामुळे कर्जदारांना दिलासा मिळाला आहे. रेपो दर कमी झाल्याने गृह, वाहन आणि वयक्तिक कर्जावरील व्याज दर कमी होणार आहेत. तसेच ठेवीवरील व्याजदर कमी होणार आहेत. एकीकडे रेपो दरात कपात केली असली तरी स्वयंपाकाचा गॅस, सीएनजीमध्ये वाढ झाल्याने त्याचा फटकाही मध्यमवर्गीयांना बसणार आहे. (Repo rate)

रिझर्व्ह बँकेच्या सहा सदस्यीय चलनविषयक धोरण समितीने रेपो दर २५ बेसिक पॉईंटसने कमी करुन सहा टक्के करण्याचा निर्णय घेतला आहे. त्यामुळे कर्जावरील व्याजात कपात होणार आहे. त्याचा फायदा कर्जदारांना होणार आहे. अमेरिकन राष्ट्राध्यक्ष डोनाल्ड ट्रम्प यांनी टॅरिफ सुरू केल्याने जागतिक बाजारपेठेत त्याचे पडसाद उमटले आहे. या पार्श्वभूमीवर सहा सदस्यीय एमपीसीने रेपो दरात कपात करण्याचा निर्णय घेतला आहे. मोठ्या प्रमाणात करवाढीमुळे महागाई वाढण्याची शक्यता असून जागतिक अर्थव्यवस्थेत घट होण्याची भिती असल्याने दर कपात करण्यात आली आहे. (Repo rate)

रिझर्व्ह बँकेचे गव्हर्नर संजय मल्होत्रा, जगात आर्थिक घडामोडी वेगाने वाढत आहेत. या वर्षाची २०२५ ची सुरुवातच चिंताजनक झाली आहे. काही जागतिक व्यापार संघर्ष प्रत्यक्षात येत आहेत. फेब्रुवारी २०२५ मध्ये पाच वर्षानंतर प्रथमच रेपो दरात २५ बेसिक पॉईंटने कमी केले होते. त्यानंतर अवघ्या दोन महिन्यात आज रेपो दरात कपात झाली आहे. (Repo rate)

जानेवारी फेब्रुवारी या कालावधीत महागाई सरासरी ३.९ टक्के आहे. आरबीआयच्या जानेवारी फेब्रुवारी या कालावधीत महागाईचा दर ३.९ आहे. आरबीआयच्या जानेवारी मार्च २०२५ च्या तिमाही अंदाजापेक्षा ती कमी आहे. आरबीआयने आर्थिक वर्ष २०२५ च्या चौथ्या तिमाहित ग्राहक किंमत आधारित महागाई ४.८ टक्के राहण्याचा अंदाज वर्तवला आहे. (Repo rate)

रेपो दरात २५ बेसिक पॉईंटची कमात करुन सहा टक्के केल्याने कर्जाचे दर कमी होतील. हा निर्णय कर्जदारांना दिलासा ठरणार आहे. गृह आणि वैयक्तिक कर्जावरील त्यांचे समान मासिक हप्ते २५ बेसिक पॉईंटने कमी होतील. (Repo rate)

जागतिक व्यापार युद्धाचे पडसाद सर्वत्र पडत आहेत. भारतात दोन दिवसापूर्वी स्वयंपाकाच्या गॅस सिलिंडर दरात ५० रुपयांची वाढ केली आहे. सीएनजी गॅस दरात वाढ केली आहेत. त्याचा फटका सर्वसामान्यांना बसणार आहे. पुढील काळात अन्य वस्तूं आणि सेवा महाग होण्याची शक्यता आहे. (Repo rate)

हेही वाचा :

: ‘फुले’ चित्रपटावर ब्राह्मण महासंघाने घेतलेले आक्षेप कितपत योग्य?